إعتذار واجب

[Modest]

اعزائى و أصدقائى جميعاً .... أعضاءاً و إدارة.

اتقدم اليكم بخالص إعتذازى و أسفى فى نفس الوقت عن قيام أحد الأعضاء الذى تعرفونه جيداً بالزج بإسم موقعكم العزيز علينا جميعا و على قلبي بشكل خاص فى شكوى داخلية في منتدانا (و لن أذكر اسم المنتدى لحرصي على عدم الدعاية بدون إذن) . و لولا ثقتنا فى تفهمكم لدوافعه و أسبابه و ثقتنا فى انفسنا و فيكم و صحة تقديركم لدوافعنا فى عدم التدخل لقُمنا فوراً بالتعديل فى مداخلاته.

[عصفور طاير]

عروستي :blink:

[se_ Elsyed]

عزيزي الحساس جداً موديست

لا داعي للإعتذار يا أخي الكريم ..

فأنا أنتظر الإعتذار من أشخاص أكن لهم إحترام وحب ... وحتى هذا لا يُمكن أن أنتظرة أو أطلبه .. لإن لو في هناك مشاعر حب مُتبادلة بين طرفين فإذاً مشاعرنا ستتغلب على أخطاءنا

( قعدت ساعة عشان أكتب البؤين دول يا سلام شوف المزيكا مشاعرنا تتغلب على أخطاءنا )

وشوف يا موديست - شوية كلام في الصميم -

بدل ما تضيع فلوسك على البُمب والمراجيح وتكلم سين سين وغيره على الموبيل بالساعات عشان تعتذر عن خطأ أنت او غيرك من أحباءنا المحترمين في الهايد بارك لم ترتكبوه ولا يُمكن أن ترتكبوه ولا أتصور أو أفكر حتى إن حد فيكم يتناول المحاورات أو إخوته فيها بالسوء لسبب بسيط ، وهو إن معظمنا أعضاء هنا وفي الهايد بارك ...

قولوا معي

( عاش الهلال مع الصليب .. قصدي المحاورات والهايد بارك )

لذا أنصحك يا أخي الكريم

إنك توفر التكاليف دي كلها لحد ما جيلك جده قُريب في طريقي لإداء العُمره :blink: بإذن الله

مش هاتنازل عن وجبة فراخ من أم 10 ريال من عند البيك ... ده بالنسبة للطلب المحلي ..

أما السِفري أو التيك آوت .. فعندك 3 طلبات للعائلة الذين ينتظرون وجبات البيك التي تأتينا من جده بفارغ الصبر ...

وبلغ مُحبط بقى يحضر كام موضوع سُخنين عشان نناقشهم على هامش الزيارة ،

من عينة " علاقة الفن التكويري بالمياة الآرتوازية في زمن اللامعقول "

أو أي زي بعضه أي قضية من قضايانا المعاصرة مثلاً كـ

" أين ذهبت مشاعر الأبوة حينما هبت عواصف إنقلونزا الطيور ؟ "

---------

وأخيراً أحب أقولك

ومضى قطار العُمر يا موديست ..

وتعتذر ولا ما تعتذرشي برضوا هانقطعكوا يا زملكاوية يوم السبت الجاي.. وما تفتكرش عشان إتعادلنا إمبارح مع المحلة يبقى الإنصاص قامت والقوالب نامت ؟

---

إمضاء سين سين القالب .. قصدي الأهلاوي

[MZohairy]

وانا كمان!!

[MZohairy]

مش هاتنازل عن وجبة فراخ من أم 10 ريال من عند البيك ... ده بالنسبة للطلب المحلي ..

أما السِفري أو التيك آوت .. فعندك 3 طلبات للعائلة الذين ينتظرون وجبات البيك التي تأتينا من جده بفارغ الصبر ...

<{POST_SNAPBACK}>

اسمع ياحمد

خد نصيحتي و خد مع الفراخ وجبة الجمبري بتاعة البيك ب 25 ريال روعه

وساندويتش الناجيت الفراخ الحراق ب 4 ريال جميل برضه

و أخيرا ساندوتش ناجيت السمك الجديد بتاع البيك أكثر من رائع :blink:

[se_ Elsyed]

اسمع ياحمد

خد نصيحتي و خد مع الفراخ وجبة الجمبري بتاعة البيك ب 25 ريال روعه

وساندويتش الناجيت الفراخ الحراق ب 4 ريال جميل برضه

و أخيرا ساندوتش ناجيت السمك الجديد بتاع البيك أكثر من رائع B)

هذه رسالة خاصة وصلتني من موديست

يا خراب بيتك يابو المداميس ... جمبري وفرخ وناجيتس .. يعني كده دخلنا في حسبة 150 ريال ... وطبعاً س س بيه هايقولي وصلني المطار .. يعني فيها كمان  15 ريال بنزين لو عربيتي 4 سلندر و 22 ريال لو ستة سلندر .... دي كانت معرفه مالهاش أي لزوم .

إمضاء

المُعذب ... موديست

[khedr]

معلهش

طبق الفول ابو الزيت الحار وفحل البصل اياه

وشويه الشاي في الكوبايه اللي انتم عارفينها ..من العربيه اللي قدام الشارع

تساوي البيك والدنيا كلها

[عصفور طاير]

يا عم موديست ولا يهمك.. مش لازم الحاجات اللي بيطلبها س س والزهيري.. بص خدهم على الطازج كل واحد طبق كبسة فراخ بعشرة ريال وخلاص.. أما موضوع المطار ده يا إما يركب الحافل ويستحمل ريحة البنغال والهنود، يا إما بلغ عنه الهيئة وهي هاتوصله بالجيمس بتاعها. B)

مع تحيات (سمّاوي)

عصفور سابقا

[Scorpion]

أخي العزيز جدآ موديست ....

بصراحة .. بصراحة ..انت خلتني في نص هدومي دلوقتي ... و ندمت اني بعتابي خليت ناس كويسة بجد .. اولاد ناس زي ما الوالد ما كان بيسميهم .. يعتذروا عن حاجة هما مش مسئولين عنها ....

ارجو ان تقبلوا انتم اعتذاري ....

[yasovinas]

اهلي واحبابي سكان البيت الكبير نسايبنا واولاد اعمامنا انا كنت جاي لوحدي بس لاقيت العم موديست سبقني معلش فرق الطول برضه عموما انا كمان جاي اعتذر عن اي شيء كتب او سطر على الموقع وعذرنا اننا اتقال علينا طبالين ورقاصين وكمان قالوا عيب ما تعطردوش علشان الحريه والديمقراطيه وقبل ما انسى سلموا لي على الملوخية بالتقليه

الجدع المتختخ اللي عندكم هنا بتاع البانولا ده راح فين B) عايز بوكس في مراخيرة :D

حقيقي يا اخونا انا جاي بالنيابه عن باقي طاقم الضيافه اتقديم الاعتذار عن اي كلام اتكتب يمس هذا المكان الرائع باي سوء ونعتذر مرة اخرى عن حرية التعبير :D

[ATHENA]

و انا كمان جيت اطيب خاطركم يا ولاد العم عشان كل شوية شايفة اسمكم متلألأ عندنا ... :D و بما اني من الطاقم جيت اطيب خاطركم و بالمرة أتعرف عليكم :P

ايزيس عضو فرقة الطبل البلدي

و سمعني اجدع سلام لحرية الرأي :D B)

[se_ Elsyed]

اهلي واحبابي سكان البيت الكبير      B)

<{POST_SNAPBACK}>

نتكلم جد شويه

بمناسبة البيت الكبير

احب افكرك يا سي ياسو ان متأخر عليك ايجار

اكتوبر ونوفيمبر وديسيمبر

مرحباً بياسو فيناس وبالعزيزة اثينا وبكل اهل بيزنطة الجدعان

ونزل يا عم هنا طقم زتون كلماتا على حسابي

وسمعونا حاجة من التراث بقى عشان الجو بقى زيميت ودمه مش ولا بُد

[dr khaled]

ممكن حد يبعت وصله لهدا الموقع

مع الشكر

[وليد صفوت]

الجدع المتختخ اللي عندكم هنا بتاع البانولا ده راح فين  B)  عايز بوكس في مراخيرة  :D

هه ! :P ( وش أثينا أو إيزيس :D )

----------------------------------

أبيه موديست .... حقيقى أخلاقك عالية أعلى من النجوم ( :D ) بقدومك لحاد بيتك و مطرحك المحاورات ... قدومك وحده يثبت اننا بالفعل أخوه و لا داعى لأن تقدم أى إعتذار عن فعل صدر من غيرك , إحنا مقدرين حرية الرأى و التعبير التى يتمتع بها موقعكم الجميل ( كلنا أعضاء فيه بالمناسبة ) ,...

و لأن هدفنا واحد و منهجنا واحد فى إحترام حرية التعبير .. فوحده الذى صدر منه هذا الكلام هو الوحيد الذى يجب عليه ان يعتذر للمحاورات .. أما الحديقة الغناء و المنتدى الجميل ليس له أى ذنب فى هذا لأنه مقيد بحرية التعبير و لا يملك ان يحذف كلام يدخل فى مساحة حرية التعبير ... ألف شكر :D

أيزيس أو اثينا ... أهلاً بيكى منورة بيتك الثانى محاورات المصريين و يارب يكون قدومك مش مجرد للإعتذار . بس ايضاً للمشاركة ( إشمعنى انا بشارك عندكم و بشرف هنا :D ) ... و عايزين شوية شغل فى باب موضوعات خفيفة الله يكرمك ... :D

ألف شكر ليكم :wub:

[حرفوش]

الدكتور خالد,

إليك وصلة منتدى هايدبارك المصرى:

منندى هيدبارك المصرى

تحياتى

[ماجد]

اجمل تحيه و اجمل سلام لعمنا سى السيد و عمنا سكوربيون و ملك الكمان

و لباقى اعضاء المحاورات الحلوين

انضم للفريق المعتذر مع موديست و ياسو و ايزيس

B)

[سقراط المصري]

اجمل تحيه و اجمل سلام لعمنا سى السيد و عمنا سكوربيون و ملك الكمان

و لباقى اعضاء المحاورات الحلوين

انضم للفريق المعتذر مع موديست و ياسو و ايزيس

B)

<{POST_SNAPBACK}>

وكمان بتقول مساء الخير طااااخ

مقتبسه من فيلم شاديه ورشيدي اباظه الزوجه الخمستاشر

اين كنت يارجل اين اختيت يا ماجد

اتذكر اخر رساله بيننا كانت منذ سنه عندما قلت لي انك في اجازه للتفكير والتامل انا مش فاهم انت كنت فين واوعى تكون كلمه التامل دي اصلها فعل يتقمل تقلم والمصدر منها هرش لك وحشه والله يا ماجد اخوك الصغنن سقراط

[disappointed]

.

المحاورات تظل هى البيت الكبير الذى خرجنا منه جميعاً , و تظل مستودعاً لذكرياتنا الجميلة التى عشناها على الشبكة , و تظل فى القلب و على البال و الخاطر

الشبكة العنكبوتية بأسرها تعرف ذلك , و كذلك.....الشبكات الإخباريّة....حتى شوفوا الجزيرة كتبت إيه :

B)

.

[disappointed]

وبلغ مُحبط بقى يحضر كام موضوع سُخنين عشان نناقشهم على هامش الزيارة ،

من عينة " علاقة الفن التكويري بالمياة الآرتوازية في زمن اللامعقول "

أو أي زي بعضه أي قضية من قضايانا المعاصرة مثلاً كـ

" أين ذهبت مشاعر الأبوة حينما هبت عواصف إنقلونزا الطيور ؟ "

B) :D :D

المواضيع جاهزة و حأسلّمها لك على دسك لما أشوفك فى الرياض يوم الثلاثاء القادم....بس إوعى تتوه فى حى السفارات أحسن يقولوا عليك كنت رايح تفجّر سفارة الدنمارك :D :D , أصلى بينى و بينك عامل الميعاد هناك مخصوص علشان أستدرجك :wub: :P

.

[se_ Elsyed]

الرياض هاتنور يا ريس يوم الثلاثاء ..

وبهذا أصدرنا مرسوم أميري بإعتبار يوم الثلاثاء 7 مارس ( آذار الموافق لشهر تشرين الثاني ) هو بديل لعيد الأم B)

ميعادنا في الوكر إياه بقى زي كل مرة

---

بأمانة شديدة : مُحبط يا جماعة من الناس اللي ما تشبعش من قعدتهم ومعاه الوقت بيفوت زي الهوا ....

على العكس بقى موديست .. فمن دماثة أخلاقة .. وطيبته .. تحس إنك قاعد مع ( نينه الحاجة ) :D اللي عايز ترمي راسك على صدرها و و واء واء

وإيه ( يالا قولها عشان تتهبد إنذار وكرت أحمر كمان وما تلعبش الماتش بتاع يوم السبت )

ما حدش يفهمني غلط

وتعيط زي بعضه ...

على أساس الواحد عدا مرحلة الفطام