هل يسير سيناريو حياتك كما تخليته ؟

[احمد هادي]

قابلته في مطار مسقط ....كنت في طريقي الي دبي اما هو فكان متجها الي الدوحة

رجل تبدو عليه دلائل الاحترام والهدوء ....تعارفنا وبدانا الكلام ,هو في عامه الثامن والخمسين ,يعمل في الخليج منذ سته ثلاثين عاما

بدأنا الكلام عن وجهة كل منا وسبب رحلته

وكلمني عن نفسه وعن زفاف ابنته الذي من أجله نزل الي مصر وعن ابنه الطبيب الذي علي وشك التخرج وابنته التي التحقت بالصيدله منذ شهور

ثم حكي له قصته ...كما ارويها علي لسانه

كنت واحدا من 10 أخوة واخوات وكنا نعيش في مدينه صغيره من مدن الدلتا

كان ابي موظفا بسيطا ...لكنه كان شريفا ومحترما وطبعا لم تكن حياتنا سهلة

كنت متفوقا في دراستي وكان حلمي دخول كلية الطب وكنت مقتنع بقدرتي علي ذلك

وفعلا حصلت علي المجموع المطلوب

لكني في آخر لحظه

حولت اتجاهي

وقررت دخول كلية التجاره فالطب صعبة وطويلة وفيها 10 سنوات علي الأقل حتي تبدا تجني ثمرة الكفاح

ودخلت التجارة

ومن أول يوم كان تفكيري في السفر الي الخليج

كان ذلك في السبعينات والفرص في الخليج كثيره

ولأني كنت من أوائل دفعتي

ولأني سعيت بكل السبل للسفر

سافرت بمجرد تخرجي

كانت الحياة في الخليج سهلة

بعد عامين فقط

عدت الي مصر

وتزوجت الفتاه التي كنت عاهدتها علي الزواج قبل السفر

زوجت نفسي بنفسي ...فأهلها فقراء وأهلي كذلك

عدت الي الخليج وعشت وأنجبت 5 اولاد

كنت مستمتعا بالحياه هنا إلي أقصي درجة

حتي جاءت حرب الخليج ....واهتز كل شيئ

وتراجع كل شيئ

فكرت في العوده ...وتراجعت

ماذا افعل في مصر وانا المنفصل عن واقعها العملي والاجتماعي منذ 15 سنه

وقررت الاستمرار ....صحيح زادت الأعباء والضغوط ....

وتراجع الدخل

وزاد القلق

ولكن اتخذت قراري

حتي وصل إبني الأكبر الي الجامعة

وعاد الي مصر

وعادت معه الأسره

ومن يومها وانا وحيد

وما أدرك ما الوحده في الستين من العمر

كان علي أن اكمل الطريق

ما زال اثين من ابنائي الخمسه في مراحل التعليم المختلفه

يحتاجون الي بضع الآف من الجنيهات كل شهر

انا اخترت طريقي

وسأكمله للنهايه

سأبقي هنا حتي ينهي الأولاد تعليمهم

ويشقوا طريقهم إلي أفضل الكليات وأحسن المراكز

ولست نادما علي سنوات الغربه

ولا حزينا علي ما فات

لان السيناريو-حتي الآن- يسير كما تخيلته ....

ولو عادت بي الأيام لاخترت نفس الطريق

إلي هنا وانتهي كلام الرجل

وسؤال لكم جميعا .....

هل يسير سيناريو حياتك كما تخليته ؟

هل تشعر أنك تعرفه ؟

شاركت في كتابته ؟

أم تشعر انك تشاهد فيلما لا يمكنك حتي مجرد توقع اللقطه التاليه ؟

هل إخترت طريقك ؟

تحياتي

تم تعديل 17 مارس 2006 بواسطة احمد هادي

[nancy]

احمد ارحمنا بقى انا مش باحب احكى عن نفسى كتير بس بتجرجرونى فى الكلام

يعنى اية سناريوا الحياة يعنى تقدر تقرر وتختار حتدرس اية وتتخرج من جامعة اية وتتجوز مين وتعيش ازاى

انا الحمد لله كل دة زى محلمت بية حصل

[احمد هادي]

احمد ارحمنا بقى انا مش باحب احكى عن نفسى كتير بس بتجرجرونى فى الكلام

يعنى اية سناريوا الحياة يعنى تقدر تقرر وتختار حتدرس اية وتتخرج من جامعة اية وتتجوز مين وتعيش ازاى

انا الحمد لله كل دة زى محلمت بية حصل

العزيزه نانسي

انا مبجرجرش حد والله :P

بالمناسبة هل في علاقه بين فعل جرجر ونبات الجرجير ؟

أفيدونا يا جهابذة :closedeyes:

كمان عندي ليكي سؤال برئ.....

ما دمت لا تحبي الكلام عن نفسك ..... فلماذا تتصفحي الموضوعات الشخصيه؟ :wub:

يعني المفروض غيرك يتكلم وانتي تقري ؟ :angry2:

لماذا سجلتي اسمك في المحاورات إذن ؟ :angry2:

إحكي يا نانسي إحكي وسرك في بير

يادوبك عشرتلاف واحد بس هم اللي هيعرفوا :lol: :lol:

خايفة من ايه بقي ؟

[eastsoul]

اشعر اني اشاهد فيلما لا يمكنكي حتي مجرد توقع اللقطه التاليه منه .....!!!!

و لكن دائما ايماني في الله بان يحقق ما اتمناه موجود ...والحياة ماشيه

[tmtm]

بصراحة عمري مارسمت لنفسي سيناريو لحياتي عشان حاجات كتيير اتمنيتها ماتحققتش.. :angry2:

وحياتي دايما في اتجاه واحلامي في اتجاه معاكس.... :angry2:

بس دة لايمنع ان سيناريو حياتي الفعلي انا راضية بيه وعندي ايمان انه اكيد احسن بكتييير من الي ممكن انا اخططه.... :closedeyes:

[Cleo]

عن نفسى فسيناريو حياتى ملىء بالمفاجئات...

كنت دائما ما أرسم لنفسى سيناريو منمق و أعمل على تنفيذه، سيناريو محبوك و مدروس خطوة خطوة..

ثم فجأة تأتى رياح شديدة تبعثر أوراق السيناريو.. فأضطر إلى رسم سيناريو جديد و هكذا...

عموما لم أكن أتخيل يوما أن تكون الحياة شاقة على هذا النحو...

(يشوفلنا إزازة فنيك بس تكون ساقعة لو سمحتم :closedeyes: )

[noureldonia]

أنا كمان بالنسبة لي مش رسمة سيناريو لحياتي هي مشية لوحديها اكيد مش زي ما كنت اتمني ولكن علي اي حال الحمد اللة علي كل شيء .

[احمد هادي]

خير يا جماعة :lol:

هو الموضوع مكتوب عليه ( للنساء فقط ) :angry2:

فين الرجاله ..... :closedeyes: :angry2:

[se_ Elsyed]

طب ما تحكي لنا أنت يا عم بشيرالديك يا سيناريست ؟ :closedeyes:

لأ بجد .. بأفضل إن اللي فتح موضوعات زي دي إنه يحكي هو الأول عشان الناس تتشجع وتبعبع .

-----------

أنا عن نفسي سايبها على ربنا يعني مطرح ما ترسي دق لها .

وده من ساعة ما خرجت من مصر عشان أشتري طابع بوسطة سنة 95 وكنت فاكر إن بالكثير قوي هاشتريه في 3 أ 4 شهور قول سنة وأرجع فًريره ...

لكن الطابع عصلج معايا فأصبحت إنسان بوهيمي وهائماً على وجهي وبإختصار " عايش اليوم بيومه " ولا أحاول أن أجهد نفسي وأفكر في الغد ولكن إحنا بنعمل اللي علينا والباقي على ربنا .

والله يسامحك يا أحمد يا هادي ياللي طيرت الإصطباحة من دماغي .

[احمد هادي]

طب ما تحكي لنا أنت يا عم بشيرالديك يا سيناريست ؟ :P

لأ بجد .. بأفضل إن اللي فتح موضوعات زي دي إنه يحكي هو الأول عشان الناس تتشجع وتبعبع .

-----------

أنا عن نفسي سايبها على ربنا يعني مطرح ما ترسي دق لها .

وده من ساعة ما خرجت من مصر عشان أشتري طابع بوسطة سنة 95 وكنت فاكر إن بالكثير قوي هاشتريه في 3 أ 4 شهور قول سنة وأرجع فًريره ...

لكن الطابع عصلج معايا فأصبحت إنسان بوهيمي وهائماً على وجهي وبإختصار " عايش اليوم بيومه " ولا أحاول أن أجهد نفسي وأفكر في الغد ولكن إحنا بنعمل اللي علينا والباقي على ربنا .

والله يسامحك يا أحمد يا هادي ياللي طيرت الإصطباحة من دماغي .

شوف يا بو السيد

إذا كنت انت بتفضل

أنا بقي ما بفضلش :closedeyes:

انا يا فتح ....يا حكي واحده من الاتنين :wub:

وبعدين بلاش سيره الطيور اليومين دول عشان الفرة ماشيه زي القشاط وانا خايف عليك :P :o

بس عشان خاطر الأخوة

والعيش والمداخلات اللي يبنا

انا هاحكي

وكل اللي اقدر اقوله

اني عشت حياتي كلها وانا ما اعرفش انا هعمل ايه بعد دقيقتين :angry2:

وده معقد كل الناس اللي يعرفوني :angry2:

وكلام في سرك

بعد ما وصلت التلاتين

ابتدا يعقدني انا كمان :lol: :lol:

[eastsoul]

خير يا جماعة :lol:

هو الموضوع مكتوب عليه ( للنساء فقط ) :lol:

فين الرجاله ..... :closedeyes: :angry2:

ليه العنصرية دي يا أحمد :angry2:

[nancy]

احمد لدسفيرست بعد الستات متخلص حتلاقى كل الرجالة جاية جرى ترد متقلقش

وبعدين انت فعلا على راى سين سين متكلمتش عن نفسك وحتى لما اتكلمت متكلمتش بشكل واضح فجاوب بصراحة اكتر

وبعدين اية عديت التلاتين دى يعنى عديت المنش كتير من الى فى المنتدى من نفس سنك دة تلاتين امال لما توصل للاربعين حتقول اية حاول تظبط حياتك ولا حتندم جدا على الاربعين انك محققتش كل الى حترسمة .. يلا يلا بسسسسسسسسسرعة

[احمد هادي]

خير يا جماعة :P

هو الموضوع مكتوب عليه ( للنساء فقط ) :P

فين الرجاله ..... :angry2: :angry2:

ليه العنصرية دي يا أحمد :lol:

ابدا والله

بس أول مره افتح موضوع عام والاقي الردود كلها من الجنس اللطيف الخفيف الظريف :o -_-

حاجة غريبه شويه :closedeyes:

مش كده ؟

ملحوظه في سرك : ده ميمنعش سعادتي بان موضوعاتي تجذبهن :lol: :wub: :

حماكن الله من كل سوء

[الاسكندرنى]

ابوه جاى من هنا نادى على طقم رجاله

ايوه ياسيدى

انا والحمد لله راضى و صابر اه والله راضى و صابر

اما عن السيناريو ياخى كل ما اخطط لحاجه ما تحصلش و تحصل حاجه تانيه احسن من تخططى و احمد ربنا

بس لسه ما تعبتش و بحاول اخطط

يعنى كان نفسى ادخل الكليه البحريه و ما حصلش و اللى حصل دخلت الاكاديميه البحريه

كان نفسى اشتغل فى مجال درستى واللى حصل اشتغلت غواص

كان نفسى اعيش فى مصر علطول و ماطلعش منها واللى حصل لاقيت نفسى فى فرنسا

دلوقتى خايف اقول نفسى ارجع مصر

وبس كده و برده الحمد لله لانى مستمتع باللى بيحصل و بتاقلم عليه

[سهيلة]

موضوع لذيذ يا احمد

بس عن نفسى ما عنديش سيناريو محبوك لحياتى لانى مومنة بالحديث اللى بيقول

انت تريد وانا اريد واللة يفعل ما يريد

ودة مش معناة انى مش يحلم او اخطط لحياتى

انا بعمل خطوط عريضة لحياتى وليس تفاصيل

ورغم ان اغلبها مش بيتحقق زى الاف الاحلام والمخططات

مش بزعل بقول اكيد مش لية خير ف الحاجة دى

وعسى ان تكرهوا شيئا وهو خير لكم اية كريمة

بس حاجات كتير بتحصللى ما كنتش راسماها خالص

الزمن قاسى اوى وغريب

وبعدين يا احمد بقى لازم تفكرنا

عايزين مناديل كلينكس بسرعةةةةةةة

وش واحد هتفر الدمعة من عينة وصعبان علية نفسة

[عصفور طاير]

ما علش يا سيهيلة ياختي.. بس هوه أحمد هادي كده.. دايما يقلب علينا المواجع

أنا بقى زي سي السيد ما قال: ماطرح ما ترسي دقلها

وفي بيت شعر عبقري بيقول:

تقفون والفلك المسير دائب .... وتقدرون فتضحك الأقدار

يعني خليها على الله.. مشيها وياللا

[احمد هادي]

أصبحت إنسان بوهيمي وهائماً على وجهي وبإختصار " عايش اليوم بيومه " ..... سي السيد

الزمن قاسى اوى وغريب..... سهيله

دلوقتى خايف اقول نفسى ارجع مصر ..........الاسكندراني

ما علش يا سيهيلة ياختي.. بس هوه أحمد هادي كده.. دايما يقلب علينا المواجع ..............عصفور طاير

عموما لم أكن أتخيل يوما أن تكون الحياة شاقة على هذا النحو..Cleo ]

:angry2: :blink: :P :huh: :sad: mfb: -_- :o :wub: :wub:

صحيح يا ولاد من شاف سيناريوهات الناس هان عليه كل الفيلم بتاعه

[tmtm]

يعني خليها على الله.. مشيها وياللا

معبرة جدا ياعصفور.... :P

زي طنش تعش.... :angry2:

كفاية يا أحمد قلبت على الناس وهي مش ناقصة.. :blink:

[عصفور طاير]

شوفتي يا هندزة..موضوعات أحمد هادي خلتنا نقول حكم.. :huh:

ورب قومٍ ... :P

أيوه :huh:

عن إذنكو حاسس إني عايز أقول حكمة حالا...

هاظبطها وأقولهالكو . :o

تم تعديل 19 مارس 2006 بواسطة عصفور طاير

[المدهش]

أنا ولله الحمد ..اخترت من البداية الطريق الذي مضيت فيه..يعني اخترت دراسة الصحافة من وانا في ثانوي ..وعشان كده اخترت القسم الأدبي والتحقت بكلية الاعلام..وبعدين اشتغلت في الصحافة..هذا جانب تحقق ..لكن هناك جوانب أخرى كلها كانت قدرية ولا دخل لي فيها على الاطلاق..ولو عاد بي العمر مرة أخرى ..لشطبت نصف ما أقدمت عليه من قبل..ولأعطيت وقتاً أكبر لأشياء أهملتها ولم أعرها الاهتمام الكافي.