رسالة من الأخت" فريدة" عضوة الشئون

[الأفوكاتو]

وصلتنى هذه الرسالة من زميلتى فى الشئون فريدة, و هى ليست الأخت فريدة عضوة المحاورات:

انا فريدة اللي بتكتب في شئون مصرية ..حبيت اعرف نفسي لان هناك

اخت فاضلة تحمل نفس الاسم..

اولا بشكر اخي العزيز الافوكاتو لانه ارشدني لهذه الاستضافة الكريمة جدا وستمرارية التواصل

مع عيلتي في شئون..

للاسف كنت متغيبة عن الكتابة بسبب ظروف صحية لابني

لكن كان لازم اتابع ولو قراية شئون بيتي التاني شئون مصرية..

ويمكن كلمة كتبها العزيز سكوربيون فعلا حسيت كاني رجعت لقيت بيتي وقع مش موجود

و أنا فعلا مرتبطة جدا بشئون مصرية وعارفة اني مش هقدر اتواصل في اي مكان اخر

وبتواصل معاكم اكيد هناك وفي متابعتي لمداخلاتكم في منتديات مختلفة..

وده شجعني اني اكتب مشاعري وسطكم ..بجد مش قادرة اصدق اللي حصل

ومش قادرة استوعبه ولا متخيلاه ...يمكن بحاول اميل لراي الاستاذ عادل ابو زيد

انه اسباب تقنية ..اتمني انه يكون ده السبب ..

بشكراستضافتكم واقتراح العزيز سكوربيون و عزيزي الافوكاتو لارشادي للتواصل مع عيلتي

تم تعديل 10 مارس 2006 بواسطة الأفوكاتو

[المغترب]

اهلا بك وسط اخوتك واخوانك 00 واذا كان البيت اته00 فيه الف بيت الناس لبعضها مع الاستئذان من الاستاذ / عادل 00 المهم يكون الهدف واحد 00 ا مرحبا بك بين اهلك وناسك

[khedr]

قد سبق لي ذلك الموقف ...

عندماكانت التكنولوجيا لعن الله جُهالها تمنعنا من الدخول الي المحاورات

وذهبنا اليكم فاستضفتمونا ..وكان ترحيب بالغ التقدير

وهذه كلها بيوت المصريين والعرب .

.وكل الباحثين عن الحق والعدل والمساواه في الدنيا كلها

بيتكم وبيتنا ولا نريد ان نخوض كثيرا في امور الترحيب وكده .....

هيا نتكلم ونتحاور ونتشاور في كيفيه الخروج من تلك الحقبه البغيضه من تاريخ مصر

[Guest Guest_عم بطاطا_*]

يعني يا مدام فريدة حضرتك محتاجة حبيبنا الأفوكاتو علشان تبعتي معاه رسالتك ...

ما تخافيش يا ست الكل المحاورات مش حتاكل منك حتة ... ما انا هو بكتب و ماحصليش حاجة ...

علي العموم اخترتي خير سفير لتبليغ رسالتك الرقيقة ...

و الف الف سلامة لكريم ...

انا ميييين ؟

بصي مالكيش عذر ..لازم تكتبي حتي و لو كلمة واحدة ...

ايقونة بوكيه ورد كبيرة جدآ...