الام في اليد مع استخدام الكمبيوتر

[Guest عبدالرحمن عبدالعليم]

من حوالي 5 سنين مع بداية استخدامي للكمبيوتر بشكل منتظم بدات احس بالام في ايدي مع استخدام الماوس او الكيبورد .. في البداية بحس بسخونة مصحوبة بشعور بتورم كف اليد والصوابع ، ومع الوقت الالم بيزيد وبحس ان عضلات ايدي بيحصل فيها شد وصوابع ايدي حركتها بتبقي اصعب وبحس بضعف فيها ، والمشكلة ان الكلام ده بيحصل خلال وقت قصير من العمل يعني في خلال اقل من ساعتين الاعراض دي بتزيد ومش بقدر اكمل شغل ، وكل فترة بيحصل لي تشنجات في صوابع ايدي ممكن تستمر ليوم كامل ..

كشفت عند حوالي 6 دكاترة مختلفين لحد دلوقتي ، منهم 2 دكاترة مناعة وروماتويد وعملت تحاليل طلع ان معنديش اي مرض من امراض المناعة او الروماتيزم ، كشفت عند 2 دكاترة مخ واعصاب وعملت رسم عصب واشعة علي المخ مفيش مشكلة برضو ، وكشفت عند 2 دكاترة جراحة يد وعملت تحاليل فيتامين د وكالسيوم وماغنسيوم وبوتاسيوم وغدة درقية وكلهم في المعدلات الطبيعية مفيش مشكلة في اي حاجة منهم ..

فانا مش عارف المشكلة ايه بالظبط وازاي احلها وخصوصا اني سبت شغلي وحاليا في وظيفة جديدة كمصمم محتاجة مني شغل علي الكمبيوتر طول ساعات العمل ومش هقدر استحمل لفترة طويلة علي الوضع الحالي ، ياريت اللي عنده فكرة عن مشاكل اليد او يقدر يساعدني اكون شاكر ليه جدا

[عادل أبوزيد]

 

هذا موضوع قديم من سنة ٢٠٠٣ تقريبا نفس حالتك ، ترى ألم ينصحك أي من الأطباء بتجربة أوضاع و أدوات مختلفة مع الكومبيوتر.

ليتك تتصفح هذا الموضوع القديم

[Hasan]

اعاني من نفس الحالة وهي تليف في اوتار اليد وعلاجها أن تحاول جاهدا وقف تطور الحالة بالتماريين والعلاج الطبيعي حتى لا  تضطر الى أخذ حقن كورتيزون موضعية في اليد