شراء مسكن بحدائق الأهرام أرجو المشورة

[alsaeeqah]

السلام عليكم واتمنى اني اكون صديق مخلص ليكم

سؤالي انه يوجد عندي رغبه في شراء سكن خاص لي في حدائق الاهرام وارغب منكم تفيدوني عن مميزات وعيوب المنطقه من ناحية الخدمات وملائمة المنطقه لسكن عائلة

تم تغير العنوان ليعبر عن محتوى الموضوع

تم تعديل 17 مارس 2006 بواسطة Advisor

[Lembic]

السلام عليكم واتمنى اني اكون صديق مخلص ليكم

سؤالي انه يوجد عندي رغبه في شراء سكن خاص لي في حدائق الاهرام وارغب منكم تفيدوني عن مميزات وعيوب المنطقه من ناحية الخدمات وملائمة المنطقه لسكن عائلة

فى الحقيقة أنا ذهبت هناك بنفسى ورأيت البناء ومش عارف ليه مكنش قد كده يمكن لأنه فيه شيئ من الهرجلة! الله أعلم عموما تأكد من وفرة المياه الصالحة للشرب وإحذر السكن قريبا من خطوط الضغط العالى لأنها بتجيب سرطان 100%. الاسعار معقولة . أنا عن نفسى أميل ال 6 October ! عموما أفضل شئ أن تشوف بنفسك لأن الأذواق والظروف تختلف من شخص لأخر وربنا معاك.

[alsaeeqah]

اخي Lembic شكرا لاهتمامك بموضوعي وربنا يسهلها

[قهوجى]

منطقة هاديه و جميله بس الخدمات فيها شبه معدومة و لا يوجد فيها مياه صالحة للشرب و لا خدمات أمنية و فى الليل تكون مخيفة للغاية ..

بالنسبة للسعر فبيتراوح المتر فى العمارة المعقولة من 1000 ل 1300 جنيه و بتستلم غالبا على المحارة اللى برضو غالبا بتبقى بايظه و بتضطر تكسرها و تعملها من تانى و كل دى تكاليف على سيادتك ..

أنصحك بلاش و فكر فى حى الأشجار أحسن و هو تقريبا مقابل لحدائق الأهرام ..

[ذهبية]

حبيت ارفع المووضع للاستفادة

ياترى لسة برضة حدائق الاهرام مش كويسة و الافضل نشوف غيرها

ياريت لو حد من الاعضاء اشترى هناك او سكن هناك يقولوا لنا تجربتهم

[joo]

dياريت لو حد يعرف شقة لا يزيد ثمنها عن 170 الف

[ذهبية]

جو افتح الموقع دة و هتلاقى اكيد طلبك

http://www.aqarcity.com/f55.html

[عاشق]

انا عن نفسي شايف ان حدائق الاهرام منطقة جيدة جدا

لعدة اسباب وده طبعا من وجهة نظرى

المول الموجود يعتبر جيد الى حد ما وتقدر تقضي طلباتك منه

بدأت تنتشر المحلات بالحدائق بالاضافة ان مساكن ضباط الرماية فيها الفكهاني والخضروات متوفرة

مواصلات قريبة جدا لان هناك موقف باصات بين الحدائق ومساكن الضباط

منطقة هادئة جدا للسكن

بعد التعديلات الاخيرة على الاحياء اصبحت حدائق الاهرام حي مستقل بالجيزة

ده يعنى انه ستتوفر به الخدمات داخلة قريبا

وجود النادي بالحدائق جيد يغني اولادك عن الذهاب الى النادي خارج المدينة

المدينة في تزايد مستمر وتكاد تكون مزدحمة في ا و ب وج

وطبعا الان بمصر الموضوع اتغير شوية يعنى اليوم معظم الناس بتشتري متطلباتهم من السوبر ماركت

يعنى لازم سيارة وبعدين هي قريبة جدا من الهرم يعنى خمس دقائق في شارع الهرم

ميدان الرماية بعد التعديلات الاخيرة يتعتبر جيد ولاتوجد اختناقات مرورية تذكر

وعن نفسي لا افضل اكتوبر

اكتوبر في اعتقادي المتواضع خلال السنوات القادمة ستتغير تركيبة سكانها تماما

موضوع اراضي ابني بيتك الان تداخلت مع الاحياء والمستوى الاجتماعي بالمحافظة في تغير

موضوع سكان الدويقة الي حولو منها جزء الى اكتوبر

موضوع هرم سيتي والمشروعات الخاصة بالشباب ومستوى اجتماعي اكيد سيؤثر على المحافظة

بالاضافة الى انتشار العرب والعراقيين وما خفى كان اعظم

مع الاسف الحكومة لاتكمل شيئ الى اخره

اكتوبر كانت منطقة راقية وجيده جدا الى ان بدأت الان في دفع بعدد كبير بمستويات مختلفة الى اكتوبر

مثل مثلا الان مايو بدأت بحظائر الخنازير وبعدين سوق الجمع

يعنى مش عوزين يخلو منطقة راقية بمصر لازم توجد قرارات تهدم ما سبق ان تم بنائه

والله الموفق

[yasser moustafa]

انا كنت اشتريت شقة هناك فى 2007 فى منطقة هـ

وهى عموما جيدة من حيث وجود صور حول المدينة وزيادة الكثافة السكانية ودخول المياه الصالحة للشرب

وكمان موقعها ممتاز من حيث توسطها بين اكتوبر والهرم

وآخر سعر للمتر كان فى حدود 1350 جنيه للمتر كاش سنة 2009

[عادل مرزوق]

حدائق الاهرام منطقه جميله وبها كل المستويات وبها الان معظم الخدمات وسعر متر الشقق السكنيه لاباس به ولكنى انصح كل اخ مسلم ان لايسكن بها لوجود مصيبه سوداء بداخلها الا وهى اختراق خط كهرباء ضغط عالى ياتى من ناحية ابو رواش الى طريق الفيوم ويمر مخترقا المدينه باكملها ومعروف ان خطوط الكهرباءذات الضغط العالى ترسل موجات كهرومغناطيسيه لمسافات بعيده حولها مما يصيب الساكن بجوارها بسرطان الدم ولذلك اذهبوا الى جوجل ايرث وشاهدوا الان خط سير خط كهرباء الضغط العالى لتتاكدوا بانفسكم