تشكيل حكومة ظل المحاورات

[tarek_almeghallawy]

تخيل نفسك أنه تم تكليفك برئاسة وزراء حكومة ظل من أعضاء في المحاورات

فمن تختار وزراء معك في الحكومة

ربما تكون بعض الوزارات متفق عليها

مثل وزارة العدل للوزير الأفوكاتو

وبعض الوزارات ستحتار من تختار لشغلها

وزارة الاعلام: الوزير شريف عبد الوهاب.. يمكنك أن تختار المدهش دم جديد وروح جديدة

وزير الشئون الأسلامية: أرشح الوزير س س

وزيرة البيئة عشان الستات ما تزعلش: أنا ها أختار الوزيرة طنط Reham

أنا مش عايز أحرق التشكيل الوزاري لحكومتي

أختار أنت حكومتك

[الاسكندرنى]

ربنا يعينك يابنى على نفسك

انا مابحبش اتكلم فى الحورات ديه مش شكلى ولا لونى ولا اتجاهى

انا مش بتاع سياسه

واللى خالنى اكتب هى نصيحه منى غير من طريقتك و طريقك و سيبك من شغل السياسه :D :D :)

تم تعديل 5 مارس 2006 بواسطة الاسكندرنى

[مصرية الهوى]

مليش دعوى يا طارق ..

أنا عايزه حقيبة الخارجية والا المالية :D

والا هأستقيل من الحكومة .. وهأفضحكم وأطلع البلاوي الزرقا

اللي كنتوا بتعملوها ..

المستندات واوراق الكوتشينة كلها معايا .. :D

جيجي نقراشي باشا ..

رئيسة وزراء سابقة في البرلمان البوركيني فاسو ..

وعضو في نقابة الراقصات حاليا .. :)

[tarek_almeghallawy]

ربنا  يعينك  يابنى على نفسك 

  انا مابحبش اتكلم فى الحورات ديه  مش شكلى ولا لونى ولا اتجاهى 

انا مش بتاع سياسه 

واللى خالنى اكتب  هى نصيحه منى غير من طريقتك  و طريقك  و سيبك من شغل السياسه  :D  :D  :)

<{POST_SNAPBACK}>

يا عم اسكندرني دي مش سياسة

على فكرة انت ليك عندي وزارة أعماق البحار ابسط ياعم

[tarek_almeghallawy]

مليش دعوى يا طارق ..

أنا عايزه حقيبة الخارجية والا المالية  :D

والا هأستقيل من الحكومة .. وهأفضحكم وأطلع البلاوي الزرقا

اللي كنتوا بتعملوها ..

المستندات واوراق الكوتشينة كلها معايا .. :D

جيجي نقراشي باشا ..

رئيسة وزراء سابقة في البرلمان البوركيني فاسو ..

وعضو في نقابة الراقصات حاليا .. :)

<{POST_SNAPBACK}>

من غير حرنقة ليك عندي وزارة الوحدة العربية آل وحدة عربية آل

لكن فين تشكيل وزارتك انت ..الحين انت رئيسة الوزارة اختاري إن شاء الله تعيني نفسك وزيرة كل الوزارات

[se_ Elsyed]

وزير الشئون الأسلامية: أرشح الوزير س س

<{POST_SNAPBACK}>

معليش أنا بأعتذر عن الوزارة اللي هاتدخلني جُهنم دي

يا عم ده أنا حافظ الفاتحة والمعوذتين بالعافية .. ولا أنت عايز تختار وزير زي القاضي حلاوه اللي كان ساقط إبتدائية وأختاروه قاضي القُضاة في مسلسل " علي الزيبق " ؟

ما تشوف لي عندك الله يكرمك وزارة زي المالية :) أو العلاقات الخارجية .. حاجة كده من فوق القفص وهاشوفك برضوا

[se_ Elsyed]

بما إني رئيس وزراء .. يبقى التشكيل هايكون كالتالي

خط الضهر من اليمين للشمال :

- وزارة الحقانية : الأفوكاتو .

- وزارة الثقافة : عادل أبو زيد ( هو بيحب الحاجات دي بتاعت الإستهلال والتفعيل والآليات وكلام المثقفين الكبير ده )

- وزارة الهجرة والعاملين في الخارج : سكوربيون ( صاحبي ولازم أجامله )

- وزارة الشئون الإجتماعية والطفولة : ماما سلوى

- وزارة الإتصالات والتكنولوجيا : الباشمهندسة جيجي ( ينفع واحده سعودية تمسك وزارة مصرية ؟ .. أعتقد أه ما هو أحمد المغربي معاه جنسية سعودي ومسك السياحة ومش عارف ماسك نفسه دلوقت باينولا ماسك الإسكان .. على العموم ديتها نجوزها واحد مصري وتبقى عال العال ... خدي مُهيب وهاتدعيلي يا جيجي )

- وزارة الصناعة والإنتاج الحربي : MB14 عشان يكتر مصانع الأسمنت والحديد والخرسانة .

- وزارة الإعلام : اللي يقول غير شريف عبد الوهاب أنا مستعد أبطحه .

- وزارة الأوقاف والدعوة : براود مُسلم .

- وزارة البيئة : وايت هارت ( وهاتبقى عيني عليه )

- وزارة المالية : حلاوة العنتبلي .... مش عارف ليه .. شكله كده بتاع قرطمه وتدبيق .

- وزارة الدفاع : أخونا في الله سحاب ... عشان تولع بقى ( إوعى تزعل يا مان )

- وزارة الخارجية : أحمد محمود ... الراجل ده عنده شوية بدل نضيفة ولا عمرو موسى في زمانه .

- وزارة التربية والتعليم : سقراط قبل الضهر .. وشاوشنك بعد الضهر

- وزارة الأسكان : المُدهش ... الراجل ده كان بيسأل بجدية عن التجمع الخامس .. يبقى عنده ميول معمارية .

- وزارة الصحة : الدكتور خالد .

- وزارة الفرفشة والترويح عن الشعب اللي هايعذبه الوزرا اللي فوق دول : صفاء .. بعد ما ترجع من المُعتقل .

- وزارة الرومانسية : رئيس وزرا بقى وأعمل وزارات جديدة زي مانا عايز .. هامسكها لمهيب .. عشان يروح هو وجيجي الصُبح في عربية واحده ويفروا علينا تكاليف المواصلات .

وزارة التموين : بودا ووكيل أول الوزارة هايبقى شاعر الرومانسية ( حسن )

- وزارة ( لسه مالهاش إسم : طارق المغلاوي ... الراجل صاحب الموضوع ولازم نراضيه وما نكسرش بخاطرة .

- في واحد بقى عايز أعمله وزارة إسمها ( وزارة التحنيس ) : وهو زُهيري .. عشان نعرفه مين هما المصريين .. وإن إحنا جدعان قوي ... وتبقى الوزارة قدامه وكرسييها فاضي وهو مش قادر يوصل له

يُتبع لحين إنتهاء مشاورات تشيكل الوزارة .. وأنا بأقولها أهو .. ماحدش يجيلي البيت ولا يرن عليه عشان يطلب كرسي ....

[MZohairy]

يا عم أنا خدام

التحنيس

التهجيص

التلييس

التقلييس

كلنا فدا ترابك يا مصر :)

[Eng_Willo]

ايه دة؟؟؟ امال انا فين؟؟؟؟

على العموم انا مش طماع و نفسى ابقى عامل بوفيه فى وزارة الهجرة و العاملين بالخارج,., الشباب كله عايز يسافر برة دلوقتى و شغل التخليص هايبقى على ودنه و يمكن اترقى و ابقى عامل فى اى سفارة برة و اخلص الورق و اخد عمولتى باليورو...

هندسة مين و كهربا اية ياعم....هو دة الشغل اللى بيجيب فلوس دلوقتى.

[tarek_almeghallawy]

س س

وزارتك ناقصة أهم وزير

مين وزير الداخلية والمعتقلات والأمن المركزي

[وليد صفوت]

فين وزارة الفن ؟ :blink:

مافيش حتى وزارة للأغانى و الموسيقى ؟ :D

[se_ Elsyed]

ايه يا جدعان في ايه ؟ هو انا واقف بأقلي طعميه وكل واحد عايز طعميايه

دي وزارة يا جماعة ومسئولية

استنوني لما اخلص وبعدين حاسبوني

[tarek_almeghallawy]

جاري التشاور والمباحثات مع الفرقاء السياسين لتكوين حكومة وحدة وطنية

من أقصى اليمين إلى أقصى اليسار

يمكن أنزل بالوزارة للتصويت عليها في برلمان المحاورات بكرة

ياريت كل واحد يحضر وزارته

[الرافعي]

- وزارة المالية : حلاوة العنتبلي .... مش عارف ليه .. شكله كده بتاع قرطمه وتدبيق .

<{POST_SNAPBACK}>

آآآآآآآآه أحمدك يا رب ...

أخيراً بعد طول اشتياق، ومكتبي جاهز جنب محل عصير عبد الجواد ... :D

دولة الرئيس .. إن شاء الله مش هانكسفك ، وإن شاء الله أحلى فائض في الدخل، وأحلى مخصصات لأحلى وزارة، وأحلى شاليهات من فضلة خيركم :D

شوية جد بقى ...

خطة الوزارة ...

الجزء الأول

تعيين السادة عصفور طاير ، ولخبطة، والإسكندرني

في وظيفة كبير مفتشين بدرجة مدير عام

أول مهمة

كمين بجانب كل غرفة عمليات ولادة، والتحفظ على الجونين بمجرد نزوله حتى يتم دفع ضريبة الموبيعات :)

شكراً للأخوين أحمد رجب ومصطفى حسين على إيحائهم لي بالفكرة النميسة (فاكرين أبو الدهب) :)

أي خدمة يا افندم ، وتأمر سيادتك، بس الله يخليك ... وصي مباحث التموين تخف علينا شوية، ولا مش مشكلة

أكلم أخويا معالي الوزير بودا واحنا بنحلف بالطلا ... آسف بنحلف اليمين (لا مؤاخذة لسه ما اخدتش على وقار الوزارة)

دولة الرئيس س.س

جميلك على راسي يا افندم

لا مؤاخذة نسيت حاجة مهمة .. :blink:

الفنان العزيز زهيري، والفنان الصاعد فيولين كينج مستشارين فنيين للوزارة ..

مش كل وزارة لازم لها جيش من المستشارين في كل حاجة ؟؟

تم تعديل 5 مارس 2006 بواسطة حلاوة العنتبلي

[سقراط المصري]

بما إني رئيس وزراء .. يبقى التشكيل هايكون كالتالي

- وزارة التربية والتعليم : سقراط  قبل الضهر .. وشاوشنك بعد الضهر

 

يُتبع لحين إنتهاء مشاورات تشيكل الوزارة .. وأنا بأقولها أهو .. ماحدش يجيلي البيت ولا  يرن عليه عشان يطلب كرسي ....

<{POST_SNAPBACK}>

ربنا يستر عرضك يابوحميد

ربنا يكرمك وميطلعلكش عيل من التعليم

تاكد ان انا عمري ماشفت طفل نابغه زي ابنك عمر وتاكد انه في ظل وزارتي فهو ناجح ناجح واقر بانني سانشا جامعه مخصوصه له وحده فقط بعيدا عن بقية الشعب واعاهدك بانني ساسرع من العمليه التعليميه له وسيكون حاصل على اليسانس

قبل ان يبلغالعاشره فهو نابغ ابن نابغ

تحياتي

[الأفوكاتو]

الأفوكاتو وزير عدل؟ و حقانية؟ مرة واحدة؟

طيب ندور الأول على السيد عدل, و الست حقانية, و بعدين نعمل لهم وزير.

فى الدول الغربية, يتدرج الوزير من أدنى درجات السلم الوظيفى,

فهل من الممكن أن نقلد الغرب, و يتم تعيينى " حاجب " فى الوزارة أولا حتى أستكمل تدريجى, و" أتسلق السلم" إلى "أعلى درجاته", وأصبح وزيرا يستجيب لمطالب الباشا الكبير؟

حقانية قال. :blink:

تم تعديل 5 مارس 2006 بواسطة الأفوكاتو

[dr khaled]

اشكر السيد س س علي اعطائي وزاره الصحه بس انا كان نفسي في حاجه اكبر من كده

يالاة مش مهم

يتم رفع الحد الادني من اجور الاطباء الي 1000 جنيه و هزا بالنسبة للطبيب حديث التخرج

الضغط علي مجلسي الشعب و الشورة لرفع موازنه وزاره الصحة الي 3 اضعاف علي الاقل مع عدم اهدار المال العام علي القيشاني و السراميك

تكليف لجان حقيقيه بالسفر الي انجلترا و كندا و فرنسا لنقل نظم اداره المستشفيات و الارتقاء بالخدمات الطبيه

تطبيق نظام جديد بالجامعات للقضاء علي المحسوبية

اميل علي وزير الداخلية صاحبي و حبيبي و انبهه علي خطوره موقع محاورات المصريين و مايمثلة من خطوره علي عقول الشباب الصاعد موصيا بضروره اغلاقه والقبض علي الرؤؤس المحرضة مثل:

السيد س س وكتاباته الساخره اللي بتبوظ العيال

السيد مهيب لافكاره التامريه

الافوكاتو لانه هيحاول يخرجهم

مصريه الهوا وتمثل التمويل الخارجي

khedr: لانه اصبح مواطن ايجابي

واللسته لسه طويله

[Eng_Willo]

احنا ابتدينا برفع نسبة البطالة ولا ايه؟؟؟؟؟؟؟؟؟؟؟؟

دا انا صوتى اتنبح فى مجلس المحاورات الموقر عشان ابقى عامل بوفيه فى وزارة الهجرة و محدش عايز يعبرنى,,,هى دى كمان عايزة واسطة... مش كفاية انى مهندس

فين الديمقراطية؟؟؟ فين حقوق المواطنة؟؟؟؟ فين حق الشعب؟؟؟؟؟

يسقط الظلم

يسقط الاستبداد

يسقط الاستعمار

حد يخبينى عنده يومين تلاتة قبل ما امن المحاورات يقبض عليا

[se_ Elsyed]

نقلت الموضوع هنا .. عشان نبحبج وناخد راحتنا

------

مش عايز شكر خاص .. أنا عايز شغل وإجتهاد .... ومن هنا ورايح هاعمل كبسات مُفاجأة على كل وزير وأشوفه قاعد عر كرسيية ولا مأنتخش ( نايم ) في بيتهم ...

ما علينا ... أحلى برنامج إتقدم دلوقت هو برنامج الدكتور خالد .. فيما عدا الجزء السياسي الأخير ..

ما علينا نكمل التشكيل ...

---

خط الوسط من اليمين للشمال :

وزارة الشباب : شاين كورنر شتاءً .. وفايولين كنج صيفاً .. بس والله يا فيولين لو وسخت كراسي الوزارة بالأيس كريم اللي إنت سارح به في المنتدى طول النهار ده .. لأكون خلعك في الحال .

وزارة المدام : ودي إيه دي روخره ؟ .. إخواني وأخواتي .. إنطلاقاً من مبدأ اللي مالوش خير في أهله يبقى مالوش خير في حد .. فلقد قررت إنشاء وزارة جديدة لمدام سين سين .. واحد فلحوص هايسألني وقول : ودي إن شاء الله هايكون إختصاصها إيه ؟ هاتطبخ للشعب ولا هاتغسل هدوم الجماهير ؟ .. اقول له لأ يا فالح ... دي هاتقوم بأعظم دور في الدولة ... وهو إعداد كوادر وزارية مُستقبلية .. فالعيال اللي عندي دول بكره يكبروا ويبقوا وزرا .. فمحتاجين حد يشربهم أصول الصنعة على أصولها ... أظن واضح ؟

وزارة الداخلية والعسس : بأستأذنكم أحجز الوزارة دي بالذات لواحد صاحبي في الشغل إسمه صلاح ... كان محلفني يوم ما أتولى رئاسة الجمهورية .. قصدي الوزارة إني أشيله نايبه على جنب .. وأقلوظ له وزارة الداخلية ... الواد يا عين أمه كان نفسه يبقى أمين شرطة .. لكن للأسف كان ناجح في التعليم وكمل لحد الجامعة ... عدوها بقى علشان خاطري .

وزارة الزراعة : ودي هايتولاها أخونا كوكو واوا على أساس إن عنده خبرة في مزارع الفراولة ... هايبقى مطلوب منه يغرق البلد فخفاخينا .

وزارة المرأة : ودي مدكنها على جنب لأُختي فيروز ... كلمتني كذا مره من زمان وأحرجتني بصراحة ومش هالاقي زيها واحده تقدر تجمع حريم الشعب حواليها وتوعيهم وتخليهم يبقوا أواريب .. وأول مُهمه هاخليها تقوم بها إنها تعملي دراسة خلال 3 شهور بحيث ما تخليش لا عيل ولا عيله من غير جواز .. وتحاول تنضف دماغ البنات عندنا عشان يقبلوا فكرة الزوجة الثانية والرابعة كمان .....- نصيبي محفوظ يا فرفوره أنا عندي حتة واحده وفاضل لي 3 حتت .... داكور ؟ -

---------------

حلف اليمين يوم الأربع الجاي يا فندية .. كل واحد يروح يشتري له بدلة جديدة وكرافتة وجزمة لميع ... والبنات يروحوا الموسكي يشتروا لهم شوية فساتين على تيايير ... وكله يجيب الفاتورة ....

بالتوفيق يا ولاد .. البلد أمانه بين إيديكو ..

وتحيا مصر

[Guest النسر المصري]

وزارة البيئة فانا باقترح انك تمسكها للبنت مصرية

اصل أشعارها كلها مروج واراضي خضراء وزهور وورود

واحنا عايزين نبسط الشعب

تم تعديل 6 مارس 2006 بواسطة se_ Elsyed