هل يسير سيناريو حياتك كما تخليته ؟

[أسد]

كنت أتمنى أن أكون أكثر نجاحاً مما أنا فيه ..

فقد كنت أظن وأنني سأكون إضافة للمجتمع ..

كنت أظن وكأنني سأصبح عنصر فاعل في المجتمع بشكل أكبر ..

بمعنى أنني كنت أتمنى أن أكون رجل عام .. لي دور في العمل العام ..

الحمد لله .. لي دور ناجح على مستوى العمل والأسرة ..

ربنا حقق لي أكثر مما كنت أتمناه على المستوى المادي والأدبي ..

ولكني أشعر وكأنني فقدت الرغبة في العمل العام ...

وعلى المستوى الشخصي ...

ما منحه الله لي كان أعظم بكثير من أحلامي وتوقعاتي ...

الحمد لله .. له الفضل والمنة ..

[بنت شعنونة]

موضوع شديييييييييد جدا

عمري ما فكرت فيه

هممممممممممم

خلصت ثانوية وكنت " عاوزة " اجي مصر و "جيت"

كنت " عاوزة" ادخل هندسة دخلت طب ( اففففففففف)

كنت " عاوزة" اكون متفوقة فشلت

كنت " عاوزة" احول في سنة سادسة و اهلي رفضوا ف انقطعت

كنت " عاوزة " اجيب فلوس اصرف على نفسي ف " اشتغلت" خضرجية و دي جي و " سيبتهم"!

ما كنتش "عاوزة" استلم التكليف واستلمته وكنت دكتورة كويسة مع الناس!!!!!!!!!!!!!!!!!!!!!! ( غريبة جدا)

كنت " فاكرة" ها اتجوز في الكلية او بعدها ب شوية اتجوزت ع التلاتييييييييييين

كنت " عاوزة" اقعد في البيت بعد الجواز و قــــــــــــعـــــــــــــدت :huh:

"عاوزة" اسيب الطب واشتغل اي حاجا واديني " بححححححاااااااااااااااااااااول"

هممممممممممم

لا مافيش حاجا مشيت زي ما كنت مخططة خالص

؟؟؟؟!!!!!!!!!!!

عشان كدا بطلت اخطط من اصله

بقيت اخدها غلبة

يعني اللي يجي في بالي

هووووووووووووب اعمله على طول

ها نعيش كام مرة يعني :closedeyes:

[Tafshan]

ياه :closedeyes:

طب خذ عندك ..

كنت عاوز ابقى طيار .. الكلام ده في اعدادى باين ..و بعدين قلت ابقى مهندس و ده في ثانوى ..و فعلاً ...

ذاكرت و ذاكرت و بعدين عييت قبل امتحان الثانوية بأسبوع :P و دخلت تجارة ..

و ده الوقت انا بأشتغل مهندس شبكات (كمبيوتر) :huh:

كل تخطيطي جه بالعكس ..و كل ما اقول ح اعمل كذا .. يحصل عكسه .. و برضو مش ببطل تفكير ..و مش بأوصل لحاجه ..

[نورية]

انا كمان بردو ساعات باحس ان مش كل حاجة حلمت بيها او خططت ليها اتحققت

بس ساعات بردو باحس ان ربنا بيدينى حاجات كتير حلوة ماكنتش واخدة بالى منها

حلمت انى ادخل اداب انجليزى... فدخلت فنون جميلة

حلمت انى اكمل دراسات عليا فى مجال تخصصى...قعدت شهر فيها و ماكملتش

حلمت ان يبقى لية اخوات كتير.... فربنا ادانى اخ واحد و مسافرررررررررررر

حلمت انى لما اشتغل ماحتاجش ابدا لواسطة و ان شغلى هو واسطتى.... لقيت الواسطة قبل كل شئ

حلمت انى لما اتجوز ابقى جنب ماما و بابا.. اتخطبت لواحد مسافر برة

بس فى الاخر طلعت كليتى حلوة و اشتغلت على طول ;)

ماكملتش دراسات عليا لكن اخدت كورسات english و بدأت فى دبلومة ترجمة :sad:

ماليش غير اخ واحد... لكن صحابى معوضنى كتير :)

خطيبى بعيد اه... لكن اطيب و احن قلب شوفته فى حياتى :lol: mfb: :P :blush:

اما الواسطة فبعلو صوتى باقول القرع لما استوى قال للخيار يا لوبيةةةةةة B)

[سيزيف]

من الصعب ان يرسم الانسان سيناريو حياته

ولكن هناك دائما اهداف و طموحات و امال

قد يتحقق بعضها و بعضها الاخر قد لا يتحقق

و عن نفسى

فالحمدلله ان معظم الاهداف التى وضعتها امامى حققتها و فى وقت قصير

الهدف الوحيد اللى معصلج معايا

هو الزواج

و الحقيقه

اننى لم اتوقع ابدا ان اصل الى سن الثلاثين قبل ان اتزوج

ولكن

العديد من اصدقائى المتجوزين يتهموننى بالبطر و عدم تقدير النعمه اللى انا فيها :sad:

[SANAA]

آخر مره عملت سناريو فيها كان في مرحلة الطفولة ويمكن أوئل مرحلة الشباب

من حظي السناريو بسرعه مانفعش والسناريو اللي بعديه فشل

استوعبت الدرس بدري وبطلت اشتغل سناريست

دائما اعتقد في ان كل شي مرتب بتدبير من عند الله" اعقلها وتوكل" اعمل اللي عليك وربنا بيختار الاحسن

اما عن سيناريو حياتي اعتقد والله اعلم اني لو كنت درست سناريست وحاولت اعمله ماكنش طلع احسن من اللي ربنا اختاره

حتي الحاجات اللي انا شفتها في فتره سلبيه او كانت تؤرقني بعد مده حسيت انها الافضل لي .

[سقراط المصري]

انا بقى ماكنش عندي سناريو لحياتي ولكن كان عندي احلام يقظه

في المراهقه حلمت كتيرر اني اسافر وادرس بره مصر

وقد حدث

حلمت اني اكون عالم فيزياء او فيلسوف

وقد حدث

حلمت اني اكون قوي واملك سلطه واشخط وازعق وادي اوامر

نسبيا املك سلطه

حلمت ان افيد بلدي واعلم الاجيال واعلهم بذكاء مش بالطريقه الغبيه القديمه:::::::: في الطريق اليك

حلمت اني اخلف ولد ذكر والغريبه ان كان في نفسي اخلف وانا في الابتدائي يظهر ان انا اب بالفطره

والحمدلله رزقت بالاولاد

هو يظهر ان سناريو حياتي مشي بالطريقه اللي انا حلمت بيها وان كان متاخر سنتين تلاته

يارتني كنت حلمت اني اكون مليونير

سقراط