لجنة حكومية لتقنين أوضاع شركات سيارات الأجرة الخاصة أوبر وكريم وأسطى

[عادل أبوزيد]

تمشيا مع التقدم التقني  توصل الفكر الإنساني  إلى نموذج  بزنس أثبت نجاحه في عدد كبير من دول العالم  و ما يزال يتوسع  حيث يمكنك من تليفونك المحمول أن تطلب سيارة تصلك بعد دقائق و تقوم بتوصيلك إلى حيث تريد.

 

ما سبق كان إستهلالا لابد منه

 

لن أستطرد في مميزات  هذا النموذج  أعتقد كل المصريين سمعوا عنه أو إستعملوه ، و الجميع سمع عن البلطجة التي يقوم بها سائقي التاكسي الأبيض  و حكومتنا الرشيدة  صامتة   ....   حتى اليوم   حيث إنتفضت و كونت لجنة من ستة وزراء برئاسة وزير العدل لبحث المسألة  !!!   و ألف علامة تعجب من عندي

 

يا سادة  الموضوع واضح للعيان مثل  واحد زائد واحد يساوي  إثنان  غير قابل للنقاش من بساطته   ...   عندما تمرض  تذهب لطبيب كفوء أم تذهب ل حلاق الصحة ؟

 

يبدو أن المسألة لدى حكومتنا  تمثل حسبة برما  و تم تشكيل لجنة من ست وزراء يرأسها وزير العدل    

اقتباس

 

قرر مجلس الوزراء، اليوم الأربعاء، تشكيل لجنة وزارية برئاسة وزير العدل وعضوية وزراء النقل، والمالية، والتضامن الاجتماعى، والاستثمار، والتنمية المحلية، وممثل عن الداخلية، على أن تجتمع فوراً لبحث موضوع تشغيل السيارات الخاصة فى أغراض تجارية تتمثل فى نقل الأفراد بأجر (أوبر- كريم – أسطى)، واقتراح سبل التعامل مع هذا الموضوع قانونياً من مختلف الاصعدة، تمهيداً للعرض على مجلس الوزراء فى اجتماعه المقبل.

http://s.youm7.com/2621601

 

 

الخبر بعنوان صاخب :  لجنة حكومية لتقنين أوضاع شركات سيارات الأجرة الخاصة أوبر وكريم وأسطى

http://s.youm7.com/2621601

 

 

و إليكم بعض التعليقات على الخبر :

اقتباس

 

1 واللة هنعمل احنا كمان مظاهرات مدام البلد دي مشية كدة بواسطة: mousa بتاريخ: الأربعاء، 09 مارس 2016 05:20 م مصر تحارب كل ما هو جميل في صالح كل ما هو عشوائي دة اية الرزالة دية انا مش عاوز اتعامل مع التاكسي الابيض هو بالعافية داية الفشل الي احنا فية دة

 

2 اياكم والرضوخ لمافيا التاكسي الابيض بواسطة: الوحش بتاريخ: الأربعاء، 09 مارس 2016 05:27 م مصلحة المواطن هي الأساس والتأكسي الأبيض مافيا وبلطجية

 

3 حرام ...خلاص هنبيع التاكسي وهنشحت بواسطة: شلبى عبد الدائم بتاريخ: الأربعاء، 09 مارس 2016 05:34 م يعنى نبيع التاكسي وهنشحت ....حكومة فاشلة ووزير متواطئ....واللة لنخرج عرايا فى المظاهرات

 

4 تاكسي اييض بسواق ضميره اسود بواسطة: Meelad adly بتاريخ: الأربعاء، 09 مارس 2016 05:53 م 95% من سواقين التاكسي الابيض بيلعبوا في العداد بهدف سرقة المواطن، الشركات الخاصة لشريحة معينة من الشعب ولا تؤثر علي السواق ابو ضمير اسود (سواق التاكسي الابيض )

 

5 برافو اول مرة حكومة تتعامل بعقلانية مع خدمة تحترم المواطن بواسطة: المصرى الواعى لحقوقة بتاريخ: الأربعاء، 09 مارس 2016 05:54 م لو سائقى التاكسى الابيض عايزين لقمة عيش كانوا احترموا المواطن للاسف خدمتهم سيئة و بعضهم بلطجية اخرين تلاقيهم واخدين ترامادول و بدل ما يحفزهم المنافسة و يحسنوا الخدمة من تغفيلهم فاكرين ان البلطجة ها تخوف او ترهب المصريين هأأأأأأأأأأأأأأأووووووو المنافسة

 

6 مفيش أحلى من الفوضة عند الحكومة بواسطة: مجدى بتاريخ: الأربعاء، 09 مارس 2016 05:59 م هى الحكومة صعبان عليها البلد أنها تتحضر و يكون فيها إحترام متبادل بين فئة من العمالة و المواطن و بتسعون على مساعدة الفوضة لسائقين التاكسى ا?بيض علشان كدة احنا دايما فاشلين فى أى عمل بيكون فية تقدم من طرف المسئولين ?ننا بنؤيد الفوضة عن التحسن

 

7 التبجح واللجوء للغوغائية لن يزيدنا الا اصرارا علي التخلص من بهدلتكم لينا سنوات وسنوات بواسطة: د.علي عبد الرسول بتاريخ: الأربعاء، 09 مارس 2016 06:03 م كفاية اللي عملتوه في الشعب طول السنين اللي فاتت حتي من ايام التاكسي الأزرق -وان تناسيتم احنا موش حاننسي أبدا وكفاية بهدلة للناس وتجرمة -الناس عاوزة تتعامل باحترام طالما بتدفع المطلوب منها-موش سرقة عيني عينك وبعدين تهددونا بأنكم حاتقلعوا ملط-حتي ده اُسلوب في التخاطب -موش معني انك بتدفع ضرائب انك تسرقني عيني عينك وتذلني بان (لا موش طريقي) لو سمحت عاوز اروح(لا أنا حاسلم وردية) حضرتك العداد موش شغال (معلش اصله عطلان)-كفاية افتري عالناس

 

8 لا ترضخوا لمافيا التاكسى الابيض بواسطة: Ahmed soliman بتاريخ: الأربعاء، 09 مارس 2016 06:04 م اهم شىء مصلحة المواطن و هذة الشركات اراحت العديد من الاسر المصرية

 

9 الصور دي كلها حتهم القارئ في إيه ؟ بواسطة: مافيش فايدة بتاريخ: الأربعاء، 09 مارس 2016 06:12 م وشكراً كده ، أنا قولت من الأول أى حاجة نضيفة ما ينفعش تعمر في مصر ، حنرجع تاني لسواق التاكسي وحكاياته ومراته اللي عندها القلب والفلوس بتاعة الدروس و العداد مش شغال و مافيش تكييف عشان الموتور و هيا دي مصر

 

10 المنا فسة مطلوبة لتحسين الوضع بواسطة: بنت مصر بتاريخ: الأربعاء، 09 مارس 2016 06:20 م ايه المشكلة انه يكون فى اكتر من شركة منافسة فى النهاية هتكون فى مصلحة الراكب الذى يستخدم التاكسى فى انتقالاته يعنى المطلوب من سائقى التاكسى الابيض التعامل مع مستخدمى التاكسى بضمير يعنى ما يطلبش اكثر من القيمة اللى فى العداد ومايقولش فيش فكة ومعاملة الراكب بكل ادب واحترام وبلا تذمر من المشوار او الزحام او اى شى اخر وعندما يفعلون ذلك اكيد الناس هتستخدم التاكسى الابيض بكل ترحيب وانا شايفة ان مشروع اوبر وكريم ممتاز جدا جدا جدا لازم نتقدم ونطور من المنظومة مثل باقى دول العالم ولا ايه رايكم ؟

 

11 اين ممثلين الشركات بواسطة: مواطن بتاريخ: الأربعاء، 09 مارس 2016 06:26 م أليس من المناسب دعوة أصحاب الشركات فى هذه المناقشات

 

12 Uber بواسطة: مختار شعبان بتاريخ: الأربعاء، 09 مارس 2016 06:29 م انا مواطن مصري ليس لي علاقة ب uber لكن الي متي سنظل نحارب اي مشروع جديد محترم اعملوا استفتاء ستجدوا جميع الأسر المصرية تريد تدعيم تلك المشاريع التي توفر الأمن والامان لافراد الاسرة بجانب الخدمة المحترمة المقدمة. بقي معقول كل مايقوم مشروع جديد محترم تقوم اصحاب المشاريع المماثلة بالإضراب المرفوض قانونا . وإذا كانت الحجة انها تؤثر علي دخلهم فهي ايضا مرفوضة بدلا من ان يحسنوا من أنفسهم يقوموا باضراب. وهذا النوع من الخدمة ليس بدعة بل هي موجودة في 350 دولة اخري. ارحمونا. نريد التقدم للأمام !!

 

13 ليه مش العكس بواسطة: مروة بتاريخ: الأربعاء، 09 مارس 2016 06:47 م انا رايي ان الأفضل نسيب الشركات الناجحة بدون تدخل وان الحكومة طالما عايزة تساعد سائقي التاكسي الأبيض يبقي هما اللي محتاجين تقنين اوضاع. يعني هم اللي لو عايزين يُنافسوا يعملوا شركة زي أوبر وكريم مش العكس. احنا عايزين نطلع لقدام بالمنافسة الشريفة والعرض والطلب مش كل مانلاقيش حد بيسمي وهينجح نساعد أعداء النجاح يوقعوه... كده عمرنا ماهنطلع لقدام 
http://s.youm7.com/2621601

 

 

 

[Grandma]

برغم الهجوم الكاسح على التاكسي الابيض الا اني متعاطفة نسبيا معاه ومقدرة ثورتهم ... هما مهما كان دول ناس غلابة بيجروا على أكل عيشهم ... و الشركات الجديدة أغلب أصحابها أجانب . 

 

الحل انهم يكونوا مع بعض شركة واحدة... ويتفقوا على تحسين مستواهم و تخفيض قيمة اجرتهم و تشغيل العداد و التكييف .

 

بس مش فاهمة الثلاث شركات الجديدة اتكونت فجأة و بدون اذن الخكومة ولا وضعها القانوني ايه ؟!!

 

اذا كانت قانونية فمجلس الحكومة المنعقد مش من حقه ايقافهم عن العمل ...

واذا كانوا بيشتعلوا بدون ترخيص يبقى الحكومة كانت نايمة لحد دلوقتي ليه ؟!!  :rolleyes: 

 

[أبو محمد]

فرقة "أذكى اخواته" الموجودة فى الجهاز الحكومى

والتى رفضت بكل إباء وشمم قانون الخدمة المدنية

والتى تغاضت عن عدم قانونية التوك توك ورعونة الميكروباسات

عن مواقف النقل العشوائية وتعطيل عداد التاكسي وامبراطورية السياس وإتاواتهم

عن فيميه سيارات المحاسيب ودق الحديد في الشوراع واشغال الطريق  ...... إلخ

أذكى اخواته "الحكومى" ده وفرقته ، يذعنون لبلطجة سائقى التاكسى الأبيض فى القاهرة

ويوقفون الآن سائقي اوبر وكريم وأسطى
لاعتبارات الشبهة القانونية

(الحمد لله لم يصل ذكاؤهم إلى الإسكندرية بعد)

[التونسى]

 

Sam Ahmed · 

Cairo, Egypt

I'm really happy for the Egyptian people because they do deserve the. Shity service they get from the white Taxi .they dint deserve the good service that Uber provide to a lot of countries around the world .That's why we are so far behind in everything . This is my promise to myself I will never use white cab as long as I live in this trashy country

أعجبني · رد · 1 · 5 ساعة

 

Usama Abdelfatah · 

New York, New York

i live in new york city and all UBER and other drivers have to have a TLC plate like the yellow taxi , so they should do that but on the other hand , all white taxi should follow the law and respect the customers.

أعجبني · رد · 1 · 3 ساعة

 

Aly Bashir · 

يعمل لدى Self-Employed

وهل سيتم ايضا القبض على اي سائق تاكسى لا يقوم بتشغيل العداد على اساس انه عمل غير قانونى ويقدم للنيابة بتهمة الابتزاز

أعجبني · رد · 2 · 2 ساعة

Salwa Dabbous

هو اي حاجة تتعمل حلوة في البلد دي من اي حد ﻻزم نبوظها ونقرف ونحزن الناس هو حرام نفرح من اي حاجة بسيطة كله نكد وفساد . يعني الحكومة مش عارفة تعمل حاجة عدلة ومش سايبة حد يعمل حاجة عدلة

أعجبني · رد · 1 · ساعة واحدة

[أبو محمد]

كان يمكن أن أتعاطف مع قضية سائقى التاكسى ضد أوبر وكريم وأسطى

لو كان مطلبهم هو :

"خففوا عنا لكى ننجح مثلهم"

 

ولكنهم فقدوا التعاطف لأن مطلبهم هو :

"اثقلوا على أوبر وكريم وأسطى لكى يفشلوا مثلنا"

[herohero]

طبيعي جدا ان المواطن المصري يحصل ع اسوأ خدمة بسعر يعتبر مرتفع لمستواها 

هو حضراتكم كنتوا تظنون ان ممكن المواطن المصري في مصر يقدر يستفيد بمثل هذه تجربة ؟؟؟؟ fty::  fty:: 

 

طبيعي جدا ان الحكومة تغضب من ذلك 

 

حكومتنا شعارها ( مواطنك على ماتعوده ) فطبعا لو اعتاد المواطن المصري على شئ آدمي ده خطر جدا وهيهدم الدولة 

[herohero]

[عادل أبوزيد]

في 10/03/2016 at 01:00, أبو محمد said:

 

كان يمكن أن أتعاطف مع قضية سائقى التاكسى ضد أوبر وكريم وأسطى

 

لو كان مطلبهم هو :

 

"خففوا عنا لكى ننجح مثلهم"

 

 

 

ولكنهم فقدوا التعاطف لأن مطلبهم هو :

 

"اثقلوا على أوبر وكريم وأسطى لكى يفشلوا مثلنا"

فعلا غير قادر على إستيعاب  مطالبات سائقي التاكسي الأبيض و أكيد الإسود أيضا. مطالبتهم بوقف اوبر و كريم بل يطالبون وزارة الإتصالات  بوقف او تجريم استخدام تكنولوجيا المعلومات في منظومة النقل.

[Guest دايخ في المواصلات]

أكيد سمعتم عن أوبر و كريم  و جايز جدا إستعملتوه  ، أنا شفت ناس كتيرة مبسوطة من الخدمة بل هناك عائلات أصبحت تعتمد بالكامل على هذه الخدمة .

الخدمة موجودة في القاهرة و الإسكندرية و جايز في مدن أخرى . .  كلام جميل  بس الحلو مايكملش  !

الشكل الظاهر طبعا إن سائقي التاكسي الأبيض في مصر يطالبون بمنع هذه الخدمة بل و منع إستخدام تطبيقات تكنولوجيا المعلومات في خدمة النقل !  آه و الله عاوزين وزارة  الإتصالات تحجب التطبيق من أصله

يا ريت نتكلم مع بعض هنا   عن أوبر و كريم  و أمثالهم إذا وجدوا

[Scorpion]

سؤال : 

1 . هل يدفع سائقي التاكسيات سواء الأبيض او الأسود  ضرائب ؟

2. هل يدفع سائقي اوبر او كريم او اسطي ضرائب ؟