بعض السلبيات في محاورات المصريين

[dr khaled]

بصفتي عضو جديد في هدا المنتدي الجميل الدي اشكر فيه السادة المشرفيين علي جهدهم في الحفاظ على مستوي المنتدي و مستوي المحاورات :blink:

ولكن لي بعض الملاحظات وارجو ان يتسع صدركم لها فالاختلاف في الراي لا يفسد للود قضية

الواقع اننا كاعضاء المنتدي حملنا معنا عيوب المجتمع المصري و افاته

وانا بتكلم هنا عن السلبية خصوصا و بعض السطحية في المحاورات

بعض تخرجي مباشره من الجامعه التحقت بدوره في امراض الباطنه بمستشفي عين شمس و كان عددنا حوالي 50 طبيبا معظمهم يمتلك سيارات

و كان يوم جمعة صباحا فى قسم الباطنه و اثناء المحاضره جاءت احدي العاملات بالمستشفي تستنجد بالمحاضر ان احدي الزائرات جاءها الام الوضع و تلد الان

فسال الدكتور من يتبرع بتوصيلها بالسياره الي مستشفي النساء الت لا تبعد اكثر من 300 متر فلم يرد و سكتوا جميعا و رفعت يدي ولم يتحرك احد تماما لفعل هدا الخير الدي لن يستغرق سوي دقيقتين

منتهي السلبيه صح :excl:

تدكرت هده الواقعه مند ايام عندما ارسلت موضوع بعنوان القبض علي فاتن حمامه و فيه بعض السخريه من انفلونزا الطيور

فجاء 14 تعليق في يومين فقط و اكثر من 470 قراءه

التعليقات اعجبتني كثيرا و ضحكت عليها :blink: :blink: :blink:

و لكن المفاحاه

يتبع

[MZohairy]

ها

و بعدين؟

[dr khaled]

المفاجاه جاءت عندما ارسلت موضوع بخصوص حبس الصحفي و انني قد بادرت بارسال تلغراف يطالب بايقاف الحكم

ولكن ان تكون معدل القراه 137 ويكون هناك 2 تعليق فقط

اظن برضه سلبيه :blink:

ولكي تكون الصوره واضحه للجميع انا لم اكن اتوقع او ارييد ان يهب الجمييع الي انقاد الصحفي و لكن كنت اتوقع بعض التفاعل مثل البعض يعترض و يقول لمادا او البعض لديه بعض المعلومات فيرسلها و هكدا

وايضا لا اتوقع التلغراف اليتيم الدي ارسلته سيكون لة تاثير عظيم و لكن الساكت عن الحق شيطان اخرس وان نضيى شمعه خيرا من ان نلعن الظلام

وانا لا اقصد تمجيد الصحفي او اي شيء

المهم اني تحركت و ماكنتش سلبي :blink:

ملحوظه هده الرساله تحت موضوع مواضيع جاده

اشكر للسيد المشرف عدم حدفه للرساله

اخوكم د خالد

[se_ Elsyed]

شكراً على موضوعك يا دُك

بس تصدق بالله اللي هاقولهولك ده عشم الإخوة .. من قبل ما تبدأ وتُفصح عما تريد أن تقوله

لو إحنا قلنا إن محاورات المصريين تحمل بعض عيوب المجتمع المصري ..

يبقى بدلاً من أن نُعدد المساويء .. ما تيجي أولاً نغير عنوان الموضوع إلى مثلاً مثلاً " كيفية تفعيل منتدى محاورات المصريين " أو " تعالوا نضع إقتراحات إيجابية للمنتدى "

عارف ليه أنا قصدت الكلام ده

عشان ما يبقاش الكلام موجه من الأعضاء للمشرفين فقط ون واي أو إرسال وإستقبال ... لإنهم المشرفين ليسوا هم فقط أصحاب المكان ... فجميعنا نملكه .. وجميعنا مسئولون عنه .. والحمد لله المكان لا فيه حكومة بتحكم وشعب بيتحكم ...

لذلك تجد أكثر حاجة تتضايقني أن أقرأ موضوع أو مُداخلة لأحد الأعضاء اللي المفروض إنه صاحب بيت زيه زيينا ويقول فيها " ياي إيه القرف ده .. الموضوعات اليومين دول بقت سطحية .. وبتتناول موضوعات هايفة "

وكإن مثلاً الناس اللي في المكان مقسومين صنفين ... صنف هو النحل الشغالة اللي بيكتب موضوعات ومداخلات ..

والصنف الأخر هو الملكات التي تُقيم هذه الموضوعات ...

شيء غريب مش كده ؟

ما أقصده هو أن نعود أنفسنا أن نكون إيجابيين في أي مكان نتواجد فيه ...

يعني الشارع بتاعي مش نضيف .. ما أقعودش أصرخ واشتكي لطوب الأرض ..

في حين لو عملنا زي حضرتك كده وبدأنا بأنفسنا فبالتأكيد ستكون هذه هي بداية الإصلاح .

كمل بقى عايز تقول إيه وعُذراً للمقاطعة

[se_ Elsyed]

ملحوظه هده الرساله تحت موضوع مواضيع جاده

اشكر للسيد المشرف عدم حدفه للرساله

اخوكم د خالد

<{POST_SNAPBACK}>

لأ شكراً إيه بقى

إشرح الجملتين الآخرانيين دول عشان ما فهمتهمش وممكن ييجوا لنا في الإمتحان

[dr khaled]

<{POST_SNAPBACK}>

لأ شكراً إيه بقى

إشرح الجملتين الآخرانيين دول عشان ما فهمتهمش وممكن ييجوا لنا في الإمتحان

<{POST_SNAPBACK}>

يعني يا اخي مش هعرف ارمي بكلمتين زيك و الي الموضوع خفيف شويه

انا اتكلمت هنا علي السلبيه بس و عايز اتكلم شويه عن اسلوب المحاوزات بس مش وقته

علي فكره ايه رايك في فكره التلغراف و معلقتيش ليه B)

[khedr]

د.خالد ...الاخ الكريم سي السيد...الاخوه جميعا

نقطه السلبيه هي فعلا النقطه الخطيره التي تتمثل في معظمنا

ولكن فعلا من بعد موضوعك يا دكتور خالد ...بخصوص اخونا الصحفي

والواحد بيفكر في النقطه دي ازاي الواحد يخرج من السلبيه وازاي نفعل دور المجتمع ودورنا جميعا

وهذا هو بدايه الانطلاق نحو التغيير الشامل للمجتمع

وللحديث بقيه