عيون المحاورات على الصحافة...... فكرة إيه رأيكم

[لخبطه]

من اجمل الحاجاات اللى لقيتها هنا في المحاورات أن نسبة كبيرة جدا من المحاورين متابعي إعلام ولنقل صحافة تحديداً ومتابعين من الطراز الأول كمان

لذلك اقتراحي ببساطة

* إننا نعمل يوميه صحافيه في المحاورات نقوم من خلالها بتغطية كل الصحف المصريه و العربية حتى الصادره منها من بره الوطن العربي ولو أجنبيه يكون اجمل وخصوصا اننا معانا طقم ممتاز من المغتربين في اوربا وامريكا

* بمعني أنه المحاور لما يقرأ مقال كويس لأي كاتب ينقل لنا مقتطفات منه أو النقاط الهامه منه ( على طريقة حمدي قنديل) بدون تعليق أو تعقيب منه

* دا هيعطي للمحاورين الموجودين جرعه خفيفه من الصحافه اليوميه لكنها شامله ويوفر على كل واحد فينا متابعة كل الصحف الموجوده على النت وكمان مش هيكون مجهود على اللى هيقوم بنقلها لأنه كدا كدا بيقرا الصحف

منتظر ردودكم

[حرفوش]

فكرة ممتازة, و أؤيدها , شكرا لمقترحها الأخ لخبطة.

يقوم بعض الزملاء حاليا بفضح الهفوات الصحافية, و هذه الإضافة ستوسع مجال المعرفة السريعة بالإخبار, فى جرعات صغيرة و سريعة.

[احمد هادي]

وانا كمان

من اشد المؤيدين والمتحمسين

وجااااهز للمشاركه الفعالة

[Sherief AbdelWahab]

فكرة جديرة بالنقاش..

خلص الكلام

[م الغزالى]

إيه ياعم لخبطة الأفكار الحلوة دى ؟

ياسلام لو حد يتحفنا بمختارات منجريدة المصرى اليوم الذى لانجدها على النت ولا عند الباعة هنا فى ألمانيا مفيش غير صحف الحكومة ال مقاطعها من 14 سنة

ودمتم

[لخبطه]

ايه الجمال دا والتفاعل دا

والله حاجه تشرح القلب الحزين :D

يالله عمنا حرفوش شد حيلك ونبدا

وعمنا احمد هادي العزيمه بتاعتك هتنط من المشاركة :D

الاستاذ Sherief AbdelWahab

يالله ناقشنا ياعم واقترح انته الاليه بتاع التنفيذ وخليني كل واحد يقول تصوره

عمنا Koenig der Loewen

ياعم دانته الللى افكارك عسل وبالنسبه للمصري اليوم انا مش عارف مين اللى يقدر يغطيها بس اكيد عادل ابو زيد عنده ترتيب

[المدهش]

فكرة جميلة جدا يا أستاذ لخبطة ..وأنا شخصياً مستعد للمساهمة فيها من خلال متابعة تقارير وأخبار وكالات الأنباء وقد نقلت لكم بالفعل أخباراً منها من قبل مثل خبر انتشال الصندوق الأسود للعبارة وتقرير التراجع في البورصة المصرية..كما أنني مستعد لترجمة أخبار وموضوعات من مواقع الصحف الأجنبية على النت.

[Abofady]

الفكرة جيدة جدا , واشكر الاخ / لخبطة. وياريت للاستاذ /شريف عبد الوهاب يمحص الفكرة , كذلك الاستاذ / افوكاتو وجميع الاخوة الكرام

ويخلوا الفكرة حقيقه

[لخبطه]

كدا أنا لى عتب على المشرفين ماحدش دخل قالنا حاجه يعني ولا قال نعمل ايه ولا نفعل الموضوع ازاى

مع ان الاستاذ شريف رحب بالفكره ..... مش محتاجين ترحيب بس ياعمنا شريف

عايزين تنفيذ وتوجيه

[عادل أبوزيد]

الفكرة ممتازة و لقد نادينا بها من قبل ... بل و شرعنا فيها قدر الطاقة.

ما سبق كان إستهلالا لابد منه

قمت انا شخصيا بعملية مسح إليكترونى لبعض المقالات فى جريدتى الدستور و المصرى اليوم ووجدت إقبالا من القراء و لكنه ليس الإقبال المنتظر لأن القراءة من صورة JPG عملية ليست سهلة أو قل ليست بسهولة القراءة المباشرة .

و قام عدد من الأعضاء بنقل عدد من المقالات من الصحافة الغير منشورة على الشبكة الدولية و أخص منهم الفاضل kane و لكن العملية لم تتكرر كثيرا ، لاأعرف إذا كان هؤلاء قاموا بنسخ المقال باليد و هذا عمل يأخذ كثيرا من الوقت ، و قد قمت بنفسى بنسخ عدد من المقالات و الموضوعات و أؤكد أنها عملية شاقة.

بل أنى حاولت أن أعهد إلى مكتب من مكاتب الكتابة و نسخ الرسائل فإستصعبوا الكتابة من جريدة.

و حاولت مع جريدة المصرى اليوم الحصول على النص الإليكترونى فلم أوفق.

يبقى أمامنا حلين نأخذ بأحدهما أو كلاهما :

نكتفى أو نحرص على عرض محتويات الصحف التى لا تنشر على النت بطريقة مختصرة كأن نضع المانشيتات الرئيسية أو نكتب ملخصا بسيطا عن المحتوى .

و علينا تنظيم شبه حملة نطلب فيها من تلك الجرائد أن تنشر محتواها على الشبكة الدولية ، و قد قمت بالبحث عن التكلفة المطلوبة ووجدت أنها فى حدود ثلاث آلاف من الجنيهات مرة واحدة بلإضافة إلى عمل يتولاه فرد أو إثنين يقومون بتغذية الحاسب بالمادة الصحفية و التى هى موجودة فعلا من أجل الطباعة و كان الأمر يجرى كذلك بالنسبة لصحيفة الوفد.

لا أحسب أن التكلفة تمثل عنصرا مهما فى عدم النشر على الإنترنت ... لابد أن هناك أسباب أخرى ... قد يكون منها عدم إستيعاب فكرة الشبكة الدولية من قبل أصحاب القرار.

و هذه الحملة فى تصورى تكون عن طريق الأعضاء بإرسال فاكس ... أكرر فاكس و ليس رسالة إليكترونية نطلب فيها النشر على الشبكة الدولية.

[لخبطه]

كلام جميل يا أستاذ عادل يعني المصري اليوم أنته طلبت منهم النص المكتوب على الكمبيوتر وهما رفضوا

طيب شوف لنا رقم الفاكس وانا ابعت لهم فاكس من هنا أوضح لهم الفكره وبردو أي حد يقدر يبعت لهم فاكس يبعت واهو يكون تحريض لهم على التحرك ............ وعلى فكره نشر صحيفه على النت مش بالصعوبه اللى حضرتك متصوره دا من السهل جدا واحد بس يعمل المقالات pdf ويرفعها على موقع والموقع جاهز ياعم عندي

حتى لو فيه تكلفه ماديه انا مستعد أشارك ولو نشارك كلنا في حد يكون قاعد للموضوع دا في مصر وهيكون شىء طيب جدا ان شاء الله

[الأفوكاتو]

يجب أن نشكر الأستاذ لخبطة على نشاطه, و اهتمامه بهذا الموضوع,

تحية له و لجميع من شاركوا, و سيشاركوا, فى هذا النشاط.

[لخبطه]

الله يخليك ياعمنا أفاكاتو بس انا بحلم فعلا بأن المحاورات تكون حاجه متطوره

وحاجه مميزه واللى يرفع الروح المعنوية أكتر ويشجع أكتر كم العقول الذرية الموجوده في المحاورات