اتبرع ولو بجنيه

[herohero]

 

العمل الخيري والتطوعي مطلوب جدا ومقياس لتحضر أي دولة ،لكن ما نراه جميعا اننا اصبحنا نعتبر جمع التبرعات لمستشفيات السرطان نمط حياة 

منذ سنوات والتبرعات تجمع ونسب الاصابة بالسرطان مازالت كماهي ،ومازلنا نركز على ان نقوم بزيادة القدرة الاستيعابية للمستشفى ، يمكن اللي بيريح الواحد شوية ان في كما يقال في الاعلان صرف ع بحث علمي يختص بالسرطان ،لكن ياسادة الا يمكن ان نتعامل بفكرة درهم وقاية خير من قنطار علاج 

ما نحاول اننا نشوف مسببات السرطان ونمنعها ،بل ان انا شايف ان رغم اعتراض الكثيرين ع اعلان دلال عبد العزيز والمياه الملوثة 

وان كثيرين بيقولوا ده دور الدولة وانا وكلنا عارفين انه دور الدولة بس ما دور الدولة برده توفير العلاج 

ولكن بما اننا في ظروف معينة وجب التعاون مع الدولة طب ما نتعاون لمحاربة مسببات السرطان المعروف منها 

ليه مافيش توعية حكومية بالابتعاد عن مسببات السرطان ،انا كمواطن هتبرع لكن محتاج من الدولة ان تقوم بواجبها في منع توافر مسببات السرطان 

 

- لو عاوزين تحلوا المشكلة من جذورها امنعوا استيراد البذور المسرطنة والأعلاف الفاسدة والأكل غير الأدامي وغير مطابق للمواصفات..

- لو عاوزين تحلوا المشكلة امنعوا الري بمياة الصرف الصحي ورش الكيماوي والمبيدات الزراعية المسرطنة والدواجن المُهرمنة ومزارع تربية الأسماك الملوثة بالمواد الصلبة .

- لو عاوزين تحلو المشكلة بطلوا تسترخصوا وتستوردوا كُناسة الأسواق العالمية لتغذية المصريين اللي عددهم كتييير واللي بيعتبروا سوق رائجة لجشع التجار في الداخل والخارج ..

- لو عاوزين تحلوا مشكلة السرطان شغلوا أجهزة حماية المستهلك صح واجهزة الرقابة على المصانع والشركات اللي بتصدر الموت لينا ولولادنا في شكل عصائر ومعلبات ولحوم مصنعة واجبان ووو!!! 
 وبلاش من المشرفين اللي بيشربوا شاي بالياسمين، عاوزين ناس أيديها نضيفة مابيشربوش شاي خالص .

- لو عاوزين تحلوا المشكلة اصرفوا على برامج التوعية الصحية للوقاية من المرض اللعين او لاكتشافه المبكر و استوردوا العلاج الأمريكي الأصلي مش الهندي الرخيص وعذابه وآثاره الجانبية على المساكين، اصرفوااا على العلاج زي ما بتصرفوا على برامج الرقص والغنا والمقالب واخبار الفنانين والمسلسلات.. واي كلام فاضي مالوش اي تلاتين لازمة .

- لو عاوزين تحلوا المشكلة اهتموا بالتعليم ورفع الوعي الصحي للوقااية من المرض بدل من إعلانات الابتزاز العاطفي ووجع القلب على الأطفال اللي بتموت والأمهات المقهورة على ولادها، وتشحتوا بالجنية عشان تعالجوا الطاعون اللي بينتشر بشكل جنووني والناس اللي مش مصدقة بصوا على عيلتكم وجيرانكم كده فيهم كم واحد مصاب بالمرض أو كم واحد مات بيه ، أو روحوا شوفوا الزحام في المستشفيات الاستثماري العظيمة واللي بتكسب من المرضى عشرات ومئات الآلاف في الجراحة والكيماوي والإشعاعي، وقوائم انتظار لعدم وجود أماكن أو اجهزة كافية فما بالكم بمستشفيات الحكومة ، فضلاً عن المساكين والغلابة اللي في القرى والنجوع اللي بيموتوا من غير تشخيص للمرض أصلاً

 

هو احنا عاوزين فعلا نحل المشكلة ولا عاوزين نكمل اتبرع ولو بجنيه ؟؟؟؟

 

 ( اللهم اشفي زين واشفي كل مريض شفاءً لا يغادر سقماً )

[Guest ضيف خفيف]

لا أحد يعرف أسباب السرطان  و كل مانسمع عن السرطان مجرد كلام ،  إبن بايدن نائب الرئيس الإمريكي أوباما توفي بالسرطان  و كان هناك علاج تجريبي لحالته و لكنه - أي العلاج - مكلف و لا يغطيه التأمين الصحي.

كله ما ذكرته حضرتك شيء جيد و كل المصريين يتمنون حدوثه  و أظن العين بصيرة و الإيد قصيرة .

[herohero]

2 hours ago, Guest ضيف خفيف said:

لا أحد يعرف أسباب السرطان  و كل مانسمع عن السرطان مجرد كلام ،  إبن بايدن نائب الرئيس الإمريكي أوباما توفي بالسرطان  و كان هناك علاج تجريبي لحالته و لكنه - أي العلاج - مكلف و لا يغطيه التأمين الصحي.

كله ما ذكرته حضرتك شيء جيد و كل المصريين يتمنون حدوثه  و أظن العين بصيرة و الإيد قصيرة .

سيدي كلام حضرتك صح .بس في عوامل مساعدة واللي ذكرته . مطلوب اننا نقضي عليه

والايد صدقني مش قصيرة

بس معرفش ليه احنا مصرين على علاج النتيجة ومانشوفش السبب او اللي احتمال يكون سبب