رفع أسعار المنتجات البترولية في مصر

[عادل أبوزيد]

أقر مجلس الوزراء، اليوم الخميس، زيادة فى أسعار المنتجات البترولية والغاز الطبيعى اعتبارا من صباح اليوم، وتضمنت قائمة الوقود والمحروكات التى جرى تحريك أسعارها، البنزين والسولار والبوتاجاز.

وفق القائمة الجديدة للأسعار، بعد تحريكها، أصبح سعر البنزين، 3.65 جنيه للتر 80 بعدما كان 235 قرشا، و5 جنيهات للتر 92 بعدما كان 350 قرشا، كما تحرك سعر السولار من 235 قرشا إلى 3.65 جنيه، والبوتاجاز من 15 جنيها إلى 30 جنيها للأسطوانة.

يُذكر أن رئيس مجلس الوزراء، المهندس شريف إسماعيل، ووزير البترول المهندس طارق الملا، يعقدان مؤتمرا صحفيا بعد قليل لإعلان تفاصيل زيادة أسعار الوقود والمحروقات، التى تأتى ضمن خطة الحكومة للإصلاح الاقتصادى وضبط الموازنة العامة وإعادة هيكلة الدعم.

 

http://www.youm7.com/story/2017/6/29/قائمة-الأسعار-الجديدة-للوقود-والمحروقات-بعد-تحريكها-اعتبارا-من-اليوم/3303168

تم تعديل 29 يونيو 2017 بواسطة عادل أبوزيد
إضافة الرابط الدائم

[herohero]

كويس ان القرار تم تنفيذه .بعد النفي

يعني تم بصورة مفاجئة منعا لحدوث ازمات كالسابق

الاسعار طبعا لكافة السلع هترتفع ونظرا لغياب الرقابة فهتكون متفاوتة

وانا شايف ان التوقيت مناسب ان الناس ف اجازات

ورمزية الزيادة في ذكرى ٣٠ يونيو

واكيد ده كانت احلى هدية للمواطنين

[tarek hassan]

ارتفاع اسعار الوقود رسمياً من الساعة ٨ صباحاً اليوم ٢٠١٧/٦/٢٩ ، حسب تعليمات الهيئة العامة للبترول كالتالى : 
بنزين ٩٢ ( ٥ جنيهات )
بنزين ٩٥ ( ٦.٦٠ جنيهاً )
بنزين ٨٠ ( ٣.٦٥ جنيهاً )
سولار ( ٣.٦٥٥ جنيهاً )

كان متوقع بحسب تصريحات المسئولين وليس مفاجئا أو منفيا

http://www.masrawy.com/News/News_Economy/details/2017/4/15/1061475/خاص-مصدر-زيادة-أسعار-الوقود-قد-تتم-قبل-يوليو-المقبل

ولو إن كل حاجه بتغلى تبعا لأسعار الوقود ولكنه ضرورة  ضمن خطة الحكومة للإصلاح الاقتصادى وضبط الموازنة العامة وإعادة هيكلة الدعم.في النهاية بنحمد ربنا على إنه متوفر ودا الشيء اللي نجحت الحكومة فيه

[herohero]

1 hour ago, tarek hassan said:

ارتفاع اسعار الوقود رسمياً من الساعة ٨ صباحاً اليوم ٢٠١٧/٦/٢٩ ، حسب تعليمات الهيئة العامة للبترول كالتالى : 
بنزين ٩٢ ( ٥ جنيهات )
بنزين ٩٥ ( ٦.٦٠ جنيهاً )
بنزين ٨٠ ( ٣.٦٥ جنيهاً )
سولار ( ٣.٦٥٥ جنيهاً )

كان متوقع بحسب تصريحات المسئولين وليس مفاجئا أو منفيا

http://www.masrawy.com/News/News_Economy/details/2017/4/15/1061475/خاص-مصدر-زيادة-أسعار-الوقود-قد-تتم-قبل-يوليو-المقبل

ولو إن كل حاجه بتغلى تبعا لأسعار الوقود ولكنه ضرورة  ضمن خطة الحكومة للإصلاح الاقتصادى وضبط الموازنة العامة وإعادة هيكلة الدعم.في النهاية بنحمد ربنا على إنه متوفر ودا الشيء اللي نجحت الحكومة فيه

لا التصريخات كتير وكانت بتنفي رغم ان الكل عارف انه هيزيد. واستغلال فرصة الاجازة كويس

بس بلاش ربنا يكرمك فكرة الحمد لله انه موجود .لان ده مبدا مش مقبول 

عموما الاهم ف كل ده ايه ؟، المواطن يبقى عارف اللي بيخصل ده هيفيده ف ايه

يبقى ف رقابة ع اسعاربقية السلع

الاصلاحات الاقتصادية مطلوبة .بس مطلوب كمان رقابة وشفافية ورؤية الناس تقدر بيها تتحمل التغيرات

[tarek hassan]

9 ساعات مضت, herohero said:

لا التصريخات كتير وكانت بتنفي رغم ان الكل عارف انه هيزيد. واستغلال فرصة الاجازة كويس

بس بلاش ربنا يكرمك فكرة الحمد لله انه موجود .لان ده مبدا مش مقبول 

هي لا تعتبر زيادة لأن الدعم مازال موجودا ... وأسعار المترو زي ما هي .... وهيراقبوا الأسعار .... وهيظبطوا السوق .... وهناخد علاوتين منها استثنائية تسمى علاة غلاء .... والشعب مش زعلان ولا هيثور .... وزاد الدعم في التموين ..... يبقى نثق في الحكومة ونتعامل مع البلد بمنطق المصلحة العامة .... ولازم نقول الحلوة زي ما احنا مركزين على التشويه .... نركز في الفيديو علشان نفهم 

 

[herohero]

1 hour ago, tarek hassan said:

هي لا تعتبر زيادة لأن الدعم مازال موجودا ... وأسعار المترو زي ما هي .... وهيراقبوا الأسعار .... وهيظبطوا السوق .... وهناخد علاوتين منها استثنائية تسمى علاة غلاء .... والشعب مش زعلان ولا هيثور .... وزاد الدعم في التموين ..... يبقى نثق في الحكومة ونتعامل مع البلد بمنطق المصلحة العامة .... ولازم نقول الحلوة زي ما احنا مركزين على التشويه .... نركز في الفيديو علشان نفهم 

 

عزيزي الدعم موجود طبعا لكنه اقل من قبل كدة

المشكلة تكمن ف الرقابة ع السلع

كلام الفيديو تنظير

انزل الشارع وشوف

الناس بتعاني . فمحتاجين رقابة بجد

الاصلاح الاقتصادي .واعادة هيكلة الدعم مهمة جدا

بس بدون رقابة هتخسر  الناس لانهم هيموتوا من انفلات الاسعار

[هاني بدر]

✔هو السيسي اللي خاف ع الكرسي وأجل قرارات الإصلاح الإقتصادي ولا مبارك؟!

✔هو السيسي اللي باع القطاع العام وخصخصه ولا مبارك؟!

✔هو السيسي اللي خاف علي شعبيته وساب الدنيا سبهلله ولا مبارك؟!

✔هو السيسي اللي ساب الدولة 30 سنه معتمده علي قناة السويس والسياحة وتحويلات المصريين بس ولا مبارك؟!

✔هو السيسي اللي أهمل كافة مرافق ومؤسسات الدولة ولا مبارك؟!

✔هو السيسي اللي الفساد انتشر واتربي وتفحل في عهده ولا مبارك؟!

✔هو السيسي اللي فضل 30 سنه احتياطي البلد معداش 35 مليار دولار ولا مبارك؟!

✔هو السيسي اللي ساب ثرواتنا في البحر المتوسط تتسرق من اسرائيل وتركيا ولا مبارك؟!

✔هو السيسي اللي ساب اراضي البلد الزراعية تتبور وتبقي مباني عشوائيات ولا مبارك؟!

✔هو السيسي اللي ساب الجيش 30 سنه من غير تسليح محترم ولا مبارك؟!

✔هو السيسي اللي فضل يستلف من برا ويدين البلد ومشي بمبدأ طفحني انهاردة وموتني بكره ولا مبارك؟!

✔هو السيسي اللي وصل الدين العام في البلد لمستوي 100% تقريبا ولا مبارك؟!

✔هو السيسي اللي ساب المترو من غير تطوير ولا مبارك؟!

✔هو السيسي اللي ساب سيناء من غير تنمية ولا مبارك؟!

✔هو السيسي اللي ساب المواني والمطارات والسكة الحديد من غير تطوير ولا مبارك؟!

✔هو السيسي اللي معملش مدن جديدة وسابنا زي الأرانب فوق بعض ولا مبارك؟!

✔هو السيسي اللي خلي كل احتياجات البلد مستورده وقفل مصانعنا لصالح الحيتان ولا مبارك؟!

✔لو فضلت اقول لحد السنه الجاية مش هخلص

منقوووووول

رفع اسعار الوقود خطوه جديده في طريق اصلاح ما افسده الزمن

[herohero]

8 hours ago, هاني بدر said:

✔هو السيسي اللي خاف ع الكرسي وأجل قرارات الإصلاح الإقتصادي ولا مبارك؟!

✔هو السيسي اللي باع القطاع العام وخصخصه ولا مبارك؟!

✔هو السيسي اللي خاف علي شعبيته وساب الدنيا سبهلله ولا مبارك؟!

✔هو السيسي اللي ساب الدولة 30 سنه معتمده علي قناة السويس والسياحة وتحويلات المصريين بس ولا مبارك؟!

✔هو السيسي اللي أهمل كافة مرافق ومؤسسات الدولة ولا مبارك؟!

✔هو السيسي اللي الفساد انتشر واتربي وتفحل في عهده ولا مبارك؟!

✔هو السيسي اللي فضل 30 سنه احتياطي البلد معداش 35 مليار دولار ولا مبارك؟!

✔هو السيسي اللي ساب ثرواتنا في البحر المتوسط تتسرق من اسرائيل وتركيا ولا مبارك؟!

✔هو السيسي اللي ساب اراضي البلد الزراعية تتبور وتبقي مباني عشوائيات ولا مبارك؟!

✔هو السيسي اللي ساب الجيش 30 سنه من غير تسليح محترم ولا مبارك؟!

✔هو السيسي اللي فضل يستلف من برا ويدين البلد ومشي بمبدأ طفحني انهاردة وموتني بكره ولا مبارك؟!

✔هو السيسي اللي وصل الدين العام في البلد لمستوي 100% تقريبا ولا مبارك؟!

✔هو السيسي اللي ساب المترو من غير تطوير ولا مبارك؟!

✔هو السيسي اللي ساب سيناء من غير تنمية ولا مبارك؟!

✔هو السيسي اللي ساب المواني والمطارات والسكة الحديد من غير تطوير ولا مبارك؟!

✔هو السيسي اللي معملش مدن جديدة وسابنا زي الأرانب فوق بعض ولا مبارك؟!

✔هو السيسي اللي خلي كل احتياجات البلد مستورده وقفل مصانعنا لصالح الحيتان ولا مبارك؟!

✔لو فضلت اقول لحد السنه الجاية مش هخلص

منقوووووول

رفع اسعار الوقود خطوه جديده في طريق اصلاح ما افسده الزمن

سيدي لا السيسي ولا المجلس العسكري ولا مرسي اي حد جه بعد مبارك لايمكن حسابه ع فاتورة ٣٠ سنة واللي يقول غير كدة يبقى مش منصف

ورفع الدعم او اعادة هيكلته مطلوب ولكن هو جزء في برنامج اصلاح اقتصادي

يعني مش هو اللي هيصلح الدنيا

بالنسبة لخطوة رفع الدعم عن المحروقات

لو اختزلت القصة في زيادة سعر لتر السولار او البنزين .كلنت الامور ممكن تبقى سهلة ع المواطن

المشكلة الكبري غياب الرقابة ع الاسواق وبالتالي انفلات الاسعار

ف كافة السلع وبالتالي المواطن هيتاثر.واي علاوة او زيادة ان لم يكن هناك رقابة صارمة ع الاسواق مش هيكون لها قيمة 

وخطوات الاصلاح مش هتبان نتائجها

[herohero]

ده اللي بكلم عليه . الزيادة بالارقام والحساب هتبقى حاجه بسيطة بس ده مش ع ارض الواقع لان للاسف صعب تطبيقه

 

 

[tarek hassan]

منذ ساعة, herohero said:

ده اللي بكلم عليه . الزيادة بالارقام والحساب هتبقى حاجه بسيطة بس ده مش ع ارض الواقع لان للاسف صعب تطبيقه

ما تشوف يا هيرو حبايبك في قطر حالتهم بقت صعبة الأسعار كلها ( مش الوقود بس ) ارتفعت بنسبة 25 % مع ندرتها ... 

أو يا أخي قارن بين الأسعار في دول خربها الإرهاب مثل لبيبا والعراق وسوريا واليمن وبينها في مصر اللي انقذها ربك 

مينفعش نحمد ربنا على نعمته ولا هنفضل نهري ضد ضد البلد ليل نهار عمال على بطال 

 

[herohero]

54 minutes ago, tarek hassan said:

ما تشوف يا هيرو حبايبك في قطر حالتهم بقت صعبة الأسعار كلها ( مش الوقود بس ) ارتفعت بنسبة 25 % مع ندرتها ... 

أو يا أخي قارن بين الأسعار في دول خربها الإرهاب مثل لبيبا والعراق وسوريا واليمن وبينها في مصر اللي انقذها ربك 

مينفعش نحمد ربنا على نعمته ولا هنفضل نهري ضد ضد البلد ليل نهار عمال على بطال 

 

عمي هو انت متبرمج

انا هاجمت البلد .انا كلامي واضح جدااااا

بقول ده جزء من خطة الاصلاح

انت عمال تهري وخلاص .انت عيشت ف قطر انت تعرف دخل الفرد كم .بتقارن ليبيا والعراق والحن الازرق.

ياعم بطلوا بقى شغل التلقين 

هو خلاص ماينفعش الا التطبيل

افهم الكلام . وانسي ام الاخوان اللي تاعبينك

الكلام واضح للي بيفهم.رفع الدعم كلي او جزئي بيمشي بالتوازي مع حاجات ثانية

والاهم التطبيق ع ارض الواقع والرقابة

ها ف مشكلة ؟؟؟

اللي انت بتقولوا اسمه هجص

حضرتك انا ف مصر حاليا الاسعار تحفة ورخيصة جداااا بالنسبة ليا لان بقبض بالريال وبالتالي اللي بشوفه ف مصر بقسمه ع ٥

وبالتالي هقول تخيا مصر وياحبيبتي يامصر بس لو بقبض بالجنيه هتبقى الامور صعبة مش سهلة

ياريت تكون الامور وضحت لما تقارن قارن الصورة كاملة .بلاش مبدا ولا تقربوا الصلاة

[هاني بدر]

On 6/30/2017 at 8:37 AM, herohero said:

يعني مش هو اللي هيصلح الدنيا

عزيزي استاذ هيرو هيرو

انا لم استخدم هذا العنوان الواسع او المانشيت البراق 

ماقلته انا انت تفضلت لاحقا بذكره في تعليقك مع اخونا الفاضل استاذ طارق 

عندما قلت 

On 6/30/2017 at 11:35 AM, herohero said:

بقول ده جزء من خطة الاصلاح

ولكن اسمح لي ان تفسر لي كيف يكون " عدم الانصاف " بعدم محاسبة كل من آتي بعد مبارك على ما افسده مبارك

[herohero]

On 05/07/2017 at 8:49 PM, هاني بدر said:

عزيزي استاذ هيرو هيرو

انا لم استخدم هذا العنوان الواسع او المانشيت البراق 

ماقلته انا انت تفضلت لاحقا بذكره في تعليقك مع اخونا الفاضل استاذ طارق 

عندما قلت 

ولكن اسمح لي ان تفسر لي كيف يكون " عدم الانصاف " بعدم محاسبة كل من آتي بعد مبارك على ما افسده مبارك

اقصد انه لايجب محاسبة من اتى بعد مبارك .ع المناخ العام اللي افسده مبارك

بقصد او بدون قصد

فالرئيس مبارك ومن قبله السادات لم يتحركوا باخذ خطوات في اصلاح اقتصاد مصر هناك مشاكل كارثية يدفع ثمنها كل من جاء بعد مبارك

الدعم  بصورته اللي كانت موجودة -الجهاز الاداري المهترئ - تدمير الصناعه وقطاع الاعمال ع يد الملعون السكير عاطف عبيد

هناك الكثير من الخراب اللي كان ف عهد الرئيس مبارك

انا اختلف مع الرئيس السيسي لكن مايحدث في مضمونه صحيح الان لكن ليس بافضل اسلوب. ومازلت اصر ان الاسعار في مصر تناسب اصحاب الدخول المرتفعة او من يتقاضون مرتبات بعملات اجنبية

غير كدة الناس بتصوت. وانا في مصر وشايف الواقع . ومش بتكلم وانا داخل كومباوند .الناس خلاااااص 

فلازم الفترة ده ايجاد حلول طارئة او ع الاقل حد يفهمهم