المرمطــــــــون - قصة واقعية تحرق الدم

[se_ Elsyed]

وبعدين فيه حاجة اسمها (Salary Range) ودي بيكون صاحب العمل مخطط لها من قبل ما يقول ان فيه وظيفة في الاساس

يعني حتلبسه بدله مستوردة وتحط له بارفانات الدنيا وتلمع الشوز برضه مش حيزود علي الرانج اللي هو مخطط له...

أتفق معك في الكلام ده يا ياسر

إذا

إذا كنت بتتعامل مع شركة محترمة لها سياسة واضحة في تحديد الرواتب طبقاً لمعايير علمية وعملية ..

لكن للأسف يا عزيزي ما يحدث في وطننا العربي كله - إلا من رحم ربي - هو العجن بعينه

وأخص بالذكر كثير من شركاتنا في مصر .. وكثير من الشركات في الخليج ..

وأظن اللي إشتغلوا هنا عارفين كده .. وعارفين إن لا في سلم رواتب ولا يحزنون وإن الموضوع بيعتمد على الفتونة وفرد الدراع .. أو زي ما بنقول بالبلدي على الداخلة الأولانية ... يعني بدات صح وكبير يبقى هاتفضل كبير ...

وأنا شخصياً أُعاني من هذه الدخله حتى الآن .. لإني إشتغلت معهم في بداية حياتي وكنت لسه خريج حديث .. ولكن تدرجت بفضل من الله في الوظائف حتى وصلت إلى ما أنا فيه ..

لكن عارف لما يحصل خلاف في العمل بيني وبيني أصحاب الشركة . تلاقيه أول حاجة يقولها لك " إنت ناسي إنت إنت باديء معانا صغير " وكأنه تاريخ إسود يجب أن تتبرأ منه أو يجب أن تبدأ كبير من اول حياتك ....

إذا ً ما أود أن أقوله هو " هناك فرق كبير عندما نجلس ونتحدث جميعاً عن قواعد أكاديمية وعلمية .. وبين ما يحدث على أرض الواقع وفي سوق العمل "

[MZohairy]

وبعدين فيه حاجة اسمها (Salary Range) ودي بيكون صاحب العمل مخطط لها من قبل ما يقول ان فيه وظيفة في الاساس

يعني حتلبسه بدله مستوردة وتحط له بارفانات الدنيا وتلمع الشوز برضه مش حيزود علي الرانج اللي هو مخطط له...

أتفق معك في الكلام ده يا ياسر

إذا

إذا كنت بتتعامل مع شركة محترمة لها سياسة واضحة في تحديد الرواتب طبقاً لمعايير علمية وعملية ..

لكن للأسف يا عزيزي ما يحدث في وطننا العربي كله - إلا من رحم ربي - هو العجن بعينه

وأخص بالذكر كثير من شركاتنا في مصر .. وكثير من الشركات في الخليج ..

وأظن اللي إشتغلوا هنا عارفين كده .. وعارفين إن لا في سلم رواتب ولا يحزنون وإن الموضوع بيعتمد على الفتونة وفرد الدراع .. أو زي ما بنقول بالبلدي على الداخلة الأولانية ... يعني بدات صح وكبير يبقى هاتفضل كبير ...

إذا ً ما أود أن أقوله هو " هناك فرق كبير عندما نجلس ونتحدث جميعاً عن قواعد أكاديمية وعلمية .. وبين ما يحدث على أرض الواقع وفي سوق العمل "

محدش يا أحمد يقدر يفهم النقطه دي كويس الا اللي اشتغلوا في الخليج وخصوصا السعوديه وخصوصا اللي اتنقلوا من مكان لمكان بحثا عن الفرصه الأفضل و بقى عندهم خبره في كيفية السيطره على الراجل اللي بيعملك انترفيو مهما كان

بالاضافه الى العلم والخبره لازم يكون المظهر قوي و شخصيه قويه

لو ده موجود و كنت مفاوض ناجح و واثق من نفسك ( ومش مزنوق ماديا) تأكد انك حتاخد اعلى حاجه يقدر يديهالك صاحب العمل ان مكانش اكتر

[yasser6666]

لكن عارف لما يحصل خلاف في العمل بيني وبيني أصحاب الشركة . تلاقيه أول حاجة يقولها لك " إنت ناسي إنت إنت باديء معانا صغير " وكأنه تاريخ إسود يجب أن تتبرأ منه أو يجب أن تبدأ كبير من اول حياتك ....

طب ليه يا أبو السيد مازلت مستمر في نفس الشركة

هنا في قاعدة وظيفية اعتبرها ناجحة جدا وهي (المكان اللي اتعلمت فيه ماينفعش تشتغل فيه)

وعادة تجد أي خريج جامعة جديد مثلا يلزمه شوية خبرة فيقوم يلتحق بعمل في شركة معينة وبصراحة بيقرف الناس اللي بيشتغل معاهم لأنه بيسأل سؤال كل خمس دقائق وعاوز يعرف كل صغيرة وكبيرة

وبالتالي مابيكونش له أي كارزما في الوظيفة نفسها والكل يبص له انه كان بيتعلم علي ايدهم حتي ولو بعد سنتين

وعلشان كده دايما الشخص ده بيترك العمل ولو مبسوط فيه جدا ولكن علشان الناس اللي شغالين معاه فاقسينه !!!

انما لما يلتحق بعمل تاني وداخل جديد و فرش وعنده شوية خبرة ممكن يكون له فرصة للصعود في السلم الوظيفي بدرجة أفضل

.

طبعا أنا مش عارف ظروف السعودية ايه من الكلام ده ولكن أكيد فيه نقل للكفالة في حالة تغيير الشركة مثلا

وأكيد فرصتك حتكون أفضل علي المدي الطويل

فكر كده وبلغني ايه رأيك في الكلام ده؟؟

[se_ Elsyed]

فكر كده وبلغني ايه رأيك في الكلام ده؟؟

كلام جميل وكلام موزون .. ما أقدرش أقول حاجه عنه

لكن إنت طلعت خبره وعارف إن في حاجة إسمها كفالة ...

وجميع شركات السعودية دلوقت عندها ازمة حقيقية في تأشيرات العمل .. وتقريباً ماحدش بقى ييجي من بره إلا نادراً لوجود بطالة داخلية وبالتالي الأولوية للسعوديين وأصبحت وزارة العمل تضع عراقيل في طريق أي شركة تُريد الحصول على تأشيرات عمل جديدة للأجانب ..

لذلك كل صاحب عمل يقولك إني ما أتنازلش عن موظفيني الخبرة واللي شايلين الشُغل تحت أي ظروف .. وأنا عندي أدبحهم وأرميهم للقطط على إن شركة تانية تاخدهم على الجاهز .

المكان اللي اتعلمت فيه ماينفعش تشتغل فيه

أتفق معك تماماً إتفاق كُلي وجزئي ومتوازي الأضلاع في المقولة دي اللي شاهدتها بعيني في حالات كثيرة .. ولو أُتيحت لأي فرصة إن ينفذها فلا يتردد .

[الغريب]

الموضوع ده رااائع بجد

نشكرا أولا الأخت ضحى على رفعها الموضوع المقابل للفاضل أسد

مشاركة عجبتني في الموضوع ده للأخ اللي مفتقدينه mzohairy

حسب خبرة 13 سنه في السعوديه

أنت لخصت الفرق بين المصريين واللبنانيين!!!!!!!

اللبناني ساعات مبيبقاش لاقي ياكل

بس ييجي الانتر فيو حاطط احلى ايف سا لورا واحلى بدله (ممكن يكون سالفهم) وحاطط رجل على رجل ويتنك ويطلب اجر اغلى من اللي يستاهله وبياخده في الآخر

كل ما صاحب العمل لقاك مزنوق و حالتك بالبلا ينقصلك في العرض

والعكس صحيح

اللهم لا تؤاخذنا بما فعل السفهاء منا !!!!! :D

المشاركة دي لخصت حاجات كتييييير أوي منها مقابلة من أسبوع مع تاكسجي سوري قالي كلمة صعبة بس ممكن تكون صحيحة نسبيا ، قالي (المصريين هما اللي رخصوا راتب العربي بالخليج) ، وأقسملي أنه طرد واحد مصري من التاكسي بتاعه لما عرف أنه رضي براتب 40 دينار في الشهر -تخيلوا 40 دينار - بحجة أن صاحب العمل هيعملوا الإقامة...

[Diab]

افتكرت مشهد احمد زكي لما شال الشيكارة في فيلم ايام السادات

حكاية المرموطن دي ثقافة حتي لرئيس الجمهورية

[عادل أبوزيد]

يعود هذا الموضوع الى ١٧ سنة مضت ؛ اكيد تصفحته من قبل … كنت اتعجب من المشاكل مثل خريج جامعة  يبحث عن تأشيرة "راعي غنم" !

اكيد هناك شئ خطأ  و هناك من لا يقتني دولاب  و يعلق الملابس على مسمار في الحائط 

العائدون من الخارج  اي خارج حتى لو كان من اليمن او افغانستان  تكونت منهم شبه طبقة اجتماعية متخصصة في الفسادو التسلق الوظيفي