عندك كام وش

[nancy]

القناع دة شكل مش الاشكال فى المسرح وبداء استخدامة فى ايام قدماء المصريين وهى افنعة ترمز للالهة المختلفةكما ارتداها الممثلون التراجديون عند الرومان القدامى كوسيلة للرعب و الترهيب على المسرح وفى العصرو الوسطى فى المسرحيات الغربية استخدموها لتصوير الشياطين

دى مقدمة عن القناع زمان انما القناع دلوقت انك بيكون عندك وجوة كتير لكل موقف بتعدى بية

والناس الى واضحة مع نفسها بتعرف هى عندها كام وجة وفى ناس الاوعى هو الى بيتحكم فيها وهو بيكون مقتنع انة واضح وصريح وعادى

لو رجعنا يوم راجل مصرى عادى وعدينة وجوهه والى الا وعى ممشيها بالبركة حنلاحظ الاتى

الصبح رايح الشغل بوجة الجادية الشديدة رايح ينجز باة.. يوصل الشغل يفطر ويشوف الجرايد ويتكلم فى السيااسة والمفروض وهو حاطط وجة الحكيم.. يجيلوا عميل او موطن يحط وجة الضيق نظام هو حيقرفنا على الصبح

وبعدين مع الزملاء ظريف ومع الموظفات الجداد ظريف اوى

يروح البيت يلبس وش الزهق يتغدى وينام يصحى يروح القهوة يلبس تانى وجة الظريف يروح يزور اهلة بوجة الطيب الغلبان المطيع .. يرجع البيت بوش البيت

وهكذا دواليك.. انت بقى وبصراحة عندك كام ماسك وبتلبسة امتة وواعى لدة ولا الاوعى هو الى بيبدل

[MZohairy]

أنا والله يا حاجه نانسي من ساعة ما خليتي راسي تلبس في الباب في الموضوع التاني مبقاش عندي ولا وش :angry2:

[المدهش]

موضوعك جميل..وأوحى لي بفكرة موضوع صحفي عن الأقنعة..لكن أنا ملاحظ إن كلامك كله منصب على الرجل ، وكأن المرأة هي الأخرى ليست متعددة الوجوه..هذه ملاحظة..أما عن نفسي فأنا جوزائي ..يعني الطبيعي بتاعي شخصيتين..واحد شقي وابن نكتة ومحب للحياة، والثاني وقور وحكيم وأحياناً اكتئابي ومتشائم..والموضوع عندي ليس له علاقة بالبيت أو بالعمل أو بالمقهى والأصدقاء..أو حتى البنات اللي دايما الراجل بيكون لطيف معاهم خصوصاً لو كانوا حلوين..الموضوع عندي متعلق بالمود ..يعني ممكن أكشر مع اصحابي واضحك في البيت أو العكس ..لكني حريص على تقريب الفجوة بين الشخصيات المتعددة التي تتصارع بداخلي وتذكرني برواية 6 شخصيات تبحث عن مؤلف..ودايما أقول لأصحابي إن مش عندي بس "شيزوفرينيا" ده انا عندي"مالتي فرينيا" ..يعني 30 شخصية في بعض..وربنا يصبر القريبين مني..وشكرا مرة أخرى على الفكرة الهايلة.

[nancy]

لا ازاى يا استاذ مدهش

الستات دى موضوع تانى لان حياتها بتتقسم لاربع حاجات الحياة الاجتماعية والعمل والزوج والاولاد فهى كدة عندها وشبن للحياة الاجتماعية واحدة للى بتحبهم وواحدة للى مضطرة تتعامل معاهم وفى الشغل وش ناشف او مرحب حسب نوع عملها

وللولاد تلت وجوة واحد متفهم وواحد متجهم وواحد للقلبة الكبيرة اما الزوج فاحيانا وجة المحبوبة واحيانا وجة الام وحيانا وجة عظم فى الخناقات ووجة استدرار العطف وهو الدامع الضعيف

فالستات وجوهم لا تنتهى وتتجدد دائما

[احمد هادي]

للاسف .....

لا املك الا وجها واحدا

بل ...........لا املك حتي اخفاء مشاعري التي تظهر علي وجهي بسرعة البرق

يعني انا شخصية مفضوحة بنسبة 100% :huh:

وبقول للاسف

لانك في احيان كتيره لازم تخفي ردود أفعالك :P

عشان الخبثاء....وهم بالمناسبه كتير بالذات في الغربه لا يعرفو نقاط ضعفك ويستغلوها ضدك

والآن امارس تدريبات جديه علي التخلص من هذه المشكله ...بالاحتكاك المستمر مع البعدا

وربنا يسهل واقدر اجيب وش استبن - واحد بس - عشان المواقف المفاجئه :o

وتحياتي

[nancy]

اية الحكاية كل الى دخلوا على الموضوع مسالمين اوى كدة وعندهم وش واحد ولا الاعتراف صعب!!!!!

[se_ Elsyed]

اية الحكاية كل الى دخلوا على الموضوع مسالمين اوى كدة وعندهم وش واحد ولا الاعتراف صعب!!!!!

يعني يا نانسي عايزه حد هاييجي يقولك أنا بوشين أو بـ 3 وشوش ؟

صعب بل مستحيل

[بنت شعنونة]

وش مبتسم داااااااااااااائما لابساه للناس والدنيا

وش حقيقي مقررررررررررف ربنا ما يوريه لحد انا بس بشوفه في المراية :closedeyes:

وش شعنوووووون بحبه وقريب لقلبي جدا بلبسه في الخباثة كدا عشان بقيت 30 سنة وبتاع وما بقاش مقاسي يعني :P

وش عااااااااااااااقل ما بلقيهوش الا في المصايب بس!!

وش راجل

لابساه على طول :huh:

[sendrella119]

هو في حد نقابلة ...علشان اقولك ........اسكتي يا نانسي

كنا زمان منطلقين والحيوية بتتنطط مننا ........

دلوقيتي مفيش ...حا اقولك ان في البيت بصراحة بمية وش ..............وبره البيت مفيش غيره

الماسك الخشب

[Tafshan]

توارد افكار -_-

http://www.egyptiantalks.org/invb/index.ph...topic=14147&hl=

[Guest النسر المصري]

ممممم موضوع صعب

بس انا عندي وش للإدارة....عامل نفسي حازم وصلب وقرارات قوية وتخاريف وكلام فاضي وهبل ..لانه بصراحة مش عاجبني الوش دة بس مجبر عليه

ووش بحبه ...حر ...طليق...سعيد...مرح ....مبتسم على طول...

باتسخدمه مع صحابي وقرايبي...وبالذات ابويا وامي....وعقبال مراتي كدة يارب.....

على فكره انا عاجبني وش احمد هادي

وعاجبني اسلوبة

وبصراحة كلماته صادقة جدا