ربنا يعين كل ملاك اراضى بيت الوطن بعد قصتى مع المكاتب

[marehan]

مساء الخير عليكم جميعا

بصراحة مكنتش اعرف ان مصر ولصت للدرجة دى من انعدام المهنية حتى فى ارقى المهن زى الطب والهندسة وخلافة ، كنت بسمع كلام كتير انى حتعب فى التعامل وخصوصا مع المهندسين والمقاولين مع انى كنت فى بلد فية برضة نصب وكل شىء بس على الاقل لما بتروح مؤسسة او شركة الموضوع بيختلف ،

الموضوع انى امتلك قطعة ارض فى بيت الوطن التجمع الخامس وكنت الفترة اللى فاتت بشوف اعلانات ورسايل لمكاتب هندسية كتير وقولت لما انزل مصر اروح اسمع واشوف احسن من التعامل من الخارج ولما دخلت المكاتب الهندسية وتقريبا انا زورت 8 مكاتب هندسية معروفة فى التجمع فى فترة تقريبا ثلاث شهور بهدلة وروح وتعالى المهم طلعت من الحكاية دى بان الحمد الله مكتبين بس اصحابهم مهندسين والباقى مش عارفة مؤهلاتهم اية // على فكرة انا اساسا مهندسة معمارية قديمة بس مش بمارس المهنة /// واما المهندسين اصاحب المكتبين اساسا لايملكوا سجلات هندسية واكتشفت ان الجميع بيجيب اختام من اى سجل بتاع اى مهندس يعنى لما سالتة مين حيضمن الرسومات باختامة كانت معظم الاجابات _يافندم لو حاجة حصلت احنا موجودين فى اى وقت _  يافرحتى  اة والله يا فرحتى ،،،كمان اكتشفت ان معظم الاسعار غالى او رخيص كلة زى بعضة اسطمبة ومفيش اى فرق بينك وبين جارك كلها سلطة ، ناهيك عن قلة الذوق والعجرفة الكدابة والتعامل القذر وتحس انك داخل المكتب علشان يمن عليك بعلمة الرهيب وللاسف لا فى علم ولا فى ذوقك وكلة نصب لدرجة ان جميع المكاتب مش بتعمل تصميم انشائى بنوتة حسابية محترمة ولقيت ان كل المكاتب بتتعامل مع الموضوع انة رخصة يادوب اجراءات ادارية وشكرا انما تصميمات ووجع دماغ وشغل من كدة مفيش مفيش ،،،

من حوالى اسبوعين جالى على الواتس اب باعلان لمكتب هندسى بالتجمع

www.altanboly.com

بصراحة مكنش الموضوع مشجع انى اشوف بيقول اية بس بنتى دخلت على الموقع وقريت علية كتير وقالتى لازم تشوفى السيت دا لانة بيعرض كل المعلومات بشفافية بس هل هما فعلا بنفس مابيعرضوا على الموقع ولا تروح وتنصدم ،، دخلت فعلا الموقع ولقيت كلام يعنى معقول شوية واسلوبهم فى العرض مختلف وعلية صفحات كتيرة جدا وبيخدم قطاع كبير جدا من المهتمين بالتجمع وبصراحة بعد ماقريت فية كتير لقيتة افضل من مواقع تانية ، كلمتهم وروحت عملت مقابلة مع المهندس وبصراحة شديدة حسيت بارتياح شديد علشان حسن المقابلة والوضوح فى كل المعلومات وشرح لكل حاجة بالتفصيل والمكتب استشارى مقيد بجهاز المدينة ولهم سجل هندسى واختام وكل الاوراق تمام دا غير سابقة اعمالهم اطلعت عليها حاجة تشرف  .منا ياجماعة اتلسعت من الشربة ولازم اشوف كل حاجة واتاكد من كل الامور ،، الكويس اوى فى الموضوع انهم بيصمموا الانشائى بنوتة حسابية دى الحاجة النادرة فى المكاتب هناك ،، المهم الحمدالله لقيت مهندس محترم والله فعلا دى حاجة قليلة جدا دلوقتى تلاقيها علشان تقدرى تتعامل معاة وطبعا سالت عن المكتب فى جهاز المدينة وسالت عنهم فى المجمعة العشرية بصراحة محدش قال انهم وحشين علشان كدة بدات اعمل اول بروفا وربنا يسهل والموضوع يكمل على خير

اسف انى اتكلمت كتير بس من اللى انا شوفتة مش عايزة حد يحصلة كدة ونخلى بالنا كويس واحنا بنتعامل على اهم حاجة مستقبل اولادنا

[marehan]

قلقتونى ياجماعة محدش علق على كلامى لا بحلو ولا بوحش وماحدش قال يعرف المكتب دا ولا لاء ,, كنت عايزة  اطمن او على الاقل اطمن نفسى

عامة عندى مقابلة تانية يوم الخميس لاول كونسيبت للتصميم المعمارى وحنشوف مستوى الشغل  مع ان المقابلة الاولى كانت ساعتين  وتكلمنا فى كل التفاصيل بس طبعا مش حطمن غير لما اشوف كلام ولا فعل

 

[عادل أبوزيد]

سيدتي الفاضلة ... تجربة البناء عملية صعبة  و لذلك يلجأ الكثير من ملاك الأراضي إلى اللجوء إلى المقاول ذو الخبرة  و التعامل على اساس المشاركة لأن كمية التفاصيل و الورقيات مؤلمة.

حديثك عن هذا المكتب  كان أقرب إلى نوع من الدعاية المستترة  و كثير زوار محاورات المصريين لهم تجارب في عملية البناء منها الجيد و الردئ  و هناك مثل يعبر  يقال ما خلقت النار الا لأهل المعمار. طبعا قائل هذا المثل انسان  بدأ البناء على اساس صورة وردية 

زمان إلتقيت بأحد مقاولي الزمن الجميل  الذي لفت نظري إلى كثرة المباني الغير مكتملة  عبارة عن هياكل خرسانية  فقط  و السبب إن أسهل مرحلة هي الخرسانة  حيث يتم اقناع صاحب الأرض بالبناء و الإرتفاع  و تنتهي الميزانية  عند مجرد هيكل خرساني.

[marehan]

صباح الخير على الجميع

بقالى قترة مترددة اكتب تعليق على ما تم معايا فى موضوع التصميمات والتراخيص ولا اسكنت لان رد الاستاذ عادل حسسنى بخيبة الامل من الجميع وكمان اتهمنى انى بعمل دعايا للمكتب ,,,, واية المشكلة لما اكتب عن حاجة كويسة حصلت معايا بعد معانا وقلت ذوق وقلة خبرة وقرف من المكاتب الهندسية وكانى فريسة ليهم  ولما لقيت شخصية كويسة ومعاة مجموعة محترمة من المهندسين مفيش ما يمنع ابدا اننا نظهر الناس الكويسة ,,, وبصراحة انا عملت معاهم شغل التصميمات لارضى وعملنا اكتر من 6 بروفات حتى الان والحمد الله مقتنعة جدا بشغلهم وربنا يكرم واخلص على خير ,,,,

[عادل أبوزيد]

أكيد طبعا يوجد الممتازين  و يوجد الغير ممتازين  … 

أهم شيئ  أن حضرتك تكوني على نور  في مشروع حضرتك من البداية حتى النهاية إنشاءالله. و كل منا له طريقته في أسلوب المتابعة  

مفروض من البداية يكون معكي قائمة المتطلبات bill of materials و لا تتركي أي جزئية  مفترضة أنها ستتم حسب الأصول. و كما يقال الشيطان يكمن في التفاصيل … و ليت حضرتك تقولي لنا كيف تسير الامور معك.