كيف تتعامل مع أولاد الأبالسة

[المدهش]

في أي عمل وفي كل مكان عمل في العالم العربي التعيس ..هناك خيار وفاقوس..ناس بتتعب ولا تكسبش ..وناس بتكسب ولا تتعبش..ناس تتملق وتنقل الكلام و"تزر" الزملاء وتتقرب من الرؤساء فترتقي وتزيد درجاتها الوظيفية ومرتباتها ..وناس بتوع شغل وبس ..يظلون محلك سر وتنهال عليهم العقوبات والخصومات..فالادارة عندنا "تهجيص" ..ده دمه تقيل على قلبي وده واد زي العسل وهذه هي المعايير..والكتب التي يؤلفها الغربيون عن كيف تكسب رئيسك في العمل لا تنفع عندنا ..فالمقاييس مختلفة والقواعد متغايرة..فإذا كنت قد عانيت مثلي من تلك الأوضاع المقلوبة في كل القطاعات والمؤسسات في بلادنا فتعال نضع معاً روشتة للتعامل مع أولاد الأبالسة بحيث نستطيع أن نحافظ على حقوقنا وكرامتنا وفي نفس الوقت نحصل على المكاسب التي يصل عليها اللي بالي بالك بدون وجه حق!!!!!

[se_ Elsyed]

كل شركة أو مؤسسة لازم يكون فيها كده

وده لسبب بسيط جداً وهو لإنها قائمة على البشر ..

البشر اللي هما من لحم ودم .. وفيهم الطيب والشرس والقبيح :D حلوه دي ...

وأفضل طريقة للتعامل مع مثل هؤلاء .. هو :

1- دائماً تمشي في طريق مُستقيم .. وبالتالي ماتخليش حد يمسك عليك غلطه أو هفوه .

2- التعامل مع الله وليس مع البشر .. وبالتالي تيقن تماماً إن اللي عند ربنا ما بيضيعش وإن الله لا يُضيع أجر من أحسن عملاً .

3- التيقن تماماً بإن الصح والصح فقط هو من يستمر ويكسب في النهاية .

ولكن أنا مش معاك في جملتك الاخيرة

وفي نفس الوقت نحصل على المكاسب التي يصل عليها اللي بالي بالك بدون وجه حق!!!!!

لإنك قلتها بنفسك .. إنها بدون وجه حق .. فإذا كانت كذلك وأنا عارف كده .. يبقى ليه أسعى إني أحصل على شيء بدون وجه حق ..

وربنا كبير وعادل ويبارك في القليل اللي حصُلنا عليه بكل حق ...

ويمحق ولا يبارك في عكس ذلك .. حتى لو جت فترة من الزمن لقينا فيه زيادة ونماء وبركة - وهميه - فكل ده بيبقى إختبار للإنسان لكي يرى الله رد فعله وهل سيتمادى في غيه أم يرجع إلى الطريق القويم .

--

والله يا عم مدهش ياما الواحد شاف في حياته وسمع بودانه وشاهد بعينه كثير من الزومبجية دول .. وكثير من المتسلقين اللي عندهم إستعداد لامؤخذه يبيعوا شرفهم عشان يصعد ويعلى ويعلى ... ولكن في النهاية كلهم بيبقوا كالزبد " فَأَمَّا الزَّبَدُ فَيَذْهَبُ جُفَاءً وَأَمَّا مَا يَنفَعُ النَّاسَ فَيَمْكُثُ فِي الأَرْضِ كَذَلِكَ يَضْرِبُ اللَّهُ الأَمْثَالَ " والزبد اللي هو الرغاوي او الزبالة لا مؤخذه اللي بتبقى على وش الميه لما بيجرفها الموج أو التيار .

[لخبطه]

أنا مش قابلت النوعية دي بحكم عملى في مجال ضيق مش زي الشركات لكن أنا عايز ااكد على حاجه قاله سي السيد

أنك طول ما بتعامل ربنا حتى لو كان مديرك يهودي هتلاقي ربنا بيقدر تعبك

ويعطيك على قدر اجتهادك واخلاصك بطرق مختلفة مش شرط يكون تريقه مباشره او علو في العمل نفسه بل من خلال حاجات تانيه كتير

[صلاح ضحا]

شكرا علي الموضوع