عمارة يعقوبيان : قبل الهنا بتلت سنة

[Sherief AbdelWahab]

عندي كلام رزل محشور في حنجرتي وعايز أقوله..

المشكلة مش في النقد .. المشكلة في آلية النقد..

إيه يعني يا مؤلف لما "تبع" بكل السلبيات اللي انت بتشوفها بشكل خطابي ، شكل يصلح للدخول في مظاهرة .. من غير ما تكشف عن فساد خفي ، أو تحلل فساد موجود..

كام فيلم مصري في قرن وشوية انتقد المجتمع المصري من الداخل ، تناول سلبيات النظام والشارع بشكل عقلاني وذكي بعيداً عن المباشرة والنزعة الخطابية؟

كام فيلم تناول الاستغلال ، والجهل ، والوصاية ، والفصام المجتمعي من دون تسميع المقالات أو من دون التوجيه المباشر من منتج أو رئيس تحرير؟

المفترض أننا نثبت من خلال الفن أننا تغيرنا ، ولا داعي لأن نفرح لأن الرقابة على المنظفات - عفواً على المصنفات - سمحت بمشهد أو بفيلم كامل حتى بينما أحمد يقيم عند الحاج أحمد!

خلص الكلام

[ارسطو]

الحقيقه انا عندى القصه وانا دخلت الفيلم قبل ما افكر اقرا القصه انا عجبنى الفيلم جدا وحسيت انه بيقدم عيوب موجوده فعلا فى مجتمعنا ووحيد حامد حاول يقدم المجتمع المصرى من بعض الفئات اللى بنخاف انها تكون فى مجتمعنا وشكل الحكومه اللى كل الناس حطاه فى دماغها. بصراحه استمتعت جدا بالفيلم وحسيت انى بشوف ممثلين كتير لاول مره زى (عادل امام) اللى اثر عليا فى مشاهد كتير و(اسعاد يونس) اللى كانت اكتر من رائعه و(خالد الصاوى) اللى كنت فى يوم من الايام بكره اسلوبه فى التمثيل حسيت فى الفيلم ده انه عنده مهارات عاليه جدا وده اللى حسيته فى الفيلم

اما القصه لما حاولت اقراها لاقيتها فى الفاظ كتير مش متعوده عليها ووصف للاحدث لا يحتمل لدرجه انى مش قادره اكمل القصه

( على العموم اللى يهمنى شخصيا انى شفت فيلم على مستوى سيناريوا وحوار واخراج اكتر من رائع)