أم كلثوم

[MZohairy]

وطبعا ناويه يازهيرى ان شاء الله لو ربنا ادانى العمر اكتب موضوع فى قسم الفن

فيه سيره حياة تامر حسنى واغانيه الشجيه

بس من واقع خبرتك فى المواضيع الفنيه للفن الأصيل ... تفتكر ايه انسب وقت انزله فيه

بحيث يلاقى اقبال جماهيرى زى موضوعك عن ام كلثوم :wub:

لولا

والله يا لولا لو عايزه تكتبي موضوع عن قصة حياة المناضل الكبير الشهيد تامر حسني

اعتقد ان انسب وقت ممكن تكتبي و تنزلي فيه الموضوع ده لما تكون المحاورات بعد الشر واقعه و السرفر بتاعها متدمر

[لولا]

وطبعا ناويه يازهيرى ان شاء الله لو ربنا ادانى العمر اكتب موضوع فى قسم الفن

فيه سيره حياة تامر حسنى واغانيه الشجيه :wub:

بس من واقع خبرتك فى المواضيع الفنيه للفن الأصيل ... تفتكر ايه انسب وقت انزله فيه

بحيث يلاقى اقبال جماهيرى زى موضوعك عن ام كلثوم bv:-

لولا

والله يا لولا لو عايزه تكتبي موضوع عن قصة حياة المناضل الكبير الشهيد تامر حسني

اعتقد ان انسب وقت ممكن تكتبي و تنزلي فيه الموضوع ده لما تكون المحاورات بعد الشر واقعه و السرفر بتاعها متدمر

دا على اساس ان تامر حسنى لازم يتسمع فى جو كله هدوء وروقان ورومانسيه بعيد عن الزحمه ؟؟ md2:

عموما يازهيرى يا خويا صيت تامر حسنى مالى البلد وقلوب بنات البلد والبلدان المجاوره كمان

.. يعنى ذكراه مش محتاجه حد يحيها ... هى لسه فرش ومش مستحمله اكتر من كده mfb:

ميغسي ع النصيحه

لولا

[MZohairy]

http://www.BLOCKED77/file/70001532/206b1...-__part_2_.html

ده الجزء التاني لنفس الغنوه من اهداء الزميل الحبيب هيثم نافع

التسجيل النادر ده اللي جابهولنا هيثم و في الجزء الثاني و بالتحديد في اول دقيقتين منه

ياريت نسمع الست في حاله متفرده من التجلي و السلطنه و في عز التجلي لم تنسى جمهورها و تنقلب من التلييل التطريبي الى التلييل النشط بشكل مبهر و فجائي

و الأكثر ابهارا في الحقيقه هو استجابة الموسيقيين من وراءها بمنتهى السرعه

و الأشد ابهارا هو استيعاب الجمهور لهذه النقله السريعه جدا و هتافه لتحيتها أيضا

يعني الست فاهمه :blink:

و الموسيقيين فاهمين

و الجمهور فاهم

انا بقى مبقتش فاهم ايه اللي حصلنا خلانا مش فاهمين زي ماكانوا بتوع زمان فاهمين :lol:

نستكمل و تابعونا

[Modest]

الله على الموضوع الرائع :blink:

ملحوظه مهمه

الأغنيه دي مينفعش تسمعها في العربيه او على القهوه او في المطبخ.......

دي لازم تكون قاعد قعده شديدة الهدوء و الروقان و معاك كباية شاي و سيجاره اذا كنت بتدخن و يا حبذا لو مكان مفتوح او قدامك منظر جميل

و كل ده يستحسن انه يكون بالليل

استني يا زهزوهَه :blink:

قبل ما تقوم من حالة الهدوء و الروقان دي إسمع أغداً ألقاك و خصوصاً لما توصل للدقيقة 24 و 56 ثانية بالضبط و تقوم رازعاك حتة تخليك لو في العربية تخبط في أول عمود نور أو القهوة تفور لو واقف في المطبخ أو طبعاً تقع في الشارع لو قاعد مأنتخ على الشيزلونج جنب سور البلكونة و مش واخد بالك :happy:

هذه الدنيا كتابٌ .. أنت فيه الفِكرُ

هذه الدنيا لياليٍ .. أنت فيها العُمرُ

هذه الدنيا عيونٌ .. أنت فيها البَصرُ

هذه الدنيا سماءٌ .. أنت فيها القمرٌ

و بالإذن علشان أغمى عليا و انا باسمعها دلوقتي.

[حسام يوسف]

تحياتى وتقديرى للعزيز أبو الذوق كلة

زهيرى

الله عليك

وعلى موضوعاتك

[MZohairy]

الله على الموضوع الرائع :lol:

ملحوظه مهمه

الأغنيه دي مينفعش تسمعها في العربيه او على القهوه او في المطبخ.......

دي لازم تكون قاعد قعده شديدة الهدوء و الروقان و معاك كباية شاي و سيجاره اذا كنت بتدخن و يا حبذا لو مكان مفتوح او قدامك منظر جميل

و كل ده يستحسن انه يكون بالليل

استني يا زهزوهَه :lol:

قبل ما تقوم من حالة الهدوء و الروقان دي إسمع أغداً ألقاك و خصوصاً لما توصل للدقيقة 24 و 56 ثانية بالضبط و تقوم رازعاك حتة تخليك لو في العربية تخبط في أول عمود نور أو القهوة تفور لو واقف في المطبخ أو طبعاً تقع في الشارع لو قاعد مأنتخ على الشيزلونج جنب سور البلكونة و مش واخد بالك

هذه الدنيا كتابٌ .. أنت فيه الفِكرُ

هذه الدنيا لياليٍ .. أنت فيها العُمرُ

هذه الدنيا عيونٌ .. أنت فيها البَصرُ

هذه الدنيا سماءٌ .. أنت فيها القمرٌ

و بالإذن علشان أغمى عليا و انا باسمعها دلوقتي.

يا أخي الفن بينقط منك يا موديست و مش عارف اقولك ايه غير انك ياريت تجيبلنا التسجيل ده عشان نسمع الحته دي و نلبس في عمود النور و احنا قاعدين في المطبخ تحت البلكونه lo::

تحياتى وتقديرى للعزيز أبو الذوق كلة

زهيرى

الله عليك

وعلى موضوعاتك

والله واحشني يا حسام

فينك يابني؟؟ :happy: :blink:

[tarek hassan]

فن عربي أصيل فصيح محترم لا يثير غرائز وإنما يحرك مشاعر

لقد سمعت حديثا للسيدة أم كلثوم لا أزال أتذكره عن اختيارها للكلمات تقول :

الكلمات الكويسة كل ما تعطيها ألحان تزيد حلاوتها أما الكلمات الرديئة فلا تفيدها الألحان لكونها رديئة فماذا تفعل لها الألحان

على ما أذكر

وكانت تناقش الشعراء فيما يكتبون

سمعت حديثا للشاعر : عبد الفتاح مصطفى رحمه الله قال :

إن السيدة أم كلثوم سألته

من هذا المحبوب الذي تقول له في أغنية أقولك إيه عن الشوق يا حبيبي

وعودك في الخيال غاليه عليه وأجمل من حقيقه بين إيديه

فقال لها حبيبي هو الله

ووعوده في الخيال الجنة

وإيماني بها أجمل من الحقيقة التي بين يدي

كان ذلك في حديث لصوت أمريكا

كان جميلا منك استاذ زهيري أن ترجع بنا لزمن الفن الجميل

والكلام الجميل

[أبو محمد]

أم كلثوم كانت تعطى للأغنية مذاقا خاصا فى كل مرة تغنيها فيها

تسمع الأغنية فى شهر فينتابك إحساس معين ... تسمع نفس الأغنية فى الشهر التالى تجد نفسك تسمعها بإحساس آخر .. وهكذا

كنت أعتقد أن ذلك راجع فى المقام الأول إلى حالتى أنا النفسية فى كل مرة أسمعها ... وبعد معرفتى بالكمبيوتر وطرق تنزيل الأغانى .. وجدت أن كل عاشق من عشاق صوتها وفنها قد رفع ما عنده من تسجيلات .. وسمعت أكثر من أغنية بنُسخ عديدة .. وتأكدت أن المعانى والأحاسيس التى كنت أشعر بها لم تكن تبعا لحالتى أنا النفسية .. بل هى ماتريد أم كلثوم أن تنقله إلى مستمعيها لتقول لهم إنها تعرف كيف تعطى للأغنية الواحدة عدة معان وأحاسيس

سمعت التسجيل الذى أهداه الفاضل هيثم نافع .. واستمتعت به

والآن أريد أن أشرككم معى فى سماع تسجيل آخر لأغنية أهل الهوى .. ثم نرى إن كنت محقا فيما قلت

التسجيل ينقل إليكم جو الحفلات التى كنا نلتف حول الراديو ليالى الخميس الأول من كل شهر لسماعها .. ستسمعون تقديم المذيع فى أول الحفل .. وستسمعون السلام الوطنى قبل تغييره بلحن "والله زمان يا سلاحى" ثم لحن "بلادى بلادى" ... كان هو السلام الملكى إلى ما بعد عدوان 56 الذى كان فى أكتوبر/نوفمبر/ديسمبر ... وهذا التسجيل كان فى مايو 56

إتفضلوا .. كله يربط الأحزمة ويطفى السجاير ويخفض الإضاءة ... وينطلق محلقا فى سماء الجبروت الغنائى للصوت الذى وهبه الله لمن يعرف كيف يصونه ليمتع به الآذان والمشاعر

http://www.BLOCKED77/file/71364486/5d4d1...ay_1956_W3.html

[حسام يوسف]

ألف شكر للوالد الفاضل أبومحمد

بجد المفروض ام كلثوم تتوصف لمرضى ارتفاع الضغط والسكر

وأنا تحت النظر يا عم زهيرى

ومقدرش اتأخر عنك أبدا

تحياتى من احلى مشتى فى العالم

تم تعديل 13 نوفمبر 2008 بواسطة حسام يوسف

[Modest]

استني يا زهزوهَه :wub:

قبل ما تقوم من حالة الهدوء و الروقان دي إسمع أغداً ألقاك و خصوصاً لما توصل للدقيقة 24 و 56 ثانية بالضبط و تقوم رازعاك حتة تخليك لو في العربية تخبط في أول عمود نور أو القهوة تفور لو واقف في المطبخ أو طبعاً تقع في الشارع لو قاعد مأنتخ على الشيزلونج جنب سور البلكونة و مش واخد بالك

هذه الدنيا كتابٌ .. أنت فيه الفِكرُ

هذه الدنيا لياليٍ .. أنت فيها العُمرُ

هذه الدنيا عيونٌ .. أنت فيها البَصرُ

هذه الدنيا سماءٌ .. أنت فيها القمرٌ

و بالإذن علشان أغمى عليا و انا باسمعها دلوقتي.

يا أخي الفن بينقط منك يا موديست و مش عارف اقولك ايه غير انك ياريت تجيبلنا التسجيل ده عشان نسمع الحته دي و نلبس في عمود النور و احنا قاعدين في المطبخ تحت البلكونه

و انا في ديك الساعة لما تلبس في عمود النور يا زهرورتي :wub:

إتفضل أغداً ألقاك

و جايب لك عليها كمان فوق البيعة

حبيبي يسعد أوقاتُه

رقّ الحبيب

رباعيات الخيّام

ياللي كان يشجيك أنيني

و تسجيل نادر لـ أنا في انتظارك

و لكل حبايبنا اللي منورين التوبيك أقول لهم يا صباح الخير ياللي معانا :wub:

[MZohairy]

هو صحيح الهوى غلاب (مقام صبا)

القاهره 1960

زكريا احمد

و توأمه بيرم التونسي

و أم كلثوم بدون القاب

نستكمل :h!!!h:

[MZohairy]

طب مفيش سقفه للنبي حتى؟

[أبو محمد]

ولو ان الستارة لسه ما اتفتحتش يا مايسترو إنما تستاهل أجدع تسقيفة

[MZohairy]

حتفتح اهو يابو محمد :closedeyes:

رجعنا احبائي

في عام 1960 كانت العلاقه الفنيه و الشخصيه قد انقطعت تماما بين ام كلثوم و زكريا احمد بسبب خلافات يقال انها ماديه (وانا ارجح هذا) و ظلت العلاقه منقطعه لمدة 14 عاما

حيث كانت اخر الحان زكريا لأم كلثوم هي ما لحنه لها في فيلمها فاطمه سنة 1946

واعتمدت ام كلثوم خلال هذه الفتره على رياض السنباطي بشكل مركز مع بعض الالحان للقصبجي و الموجي و الطويل و بليغ اخيرا في حب ايه اللي انت جاي تقول عليه

المهم .....

تدخل ولاد الحلال لإصلاح ذات البين و رجعت المياه لمجاريها و كان نتاج الصلح اغنية هو صحيح الهوى غلاب

تعالوا نشوف عم بيرم التونسي قال ايه...

هو صحيح الهوى غلاب؟ ما عرفش انا

والهجر قالوا مرار وعذاب واليوم بسنة

الراجل ميعرفش حاجه و مشافش الحب و أموره ممتازه و عايش سعيد و ملوش دعوه :closedeyes: و كل معلوماته ان الناس بتقول انه حاجه فيها هجر و عذاب و مرار بس هو ميعرفش wst::

جاني الهوى من غير مواعيد

وكل مادا حلاوته تزيد

ما أحسبش يوم حياخذني بعيد

أنأناااااان :blink: و فجأه جاله الهوى من غير ما يشعر و المصيبه ان حلاوة الحب بتزيد

يمني قلبي بالأفراح

وارجع وقلبي كله جراح

و فجأه تاني :blink: ...يبتدي الحب بعمل المقالب المحزنه ...يوعده بالافراح و ياعيني ميلاقيش غير الجراح :sad:

إزاي يا تري ؟

أهو ده اللي جرى!

وانا ما عرفش

و هنا تيجي قمة بيرم الساخره :P و يحسسك انه قاعد لوحده متعجب و متحسر و بيضرب كف على كف و بيتساءل و يرد على روحه و مسلم امره تماما بقوله اهو ده اللي جرى!!

نظره وكنت أحسبها سلام وتمر قوام!

أتاري فيها وعود وعهود وصدود وآلام !

وعود لاتصدق ولا تنصان

عهود مع اللي مالوش أمان

صبر على ذله وحرمان

وبدال ما اقول حرمت خلاص

أقول يارب زدني كمان

إزاي يا تري ؟

أهوه ده اللي جرى!

وانا ما عرفش

يا قلبي آه الحب وراه أشجان والم

واندم واتوب وعلى المكتوب ما يفدش ندم

يا ريت أنا أقدر أختار

ولا كنت اعيش بين جنة ونار

نهاري ليل وليلي نهار

أهل الهوى وصفوا لى دواه

لقيت دواه زود في أساه

إزاي يا تري ؟

أهو ده اللي جرى!

وانا ما عرفش

تابعونا......

[tarek hassan]

عندي مشكلة مع أغاني أم كلثوم وهي أنني أحب أغاني لها لا يستمع إليها من حولي ولا يعرفونها ومع ذلك أطرب لها لأنني أنظر إلى الكلمات والشعراء وهي مثلا

حلم الأمل ( وهي قصة جميلة لرؤيا)

وسلوا كؤوس الطلا

واذكريني

كلمات رائعة وشعر جميل وأداء معبر

[elshafey]

زارت كوكب الشرق ام كلثوم القدس ويافا لاول مرة بعد الاحتلال البريطاني . وغنت علم 1927 على مسرح سينما اديسون وكانت هذة السينما من اشهر واعظم المسارح آنذاك بالقدس .

وقد توافد اهالي القدس لسماعها واصبح الجميع وكأنهم في غيبوبة من شدة الطرب وكانت ليلة فريدة من نوعها لابناء القدس . وقد غنت ام كلثوم اغنية بعنوان -- يابشير الانس .. ثم سافرت ام كلثوم الى حيفا وكان في استقبالها رئيس بلديتها في حينه حسن بك شكري وأحد وجهاء حيفا وهو ابراهيم بك الخليل. ( من أحمد مروات - الناصرة ).

( مـــــــنـــــــــــــقـــــــــــــــول )

[elshafey]

تفتكروا مين الاعظم (والعظمة لله طبعا)

[elshafey]

رحمة الله عليهم الاثنين من عظماء مصر

[elshafey]

انا معرفش منهم غير فريد الاطرش وام كلثوم ..........

ياتري حد عارف الباقي مين

[Sherief AbdelWahab]

فيه أغنية مبنسمعهاش كتير وتستحق التحليل.. أغنية "خارج نطاق الزمن" هي "أصبح لدي الآن بندقية" للشاعر "نزار قباني" وموسيقار الأجيال "محمد عبد الوهاب"..

خارج نطاق الزمن بسبب توزيعها الأوركسترالي شديد الإتقان كما لو كانت تلك الأغنية مسجلة منذ وقت قريب.. توزيع يختلف عن التوزيع الموسيقي بمفهوم الفترة كما قدمه "أندريا رايدر" و "علي إسماعيل" والأخير كان الموزع التقليدي لوطنيات "عبد الحليم"..

أغنية عايزة تحليلاتك يا زهيري..

خلص الكلام