دعوة للمشاركة فى تطوير محاورات المصريين

[doha]

من يومين شايفه الموضوع ده رايح جاي قدامي في المواضيع الجديده ولسبب ما مش عارفه ليه حاسه اني مش عاوزه اشارك فيه

على كل حال اسمحوا لي لو اتكلم في الحكايه دي شويه من باب ( التفكير بصوت عالي ) لا من باب انتظار تغيير او تحسين اوضاع لاني فعلا مش متاكده ان كان ماساقوله ممكن يفيد او لا وان كان فعلا هي دي المشكلة ولاحاجه تانيه ..

مبدئيا انا حاسه ان في عدم توصيف واضح للهدف العام لمحاورات المصريين

انا دخلت واكيد غيري كتير دخل على اساس انه ( منتدى ثقافي ) بمعنى ان كل حاجه من شانها ترتقي بفكر الاعضاء والمشاركين فيه وتثري ثقافتهم في شتى المجالات هي دي هتبقى محور الحديث بتاعنا في المحاورات

الي لقيته مش هقول عكس كده او شيء مش حلو زي كده بالعكس .. لقيت ايوه ناس مثقفة وبتتكلم في كلام كويس جدا وبيثري العقل مقلناش حاجه بس في مجال واحد فقط وهو المجال السياسي

بمعنى بلاحظ ان الموضوعات الي بتلقى اهتمام من النخبه الي احسبهم مثقفي المنتدى هي الموضوعات السياسية او تلك المتعلقه باداء الحكومه المصرية تحديدا

فيما عدا ذلك فاعتقد مفيش مشاركه كثيفة في الموضوعات الجاده او تلك الثقافية ناهيك عن عشرات المداخلات في المواضيع الجدلية الي ( لا بتودي ولا بتجيب )

ولما كان الوضع السياسي عندنا في مصر ( نايم ) ولما كانت الفضائيات ووسائل الاعلام مش مخلية فتفوته خبر من هذا النوع الا وقتلته بحثا

فاصبح الجديد الذي تقدمه المحاورات يكاد يقترب من الصفر وبسرعه طائرة غير نفاثة ـ عشان محدش يزعل بس

فمش عارفه هل المنتدى ده مفتوح لكده بس فعلا وهدفه اننا نكون ناس عندها ( وعي ) سياسي وتطالب بحقوقها ( الوطنية ) بغض النظر بقى عن الارتقاء بفكرها او ثقافتها والي بيجي كنتيجه ثانوية للوعي السياسي ولا فعلا المفهوم ده ترسخ في اذهانا وفي كتاباتنا على المحاورات بطريق ( الخطأ ) ؟

اعتقد لو عاوزين تطوروا محاورات المصريين بجد فياريت يتم تعديل الشعار بحيث ميكونش مواطنون لا متفرجون وانما مواطن واعي يمثل عقل وضمير امه

ده الاطار النظري ولو حابين اكمل اقولكم ممكن بشكل عملي نعمل ايه ..

تم تعديل 17 مايو 2010 بواسطة doha

[Scorpion]

الزملاء الأعزاء ...

ما تم طرحه حتي الآن سيكون بدون شك محل اهتمام مثلما ذكرت من قبل .. هناك نقطة صغيرة فقط او فلنقل نقاط صغيرة ...

مبدئيآ ... لست بصاحب قرار منفرد .. و انما اشارك مع مجموعة رائعة في اقرارها و من ثم تنفيذها .. و في هذا الموضوع دوري هو مجرد عمل "برين ستورمينج " معكم بمتابعة كل فريق المشرفين .... لذا أتمني ان لا يضعني أحدآ في حجم أكبر من حجمي ..

فكرة "توصيف" مشرف لباب معين من أجل موضوع هام .. او منفرد .. او مسألة تهم مجموعة مننا .. أعتقد اننا يجب ان ندرسها بطريقة أفضل .. فبإقرارها سنجعل لكل من يساهم بمجهود مشكور و مميز الحق في ان يصبح مشرف .. و نحن هكذا سنبخس حق كثيرين بالفعل ... لا يوجد من ينكر الدور الجميل و المميز الذي قام به العزيز omda2006 و الذي استفاد منه اعضاء كثيرين .. و نحن بدورنا سنبحث عن افضل وسيلة لجعل دوره هذا بدون تعقيدات ..

لولا العزيزة ...

بينك ... مممم .... و السياسة نعملها الوان قوس قزح .... و محاربة الفساد اسود .... و الرياضة ابيض بخطين حمر في النص .. و هكذا دواليك ...اهي دي حاجة انتي عارفة اننا ما بنفهمش فيها .... التقنيات من اختصاص الأستاذ عادل و مستر اكس :wub:

عالعموم اهم بيقروا هما كمان ....

الأخت الفاضلة doha

و ان كان تقييمك العام قد شابه بعض القسوة في الحكم علي باقي ابواب المحاورات ( ما عدا باب السياسة ) بانها لا تحتوي علي شيء هام او مثير للتفكير .. و هو شيء أختلف مع حضرتك فيه .. فبكل باب هناك بالفعل ما يثير الفكر و الرغبة في الحوار ... و لحضرتك شخصيآ قاسم لا بأس به من هذه المواضيع ... و لكن هذا لا يمنع انه بالفعل هناك بعض الركود و قلة عرض افكار جديدة .. و اعتقد ان هذا دورنا جميعآ و ليس دور فريق المشرفين فقط ....

حضرتك شخصتي من وجهة نظرك ما تريه سلبيآ في المحاورات و بالطبع لديك افكار لخطوات عملية لتحسين المستوي مثلما ذكرتي .. و نحن كلنا اذانآ صاغية لما ستطرحيه و ما سيطرحه بقية الزملاء ...

كل المودة و الإحترام

[عماد حمدي]

الأخ Scorpion

وجهة نظر سيادتك وصلتلي كويس أوي .. وخلاص إعتبر ان مفيش أي حاجة اتقالت مني خالص في الموضوع دا ..

وبعتذر للسادة الأعضاء ( CMA ) ان وضعنا هيكون ع ما هو عليه الأن ولم يتغير ..

ولا ننسي أن نشكر إدارة المنتدي ع إهتمامها ومبادرتها بفتح قسم خاص بالشهادات المهنية ..

وإعترافا ً بالمثل المصري الذي يقول " إن كان حبيبك عسل متلحسوش كله " .. فمفيش أي مشاكل

وسنكمل مسيرتنا ع هذا الوضع دون تغيير ونسأل الله العلي العظيم أن يوفقنا ويعيننا ع بذل مزيد من الجهد للإرتقاء بها القسم ..

مع خالص شكري وتقديري وإحترامي ,,

:wub:

Emad Hamdy

omda2006

[tamer on line]

تحية طيبة لموقع محاورات المصريين وكل العاملين به . i*:

أُؤيد وبشدة إعطاء الأخ/ عماد حمدي omda صلاحيات في الموضوعات الخاصة بالشهادات المهنية، فيما يكون فيه النفع العام إن شاء الله

وأهنئكم على هذا الموقع المحترم الذى فيه افادة لكل المصريين والعرب

[وسط][/وسط]ولكم جزيل الشكر] :lol:

[doha]

الأخت الفاضلة doha

و ان كان تقييمك العام قد شابه بعض القسوة في الحكم علي باقي ابواب المحاورات ( ما عدا باب السياسة ) بانها لا تحتوي علي شيء هام او مثير للتفكير .. و هو شيء أختلف مع حضرتك فيه .. فبكل باب هناك بالفعل ما يثير الفكر و الرغبة في الحوار ... و لحضرتك شخصيآ قاسم لا بأس به من هذه المواضيع ... و لكن هذا لا يمنع انه بالفعل هناك بعض الركود و قلة عرض افكار جديدة .. و اعتقد ان هذا دورنا جميعآ و ليس دور فريق المشرفين فقط ....

حضرتك شخصتي من وجهة نظرك ما تريه سلبيآ في المحاورات و بالطبع لديك افكار لخطوات عملية لتحسين المستوي مثلما ذكرتي .. و نحن كلنا اذانآ صاغية لما ستطرحيه و ما سيطرحه بقية الزملاء ...

الحقيقة لا اذكر اني قلت ان بقية الابواب ماعدا السياسة لا تحوي شيء هام فده بكل تاكيد مش رايي وبناء عليه فاظن ان حصل لبس كون حضرتك فهمت كده من كلامي ..

مااراه ومااظنني عبرت عنه ان المواضيع غير السياسية لا تلقى اهتماما من الاقلام الي احسبها الاكثر تميزا في المنتدى

يعني ان مكانش الموضوع له علاقه بالحراك السياسي والتغيير والكلام ( المجعلص ) الي بنسمعه في التوك شو عاده وان مكانش موضوع ( هايف ) مش محتاج تفكير من نوعية لون فردة شرابك ايه عشان خمسين ستين واحد يدخلوا يقولوا رايهم فيه وان مكانش موضوع جدلي من نوعية طوبه على طوبه خلي العركه منصوبه على غرار مين جاء الاول الفرخه ولا البيضه والشيخ فلان مبحبوش لاه ده ضافره برقبتك ياعدو الله وتشتعل الفتنه .. ان مكانش الموضوع من الانواع المذكورة اعلاه فللاسف توقع انه هيحصل على مشاركه او اثنين فقط واكتر من كده هيبقى استثناء لا ينفي القاعده ..

طبعا الوضع الحالي في المحاورات مش عاجبني نهائيا ولا اظنه يعجب حضراتكم .. بس تعرفوا ايه المشكلة ؟ اني بدأت اشك ان الحاله دي وصلنا لها مش عشان هي حاله خاصه بالمحاورات وانما تقريبا كده ومع انتشار ثقافة الترفيه و ( التسطيح ) الي بقت مسيطرة على وسائل الاعلام المختلفة تقريبا احنا فعلا خلاص .. اتسطحنا

على كل حال وعشان ميبقاش كلامي كله نقد بدون تقديم حلول ..

تذكرت رساله قراتها من يمكن عشرين سنة في بريد القراء في الاهرام ايام انتشار مشكلة ورد النيل .. او لنقل في بدايه انتشارها لان ورد النيل دلوقت بقى حاجه طبيعيه زي دود المش كده ميتاكلش الا بيه ..

كان في حل بسيط اوي قريته وقتها مفاده اقتراح بسيط بان كل مواطن وهو رايح شغله ومعدي على النيل في طريقه يمد ايده ( يشد ) له وحده ورد نيل .. واحده بس .. يرميها ويكمل طريقه .. صاحب الاقتراح كان بيقول اننا ولو كل واحد عمل كده بالتاكيد هيختفي ورد النيل .. بدون تكلفة وفي وقت قياسي ..

لو قمنا بالحمله القوميه للجذب .. مش هيبقى في مشكلة تكتب عنها الصحف ولا تحير المحتارين ..

يجوز وقتها بدى لي الحل ده خيالي وان كان ده لاينفي ان العنوان علق معايا (( الحملة القومية للشد)) وهو ده بالظبط الي جايه اقترحه النهرده ..

كل عضو في المحاورات مطلوب منه يسحب التالي ..

اولا من وقت للثاني يروح ارشيف المحاورات او المواضيع القديمه ويسحب لنا موضوع فيعيد رفعه .. موضوع يحس انه ممكن يضيف للقاريء شيء او يفتح مجالات جديده للحوار .. اهو نغير شويه بدال مابقالنا سنة بنتناقش النقاب فرض ولا فضيحه ..

ثانيا كل مايلاقي واحد صاحبه سواء في مجال عمله او محيطه الاسري او في اي موقع انترنتي تاني ويحس ان الشخص ده مثقف و( يجي منه ) وممكن يثري المحاورات بافكاره واطروحاته مهما كانت بسيطه ياريت لو ( يشده ) على هنا

ثالثا كل مايلاقي في محيط عمله او حياته او في فضاء الانترنت موضوع جديد لم يسبق طرحه في الفضائيات ومهما كان الموضوع ده بسيط او يهم شريحه صغيره بس من المصريين ياريت يسحبه على هنا واهو يبقى لمحاورات المصريين السبق في الحديث عنه وتناوله بالتحليل

واخيرا كل ماتلاقي موضوع جدلي عقيم ملوش هدف غير يخلي عقلك مشغول بالهيافات ياريت ( تسحب ) نفسك من الحوار ده خالص وتتجاهله ولا حتى تكتب فيه سطر وهو بنفسه هيروح لما ميلاقيش حد يرفعه لسله قمامه المحاورات ..

يبقى نبدأ حملة في المحاورات للشد او الجذب مطلوب فيها من كل مواطن محاوراتي يشد..

• موضوع قديم هادف
  
• شخص متميز يشده لهنا
  
• موضوع جديد لم يسبق طرحه يستحق النقاش حوله
  
• نفسه من اي جدل عقيم لا يودي ولا يجيب
  

اعتقد لو كل واحد فينا ومن سنة ماطرح المشروع شد ورده النيل الي عليه مكناش الوضع وصل بينا للحال الي احنا فيه دلوقت ولا كان بقى ورد النيل زي مااحنا عارفين زي ـ اكرمكم الله ـ دود المش.. ميتاكلش الا بيه ..

[لولا]

الأخت الفاضلة doha

و ان كان تقييمك العام قد شابه بعض القسوة في الحكم علي باقي ابواب المحاورات ( ما عدا باب السياسة ) بانها لا تحتوي علي شيء هام او مثير للتفكير .. و هو شيء أختلف مع حضرتك فيه .. فبكل باب هناك بالفعل ما يثير الفكر و الرغبة في الحوار ... و لحضرتك شخصيآ قاسم لا بأس به من هذه المواضيع ... و لكن هذا لا يمنع انه بالفعل هناك بعض الركود و قلة عرض افكار جديدة .. و اعتقد ان هذا دورنا جميعآ و ليس دور فريق المشرفين فقط ....

حضرتك شخصتي من وجهة نظرك ما تريه سلبيآ في المحاورات و بالطبع لديك افكار لخطوات عملية لتحسين المستوي مثلما ذكرتي .. و نحن كلنا اذانآ صاغية لما ستطرحيه و ما سيطرحه بقية الزملاء ...

الحقيقة لا اذكر اني قلت ان بقية الابواب ماعدا السياسة لا تحوي شيء هام فده بكل تاكيد مش رايي وبناء عليه فاظن ان حصل لبس كون حضرتك فهمت كده من كلامي ..

مااراه ومااظنني عبرت عنه ان المواضيع غير السياسية لا تلقى اهتماما من الاقلام الي احسبها الاكثر تميزا في المنتدى

يعني ان مكانش الموضوع له علاقه بالحراك السياسي والتغيير والكلام ( المجعلص ) الي بنسمعه في التوك شو عاده وان مكانش موضوع ( هايف ) مش محتاج تفكير من نوعية لون فردة شرابك ايه عشان خمسين ستين واحد يدخلوا يقولوا رايهم فيه وان مكانش موضوع جدلي من نوعية طوبه على طوبه خلي العركه منصوبه على غرار مين جاء الاول الفرخه ولا البيضه والشيخ فلان مبحبوش لاه ده ضافره برقبتك ياعدو الله وتشتعل الفتنه .. ان مكانش الموضوع من الانواع المذكورة اعلاه فللاسف توقع انه هيحصل على مشاركه او اثنين فقط واكتر من كده هيبقى استثناء لا ينفي القاعده ..

طبعا الوضع الحالي في المحاورات مش عاجبني نهائيا ولا اظنه يعجب حضراتكم .. بس تعرفوا ايه المشكلة ؟ اني بدأت اشك ان الحاله دي وصلنا لها مش عشان هي حاله خاصه بالمحاورات وانما تقريبا كده ومع انتشار ثقافة الترفيه و ( التسطيح ) الي بقت مسيطرة على وسائل الاعلام المختلفة تقريبا احنا فعلا خلاص .. اتسطحنا

على كل حال وعشان ميبقاش كلامي كله نقد بدون تقديم حلول ..

تذكرت رساله قراتها من يمكن عشرين سنة في بريد القراء في الاهرام ايام انتشار مشكلة ورد النيل .. او لنقل في بدايه انتشارها لان ورد النيل دلوقت بقى حاجه طبيعيه زي دود المش كده ميتاكلش الا بيه ..

كان في حل بسيط اوي قريته وقتها مفاده اقتراح بسيط بان كل مواطن وهو رايح شغله ومعدي على النيل في طريقه يمد ايده ( يشد ) له وحده ورد نيل .. واحده بس .. يرميها ويكمل طريقه .. صاحب الاقتراح كان بيقول اننا ولو كل واحد عمل كده بالتاكيد هيختفي ورد النيل .. بدون تكلفة وفي وقت قياسي ..

لو قمنا بالحمله القوميه للجذب .. مش هيبقى في مشكلة تكتب عنها الصحف ولا تحير المحتارين ..

يجوز وقتها بدى لي الحل ده خيالي وان كان ده لاينفي ان العنوان علق معايا (( الحملة القومية للشد)) وهو ده بالظبط الي جايه اقترحه النهرده ..

كل عضو في المحاورات مطلوب منه يسحب التالي ..

اولا من وقت للثاني يروح ارشيف المحاورات او المواضيع القديمه ويسحب لنا موضوع فيعيد رفعه .. موضوع يحس انه ممكن يضيف للقاريء شيء او يفتح مجالات جديده للحوار .. اهو نغير شويه بدال مابقالنا سنة بنتناقش النقاب فرض ولا فضيحه ..

ثانيا كل مايلاقي واحد صاحبه سواء في مجال عمله او محيطه الاسري او في اي موقع انترنتي تاني ويحس ان الشخص ده مثقف و( يجي منه ) وممكن يثري المحاورات بافكاره واطروحاته مهما كانت بسيطه ياريت لو ( يشده ) على هنا

ثالثا كل مايلاقي في محيط عمله او حياته او في فضاء الانترنت موضوع جديد لم يسبق طرحه في الفضائيات ومهما كان الموضوع ده بسيط او يهم شريحه صغيره بس من المصريين ياريت يسحبه على هنا واهو يبقى لمحاورات المصريين السبق في الحديث عنه وتناوله بالتحليل

واخيرا كل ماتلاقي موضوع جدلي عقيم ملوش هدف غير يخلي عقلك مشغول بالهيافات ياريت ( تسحب ) نفسك من الحوار ده خالص وتتجاهله ولا حتى تكتب فيه سطر وهو بنفسه هيروح لما ميلاقيش حد يرفعه لسله قمامه المحاورات ..

يبقى نبدأ حملة في المحاورات للشد او الجذب مطلوب فيها من كل مواطن محاوراتي يشد..

• موضوع قديم هادف
  
• شخص متميز يشده لهنا
  
• موضوع جديد لم يسبق طرحه يستحق النقاش حوله
  
• نفسه من اي جدل عقيم لا يودي ولا يجيب
  

اعتقد لو كل واحد فينا ومن سنة ماطرح المشروع شد ورده النيل الي عليه مكناش الوضع وصل بينا للحال الي احنا فيه دلوقت ولا كان بقى ورد النيل زي مااحنا عارفين زي ـ اكرمكم الله ـ دود المش.. ميتاكلش الا بيه ..

"الحملة القومية للشد "..

متتخيليش معجبة قد ايه بالروح اللى خرجت منه فكره لطيفه كده .. رغم انها فشلت !!

فشلت لأن المشكلة مكنتش قومية يا ضحى .. مكنش كل شخص شايل حملها على كتافه .. حاسس انه مسؤل .. انه جزء من الحل

انه عليه واجب ..

فشل زى كل مشروع جميل جدا ما يبتدى مليان بالأفكار والأحلام ووقت التنفيذ تبصى حولك تلاقى ,, كله اختفى !

كله بيقول وانا مالى !

اوجع دماغى ليه !

مش كفايه اللى انا فيه !

يووووه كمان حنعمل شغل الحكومه !

تفرق ايه المحاورات عن الحملة دى ؟؟

الوضع يتغير يا ضحى لما كل فرد فى المكان "عضو " يؤمن انه ليه دور مفروض يعمله .. رسالة .. يقع عليه جزء من مسؤليه الإصلاح

لكن عارفه ؟؟

مين قال ان الكل مشغول قوى بموضوع الشد ؟؟

مين قال ان الكل مفتقد الرونق الكريستالى المميز جدا للحوارات والمواضيع التى كانت تُطرح وتمثل ثروة حقيقه للمكان ..

مين قال ان الكل شايف انه لازم يشد حاجه فى ايده ؟؟ يشد فكره لهنا .. او نقاش يستحق الرفع ..

المحاورات تحتاجنا جميعا ..جميعا روحا واحده ويدا واحده .. مكان كما قال "سكوربيون " جاهز ، راقى ، رسالته واضحه

لكنه يحتاج للهمم والعزيمة ..

لا اعرف ماذا حدث لنا نحن المصريين .. او ربما اعرف واتظاهر بالجهل !!

لكن التقدم خطوة للأمام لن يحدث طالما كانت الغالبيه راضيه ومستكينه للموجود والمتاح حاليا وتنظر التغيير ليهبط من السماء

او تصنعه ايادى اخرى لا دخل لنا بها .. او رمى الكرة فى ملعب الإدارة وكأن الإدارة تملك عصا سحرية لتخلق لنا مناخ متميز وتكتب لنا مشاركات متميزه

وتفتح لنا مواضيع متميزه ..

تحياتى على طرحك الرائع الذى الهمنى الكثير :rolleyes:

لولا

[shawshank]

يخيل إلي ويهيألي ويمكن ويجوز

لكن المصريون ما تنفعش خبر

ليييييييييييييييييييييه ؟؟؟

لأن الجملة المكونة من المبتدأ والخبر لابد أن تكون جملة مفيدة

يعني إيييييييييه ؟؟

يعني المغتربون المصريون ..مالهم يعني ..موجودون ... جدعان...يتكلمون ... قرفانون.. يقاسون

اعراب المصريون هنا والله أعلم صفة لأن الصفة تتبع الموصوف تذكيرا وتأنيثا تنكيرا وتعريفا

تمام ... "المصريون" صفة وليست خبرًا . و "المغتربون المصريون" تكون على تقدير : "عنوان هذا الباب المغتربون المصريون" ، أو "اسم هذا الباب المغتربون المصريون" . وفي الحالتين "المغتربون" خبر و "المصريون" صفة . أما تقدير "عنوان هذا الباب باب المغتربين المصريين" فهو بعيد ، علاوة على أن كلمة "باب" ليست جزءً من اسم الباب أو عنوانه .

هناك خطأ كذلك في توصيف نفس الباب ، إذ يقول : "من هنا المغتربين يتواصلون مع الوطن من أجل الوطن" . والخطأ كذلك في كلمة "المغتربين" ، لأنها مبتدأ (مؤخر) ، لذلك وجب رفعها لتكون "المغتربون" . وهذه صريحة لا لبس فيها ولا تقدير .

[Tafshan]

غلى اعتبار انى اعتبر مش جديد في المنتدى و فعلاً باعتبره شئ مهم في حياتى ... انا باكتب هنا من 2004 .. و مع ذلك .. مافيش جديد .. عارف ليه ؟؟ عشان اسمه " محاورات المصريين " يعنى جرجر كثير شغل مافى على رأى اخوانا الهنود في الامارات ..

اول الموضوع كان استاذ عادل بيتكلم على الخطوه التاليه .. يعنى بعد المنتدى ح نعمل ايه ؟؟

الاجابه كانت ... اقرأ كده و شوف .. ما فيش اى حاجا ..

اول سنتين كنا بنقول ان المواطن المصري صبور و مهاود و لا عمره ح يعمل حاجا ... عمل و بدأ يعمل مظاهرات .. قلنا ماهو المظاهرات دى مش جايبه همها .. عامل حركات زى كفايه و حشد و جمعيات خيريه .. قلنا بيسكتونا .. عملوا مستشفى سرطان للاطفال بالجهود الذاتيه مموله بالجهود الذاتيه .. شككنا فيها و قلنا اكيد فيها ان ... كملت و اتبنت و بدأت تستقبل اطفال .. غيرنا الموضوع و قلنا مافيش فايده .. عملوا بنك الغذاء و حملة ال100 قريه ..

النتيجه ان بقالنا سنتين بنستقبل زوار بيدوروا على الهجره من البلد و ازاي يهجوا .. يا محترم في صور في النتدى من سوبرماركت في كندا عشان تورى المصريين الامله اللى هم فيها .. مصورين طماطم و برتقال و الخ كارثه ..المتش فعلاً اتباع و الاجيال الجديده حلمها انها تهج من البلد .. ح نصلح لمين يا سكوب .. خلاص خلصت ...

انا مع الطرح الاول للاستاذ عادل .. ياريت نعمل اي حاجا ..

انا نازل مصر يوم 22 يوليو .. يا ريت نتقابل عشان موضوع زى ده لو فضل 20 سنه في المنتدى مش ح تأخذ منه جديد ..

لو ناوين تكملوا على الخط ده .. يبقى خلاص .. تعملوا باب الاسره بينك زي ما الاخت الفاضله ما طلبت و يبقى زيه زي اي منتدى آخر .. و مشكووووووووور

انا لهجتى غامقه شويه عشان و الله العظيم بحبكم في الله من اول الاستاذ عادل مروراً بعصام و احمد محمود س س و حضلاتك طبعاً ... و اللى مشيوا و اللى توفاهم الله و اللى زهقوا و بطلوا .. كلنا عملنا المكان ده و نستحق انه يبقى حاجا اكبر من كده ..

تحياتى ..

[عادل أبوزيد]

الدعوة ما زالت مفتوحة و ستبقى مفتوحة لكل الأعضاء

و دعوة للفاضل سكوربيون لإستئناف دورة في متابعة المقترحات

[احمد رضوان]

شكراً استاذ عادل على رفع هذا الموضوع فى مثل هذا التوقيت

وإسمح لى أن أبدأ بعرض بعض الأفكار المبدئية

فى قناعتى أن المحاورات فى حاجة لتغيير السياسات العامة حتى تضع العضو أولاً ، وتمنح كلمة العضو نفس الحقوق التى يجب أن تمنح للعضو ، فيحافظ عليها ويعتنى بها كما يجب ان يحدث مع صاحبها ، وإن كنت ارجو ان تتحول المحاورات مستقبلا لشركة يمتلك الأعضاء فيها أسهماً فهذا يمنحهم الشعور بالمسئولية الكاملة عن البيت ، فهم ليسوا متفرجين وإنما مشاركيين آساسيين وقد يكون إشتراكاً رمزياً كاف لذلك

أقترح ايضا العمل على حوكمة المحاورات والتى تفصل الملكية عن الإدارة بشكل تام ومن خلال السياسات والإجراءات المعتمدة والتى تم الإستفتاء عليها واقرارها من قبل الجميع ، كما اقترح وضع آلية للشكاوى مستقلة عن الإدارة وعن المشرفين

أقترح أيضا عمل لجنة اتصال للتواصل مع الأعضاء المختفيين ودراسة أسباب ابتعادهم حتى نستطيع ادخال التحسين المستمر ، كما يجب ان يكون هناك نوع من الإجتماعات الدورية من خلال غرف الشات لأكبر عدد من الأعضاء الفاعلين لمناقشة ما يدور على الساحة بشكل اكثر تواصلاً

أيضا شعار المحاورات في المرحلة القادمة الذي يجب ان نعمل عليه فى ظل ما تحقق وما نأمل أن يتحقق وذلك لرسم الخط الإستراتيجي للمحاورات فى الفترة المقبلة

وأخيرا اقترح صندوق للأفكار فالكثيرون منا لديهم أفكار ولكن لا يجيدون التعبير ، هنا نلجأ لفريق عمل مكون من صاحب الفكرة والكاتب على أن يعرض الموضوع بإسميهما

أخيرا اشكرك على إتاحة المجال وعلى تقبلك للنقد بشكل يجعل المحاورات بالفعل مكاناً يستحق بذل الوقت والجهد من أجل إنجاحه

[عادل أبوزيد]

الفاضل أحمد رضوان الواضح أنك - على الأرجح - لم تتصفح الموضوع و إكتفيت بالعنوان و أعتقد لو أعطيت لنفسك مجرد ساعة زمن ستتوصل إلى نوع من التصور لما إقترحه الأفاضل أعضاء محاورات المصريين و ما تم إنجازه ، حضرتك مشاركتك كلها على إدارة محاورات المصريين التي أطمئنك أنها تدار بنموذج ال BBC البريطانية التي يديرها مجلس أمناء على مستوى عالي من الثقافة و القدرة على العطاء كما أن شكل الإدارة و تفاصيلها خارج نطاق هذا الموضوع.

ما سبق كان إستهلالا لابد منه

التطوير الذي نتحدث عنه ينصب أساسا على تنشيط و زيادة فاعليتة محاورات المصريين كصالون ثقافي و إجتماعي و أخيرا سياسي رسالتنا هى التنوير و نشر ثقافة النزاهة و مواجهة بث الكراهية و تمجيد الإرهاب و العبئ كبير و يقع على كاهل كل الأعضاء و مجلس الأمناء

[عادل أبو عمر]

فضلا ... أرجو قراءة الفقرة كاملة حتى تصل الفكرة كاملة

في رأيي أنه يوجد انحراف مضمون منتدى محاورات المصريين عن الرسالة المنوط بها .. و السبب في اعتقادي هو تحيز المشرفين لقناعاتهم السياسية في الموضوعات المطروحة وهو في نظري ما يؤثر سلبا على نظرة الأعضاء للمنتدى لأن مع وجود غالبية من المشرفين ذوو اتجاه سياسي متشابه أو يأخذون موقفا جماعيا مضادا لشأن سياسي فهو يعطي الانطباع أن " المنتدى نفسه " له اتجاه سياسي محدد وهذا يتنافى مع صفة " المصريين " بعمومها التي وصفت المحاورات كصالون ثقافي واجتماعي و ليس سياسي فقط ..

لذلك أتمنى لو أن المشرف يكون غير معلوم الاتجاه السياسي أو حتى الديانة لأن الأصل هو أن المكان للمصريين .. كل المصريين

وهذه النقطة تحديدا ستمنع أي فرصة لتحميل موقف بأكثر مما يحتمل ..

بمعنى آخر أرى أن ينحصر تدخل المشرفين عند وجود خرق لقواعد المشاركة أو طلب تدخلهم من الأعضاء

ولو أمكن يكون هناك باب أو موضوع محدد كحوار مفتوح و دائم مع الإدارة لأي استفسار فبعض الأمور لا تستدعي السرية و تكون مفيدة لباقي الأعضاء الحاليين أو الجدد .

أما إذا كان المشرفون أنفسهم يصرون على المشاركة في الحوار لما يمتلكون من رأي يثري الحوار فإمكانهم التسجيل بعضوية عادية لا يتضح منهما صفتهم الإشرافية ..

اقتراح أخير ... هل لدى الإدارة أي دراسة عن أسباب هجرة أعضاء مميزين مثل الفاضلة " ضحى " للمنتدى ؟؟

في دورة حضرتها منذ سنوات في مجال الموارد البشرية قال المحاضر أنه يوجد اتجاه لتصنيف أفراد المؤسسة " الموظفين " كبند من الأصول في ميزانية الشركة و ليس مجرد بند مصروفات ( مرتبات و أجور ) لأن الاستثمار في البشر ربما يكون أهم و أكثر قيمة من المباني أو المكان الذي يعملون داخله ..

طبعا المحاورات لن تعدم مع استمرارها بفضل الله لمدة اثني عشر عاما و لكن هل من دراسة تخص الإدارة فقط عن منحنى مستوى الأداء متى صعد و ومتى هبط و ما هي الأسباب .. و ما مدى تأثير هجرة الأعضاء المميزين أو صمتهم .

ارى المعطيات كثيرة في كل وقت بشكل يسمح لمحلل في قيمة الأستاذ وايت هارت بتحليل أدق التفاصيل وإعطاء الإدارة تقرير مبسط و كافي

وعلى ذكر الأستاذ وايت هارت أتعجب من قدرته على استعادة موضوعات من الأرشيف القديم جدا ربما مر عليها قرابة العشر سنوات رغم أن خاصية البحث داخل المحاورات تكاد تكون بدائية و تستغرق وقت كبير جدا و في رأيي تتطلب التطوير .

تحياتي للجميع

[احمد رضوان]

الفاضل أحمد رضوان الواضح أنك - على الأرجح - لم تتصفح الموضوع و إكتفيت بالعنوان و أعتقد لو أعطيت لنفسك مجرد ساعة زمن ستتوصل إلى نوع من التصور لما إقترحه الأفاضل أعضاء محاورات المصريين و ما تم إنجازه ، حضرتك مشاركتك كلها على إدارة محاورات المصريين التي أطمئنك أنها تدار بنموذج ال BBC البريطانية التي يديرها مجلس أمناء على مستوى عالي من الثقافة و القدرة على العطاء كما أن شكل الإدارة و تفاصيلها خارج نطاق هذا الموضوع.

ما سبق كان إستهلالا لابد منه

التطوير الذي نتحدث عنه ينصب أساسا على تنشيط و زيادة فاعليتة محاورات المصريين كصالون ثقافي و إجتماعي و أخيرا سياسي رسالتنا هى التنوير و نشر ثقافة النزاهة و مواجهة بث الكراهية و تمجيد الإرهاب و العبئ كبير و يقع على كاهل كل الأعضاء و مجلس الأمناء

أستاذى الفاضل عادل أبو زيد

تحية طيبة

عندما نتحدث عن التطوير ... نتحدث عن كل عناصر المنظمة ، وعندما نتحدث عن معايير عالمة ، فلنتحدث عن معايير التميز الأوربية وكيفية تحقيق منظمة أعمال ربحية كانت أو غير ربحية كالمحاورات أهدافها من خلال تطبيق نظم التميز والتى لا تستثنى مراجعة كافة عناصر المكان من القيادة والإستراتيجيات والأعضاء والسياسات والإجراءت والعمليات ووغيرها ... وانت عندما تغلق موضوع مراجعة كفاءة الأداء على عنصر واحد فقط ، هنا تصبح العملية بكلها تحتاج لترميم لأنه جهد ضائع ، فأي منظمة تتطلع للمستقبل تركز على الجودة من خلال التركيز على ثلاثة عناصر رئيسية هم

النظام العام

الناس

العمليات

عامة أدرج هنا رابط جائزة التميز الأوروبية للعلم فلعلك تجد فيها شيئا ذو فائدة لمستقبل المحاورات لأنى أرها فى نفس الموقع منذ اكثر من 10 سنوات

http://www.efqm.org/en/tabid/132/default.aspx

وقديما قالوا ... جنة من غير ناس ما تنداس

تقبل منى كل الود

تم تعديل 10 أكتوبر 2012 بواسطة احمد رضوان