عشة الفراخ

[Sherief AbdelWahab]

الاقتصاد ليس بورصة فقط ، الاقتصاد فيه كل حاجة ، حتى الفراخ..

اللي حصل في موضوع أنفلونزا الطيور فتح ملف الثروة الداجنة في مصر ، وملف مزارع الدواجن , وعشش الفراخ فوق السطوح ، الضحية الأولى لأنفلونزا الطيور..

هل الأصل في الأشياء أن كل شخص حر حرية مطلقة في أن يربي فراخ فوق أي سطح؟ بنتكلم عن المفروض مش اللي بيحصل..

هل الإجراءات الحكومية التي اتخذت بحق عشش الفراخ ظالمة ؟ أم أنه حان الوقت لإيجاد نوع من التنظيم الحقيقي لتداول الدواجن في مصر؟

لماذا تشهد تربية الفراخ بالذات وعلى نطاق ضيق سلسلة طويلة من الاستسهال ، بدون أدنى اهتمام بحالة الفراخ الصحية نفسها ؟ ألم يكن محتملاً أن تتعرض الفراخ لـ "فرة" أو "شوطة" في أي وقت وزمن؟

هل من الممكن تبقى عشش الفراخ منظمة عن كدة؟

عشة الفراخ .. مسألة حجم ولا مسألة دخل ولا مسألة تنظيم ولا مسألة ثقافة مجتمع؟

خلص الكلام

[khedr]

عشه الفراخ

من منطلق اقتصادي بحت .....

فعلا ذات اهميه قصوي...خصوصا لحالات الدخل المنخفض الذي يعاني منه معم ابناء ذلك المجتمع

لكن من المنطلق ...

الصحي ..والتنظيمي ...والبيئ......تحتاج الي مراجعه

الفراخ والطيور في القري وبيوت اهالينا واخواننا الفلاحين...

تعتبر بنك الادخار ..والتوفير.. والغذاء الاول... بالنسبه للفلاح المصري...

ننادي بعوده العشه ولكن بقواعد وضوابط يتعلمها الناس

علموا الناس

علموا الناس ما ينفعهم ..ولا يضرهم

علموا الناس كيف يستفيدوا من اوقاتهم ..وفراغهم..وبطالتهم

وساعتها ...مش هتقدر تغمض عينيك

[Sherief AbdelWahab]

الاعتراف بالخطأ فضيلة..

أعترف أولاً بأنني غير موفق في طريقة عرض بعض المواضيع بصورة قد تجعل هناك إحجاماً عن نقاشها..

وأجد نفسي أتأمل في ما قاله الزميل خضر ، والذي كنت أختلف مع رأيه في ذلك الموضوع :

الفراخ والطيور في القري وبيوت اهالينا واخواننا الفلاحين...

تعتبر بنك الادخار ..والتوفير.. والغذاء الاول... بالنسبه للفلاح المصري...

ننادي بعوده العشه ولكن بقواعد وضوابط يتعلمها الناس

ثم قرأت بإمعان ظروف وملابسات حالتي أنفلونزا الطيور اللتين كشف عنهما..

الفلاحون لأبعد مدى متمسكون بالفراخ ، كانوا بيخبوهم من عينين الحكومة..وبالتأكيد فإن لتمسك هؤلاء بالفراخ منطقاً يجب أن يحترم..

الناس دي بتربي فراخ مش بس علشان الغذاء ، علشان أكل العيش كمان ، وما في سوق فيكي يا مصر إلا وفيه فلاحة غلبانة بتبيع فراخ وبيض ..

يعني دخلنا في منطقة الأرزاق وأكل العيش..

آه أنا بشدة مع إن كل حاجة تتعمل بالأصول ، إن العشش تتعمل على أساس صحي حقيقي علشان ما تتنقلش أنفلونزا الطيور أو أي أمراض أخرى ، لكن في المقابل إيه اللي ممكن تعمله الحكومة مع أصحاب العشش اللي خسروا الجلد والسقط؟ حتخليهم "يقلبوا" تلاجات زي بتوع الفراخ في المدن؟ ولا حتحدفلهم ملاليم ؟ ولا حتفكر بطريقة كونفوشيوس "إذا أردت أن تطعم رجلاً مرة أعطيه سمكة ، وإذا أردت أن تطعمه طول العمر علمه الصيد"؟

من الفلاحين .. مطلوب حبة تنظيم..

من الحكومة .. مطلوب شوية مراعاة..

خلص الكلام