زمن

[Suzan]

زمان كان المطبخ فيه دولاب واحد وفيه كل المواعين، ويطبخوا ليل نهار..!!
والآن البيت فيه مطبخين والأكل يطلبوه من السوق !!
_______
زمان كان البيت فيه 10 أولاد وبنات ومتربيين أحسن تربية !! 
والآن البيت فيه بس ولد وبنت وجاييبين المرض ﻷمهم وأبوهم!!!
________
زمان كانت الناس تنام أريح نومه على اﻷرض !! 
والآن الفراش قيمته بالشئ الفلاني و لا يناموا مرتاحين وكوابيس طول الليل !!
________
زمان كان البيت فيه تلفزيون واحد وقناة واحدة ونعرف أخبار الدنيا !!
والآن كل غرفة فيها تلفزيون وألف قناة ولا حد يعرف عن الثاني حاجة والاعلام كله كذب فى كذب !!
_______
زمان كانش حد يعرف حاجة عن الصحة واللياقة البدنية، وكنا أصحاء وفي أفضل لياقة بدنية!!
والآن الكل يتكلم عن الصحة والرياضة ، وثلاثة أرباع الناس مريضة وتعبانة 
__________
زمان كانوا يدرسوا ويتعبوا ويطلع عينهم على لمبة جاز .. ويفرحوا بالشهادة !! ﻻحفلات نجاح وﻻ هدايا ومبسوطين
والآن اﻷم واﻷب يذاكرو للعيال، ويجيبوا لهم مدرسين خصوصيين ويطلعوا مش فاهمين حاجة والكل ناجح ناجح وتعالوا شوفوا الهدايا والحفلات
_______
زمان كان البيت فيه صالة ومطبخ وغرفتين وكان البيت مفتوح للكل!!! 
واﻵن مساحات وليفنج وصالونات وإذا أحد فكر يزور أحد لازم بموعد وتبقى القعدة كلها رسميات!!!
______
الزمان لم يتغير إنما النفوس تغيرت

[suma]

                      بسم الله الرحمن الرحيم

  الله عليكي.جمعت كل اوجاع الزمن في كلامك هذا .فعلا الكثير منا لو سرح وراح ذهنة للوقت الماضي شعر بحنين جارف لتلك الآيام .إنها كانت حلوة المذاق بها دفء غريب وهذا الدفء وهبنا راحة نفسية وسعادة تعين على صعوبات الحياة التي لا تنتهي.

    راحت بهجة الأعياد الفعلية التي كانت تفرح الأطفال من عمل الكحك والبسكويت ولمة العائلة والضحك والتفنن في نقشه ..كان..الكحك يأتي وبسهولة لكن اللمة والفرحة لم تعد كما الأول.

  حتى دفء الجيرة لم يعد موجودا واحترام المشاعر أصبح غير موجود بالمرة كان أي فرح أو حزن في البناية بيكون لكل الشقق التي بها..الحين لانعرف عن جيراننا شيء وهم كذلك  .

ونسيتي أن تتحدثي عن القناعة والرضا اللذان كانا موجودان في حياتنا الأولى ولفتة سريعة الآن لانجدهما .المذيع يصرخ متباكيا على ارتفاع سعر كيلو البامية. مع العلم من زمن الزمن اي منتج زراعي في بشايره يكون بهذا الإرتفاع ونحن تعودنا عليه لكن التغيير في الزمن والقناعة والإهتمام.

  الخلاصة بالرغم من بهرجة الحاضر وأشيائة الجميلة المبهرة لكن الحنين الى بساطة وجمال الماضي سيظل طيفا مبهجا يمر بخاطرنا دوما......تحياتي لك

 

 

 

[Suzan]

ده لسه كتير زمان كنا بنقول للضيوف اهلا وسهلا بيك في اي وقت. دلوقتي بنقول للضيف اتصل قبل ما تيجي . كنا بنقول زمان الجار قبل الدار. دلوقتي بنقول هما في حالهم واحنا في حالنا. زمان كنا بنقول القريب قبل الغريب. دلوقتي بنقول الاقارب عقارب. زمان كنا بنتجمع علي الحب والمودة والرحمة. دلوقتي مبنتجمعش غير في التعازي والمناسبات!!!!! صدقوني الدنيا متغيرتش قلوب الناس هي اللي اتغيرت مش كدة ولا ايه ؟؟؟

[Guest شرفنطح]

أيام زمان دي حلوة عند البهوات بس اللي ترقوا و بقوا ذو حيثية و يمكن طلعوا برة و جابوا مروحة و غسالة توماتيك ، بالنسبة لدول النقلة كبيرة  لكن اللي قعدوا في نفس الحارة او القرية اللي تولدوا فيها دول مش حاسين بأي فرق   صحن الفول هو هو يمكن بدال ما ياكلوا كلهم في صحن واحد دلوقتي كل واحد له الصحن بتاعه. ... و الجيران هما هما يبقى ليه القلق ؟

طبعا هي موضة اننانتحسر على ايام زمان  و علي الصفيحة. و وابور الجاز و الكوز في الحمام