ليه كل الناس بتتكلم عن كل الناس؟

[ابو خليل]

السلام عليكم ..

أقعد مع واحد ألاقيه يسب ويلعن في واحد ثاني .. ويقول لي خذ بالك منه ده مكار ..ده خبيث .. ده كلب ..

وبعدين يدخل علينا الشخص ده بنفسه ...

ألاقيه يقوم واقف علي حيله وواخذه بالحضن ..

أهلا بحبيب وابن حبيبي ..

أهلا بالغالي الطيب ..

ليه كل الناس بتتكم عن كل الناس ؟؟

:huh:

[se_ Elsyed]

ليه كل الناس بتتكم عن كل الناس ؟؟

:huh:

معنى ذلك .. إن كل اللي تعرفهم كده ؟

مُستحيل طبعاً

ولكن للدقة ممكن ان تقول " ليه بعض الناس بتتكلم عن بعض الناس ؟ "

والإجابة هي : عشان هما ناس بوشين .. او عشان هما ناس فاضيه .. أو عشان هما ناس غير أسوياء نفسياً .. أو عشان هما ناس عديمي الإيمان ولا يعرفون شيئاً عن الغيبة أو عارفينها وبيخالفوا تعليمات الله ورسوله الذين أمرونا بعدم تناول سيرة الناس في غيبابهم لإن اللي بيعمل كده وكأنه بيأكل لحم أخيه الميت يعني كأنه لقى جثه في الطريق ونزل أكل فيها . وما يُشجع هؤلاء أكثر هو أن يجدوا آذان صاغية من الأخرين لسماع ذلك وبالتالي فالمستمع مُشارك في تلك الجريمة أيضاً لإنه تخيل أذُنه كوعاء يُمكن أن يوضع فيه اي شيء .... حتى القمامة .

[eastsoul]

ابو خليل نصيحة اخوية ... اول ما تلاقي حد بيعمل كده قدامك اقطع علاقتك بيه لانه زي ما اتكلم على فلان و فلان هيتكلم برضه عليك انت ليهم.

مش كل الناس كده .. بس للاسف الاغلبية بتتكلم على بعض و بتبص في رزق و حياة الغير و بتحسد...الـخ

علشان كده الواحد مننا لازم على اد ما يقدر يحلل الناس اللي بيعرفها .... و زي ما قال المثل "تعرف فلان ...قال: ايوا اعرفه .... قاله: عاشرته.... قاله : لا ما عاشرتهوش ... قاله: بيقى انتا ما تعرفهوش"