خد الى بتحبه؟؟

[ريهام]

دايما نسمع جملة مشهورة قوى لما يتقدملنا احنا البنات واحد بيحبنا واحنا مش مقتنعين بيه خصوصا لو كنا بنحب واحد تانى نلاقى امنا العزيزة تقول يابنتى خدي الى بيحبك ومتخديش الى انت بتحبيه؟؟؟

انا بستغرب والله طب ماهو الراجل كمان عايز يتجوز الى بتحبوا وميتجوزش الى بيحبها وبالتالى كل واحد هيروح للي بيحبه بدل ماياخد الى بيحبها والى بتحبه دي هتجوز الى بيحبها بدل ماتجوز الى بتحبه وكل واحد يتجوز الى بيحبه طب مهو كدة محدش هيتجوز حد لان كل واحد فينا بيحب واحد وفى واحد تانى بيحبها والى بيحبها دا فى واحدة تانيه بتحبوا.....

يااااااااااااااااا تصورو انا تهت المهم انا برضه هتجوز الى بحبه رغم ان ماما مش مقتنعه ايه رايكم؟؟؟؟؟ :D :D

[الباشمهندس ياسر]

خد اللى بتحبك

و متخدش اللى انت بتحبها

كان فيه اعلان زماااااااان بيقول ايه

متخدش السهتانه.... ام كحله ولبانه......... تاكل وتعمل عيااااااانه

كمان كانوا بيقولوا ايه

ايه

ايه

مش فاكر

نبقى نقول بعدين

[ghallab]

لو اللى بتحبه بيحبها كان اتقدملها

[Emo]

ريهام..

الواحد بيعيش العمر مرة..لو مش هيعيشه مع حد بيحبه ..هيبقى ماعاشش..

نصيحتي ليكي..

لو ماقدرتيش ترتبطي باللي بتحبيه..ع الأقل ماترتبطيش بغيره لحد ماتسليك الأيام وتنسي..

والا هتكوني بتظلمي اللي ترتبطي بيه بدون حب قبل ظلمك لأي حد تاني..

أتمنالك السعادة..

[سهيلة]

ريهام العزيزة

مامتك عندها حق؟

لية ما تديش اللى بيحبك فرصة وتعرفية اكتر يمكن انتى كمان تعجبى بية

وصدقينى بعد كدة حبة ليكى هيغمرك وهتلاقى نفسك بتحبية

لان البنت بطبعها بتميل للرومانسية

وصدقينى اللى بيحبك دة هيحافظ عليكى وهيحطك ف برواز خاص جميل

يخاف عليكى ويظل يحبك

تفتكرى الست عاوزة اية اكتر من كدة

اتمنالك السعادة

[dongol]

يا ست ريهام سواء كان بيحبك او انتي اللي بتحبيه هي النتيجه واحده . شهر عسل و بعد كده عينيك ما تشوف اللي النور مش هتبقوا طايقين تبصوا في وش بعض

[بندق أفندى]

لو حبتك حية اتلفح بيها

يعنى لفها حوالين رقبتك .. تدربى المثل اللى مش جاى من فراغ

[Spanish Eyes]

ريهام ..... من الأخر خدي اللي بيحبك

دنجل .... كلامك صح نسبيا بس ليه تفتكر بيحصل كدة !!!!!!

[لولا]

يا ست ريهام سواء كان بيحبك او انتي اللي بتحبيه هي النتيجه واحده . شهر عسل و بعد كده عينيك ما تشوف اللي النور مش هتبقوا طايقين تبصوا في وش بعض

لأ مش معاك خالص ..

طالما الإختيار الأول كان بناء على اسس صح خلاص ... قد ما تحب حتتحب وقد ما تدى حتاخد والسعاده والحب دور بيبقى مقسوم بين انتين ومسؤوليه

مش طرف واحد هو بس اللى بيشلها ولا بيتسبب فى الفشل ولا ان التانى مش طايقه من غير سبب .

ليه بتقولو كده ؟؟

لولا

[dawn walker]

خدى اللى تقتنعى بيه....علشان انتى اللى تتحملى نتيجة اختيارك

[alsaher]

برأيي الحب أخذ وعطا ، وما يكونش من طرف واحد خالص

يعني لو قلنا إن الواحد يا خد اللي بيحبه ،

طيب ينفع يكون بيحبه بدون ما يكون الحب ده مردود له من الطرف التاني ؟؟

لو كان ما فيش حب من الطرف التاني يبقى اللي عايش الحياة دي ظالم نفسه ، وحرام بجد إنه يدي وما ياخدش

أما لو قلنا ناخد اللي يحبنا ..

طيب ينفع هو يحبنا وإحنا لا ؟؟ نكتفي بإننا ناخد وما نديش

برضو اللي عايش الحياة دي أناني جدا جدا

ممكن كفه تزيد عن كفه في الميزان ، يعني حته صغيره

لكن لازم الحب الحقيقي يبقى موجود من الطرفين

[dongol]

ريهام ..... من الأخر خدي اللي بيحبك

دنجل .... كلامك صح نسبيا بس ليه تفتكر بيحصل كدة !!!!!!

السبب الرئيسي في رأيي هو رتابه الحياه الزوجيه، يعني حتي لو زوجتك او زوجك بيحبك اكيد مع التعود مش هيكون في اللهفه اللي بتكون في فتره الخطوبه والامر هيصبح تعود لمجرد ان الحياه تستمر

[Spanish Eyes]

السبب الرئيسي في رأيي هو رتابه الحياه الزوجيه، يعني حتي لو زوجتك او زوجك بيحبك اكيد مع التعود مش هيكون في اللهفه اللي بتكون في فتره الخطوبه والامر هيصبح تعود لمجرد ان الحياه تستمر

كلامك للأسف مظبوط