أين تضع فلوسك في مصر؟

[المدهش]

هناك بنوك كثيرة في مصر ..وهناك أشكال أيضاً كثيرة لايداع النقود في تلك البنوك..وبالاضافة إلى شهادات الاستثمار ودفاتر التوفير العادية أصبح هناك مؤخراً الشهادات البلاتينية وغيرها..فما هو أفضل بنك مصري يمكن أن تضع فيه نقودك وأين يمكن أن تحصل على أعلى فائدة وازاي..أفيدونا أفادكم الله.

[kareka]

فى رأى اول شى تسأل عنه العائد هل حلال ام حرام؟

[khedr]

تحت البلاطه

اي

الار اضي

المباني

العقارات

[متيم السياسة]

ينفـــع اتخبيهـــا عنـــدي ؟

[mohmaher]

بنك فيصل ... أعتقد الأفضل من وجهة نظري ...

هو في بنك اسلامي غيره في مصر؟؟؟

[Mans]

بنك فيصل ... أعتقد الأفضل من وجهة نظري ...

هو في بنك اسلامي غيره في مصر؟؟؟

فيه المصرف الاسلامي للاستثمار و التنمية و فيه بيت التمويل المصري السعودي بتاع صالح كامل و لكن انا مع رأي الاخ اللي قال تحت البلاطة

العقارات هي الحل :huh:

[se_ Elsyed]

العقارات هي الحل :huh:

هي الحل إذا كان اللي هايشتري عنده خبرة ..

وبعدين كلمة عقارات كلمة عايمة جداً

فهل تعني الأراضي ؟

وإذا كانت تعني ذلك .. يبقى أراضي فين بالظبط ؟

مناطق جديدة ؟

وإذا كانت مناطق جديدة يبقى هل مناطق عشوائية مملوكة لأفراد ولا مُدن جديدة مملوكة للدولة ولا مناطق صحراوية مملوكة لأفراد أو للدولة ؟

أنا مش عايز أكلكعها لكن الموضوع كبير ..

ولكن نصيحتي للي عايز يستثمر في الأراضي .. يبقى يبعد عن المُدن الجديدة زي القاهرة الجديدة أو التجمع الخامس ، الشروق ، العبور

لسبب مهم جداً وهو إن زيادة سعر الأرض مع مرور الوقت بتبقى بطيئة جداً ولا أُبالغ إذا قلت " يبقى أنت كده بترمي فلوسك في الأرض ) ... يعني لو المتر إشتريته النهاردة بـ 250 ج مثلاً هناك ... ممكن بعد 4 سنين تلاقيه 300 ج !!!!! طب إذا كنا بنتكلم عن قطعة أرض مساحتها 500 متر يبقى معنى كده أنا حطيت 125000 ج في مشروع لمدة 4 سنين وأخدتهم 150000 .. يبقى كسبت حوالي 17 % ... بس خد بالك .. إن الأراضي هناك بتشتريها من جهاز المدينة او من أفراد بس الإجراءات بتتم من خلال الجهاز وبتدفع رسوم شراء أي نعم بسيطة بالنسبة للمبلغ الإجمالي ( 2.5 % من قيمة الأرض في أول عقد شراء ) لكنها تُحتسب من ضمن التكاليف ... والأهم والأخطر في هذا الموضوع هو إنك بتوقع على إقرارات بلتزم فيها إنك لازم تبني خلال مدة محددة غالباً لا تتجاوز عام من شراء الأرض وإلا هايسحبوها منك وتاخد بومبه .. أي نعم ما بينفذوش لكن أهو ورقة ممكن يلعبوها بها لو جه وزير غلس أو رئيس جهاز مدينة غلس ... وهذا بيعتبروه إجراء للحد من إحتكار الأراضي أو المضاربة فيها .. لإن هدف المدن الجديدة هو التوسع العمراني مش إن الأرض تتركن صحراء وتتنقل من واحد لواحد ..

يُتبع

[Horus]

الاخ الفاضل ... س س

انا نازل مصر خلال ايام ... الحمد لله عرفت اظبط اجازه اخيرا ..

كان نفسى اشترى حته ارض ... ممكن حضرتك .. او حد من الساده الافاضل يدللنى

فين الاماكن الكويسه و اللى اسعارها معقوللة

اخوك متغرب من سنيين طويلله

و فقدت الاتصال :lol:

كل معلوماتى من النت او الجرايد ع النت برضه

ياترى ممكن فى خلال اسبوعين ... ااقدر الاقى حاجه و اخلص فيها

الكلام ده من شهر مارس و احنا فى يوليو 2006

موش عارف المتر اللى ب 250 جنيه ده .. لسه موجود ?? مع الصعود المتوقع فى الاسعار خلال اجازه الصيف

هو ا س س لسه فى اجازه ... ده كلله ... اللهم لا حسد .. ده حقد بس .. :angry:

انا بالعافيه عرفت اسللك اسبوعين mfb:

[المدهش]

عزيزي ..حورس..

اجازة سعيدة بإذن الله ..وأذكر أنني قرأت موضوع حلو جدا في المنتدى منذ فترة عن أسعار الأراضي والعقارات في مصر..أعتقد أنك لو بحثت في باب المغتربين أو في الموضوعات القديمة في نفس هذا الباب "الموضوعات الاقتصادية فسوف تجده.

[عطر]

اقول لك وما تضحكش عليا ايه احسن مكان تحط فيه فلوسك !! :wub:

[Horus]

عزيزى مدهش

الف شكر يا سيدى على اهتمامك ... ربنا يخلليك

هادور و اشوف

عطر

لا موش هأضحك

بس انتى قولى :)

اوعى تقوليلى البورصه الله يخلليكى

انا لسه ماطلعتش من الخساره اللى فاتت :wub:

تم تعديل 28 يوليو 2006 بواسطة Horus

[Horus]

بس لو الموضوع قديم قوى هتكون كل المعلومات اللى فيه ليست ذات قيمه

كنت عاوز افاده من الناس اللى فى مصر

حتى الكلام عن المزرعه و الاستصلاح كله اختفى ... :wub:

فين الاستاذ كوكو واوا و الاستاذ متفاءل و عمنا الكبير محمد ابو زيد

اين انتم يا حاملى لواء الاستثمار و التنميه فى ارض الكنانه :)

الوووووووووووووووووووووو

[عطر]

عطر

لا موش هأضحك

بس انتى قولى :excl:

اوعى تقوليلى البورصه الله يخلليكى

انا لسه ماطلعتش من الخساره اللى فاتت :excl:

لا بورصة ايه دي مش مضمونة ابدا ابدا

لكن كنت حقول عن دفاتر توفير البريد

لا حد يقول لك حلال ولا حرام علشان مالهمش في القروض

غير انهم بيعطوا اعلى فايدة من البنك

كانوا يعطوا 11% دلوئتي نزلت ل 9% لكن

اتوقع ترجع تزيد بعد الرخصة التالتة للموبايل :excl:

[khedr]

هي العقارات والاراضي

لكن لاحظ......

ضمان الاوراق الخاصه بهذه العقارات

لايكون عليها نزاع من اي جهه

لا تتعجل لا في الشراء ولا القرار

حتي لو لم تشتري تكون عندك خبره كافيه

بناء الشقق السكنيه ونظام التاجير بالقانون الجديد

من الاستثمارات الطيبه

...........................................

...........................................

ندخل علي سؤال مهم انت ناوي تراعي هذه الاستثمارات

واللا تشتري وتسافر

لأن فيه استثمارات تستلزم وجودك بالمشروع

احذر...السماسره ....المحاميين عديمي الثقه....اعلانات الجرايد

وقبل ان تخطو خطوه عليك لالاستشاره والاستخاره

وفقك الله

[Horus]

'عطر'

لكن كنت حقول عن دفاتر توفير البريد

لا حد يقول لك حلال ولا حرام علشان مالهمش في القروض

البريد مالهومش فى القروض :)

إزاى الكلام ده ???

انا سمعت ان البريد بيسلف - حتى الحكومه :huh: - بفوايد

موش معقول الاستثمارالوحيد للبريد هو من بيع الطوابع :)

أستاذ خضر

ألف شكر على نصيحتك

على ما يبدو انى هاصرف نظر المره دى عن المشاريع و الاستثمارات

يظهر .. هاضيها سينما و بحر ;)

تم تعديل 29 يوليو 2006 بواسطة Horus

[عطر]

'عطر'

لكن كنت حقول عن دفاتر توفير البريد

لا حد يقول لك حلال ولا حرام علشان مالهمش في القروض

البريد مالهومش فى القروض :)

إزاى الكلام ده ???

انا سمعت ان البريد بيسلف - حتى الحكومه :D - بفوايد

موش معقول الاستثمارالوحيد للبريد هو من بيع الطوابع :P

أستاذ خضر

ألف شكر على نصيحتك

على ما يبدو انى هاصرف نظر المره دى عن المشاريع و الاستثمارات

يظهر .. هاضيها سينما و بحر :D

يسلف الحكومة :D

ومعقولة الحكومة تستلف منه وترد له فوايد اكتر من البنك !!

طب ما تستلف من البنك احسن لها

ده لحد شهور بيعطي ارباح 11% :lol:

لازم نطأس من الحكاية دي :D

[المدهش]

يا جماعة البريد البلية لعبت معاه..

ما سمعتوش عن دوره كشريك في صفقة شبكة المحمول الثالثة في مصر..

البريد شارك فيها مش عارف بكام مليار..يعني أعتقد إنه مشارك ب20% من الصفقة!!

[علي البدري]

عشانا عليك يا رب

[Horus]

حد عنده فكره عن المشروع ده ... و الشركه اللى بتنفذه

بافكر اخد معاهم ... بس قلقان

مش عارف ليه ???

http://www.assatha.com/photos.asp?parent=&...14&catid=32

فيه حد سمع عنهم

فيه حد يعرف مشروع تانى .. على نفس الوزن و يكون افضل ???

أفيدونا ... أفادكم الله

[لخبطه]

والله عمنا حورس انا دخلت الموقع اللى حضرتك حطيته وزيه زي غيره من الموقع اللى بتعمل إعلانات بالشكل دا

وكله لايوحي بالثقه صراحه ... بوابة شكلها شيك وشويه تصميمات هندسية مبهرة وخضرا وميه وشمس عافيه

لكن فين الثقه شركة أيه اللى الواحد ممكن يعيطيها الثقه ويستثمر كل شقى عمره فيها ويكون ضامن ان الموضوع مافيهوش لعب وانهم بعد لم الفلوس من الشقيانين هيرموا كل حاجه والمرافق تبوظ و البوابه تسكنها الغربان واجرى بقا على المحاكم ودوخيني ياليمونه

انا مش بعقدك بس انا بتكلم بإخلاص لانى واقع في نفس الموضوع من كام شهر فكرت أعمل حاجه زي كدا ولقيت اعلان بيقول اراضي جديده ونفس البوئين اللى مكتوبين دول مرافق كامله 50 دقيقه من القاهره ادفع ربع في الميه و الباقي على 100 سنة :ninja: :wub: :wub: :wub: B) و الفدان ب 5 الاف جنيه

قولت دا جميل أوي يعني الواحد يقدر ياخد 20 فدان ويدفع لها في حدود 30 الف جنيه دفعة اولى ويقسط وفرحت جدا بالموضوع وقولت الدنيا ضحكت لك يابو حبيبه ونمت على كنبة الانتريه وقعدت بقا اتخيل منظر الخضرا في العشرين فدان وانا بقى بجرى وسط الليمون و البرتقال والموز ياه بس بلاش ازرع موز لانه ثقيل وانا مش بحبه تقولهش محمود عبد العزيز في مسلسل (البشاير)

المهم

كلمت مهندس زراعي صاحبي قالى حاسب وحكي على بلاوي حصلت من الأعلانات دي وانه بس بتكون ارض في جبل لافيها مرافق ولا حتى ميه ولو عملوا مرافق بتكون مرافق وهميه على ما يبيعوا وابقا قابلني ويجي واحد من الهلبيه ويعمل سور وشويه صوره وتصميمات هندسيه ويجمع له كام مليون ويخلع

اللى ممكن فعلا يفيدنا حد يكون جرب يعنى حد كدا جزاه الله خير دخل في شركة أو حاجه من النوع دا وضبطت معاه يدلنا ويكون له الثواب في ناس شقيانه