كل ما يعجبك وإلبس ما يعجب الناس

[noureldonia]

السلام عليكم ورحمة الله وبركاته،،

كل ما يعجبك و إلبس ما يعجب الناس... مقولة شائعة جداً بنسمعها او بنرددها بس مش عارفة كام واحد بيعمل بيها و كام واحد مقتنع بيها اصلاً ، يعني أنا لما اسمع حد مش عاجبة إلي أنا لبساه واقولة أنا دة ذوقي من كتر كشوفة يرد عليا بتلك مقولة الشهيرة دة ...... سعتها بحس انوا شخص مش لاقي حاجة يقولها بحس انوا كمان إلي اطلق المقولة دة مفكرش في معناها قبل ما يقولها لان لو كان فكر في معناها كان هيعرف انوا مستحيل تجمع ذوق الناس علي حاجة واحدة انها جميلة أو العكس وانها من الأخر دعوة لانك تلغي شخصيتك و تجري وري رأي الناس عليك نهيك بقي عن الصداع إلي هتلقية لما تسلم ودانك وعقلك ليهم .إلي بستغرب لية بجد انوا مش بيقول كدة غير الناس المتعلمة المثقفة إلي بتدعي التحضر إلي المفروض يشغل بلها حاجات اهم من التفاهات دة في راي .

في مقولة لأنيس منصور بحبة جداً وأنا شخصياً مؤمنة بيها بتقول (إذا نظرت إلي المرأة فهناك واحدة تجعلك مقعراً واخري تجعلك محدباً .... وواحدة تجعلك صغيراً و اخري تجعلك كبيراً كذلك راي الناس فيك ، فأنت انسان متعدد الألوان و الأحجام و الأوزان و الأهمية والقيمة والأثر عند الناس فأذا سالت الناس فأنت مثل الذي يسال جميع المرايا .... فماذا لو نطقت جميع المرايا معاً؟ ( سوف تسمع ضجيجاً من النظريات و ضوضاء من العواطف و تري تلوث الأمزجة وكلها في النهاية هي أنت في عقول وأذان وأنوف وعيون الأخرين ).

اخري حاجة حابة اقولها كن نفسك كفاية انك بيتحبها وتحترمها مش مهم اي حاجة بعد كدة ..... دة حاجة كفاية انها تحققلك السعادة الذاتية .

[Cleo]

أنا بالفعل شطبت هذه الكلمة من حياتى و قررت أن آكل ما يعجبنى و ألبس ما يعجبنى واللى مش عاجبه يدور وشه الناحية التانية :D

[مهيب]

المقولة -كمعظم الأمثلة الشعبية- لا تؤخذ على معناها المسطح .. لأن الناس لا يعجبهم شيء واحد بالتأكيد ... لكن أعتقد المعنى من وراءها أن ما تأكله لن يؤثر الا فيك أنت ولن يحس به الا أنت ... أما ما تلبسه أو ما تتعطر به أو تظهر به بصفة عامة لا تراه أنت بل يراه الناس ... وليس المقصود بالملبس هو اللون أو الماركة أو نوع العطر ... هذا تسطيح بين ... لكن المقصود -فى رأيى - هو ما يتفق نسبيا عليه الناس أى الثوابت ...

بمعنى أصح ... اذا أردت أن تلبس فوق رأسك كزرولة و تضع جناحين من الريش على كتفك ثم تنزل الى الشارع لا تلم الناس اذا ما عاملوك على أنك مجنون .. فهذا ليس خطأهم حتى لو كنت أحكم حكماء عصرك ...

أما من يقول بأن الناس لا تهمه فى شيء ... أعتقد أن هذا يخالف السلوك البشرى الفطرى .. الانسان يرى نفسه من خلال من حوله ومن خلال نفسه أيضا ... فاذا أجمع من حوله على أنه قصير مثلا .. فلن يفيده أو يفيد أحد اعتقاده هو الشخصى بأنه فارع الطول ... ولن يكفى اعتقاده هذا لأن يجعله يحترف كرة السلة فى يوم ما ... مهما أقنع نفسه بالعكس ...

هناك بالطبع حدود لكل شيء ... لكن فيما يتعلق بالمظهر .. ليس من رجاحة العقل أن يرتدى شابا مثلا جوب قصيرة و يضع قرطا فى أنفه ثم يخبر الناس بأن يقيموه من خلال تصرفاته أو ثقافته ..

أعتقد أن هذا هو المقصود بالمقولة (من وجهة نظرى)

[khedr]

وانا متفق معك في التفسير ده

ان الاكل ممكن يكون بينك وبين نفسك مفيش حد بيشوفك

لكن المنظر او المظهر ده الكل بيشوفه وبيراقبه

لكن طبع لا تدخل في التفاصيل

[SANAA]

كل مايعجب الناس .....هنا ليس لإرضاء الناس وإنما هو لإرضاءك في الحقيقه

فمظهرك الذي سيعجبهم او لا يعجبهم من خلال ماتختار هو حكمهم عليك وعلي شخصيتك

[nancy]

حكاية اكل ما يعجبك والبس ما يعجب الناس انا ضدها

من حقك تاكل الى يعجبك لانة لو مش كويس انت الخسران بس

بالنسبة للبس واسعة ما يعجب الناس لان دلوقت معدش فية ناس محددة بس لازم كل انسان يكون عندة الوعى بشوية محددات

زى شكل جسمة واية المناسب لية

زى معتقداتة وهل يحترمها او يضرب بيها عرض الحائط

زىمجتمعة وهل يبقى شكلة متماشى معاة ولا نشاذ

زى سنة فحيكون ملائم ولا حيهين نفسة

لو قدر يظبط الامور دى من حقة يعمل ما بدالة

ومن غيرها انا مقتنعة بالجملة الى بتقول انت حر ما لم تضر فمن حقك تكون نفسك مش حد تانى فى الاخر شغل دماغك واعمل ما بدالك والى مش عجبة ميبصش عليك .. او يشرب من البحر بسيطة يعنى