عمارة يعقوبيان : قبل الهنا بتلت سنة

[Sherief AbdelWahab]

أليس من الغريب أن أفتح موضوعاً عن فيلم "عمارة يعقوبيان" الذي قد يعرض بعد كأس العالم ؟

لا غريبة ولا حاجة ..

بعضكم قرا الرواية بالتأكيد..وخرج بانطباعات ، وبتصور عن شكل الفيلم ، في إطار معرفته بالرواية وبوحيد حامد كمان..

الموضوع حيفضل معانا بإذن الله لغاية بعد عرض الفيلم .. وهنا حنحط تصوراتنا عن الفيلم قبل وبعد عرضه ، ومدى اختلافه أو تشابهه مع النص الأصلي ..

خلص الكلام

[Cleo]

أليس من الغريب أن أفتح موضوعاً عن فيلم "عمارة يعقوبيان" الذي قد يعرض بعد كأس العالم ؟

لا غريبة ولا حاجة ..

بعضكم قرا الرواية بالتأكيد..وخرج بانطباعات ، وبتصور عن شكل الفيلم ، في إطار معرفته بالرواية وبوحيد حامد كمان..

الموضوع حيفضل معانا بإذن الله لغاية بعد عرض الفيلم .. وهنا حنحط تصوراتنا عن الفيلم قبل وبعد عرضه ، ومدى اختلافه أو تشابهه مع النص الأصلي ..

خلص الكلام

عمارة يعقوبيان من أروع ما قرأت خلال السنوات الثلاث الماضية.. فهى عبارة عن مجموعة قصص قصيرة لمحوعات من الشخصيات لا يجمع بينهم جميعا سوى الزمان والمكان..

استطاع الكاتب بمنتهى الدقة والبراعة أن يغوص داخل نماذج بشرية متناقضة اجتماعيا وماديا وأخلاقيا فى المجتمع المصرى، وإن كان الكاتب فى هذه الرواية قد أبرز أقبح ما فى المجتمع المصرى فلا نكاد نرى فى هذه القصة نموذجا واحدا شريفا أو معتدلا.

على العموم أعتقد أن الرواية كلها شوف تختزل فى حدود الشخصية التى سيلعبها عادل إمام وسوف تهمش باقى الشخصيات و باقى القصص التى احتوتها الرواية

[الأفوكاتو]

أرجو أن لا يحدث ما تتوقعه الأخت كليو, و إن كان هذا ليس مستبعدا فى ظل تفصيل القصص لكى تتفق مع " مقاس" الممثل الأول.

[Sherief AbdelWahab]

إيه اللي بيخلي الناس متوجسة من مخالفة الفيلم للسيناريو.. كذا حاجة:

1-التجارب اللي فاتت ، بمعنى إن فيه أفلام ومسلسلات مأخوذة عن نصوص أدبية ضيعها السيناريست "مسلسلات كتير" ، أو المخرج "حديث الصباح والمساء" .. والسيناريستات والمخرجين التعبانين أكثر في البلد من الهم على القلب..وكلهم ما بيكتبوش من نفسهم في أحوال كتير ، منها ما لخصه أستاذنا الأفوكاتو في السطر المختصر دة :

أرجو أن لا يحدث ما تتوقعه الأخت كليو, و إن كان هذا ليس مستبعدا فى ظل تفصيل القصص لكى تتفق مع " مقاس" الممثل الأول.

نفوذ الممثل وسطوته بطبيعة الحال..

واللي يعزز الكلام دة كمان إن الرواية ، أو مجموعة القصص كما وصفتها العزيزة كليو إحدى مكتبات المحاورات المتنقلة واللي قرأتها عن ظهر قلب ، أو التحقيق الصحفي عن القاهرة وأهلها كما قال منتقدي الرواية ، مليانة شخصيات ، يعني حتبقى في صعوبة كبيرة جداً في توزيع جمل الحوار وتفاصيل السيناريو على العدد الضخم دة من الشخصيات ، من غير عمل حساب مراكز القوى السينمائية في الفيلم..

2-برومو الفيلم ، وأنا شايف إنه برومو تعبان ، ومش عارف ليه بالرغم من الفلوس الكتييييير اللي عند إسعاد يونس وعماد أديب مش عارفين يعملوا برومو طبيعي..البرومو كشف نصف أحداث الفيلم على الأقل.. إن ما كانش أكتر..

3-نمطية وحيد حامد ..الراجل بقى أسطوانة محفوظة ومشروخة ومكررة ، وبيرفض إنه يغير دمه ويجدد طريقته حتى في كتابة المشاهد ..

نبقى مع كليو وهذه الملاحظة :

استطاع الكاتب بمنتهى الدقة والبراعة أن يغوص داخل نماذج بشرية متناقضة اجتماعيا وماديا وأخلاقيا فى المجتمع المصرى، وإن كان الكاتب فى هذه الرواية قد أبرز أقبح ما فى المجتمع المصرى فلا نكاد نرى فى هذه القصة نموذجا واحدا شريفا أو معتدلا.

ملاحظة وجيهة ، وكان بعض الأصدقاء خارج المنتدى قد تحدثوا عنها بشكل أكثر استفاضة ، وعمموا ذلك على بعض أعمال علاء الأسواني الأخرى ومن ضمنها رواية "واحد صفر"..

خلص الكلام

[Cleo]

إيه اللي بيخلي الناس متوجسة من مخالفة الفيلم للسيناريو.. كذا حاجة:

1-التجارب اللي فاتت ، بمعنى إن فيه أفلام ومسلسلات مأخوذة عن نصوص أدبية ضيعها السيناريست "مسلسلات كتير" ، أو المخرج "حديث الصباح والمساء" .. والسيناريستات والمخرجين التعبانين أكثر في البلد من الهم على القلب..وكلهم ما بيكتبوش من نفسهم في أحوال كتير ، منها ما لخصه أستاذنا الأفوكاتو في السطر المختصر دة :

أرجو أن لا يحدث ما تتوقعه الأخت كليو, و إن كان هذا ليس مستبعدا فى ظل تفصيل القصص لكى تتفق مع " مقاس" الممثل الأول.

نفوذ الممثل وسطوته بطبيعة الحال..

واللي يعزز الكلام دة كمان إن الرواية ، أو مجموعة القصص كما وصفتها العزيزة كليو إحدى مكتبات المحاورات المتنقلة واللي قرأتها عن ظهر قلب ، أو التحقيق الصحفي عن القاهرة وأهلها كما قال منتقدي الرواية ، مليانة شخصيات ، يعني حتبقى في صعوبة كبيرة جداً في توزيع جمل الحوار وتفاصيل السيناريو على العدد الضخم دة من الشخصيات ، من غير عمل حساب مراكز القوى السينمائية في الفيلم..

2-برومو الفيلم ، وأنا شايف إنه برومو تعبان ، ومش عارف ليه بالرغم من الفلوس الكتييييير اللي عند إسعاد يونس وعماد أديب مش عارفين يعملوا برومو طبيعي..البرومو كشف نصف أحداث الفيلم على الأقل.. إن ما كانش أكتر..

3-نمطية وحيد حامد ..الراجل بقى أسطوانة محفوظة ومشروخة ومكررة ، وبيرفض إنه يغير دمه ويجدد طريقته حتى في كتابة المشاهد ..

نبقى مع كليو وهذه الملاحظة :

استطاع الكاتب بمنتهى الدقة والبراعة أن يغوص داخل نماذج بشرية متناقضة اجتماعيا وماديا وأخلاقيا فى المجتمع المصرى، وإن كان الكاتب فى هذه الرواية قد أبرز أقبح ما فى المجتمع المصرى فلا نكاد نرى فى هذه القصة نموذجا واحدا شريفا أو معتدلا.

أولا يا باشمهندس شريف انت هتخلينى أخد بوكس فى وشى.. قصدى فى نفسى.. :o

ربنا يكرمك و يسعد أيامك :)

ملاحظة وجيهة ، وكان بعض الأصدقاء خارج المنتدى قد تحدثوا عنها بشكل أكثر استفاضة ، وعمموا ذلك على بعض أعمال علاء الأسواني الأخرى ومن ضمنها رواية "واحد صفر"..

خلص الكلام

قرأت أيضا للأسوانى مجموعة "نيران صديقة" وهى لا تختلف عن يعقوبيان فى تشويه المجتمع أو إبراز أقبح ما فيه وإن كانت من وجهة نظرى أقل كثيرا من الناحية الفنية من يعقوبيان.

[nancy]

انا قريت عمارة يعقبيان عجبتنى و الكاتب حول الاشخاص فى القصة لانك ممكن تحس انهم ثلاثى الابعاد يعنى موجود امامك فعلا وبيتكلم من منطق كل واحد منهم بنفس القوة وبقنعك ان الشخص دة صح اوى

بس مشكلتة ان كل شخصياتة سوداوية متطرفين فى مشاعرهم وارائهم

بس ميمنعش ان القصة دى فعلا من احسن ما قراءة فى الفترة الحالية وكل شخصياتة متعشقة فى بعض بشكل منطقى

ودة الى شجعنى انى اقراء لة نيران صديقة

بس المجموعة القصصية دى بعد مخلصتها جبتلى اكتئاب لانها سودة زيادة عن اللزوم

وعندة وضوح قوى فان المحرك الاساسى هى الغرائز الحسية فقط وان الوصولية هى السبيل وبيسيب لك حرية التخيل فان ياترى دة علشان ياخد حقة اتنازل عن اية وبالتالى لازم تكون نيتك وحشة اوى علشان تعرف

وعلى ما اعتقد ان يعقبان فى السنيما مش حيكون البطولة الكاملة فيها لعادل امام فقط اولا ان معاه ناس منهم الكبير كفنان قديم ومنهم الجيد جدا كممثل جديد

فاعتقد ان الكفة حتكون متوازنة وبالرغم ان الشخصية الى بياديها عادل امام محورية انما كل الشخصيات غنية جدا واغفالها خسارة كبيرة لفكر الكاتب معتقدش ان المخرج وهو لسة واحد جديد عندة استعداد للتخلى عن الغنا دة كلة علشان فنان واحد

[Sherief AbdelWahab]

شوفي يا نانسي "من غير عجرم :P "..

وعلى ما اعتقد ان يعقبان فى السنيما مش حيكون البطولة الكاملة فيها لعادل امام فقط اولا ان معاه ناس منهم الكبير كفنان قديم ومنهم الجيد جدا كممثل جديد

فاعتقد ان الكفة حتكون متوازنة وبالرغم ان الشخصية الى بياديها عادل امام محورية انما كل الشخصيات غنية جدا واغفالها خسارة كبيرة لفكر الكاتب معتقدش ان المخرج وهو لسة واحد جديد عندة استعداد للتخلى عن الغنا دة كلة علشان فنان واحد

فيه حاجتين ممكن يعرقلوا إبراز الشخصيات كلها في نفس الوقت ، سطوة النجم الحاجة الأولانية ، وسعة الرواية وضيق الوقت الحاجة التانية..

كان ممكن ياخد اللي كتبوا وأخرجوا ثلاثية نجيب محفوظ الرواية الضخمة دي كلها على نفس واحد في فيلم واحد.. ويكربسوا في الرواية ما شاءوا من النجوم وما أكثرهم في مصر في ذلك الوقت..

لكن عملوها في تلات أفلام.. مش واحد..

الرواية واسعة ، كبييييييييييييييييييييييييييييييييييييييييييييييييييرة ، مليانة شخصيات زي ما قلتي ، ولكل شخصية أبعاد ومعالم ودوافع ، ودة جزء من ثراء الرواية - واللي ح أحاول أقرأها بإذن الله - بحسب كلام معظم الأفاضل اللي اتكلموا في التوبيك دة..ضيفي لدة كمان بعد الزمن ، الفيلم والعهدة على وسائل الإعلام بيغطي فترة زمنية كبيرة تزيد عن 80 سنة .. في الوقت اللي فترة الفيلم - لما تتمعظم - مش ممكن تزيد عن 3 ساعات فقط..

ممكن حد يقول : إنت لما بتقابل ، أو بتعرف أشخاص ، ما بتبقاش ملم بكل أبعاد ، وتاريخ كل واحد تعرفه ..

لكن يترد على الكلام دة بحاجة واحدة : قوة المصنف الأدبي المنقول عنه الفيلم في حالتنا دي "عمارة يعقوبيان" مش في السرد القصصي (بحسب كل من حدثني عن الرواية حتى الآن) وإنما في عرض أبعاد الشخصيات .. وأي تسطيح تحت ضغط الوقت ، أو المجاملات ، من الممكن أن يؤثر في تقييم اللي بيشوف الفيلم بنسبة 90 في المئة..

خلص الكلام

[ابن بلد]

مش عارف ليه حاسس انه مهما اجاد السيناريست وحيد حامد او المخرج مروان حامد هيكون الفيلم فقير جدا فنيا ....لان خيالنا كقراء للروايه على اقل مستواياته سيفوق ما سيقدمه السيناريست والمخرج...اعرف الكثير ممن اخذوا الروايه وذهبوا بها الى حى التوفيقيه وبجوار العماره وبار شينو لقراءتها هناك وعلمت منهم كم كان لها مذاق خاص وهم يقراءوها هناك......

المشكله الاخرى لهذا الفيلم اننا نقرا الروايه ونحن فى انتظار الفيلم وهذا لم يحدث كثيرا مع الروايات التى تحولت لفيلم او مسلسل قبل ذلك وكانت العاده قراءه الروايه بعد عرضها كعمل فنى او قراءتها دون علم بتحويلها لعمل فنى.....عموما اتمنى ان اشاهد فيلم مصرى على مستوى قيمه الروايه ومستوى الدعايه التى نفقاتها فقط توازى انتاج فيلم اخر

[احمد هادي]

اعزائي...........

ممكن اختلف معكم

انا قارئ قديم لقصص يوسف السباعي واحسان عبد القدوس ونجيب محفوظ وغيرهم

وكلهم قدمو نماذج غير سويه في قصصهم

ولكن قدموا النماذج السويه بل والرائعه احيانا ...

لذلك ...عندي رأي خاص جدا عن روايه عمارة يعقوبيان

الروايه تقدم مجموعة من النماذج الشاذه المشوهة ولا شئ غير تلك النماذج

وبها طبعا من البذاءات- حسب وجهة نظري المتواضعه - الكثير الذي جعلني أتأذي احيانا

لكني أكملتها لأني لا أحب ان ابدأ شيئا ولا انهيه

وتساؤلي هو ............

لماذا انتاج فيلم يتناول هذا الكوكتيل من الشذوذ علي كل المستويات ؟

ولماذا الآن ؟

طبعا هذا الكلام قد يجرنا لنقاش طويل عن دور الفن ورسالته ........الخ

كمان ...........

شن عادل امام في حواره الاخير في الاهرام حربا استباقيه علي الرقابه التي تجامله اصلا لأسباب معروفه هي سياسه هات وخد ورفض حذف اي مشهد من الفيلم مهما كانت الاسباب .

وما كان هتاف عادل امام ووقوفه بجانب صفوت الشريف في المظاهره الحكوميه ضد حرب العراق لضرب مظاهرات التيارات الاخري إلا في اطار سياسه الهات وخد.

علي كل الاعلان أدخل ايضا مجموعه من المناظر ذات الايحاءات الجنسيه الفجه التي لم تكن لتظهر من قبل وتوقعو المزيد في الفيلم نفسه .

أما وحيد حامد

فأنا اعترف بانه سيناريست رائع

لكن في السنوات الاخيره ترك موهبته وتفرغ للهجوم علي الاسلاميين ..كأن الاسلاميين لم ينقصهم بعد هجوم الدوله المستمر سوي هجوم السينما والمسرح - لاحظ اعادةعرض -اهلا يا بكوات ايام الانتخابات الاخيره

منذ متي اصبح تقديم النماذج الشاذه -ولا شيء غير النماذج الشاذه - فنا ؟

ملاحظة ملهاتش علاقه قويه بالموضوع ......

فيلم عربي ...

لجمهور عربي .....

.وإعلان بالانجليزي <_< ؟

تم تعديل 25 مارس 2006 بواسطة احمد هادي

[nancy]

استاذ شريف عبد الوهاب فية ملحوظة بس ان القصة احداثاها فى وقت مش بيشرح سنين يمكن المقصود ب ال80 سنة هو تاريخ الاشخاص الى بيتعرض بشكل فلاش باك على ما اعتقد

استاذ احمد انا كمان باقراء للكتاب الى قلت عليهم وكمان معاهم عبد الحميد جودا السحار من وانا عندى 12 سنة وفعلا حتة ان الشخصيات شديدة الانحراف وعدم وجود نموزج سويه دى حقيقة

بالنسبة لانة الاعلان بالنجليزية دة لان الفيلم حيتعرض فى مهرجانات لانة فية الزوق الى بيحب الاجانب يشوفة فى الاعمال العربية

الى بيسموها جريئة

وطبعا القصة مليئة بالايحائات واخرجت اسواء ما فى النفس البشرية واعتقد الفيلم كمان حيكون زيها يعنى على راى الى بيروحوا افلام المهرجانات فى مصر فيلم مناظر مش قصة

بس عموما لازم نامل خير فى جوانب اخرى فى الفيلم زى ان يكون عالى التكنيك فى الاضاءة والتصوير ونقلات الكدرات والمونتاج والصوت

انا واثقة ان السيناريوا حيكون كتابتة جيدة لان السنارست له تاريخ جيد جدا بس نفسى يتعرض فى الصيف علشان احب اشوفة فى السنيما

[زعلان]

كاتب عمارة يعقوبيان وقع في فخ الاسلوب الساذج في مسألة العقاب و الثواب كما في بعض الافلام الساذجة القديمة والحديثة التي تنتهي بانتصار الخير على الشر

ولقد برع المؤلف في تطبيق نظرية العقاب والثواب من وجهة نظره موجزا الحلول في تنصيب نفسه الاله الذي يعاقب ويثيب واضعا نهاية شخصيات القصة نهاية لا استطيع ان اقول انها كلاسكية بقدر ما هي ساذجة و مستهلكة وغير واقعية

يعني باختصار كأنه يقول للقاريء "أوعى يا شاطر تعمل حاجة غلط ولا الأبلة تضربك "

مما افقد اي معنى للقصة

[وليد صفوت]

كاتب عمارة يعقوبيان وقع في فخ الاسلوب الساذج في مسألة العقاب و الثواب كما في بعض الافلام الساذجة القديمة والحديثة التي تنتهي بانتصار الخير على الشر

ولقد برع المؤلف في تطبيق نظرية العقاب والثواب من وجهة نظره موجزا الحلول في تنصيب نفسه الاله الذي يعاقب ويثيب واضعا نهاية شخصيات القصة نهاية لا استطيع ان اقول انها كلاسكية بقدر ما هي ساذجة و مستهلكة وغير واقعية

يعني باختصار كأنه يقول للقاريء "أوعى يا شاطر تعمل حاجة غلط ولا الأبلة تضربك "

مما افقد اي معنى للقصة

مش شرط يا زعلان ان النهايات الكلاسيكية دى تفقد اى معنى للقصة زى ما بتقول ....

شكسبير كان اكتر واحد متنبى لتلك النهايات المعروفة ... و عندك King Lear كمثال رائع و حى يعرض فى كل لحظة فى كل مكان فى العالم ... و هو يندرج تحت تلك النهايات الكلاسيكية التقليدية .. و مازلت حتى الأن اتابعها كأننى أقرأها لأول مرة ..

و على الجانب الأخر عندك مثلاً Daniel Defoe الكاتب و الروائى العبقرى صاحب Moll flanders و روبنسون كروزو .... هو عكس شكسبير فهو لا يكتب ليلقى مواعظ بل يكتب ليبدع بغض النظر عن ثواب و عقاب كل شخصية , بل هو بالمناسبة يجعل القارئ فى كثير من الأحيان يتعاطف مع اكثر الشخصيات شروراً ....

و هو بالمناسبة اقرب الأساليب لعلاء الأسوانى ....

ارق التحية ...

[Tafshan]

انا حاولت اقرأ الرواية و بصراحة ... ما قدرتش اكملها :D

الرواية ما عجبتنيش لأفتقادها للحياد .. يعنى معقول يبقى ما فيش ولا نموزج كويس في الرواية ؟؟

اما عن البناء الدرامى للقصة ، حاول ان يستخدم نفس البناء القصصى الدرامى لنجيب محفوظ ، فأصبحت الرواية مسخاً لرواياته .

اما عن الفيلم ، فتعبير هادى : هو لب الموضوع :

ملاحظة ملهاتش علاقه قويه بالموضوع ......

فيلم عربي ...

لجمهور عربي .....

.وإعلان بالانجليزي :angry2: ؟

طبعاً هذه النوعية من الافلام التى تروج الى وجود الشذوذ بطريقة مستترة و آفات اجتماعية متعددة نتيجة للكبت الاجتماعى يسيل لها لعاب الاعلام الغربى و بالتالى فللأسف تبنى هذه الرواية يهدف من وراءه تسويق رخيص لأعراضنا من اجل حفنة دولارات ..و لذلك الاعلان بالانجليزي موجه لمستهلكه المستهدف ...

[Cleo]

:D :D -_- :blink: :blink: :blink:

عمارة يعقوبيان راجل طيب :angry2:

ولله زماااااااااااااااااااااااااااااااان :D

[Tafshan]

عمارة يعقوبيان راجل طيب :angry2:

لأ رجل وحش

:D

[احمد هادي]

عمارة يعقوبيان راجل طيب :angry2:

لأ رجل وحش

wub:

احبائي

إوعو تتخانقوا

عارفين ليه

لان

عمارة يعقوبيان مش راجل أصلا

[وليد صفوت]

عمارة يعقوبيان راجل طيب :angry2:

لأ رجل وحش

wub:

احبائي

إوعو تتخانقوا

عارفين ليه

لان

عمارة يعقوبيان مش راجل أصلا

:D :D -_- :blink: :blink: :blink: :D :D

[nancy]

لا حول ولا قوة الابالله حتتخنقوا علشان فيلم ولسة حتى متعرضتش الى مقتنع بالفيلم يجى يمين ويخل السنيما والى مش عاجبة الموضوع من الاول للأخر يروح شمال فية فيلم كرتون يدخلة :angry2:

[عبدوس الوزير]

انا قارئ قديم لقصص يوسف السباعي واحسان عبد القدوس ونجيب محفوظ وغيرهم

وكلهم قدمو نماذج غير سويه في قصصهم

ربما أكون من القلائل من البشر الذين لم يقرأوا الرواية بعد وعلى كده رأيي غير مبني على أساس سليم

بس أنا كنت عايز أتساءل: ليه "الخط الأحمر" عند كثير من الناس بيتزحزح قليلا ـ وساعات كثيرا ـ عندما يتعلق الأمر بعمل أدبي أو فني؟

يعني بداية من قبلات أفلام الستينات ـ التي يقبلها الجميع كأمر واقع مع أنه من غير المعقول رؤيتها في الشارع بدون استنكار

مرورا بـالنماذج "الغير سوية" ـ على أفضل تعبير ـ لمن اعتبرت أعمالهم فيما بعد "ركائز الأدب العربي الحديث"

وأخيرا عمارة يعقوبيان وما نسمعه عنها

يعني ما الذي يجعل الرواية عمل أدبي بديع بينما ينفر المرء من مجتمع عمارة يعقوبيان إذا كانوا جيرانه؟

ولماذا تكون أنجح الروايات مبيعا على مدار عشرات السنين هي الروايات التي يستطيع القارئ أن يربط بها نفسه، لا أن يرى فيها مجتمعا باهتا؟

على سبيل المثال: رواية كبرياء وتحامل لجين أوستين هي من أروع ما قرأت بلا منازع، ليس للحبكة الدرامية أو غيره ولكن لاستطاعة الكاتبة أن تربط القارئ بأبطال العمل حتى يرى فيهم نفسه أو أحدا مما يعرف

معلش لا أدعي معرفة أدبية عميقة أو ضحلة ، لكن بصراحة لم ينزل لي أي من هؤلاء الكتاب من زور في أي عمل لهم، ولا أستطيع أن أحمل نفسي على قراءة عمارة يعقوبيان مع كثرة امتداحها من "كبار النقاد".

[زعلان]

انا لست معترضا على التناول بل ان هذا النوع من المواضيع والشخصيات يجب تناولها ولكن اعتراضي على المعالجة و كونها سطحية جدا وساذجة الى ابعد الحدود