بخصوص استرداد الجنسية المصرية

[hamada2012]

 بخصوص استرداد الجنسية المصرية هل من الافضل إني استردها من عن طريق القنصلية المصريه هنا كما فعلت عندما اتنازلت عنها ام الافضل إني اقدم طلب الاسترداد من مصر لما أنزل اجازة كمان كمان شهر ان شاء الله لأني اتوافق علي التنازل في شهر نوفمبر 2017 وهل بعد الاسترداد بيكون هو نفس الرقم القومي القديم بتاعي ولا بيتم تغير الرقم القومي برقم جديد وفي الحالة دي ايه موقف عقود الاملاك والممتلكات في مصر اللي عليها الرقم القومي القديم أرجو مما مر بالتجربة دي من قبل ان يفيدني ويطمني جزاكم الله كل خير وكل عام وأنتم بخير 

[Scorpion]

معلش.. لكن حضرتك كنت اتنازلت عنها ليه من الأول ... و ايه اللي اتغير دلوقتي علشان عايز تستردها ؟؟؟؟

[اغابي]

هو ينفع ان الواحد يتنازل عن الجنسية بتاعته انا اول مرة اسمع عن الموضوع داه ؟ طب ايه الاسباب مثلا 

[Scorpion]

ينفع طبعآ يا مدام أغابي لما الحصول علي جنسية تانية يكون تمنه انه يتنازل عن جنسية بلده ...

[hamada2012]

هو فعلا تم التنازل للحصول علي جنسية بلد تانيه لا تسمح بازدواج الجنسية فالموضوع تم وطبعا دلوقتي انا عاوز استرد جنسية بلدي تانيواقدم طلب استرداد للقنصلية المصرية لكن هما هنا ميعرفرش موضوع الرقم القومي بيتغير ولا لاء فحبيت أسأل من الناس اللي اتنازلت واستردت تاني هل الرقم القومي بيتغير ولا بيفضل زي ماهو 

[Scorpion]

طب خد بالك .. علشان لما حتستردها بيتكتب ده في الجريدة الرسمية ( زي ما اتكتب يوم ما اتنازلت عنها) ... و مؤخرآ في السفارات بعد ما اكتشفوا اللعب اللي بيحصل بقي فيه عالم من مهام شغلهم انها تقرا الأسامي ديه و تشيك عليها ..

[hamada2012]

والتشييك ده سعتك بخصوص ايه ؟ الجنسية المكتسبة والجنسية المستردة ولا يمكن حضرتك تقصد الجهات دي تابعة للبلد اللي انا اكتسبت جنسيتها ؟ ولا تقصد جهات مصرية؟ علي ما اعتقد ان موضوع التنازل ده بيحصل غصب عن اي مصري محتاج الجنسية الاجنبية والجهات المصرية المسءولة عارفين ده طبعا والحمدلله ان بلدنا مقدرة ظروفنا وبتساعدنا في استرداد جنسيتنا المصرية ولا انا كلامي غلط؟ وعلي العموم شكرا علي الافادة واتمني من الناس اللي مرت بالتجربة دي تحكلنا بالظبط بعد الاسترداد ان شاء الله ايه اللي تم وشاكر لكل انسان يحب يساعد لوجه الله 

[Scorpion]

سعادتي عارف بيتكلم عن ايه .. سفارات دول اجنبية كتيرة في مصر عندهم ناس من مهام عملهم انهم يقروا جريدة الوقائع المصرية اللي هي الجريدة الرسمية بس علشان يشوفوا اسامي اللي طلبوا استرداد الجنسية المصرية و يطابقوهم بالداتا بيز  بتاعت  المواطنين المصريين اللي اكتسبوا جنسيتهم و عليه بيطبقوا القوانين الخاصة بالتلاعب ده ..

و ده انا بقوله للمساعدة لوجه الله .. و حضرتك اكتر من حر

 

نهارك سعيد

[hamada2012]

انا كده فهمت حضرتك كنت تقصد ايه، طيب حضرتك وقعت قدامك حاجة زي دي؟ اقصد ان ناس مصريين بعد ما استردو جنسية بلدهم اتفاجئو بالتطبيق اللي حضرتك قلت عليه ؟ وايه الطرق التانيه اللي عن طريقها بيعرفو باسترداد الجنسية المصرية؟ وايه نصيحتك لواحد زي حالاتي ندمان انو عمل الموضوع ده من الاساس؟