تعزية من أب كاهن

[Suzan]

ده كلام اب كاهن سمعته اليوم كانت قويه وكله تعزيه وقوه للناس الي بتغلظ في البابا من ولاده 
_____________
فاكرين الكشح. فاكرين نجع حمادى. طب فاكرين كنيسه القديسين. فاكرين شهداء ماسبيرو.. فاكرين شهدا ليبيا
محدش يقدر طبعا ينساهم لانهم اتدونوا كتاريخ جوه كنيستنا
لكن خلونا نتكلم فى اللى يخصنا اكتر شويه.. هو ايه اللى اتغيير فينا من ساعه كل الاحداث دى كل حادثه تحصل نعمل حاجه واحده(نحزن شويه.. نكتب الايات على الفيس. نحط صور صلبان.. ننزل ترنيمه ليه لابسه يا امى اسود. وشويه دم على شويه رفض. وغيره وغيره) وفى الاخر نفضل زى ماحنا بوحشتنا ونجاستنا
انهارده الاقى ناس تغلط فى الكنيسه فى البابا و انت اصلا مش عارفه ولا عمرك حتى عرفت احلامه وافكاره وبيفكر فى الخير للكنيسه اذاى
عاوزين بس كل الكون يمشى زى ماحنا عاوزين.. نتعصب ونغضب تبقى الكنيسه تغضب ولو مغضبتش تبقى مش كنيسه.. واشتم فى قادتها. ودوس على كرامتها ولايهمك. المهم تبان انك بتدافع عن الكنيسه وانت فى الاصل بتجرح فيها
فاكرين ان قداسه البابا المفروض يقول كل حاجه بيعملها او بيقولها او بياخد قرار فيها
انتوا عارفين بتعملوا ايه من امبارح؟ انتوا رافضين صوت ربنا فى الموضوع خاااااالص. وبمعنى اصح فى ناس ماصدقت تلاقى على الكنيسه حاجه علشان تفضل تهين وتهين وتهين
نبص لروحنا قبل مانقول ايه اللى اتغير من الكشح لدلوقتى
نبص على روحنا هو ايه اللى اتغير فينا من الكشح دلوقتى. ده بيبقى صاحبك وحبيبك معاك انهارده ويموت بكره وبردو محدش بياخد اى عظه لحياتوا. ولسه فى الخطيه . ومش بس خطيه بتجاهد فيها. لكن كمان الكنيسه مابتسلمش من السنتكوا اللى كلها خناجر
زعلانين على اللى عروا الست المسنه وكلها زعلانين وجوانا قهر وغضب وحاسين بالظلم
بس للاسف تعالوا شوفوها هى متعزيه وواخده اكليل
وانتوا جواكوا ادانه للبابا و للاسقف و للكاهن للكنيسه وبس
وكل واحد شايف نفسه صح
يا نبقى مسيحين ونطبق كلام الانجيل يانبقى مسيحين بالاسم وادينا عايشين
كفايا كفايا كفايا اهانه فى الكنيسه كفايا اهانه فى البابا
صدقونى كلوا بياخد اكليل واحنا كده بناخد دينونه
احنا مابنتغيرش. مافيش اى حدث بيحصل فى الكنيسه بيغيرنا
لا موت بيغيرنا ولا اضطهاد بيغيرنا,ولاكنيسه بتتحرق بنتغير.. ولا شهدا يدبحوا قصاد عنينا بنتغير
احنا قلبنا قسى اوى. بقى لسانا صعب اوى. بقينا نجرح ونعرى فى بعض اوى اوى وكل ده باسم حبك لدينك ولكنيستك
لكن فى الحقيقه لا مسيحتنا بتقولك اشتم واجرح فى كنيستك ولا كنيستك بتقولك حامى عنى بالطريقه دى
بكلمك وكل قلبى مليان دموع
لكن انا مش هاتكلم تانى فى المواضيع دى. لكن كفايا اهانه فى قداسه البابا. كفايا اهانه فى الكنيسه. كفايا تجريح فى اخوك.. كفايا تشوف نفسك انك صح وانك هاتتصرف احسن من البابا اللى ربنا اختاره
كفايا حب غشيم مافيهوش اى حكمه
نطالب بحقوقنا ده حقنا. لكن مش من حقنا نفضل نهين فى البابا كده والكنيسه بالشكل ده
احنا ماتغيرناش ولاهانتغير. ولو بتعتب الحكومه انا ماتغيرتش فى كل احداث الظلم على الكنيسه
عاتب نفسك انت كمان انك لسه زى مانت ماتغيرتش من ساعه كشح لحد انهارده
احنا محتاجين نفوق علشان نعرف نعلى للسما فوق
(ومنتظر من اللى جوه قلبهم نعمه الصلاه لاجلى. ومنتظر من اللى الشيطان عاميهم الاهانه والتجريح)
ولو الكنيسه حزينه قراط على اضطاهد ولادها فهى بردو حزينه 24 قراط على تجريح ولادها فيها. الغريب جرحها والقريب بردو جرحها
الجميع زاغوا وفسدوا واعوزهم مجد الله
شكرا

[Scorpion]

الفاضلة مدام  سوزان

ما قرأته في هذه الرسالة يعبر عن غضب من الغاضبين ...

و لكن ما اثار الشجن في قلبي انه غضب لمهاجمة البابا ممن يرون ان رد فعله ليس علي مستوي الجرائم التي تنال من المسيحيين..

كان وقعها سيكون أصدق ان كان تكلم عن اسلوب حياتنا بوجه عام و ما اصابه من اخطاء .. و ليس علي اصراره علي توبيخ من يذكر البابا بصورة سلبية ..

لذا للأسف لم تؤثر في رسالته بل بالعكس كان وقعها سلبيآ ..

تحياتي و فائق احترامي

[عادل أبوزيد]

قرأت اليوم رسالة الكاهن التي أوردتها الفاضلة سوزان و قمت بالتعقيب عليها في الفيسبوك - رغم أني أرفضه بالكامل - و هذا هو تعقيبي هناك : 

اقتباس

هذا كلام كاهن في كنيسة و الفاضلة سوزان صاحبة الموضوع في محاورات المصريين وقد عقب الفاضل سكوربيون على الموضوع بكل رقي واصفا إيا بالسلبية ، و من عندي في حالة المصيبة لا تطلب من صاحب المصيبة أن يتلطف في البكاء أو يتناول طعامه بالشوكة و السكينة لأن ذلك ظلم و يتعارض مع الطبيعة الإنسانية ، في منظوري أنا - بالمناسبة أنا مسلم و الفاضلة سوزان جارتي - أن التذكير بتلك الأحداث و نحن نذكرها أيضا ليس له مردود جيد اللهم إذا كان هذا جزء من آليات الكرازة لدعم الإيمان و أنا شخصيا جاهل في هذه المسألة ، من منظور وطني ليتنا نحتضن بعضنا بعضا و نبكي سويا و نصر ألا يحطمنا الإرهاب

و قرأت الرسالة مرة أخرى الآن  الكاهن من حقه بل دوره أن يدافع على الكنيسة في مواجهة أبنائها المكلومين  لأنه لا يجوز لنا أن نفقد سيطرتنا على انفسنا حين الغضب.

[tarek hassan]

كل الناس ممكن يكون عندها حق .... لكن اللوم وقت حدوث المصاب صعب .... تتضاعف على الانسان الالام .. الموقف  شائك ... رد الفعل هيكون في اي اتجاه ..... فيه ناس مشتاقين لرد الفعل السلبي واجب تفويت الفرصة عليهم ...... العقل مهم الحكمة تترك لاهل الحكمة والورع .... اصعب حاجه انك مش شايف الجاني الجبان .... انت مش عايز تاخد عاطل في باطل .... او بريئ بمذنب .....مش لازم كل حاجه تتقال لك .... ناس كتير مقتنعة أن الدولة لها بعض العذر او بتحاول تكون ايجابية او بتقتص ... في النهاية ليس لها من دون الله كاشفة