رمضانيات - الراجل ده حيجنني

[عادل أبوزيد]

تصوروا  طيور ب جنيه و ريال !  قمة التبذير ، لا أعرف إنطباع جماهير محاورات المصريين بهذا الاسكتش. أظنه من الستينيات. اللهم احفظ لنا اليوتيوب.

كلمات الأغنية :

الراجل ده حيجننى

 

 

• كلمات: حسين السيد
• ألحان: محمد الموجى
• غنا: صباح و فؤاد المهندس

الراجل دة حيجنني .. حيجنني

طير مفاتيح عقلي مني .. حيجنني

يجي رمضان .. وخناقه يزيد .. عايز طباخة سكة حديد

اللحمة 3 أشكال .. و طيور بجنيه و ريال

ويوماتي رز ومكرونة .. وكنافة باللوز وعلب تونة

غير السلطات .. والمحشيات .. والمشويات .. والحلويات

وإن قلت ياخويا الأكل كتير .. الاكل كتير

وبلاش بعزقة و بلاش تبذير .. وبلاش تبذير

يصرخ و يقول:

ياخواتي صايم و راجل شقيان

و مراتي عايزة تجوعني حتى فى رمضان

دي مصيبة إيه دي؟

يا عالم فهموه رمضان ماعمروش قال كده

رمضان قال إحمدوه والحمد مش بالشكل ده

الراجل دة حيجنني

---

يجي من العصر للمغرب و حريقة تطير

و يخش المطبخ و يقوم زعابيب قمشير

عملينلنا وزة بالخلطة و بفتيك و صينية مكرونة بس

وخضار صنفين و كباب حلة و ضرمة باللحمة المفرومة بس

طب فين اللحمة المشوية و الفتة فين و التقلية؟؟

والسمك البوري اللى أنا جايبه راح فين و الشوربة فين هى؟؟

وإن قلت ياخويا الأكل كتير .. الاكل كتير

وبلاش بعزقة و بلاش تبذير .. وبلاش تبذير

يصرخ و يقول:

ياخواتي صايم و راجل شقيان

و مراتي عايزة تجوعني حتى فى رمضان

دي مصيبة إيه دي؟

يا عالم فهموه رمضان ماعمروش قال كده

رمضان قال إحمدوه والحمد مش بالشكل ده

الراجل دة هيجنني

---

ونرص الأكل على السفرة أشكال و الوان

والفول ابو زيت اصلي بحبه فى فطور رمضان

يسيب الأكل كله و يمسك طبق الفول

ولقمة تجر لقمة يشبع و يقوم على طول

والأكل بحاله ينشال و الحال تاني يوم هو الحال

وإن قلت ياخويا الأكل كتير .. الاكل كتير

وبلاش بعزقة و بلاش تبذير .. وبلاش تبذير

يصرخ و يقول:

ياخواتي صايم و راجل شقيان

و مراتي عايزة تجوعني حتى فى رمضان

تعاليلي ياما

يا عالم فهموه رمضان ماعمروش قال كده

رمضان قال إحمدوه والحمد مش بالشكل ده

الراجل دة هيجنني

 

[عطر الجنة]

سبحان الله استاذنا الفاضل ..

استمعت اليها امس فى بيت ابى و استرعى انتباهى امس هذا المقطع .. و الخاص بجنيه و ريال ..

و علقت عليه ..

تقريبا كان برنامج مستضيفين فيه الملحن حلنى بكر بيتكلم عن اغانى رمضان ..

و لى عودة ..

[عادل أبوزيد]

عن الأغنية من جريدة المصري اليوم :

حمل شهر رمضان فى طياته ذكريات وأغانى خاصة جدًا، بهذا الشهر الكريم، بداية من الاستعداد لاستقباله بشراء المتطلبات من مأكولات وقطايف وحلويات ومشروبات، وكانت أغنية «الراجل ده هيجننى» هى الأغنية التى تؤكد دائما على احتفالات المصريين بهذا الشهر الكريم وهى لفؤاد المهندس وصباح.

اسم الأغنية الأصلى هو «رمضان قال احمدوه» والأغنية كلمات حسين السيد ولحن محمد الموجى، وكانت من إخراج محمد سالم، والأغنية كانت بين سنة 1961 و1962. وفى حفلة لصباح سنة 1962 طلب منها الجمهور الأغنية، ولأن فؤاد المهندس كان غائباً، حل محله المنولوجست والممثل «أحمد غانم»، وقام بدور الغائب فؤاد المهندس، مضيفًا جواً من المرح والفكاهة، والسخرية على الرغم من كونه غير متقن لكلمات الأغنية.

عبقرية الأغنية لم تكن لتكتمل لولا اختيار الأسطورة الكوميدية فؤاد المهندس ليشارك الغناء مع الأسطورة الغنائية صباح «الشحرورة»، ليكون نتيجة لقاء أسطورتين أحدهما غنائية والأخرى كوميدية، «دويتو» جميل وبسيط لن تمحوه الأيام من ذاكرة المشاهدين، وهو يثبت حضوره فى كل رمضان، بالرغم من مرور عشرات السنوات على صناعته.

وسبق أن حكت الشحرورة قصة هذه الأغنية فقالت: «فى إحدى المرات كنت أزور فريد الأطرش، فالتقيت الشاعر حسين السيد، وأبلغنى أن لديه أغنية جديدة عن رمضان وأنها ستنال قبولى، وبالفعل أعجبت بالأغنية بالرغم من اعتراض بعض الأصدقاء على كلماتها، وتمسكت بها بشدة، وأعطيتها للموجى ليلحنها، واتفقنا مع المخرج محمد سالم لإخراجها، وطلبنا من فؤاد المهندس أن يشارك فيها، ونجحت الأغنية نجاحًا مذهلًا».

وتقول الأغنية «الراجل ده هيجننى هيجننى، طير مفاتيح عقلى منى هيجننى» ثم تضيف لتوضيح أسباب صراخها: «ييجى رمضان.. وخناقه يزيد، عايز طباخة سكة حديد، اللحمة 3 أشكال وطيور بجنيه وريال، ويوماتى رز ومكرونة.. وكنافة باللوز وعلب تونة، غير السلطات.. والمحشيات والمشويات»، ثم يظهر زوجها الذى تبدو عليه البساطة والاستسلام وقلة الحيلة ليقول ويده على خده: «يا إخواتى صايم وراجل شقيان ومراتى عايزة تجوّعنى حتى فى رمضان».