النزاهة الغائبة و جوائز المنخب القومى

[mohameddessouki]

لماذا يتقاتلون.....؟

كلما شاهدت انتخابات الأندية الرياضية أو النقابات وتشاهد كيف يقتتلون على وظيفة تطوعية أو عمل تطوعي؟ وكان أخرها ما حدث فى نادى الزمالك!

هناك خبرين :

• الأول هو إصرار الأمير تركي والشيخ صالح صاحب قناة إيه أر تىعلى تسليم المكافآت التي قرروها للمنتخب الوطني بأنفسهم ، وعدم ترك الأجهزة هي التي توزع هذه المكافآت!

• انه عند دعوة الأمير سلطان بن فهد للمنتخب القومي بالقيام بعمرة على حسابه، ماذا كانت النتيجة؟ فوجىء السعوديون بان من جاء بناء على الدعوة 81 واحد !!!!!!! واعتذر أصحاب الفرح وهم اللاعبين!!!

والخبر الأخير حملته جريدة الأسبوع وتساءلت :لماذا لم يتم إلغاء رحلة "المكرمة" وحفظ ماء الوجه بدلا من أن تصبح البعثة حديث الأوساط بسبب المجاملات الفجة التي وصلت إلى حد اصطحاب المسئولين الخادمات باعتبار أن الرحلة كلها(على حساب صاحب المخل)!!!!!!!!!

أن أعضاء مجلس إدارة الاتحاد تسابقوا في الهرولة للعمرة وطبعا الهدف لم يكن يهدف العمرة فقط ولكن العودة من هناك بالهدايا والنقوط التي انهالت عليهم من الأمراء السعوديون… وليس أدل على ذلك من اصطحاب زوجاتهم وأبنائهم وخادماتهم فسمير زاهر اصطحب زوجته وابنيه محمد ومنة الله، واحمد شوبير اصطحب زوجته وأبناؤه ونفس الشيء مجدي عبد الغنى وايمن يونس ومحمود بكر

الكابتن حسن شحاتة اكتفى باصطحاب زوجته ونجله إسلام وأصر شوقي غريب على زوجتة وأبناؤه احمد ومحمد ويارا كذلك حمادة صدقي واحمد سليمان واكتفى سمير عدلي باصطحاب زوجته وابنته باكينام، واحمد ماجد طبيب الفريق اصطحب زوجته وأبناؤه الثلاثاء

وإذا كانت الأسماء السابقة معروفة ومفضوحة فان القائمة ضمت أسماء لم نسمع عنها من قبل ويمكن تصنيفها ضمن المجاملات الفجة للأصدقاء مثل احمد نجاد أبو العنين،خالد مجدي الزاهد،على حفظي،حسام الابراشى،عادل عبد السلام،محمد احمد سيف،حاتم قناوى،محمد بدر،عمر صالح،عزة محمود،

والطريف أن السفرية كان لها ملحق حيث سافر عدد من المحظوظين الخميس الماضي

وفى هذا الوقت الذي تكالب فيه كبار أغنياء الجبلاية على السفر البلوشى تلقوا درسا في الكرامة من اصغر لاعب في المنتخب الوطني حيث رفض اللاعب احمد السيد مدافع الاهلى سفر والدته ضمن البعثة وسحب جواز سفرها بمجرد حصولها عليه بصعوبة واصر على أن تكون عمرة والدته على نفقته الخاصة!!

هل أصبحت أسباب الاقتتال على الانتخابات واضحة؟

هل وضح أسباب مسلسل إهانات الدول العربية للمصرين ؟

الكرامة فقدت… عزة النفس قبرت….ذل النفس للي يسوى و اللي ميسواش ساد

وعلى فكرة كان شوبير يحارب حسن شحاتة ويهون من قدرة المنتخب و هياء نفسة للفتك به إذا اخفق المنتخب واليوم يظهر في التليفزيون وهو حالق راسة من العمرة البلوشى اللي السبب فيها ـ بعد الله ـ حسن شحاتة واللاعبين الذين تفزلك وتفلسف شوبير (لا ندرى كيف نزل علينا بالبراشوت كاعلامى ـ بدون اى مؤهل إلا معهد تعاون فيما اعتقدـ وكل علمنا عنه انه من الذين نجحوا في الانتخابات النيابية بالطريقة إياها ) واخذ ينفس حقدة وغلة في المنتخب ومدربة

ولا حول ولا قوة إلا بالله

تم تغيير العنوان ليعبر عن محتوى الموضوع

تم تعديل 12 مارس 2006 بواسطة عادل أبوزيد

[احمد هادي]

فعلا

حاجة تقرف

[هادي]

فعلا

حاجة تقرف

عندك حق

نموذج جديد للقدوة في بلادنا

[العُمده]

لماذا يتقاتلون.....؟

كلما شاهدت انتخابات الأندية الرياضية أو النقابات وتشاهد كيف يقتتلون على وظيفة تطوعية أو عمل تطوعي؟ وكان أخرها ما حدث فى نادى الزمالك!

هناك خبرين :

• الأول هو إصرار الأمير تركي والشيخ صالح صاحب قناة إيه أر تىعلى تسليم المكافآت التي قرروها للمنتخب الوطني بأنفسهم ، وعدم ترك الأجهزة هي التي توزع هذه المكافآت!

• وعلى فكرة كان شوبير يحارب حسن شحاتة ويهون من قدرة المنتخب و هياء نفسة للفتك به إذا اخفق المنتخب واليوم يظهر في التليفزيون وهو حالق راسة من العمرة البلوشى

تم تغيير العنوان ليعبر عن محتوى الموضوع

إذا شفت ازاي بيوزعوا تبرعات الناس على ضحايا الكوارث (قطار الصعيد) ، (العبارة السلام 98) ، قبلهم ( سالم إكسبريس ) هاتعرف السبب .

دي سبوبة يابا إغرف وعبي .. دهب ياقوت مرجان ...

تطوع مين .. الدهشوري حرب ليه كان متبت فيها ومش عاوز يعتق رقبة اللي خلفونا إلا لما يخليها عا لبلاطة

و عمنا شوبير بتاع الحق وبس .. بقه من الجماعة السقيفة .. اثناء البطولة عمال يمسح جوخ للأخوين ..

و لا مرتضى باشا خربها وقعد على تلها

مفيش فايده :lol:

[Cleo]

الأول هو إصرار الأمير تركي والشيخ صالح صاحب قناة إيه أر تىعلى تسليم المكافآت التي قرروها للمنتخب الوطني بأنفسهم ، وعدم ترك الأجهزة هي التي توزع هذه المكافآت!

لأن رائحة الفساد فى مصر أزكمت أنوف العالم..

حد فاكر بطاطين تبرعات زللزال 92 التى اختفت ثم ظهرت فجأة فى أسواق العتبة و الأزهر؟

[se_ Elsyed]

حد فاكر بطاطين تبرعات زللزال 92 التى اختفت ثم ظهرت فجأة فى أسواق العتبة و الأزهر؟

لو سمحتي يا أخت كليو .. نرجو توخي الحذر في سرد المعلومات التاريخية .. :blush:

لإن جزء من هذه البطاطين راحت لضيوف ماما سوزان .. ولماما سوزان نفسها ..

وده بان إزاي بقى ؟

أنا فاكر كويس كان في أوبرا عايده بتتنظم في الأقصر بعد الزلزال على طول .. واصوات كثير طالبت بإلغاءها لإن مصر مكلومه وكده .. لكن عايدة إعترضت وفرشت الملايا وقالت إن التذاكر إتباعت خلاص وناس حجزت الرحلات بتاعتها ومنظرنا هايبقى زبالة قدام العالم الخارجي .. المهم جابو بقى منظر المتفرجين اللي كان معظمهم أجانب وتتقدمهم أما سوزان وكان منظرها يهلك من الضوحك وهي متكلفته ببطاطين الزلزال لإن المسرح كان مشكوف وكان في شهر نوفمبر تقريباً والدنيا برد الدنيا برد وأبلة سوزان بتقطف ورد...

بس سيبك إنت يا كليو ... أما الواحد لو كان إتلايم على بطانية من دول ... عارفاها ؟ اللي هي الأسباني أم فروه وبطبقتين دي ؟

يا سلام يا ولاد .. دي كانت الصحة والدفا تدب في أوصالنا .. بدل ما بنستغطى بالبطانية الميري بتاعت الجيش اللي لو غطيت بها رجلي راسي تنكشف والعكس .. وبالتالي تلاقيني بأحاول أكور نفسي وأنام زي الجنين في بطن مامته ...

بس برضوا إحنا الشعوب لازم يكون عندنا أولويات .. ونتعرى عشان مرات الحاكم تتكسي ... ونأفأف من البرد عشان مرات الحاكم تتدفا .. ونجوع ونربط زلطه على بطننا عشان هما ياكلوا ويهبروا ...

معليش بمناسبة مكافأت اللاعبين والفلوس اللي بالزوفة دي ..

أولت إمبارح بأفِر في التليفزيون - يارب أحمد أبو هادي ما يقرأ الموضوع ده - لقيت على قناة دبي برنامج بيوزعوا فيه جوايز وهدايا وجايبين عيال بتغني قلت اقف في الصف يمكن ينوبني هدية كده ولا كده إن شالله لو صابونة حتى .. شكل العيال دي من بعيد يدي على شكل المغنين بتوع اليومين دول .. لكن لما الكاميرا قربت منهم لقيت إنهم يشبهوا لهم فقط وعاملين لهم ماكياج وقصات شعر وبيعلموهم يغنوا زييهم والبرنامج إسمه " زي النجوم " المهم هناك تصفيات وكلام من ده وشكلها كانت أخر حلقة كمان .. واللي فازت بنت من مصر كانت بتقلد المُتربة " شيرين " عارفينها طبعاً اللي بتطلع على طول لبسه مسخرة وعامله زي البرص المسلوخ من اللي عاملاه في نفسها .. والبنت اللي فازت دي جابوا أهلها في مصر وشكلها - والفقر مش عيب أبداً - من طبقة أقل من متوسطة .. المهم طلعت الاولى وفازت بكام بالصلاتو عالحبيب ؟

100 ألف دولار أمريكاني من اللي بيدبح .. يعني بنتكلم في نص أرنب مصري

لا تعليق ... وربنا يرحمك يابا ويسامحك ياللي خليتني أكمل تعليمي وأفشل وابقى من حملة المؤهلات العُليا .

[se_ Elsyed]

وبعدين تعالو هنا ..

ياخواننا محدش يكتب عناوين مواضيع تبدأ أو تحتوي على كلمة نزاهة .. لإنها تريد مارك ومن علامات عادل أبو زيد :blush:

[احمد هادي]

أولت إمبارح بأفِر في التليفزيون - يارب أحمد أبو هادي ما يقرأ الموضوع ده - لقيت على قناة دبي برنامج ......."

أيوه يا سيدي -_-

مش قعدت تقول ماتشات الاهلي والكوره مع دريم وبس

وأخرة المتمه الأقيك بتتفرج علي زي النجوم :wub: :wub:

علي العموم الحق مش عليهم

الحق علي الأفاضل اللي بيتفرجوا

ويرجععو يشتكوا

لما انتو مش قد الفرجة

ومرارتكم تعبانه

بتتفرجوا ليه :lol: :P

تم تعديل 16 مارس 2006 بواسطة احمد هادي