خايف من التفنيش ؟ (الرفت)

[احمد هادي]

منذ ساعات تم تفنيش رئيسي في العمل ...الكندي الجنسيه

تحبوا تعرفوا ليه ؟

ظبطوا إي ميل

مبعوت منه لصديق يعمل في نفس المؤسسه

في فرع آخر

يشكو فيه من التخبط الإداري :angry2:

وعدم وضوح الرؤيه

وجهل المديرين (المواطنين طبعا) :wub: :wub:

يعني الراجل كان بيفش خلقه

المهم

بفضل وسائل التجسس التكنولوجيه الحديثة

تم ضبطه متلبسا :lol: :o

وصدر الأمر بتفنيشه فورا :wub: :wub:

وان يترك اللاب توب علي مكتبه .........ويروح

رغم ان الراجل كان شغال

ومحترم

ومالوش بديل في الوقت الحالي

وغيابه هيكون له تأثير سلبي جدا

ربنا يستر وما يكونوش بيتجسسوا عليا أنا كمان وإلا هتلاقوا خبر تفنيشي هنا بكره :wub: :wub:

:P

عزيزي المغترب في بلاد النفط

انت خايف من التفنيش؟؟؟

تم إضافة كلمة "رفت" للعنوان لأن كلمة تفنيش غير شائعة فى مصر

تم تعديل 14 مارس 2006 بواسطة عادل أبوزيد

[لخبطه]

تفتيش ايه بس يا أحمد

افتكر لنا ياعم حاجه حلوه :angry2:

صحيح ممكن تتعمل دي ........ بس انا متوقع انه يكون عندك في الشركه نظام مراقبة لكن بالنسبه للجماعه اللى زي حلاتنا كدا

اللى منهم للانترنت علطول يكون صعب مراقبتهم إلا بقا من خلال ملفات ( الانترنت المؤقته ) أو من خلال الرسايل المحفوظه على الجهاز ولذلك وصية لكل الناس اللى بيدخلوا من أجهزه عامه مسح الحاجات دي بشكل يومي

لكن خلينا بقا نتكلم في حاجه مهمه طالما انته جبت السيره هو الدخول من اجهزه الشغل في وقت العمل الرسمي مقبول

يعني مافيهوش شبهه إستغلال

[احمد هادي]

والله ياريس

الامر يختلف من مكان لمكان

ومن ظروف لأخري

مثلا

لما تكون بتشتغل 9 ساعات في مكان العمل

وتأخد بقية الشغل البيت :lol:

أو تفضل في المكتب لحد بعد الدوام بوقت طويل :angry2:

ويكون في أوقات للراحة

سواء للغدا او غيره

ساعتها ممكن يكون من حقك

لكن المبدأ اللي بيحكم القصه

هل يأتي ذلك علي حساب العمل

أم لا

ملحوظه

رفضت الذهاب لشرب الشاي مع الزملاء في البريك

لكتابة هذه الرسالة

شفتوا بقه بحبكم قد ايه :o :wub: :wub:

تحياتي :wub:

[eastsoul]

انتا متاكد يا احمد من نزاهة مديرك ... بصراحه انا استبعد ان يكون دا السبب لطرده ... اكيد ‏في حاجه تانيه عملها

انا في شركة من الشركات السابقه اللي كنت بعمل فيها حصل نفس الشيء و زعلنا بس بعد ‏كده اكتشفنا ان كان في اختلاس حصل

و بعدين هو و لا صحبو ميتضايقين ..بلاش يكتبوا المشاكل على ايمل الشركة ... كان يقدروا ‏يكتبهوا على ايملهم الشخصي احسن‏

يا سلام كل الحب ده لاعضاء المنتدى ... يا بختنا بيك ... :angry2: ‏

[tarek_almeghallawy]

فيه مثل عربي بيقول كثرة الإمساس تقلل الإحساس

من كثرة طرق الرقابة والتفتيش أصبح كل ده عادي

رقابة على التليفونات بل وتسجيل المكالمات

دس العصافير..مع الاعتذار لعصفور طاير

عد الانفاس الشهيق لوحده والزفير لوحده

فاكر بيتين لأحمد مطر

سترى لغما على شكل حمامة

وترى آلة تسجيل على شكل بيت العنكبوت

ابتعد عنها وإلا ستموت

قبل أن يلقي عليك القبض فرسان العشائر

لا تهاجر

المثل بتاعنا بيقول

امشي عدل يحتار عدوك فيك

تفتيش قال تفتيش قال

ولا بيهمنا

هو الخواجة رفدوه بجد ولا تخويف

مش عارف الأمثال حكايتها معايا إيه النهارده

أحيانا تكون سياسة الادارة زي المثل مابيقول

اضرب المربوط يخاف السايب

عموما يا عم أحمد هادي

اللي يتلسع من الشوربة ينفخ في الزبادي

[se_ Elsyed]

يا جماعة الخير الراجل بيتكلم عن حاجة تانية خالص

وهي

إن الأخ الكندي ده بعث الإيميل من الـ Business Mail الخاص بالعمل Outlook

ومعروف عالمياً إن من حق الشركة أن تعترض الإيميلات الصادرة من أي موظف طالما بيستخدم الإيميل الخاص بالعمل ...

وده شيء يجب أن يُحترم

لذلك أنأ استغرب من اللي بيستخدم إيميله الرسمي في إرسال رسائل شخصية أو ثورية زي الدعوة للمقاطعة وتنظيم المظاهرات والصور اللي تُظهر الإساءة إلى طائفة أو دين ما .... إلخ

وده حصل عندنا بضعة مرات وتم فصل الموظف الذي يُسيء إستخدام ذلك بالرغم من إنه يعلم إن هذا ممنوع ...

عشان كده كل واحد يخلي باله من لغاليغه

[م الغزالى]

هناك بالفعل شركات فى أوروبا تتجسس على الموظفين ليس لغرض شخصى ولكن لمحاربة موضوع التجسس الصناعى وكذلك لضبط عملية تضييع وقت العمل أثناء الخدمة فى السيرفينج وطبعا مع كل دخول يسجل البرتكول الخاص باللينك فى سكريبت يمكن للادمنستراتور فى مكتبه ان يطبعه بسهولة ويمكن معرفة هل هذه السيتس خاصة بالعمل ام لا ولكن فى الأغلب هذه عملية مكلفة من حيث الجهد وتتخذ إذا كان هناك شك فى الموظف او بيتلككوا له لإخراجه من العمل

بل هناك من يحرم على الموظفين إستعمال ال laptop فى القطارات او وسائل المواصلات العامة واول شئ يوقع عليه الموظف الجديد هو ورقة تلزمه بذلك كذلك اول دورة تدريبية للموظف فى اول يوم

هناك برامج بتعمل spying ويمكن وضعها على server وهذا معروف

[الأفوكاتو]

إرسال رسائل خاصة من محل العمل, على حامل بريد العمل, هو مخالفة صريحة لقواعد إستعمال تسهيلات العمل الممنوحة للموظف, و تستوجب المؤاخذة, و أحيانا العقاب..

فقد تسببت مثل هذه الرسائل فى إحراج شديد لإصحاب العمل, عندما تصلهم رسائل من شركات صديقة, مملوءة بمحررات عدائية, صادرة من موظفى هذه الشركات.

إذا احترم الموظف شروط توظيفه, لما أصابه إحراج أو ضرر.