سؤال تافه : لماذا يهربون من التجنيد؟

[Sherief AbdelWahab]

بالتأكيد ، ندين هرب الننوسين المتربين هيثم وتامر من الخدمة العسكرية ..

لكن ما سألناش نفسنا.. هربوا ليه؟

خلص الكلام

[احمد هادي]

هربوا عشان ننوسين

خلص الكلام

[elnems]

ما عندهمش انتماء والغريب ان هيثم وتامر غنوا لمصر عجيبة

[nemr111]

تخيل ان تامر و هيثم دخلوا الجيش .. يا راجل دول يعملوا فتنة .. بالذمة دول وش 6 استعد و اعمل فرش متاع .. و لكن فى هذه الحالة يجب ان يطرد خارج مصر و تسحب منه الجنسية كما فعلت دول مجاورة ..السادة الفنانيين اخطر من تجار المخدرات ..مدمن المخدرات يذهب للشراء بعد طول معاناة .. أم ان يختبئ من الشرطة او حتى يسرق للحصول على المال لشراء الممنوعات .. و لكن الاخوة المغنيين بالعافية يدخلوا بيتك و بغلاسة يشاركوك اهتمام اولادك و بسماجة تنتظر حتى تخلص الرقصة اقصد الاغنية علشان الواد المسخوط ابنك عاوز يشوف واحدة عاملة تاتو فى قفاها و مستنى اللقطة علشان يتأكد انه نقش و لا لزق

[Lembic]

والله أحلى أيامى كانت فى الجيش والصحة كانت عال العال والمزاج تمام! وكنت حاسس إني إنسان محترم ولى قيمة كمان.

[زيزو]

الحقيقة التجنيد إختراع فاشل جدًا وعن تجربة شخصية هناك من يفقد كل إنتمائه لهذا البلد في التجنيد.

ما علاقة ما يحدث في القوات المسلحة والخدمة العسكرية بخدمة الوطن أو الإنتماء؟

طبعُا هذا ليس مبرراً للهرب، وكنت أريد أن أتحدث نوعًا ما عما أتمنى أن يحدث حتى يرغب الشباب في خدمة الوطن ويستفيد الجيش والشباب، ولكني مسحت ما كتبت حيث أن أي كلام عن القوات المسلحة على شبكة الإنترنت غير مطلوب، فمهما كان الإقتراح مفيد فأي معلومة صغيرة سيظهرها ستكون متاحة للعدو والصديق.

المهم يا جماعة، في الظروف الموجودة في وقتنا هذا الشاب ينظر الى وقت التجنيد على أنه وقت ضائع لا يستفيد منه الإستفادة المثلى. وأظن أن هذا ينطبق على هيثم وتامر وأيضا مجمد ومصطفى وميخائيل. :D

[Lembic]

يا عم زيزو حلمك شوية أنا لن أقول أين كان تجنيدى ولكننا تعلمنا الإستيقاذ بمواعيد والأكل بمواعيد والكلام بدقة والمسؤلية وعلى الأقل ماذا تعنى كلمة مصر لنا. الأراضى المصرية غالية جدا وترابها كان ممنوع علينا أن نبصق عليه لأنه تراي مصرى . عموما كان معانا ناس فجل وعندها كوسة بس مش كلنا كنا كده. كفاية إنك تعيش من الناس اللى بيحموا البلد لو حصل عدوان عليها وتعيش حياتهم كام شهر.