أدب التهييس ..والدماغ العالية والتلحيس

[Guest النسر المصري]

مين حاول يقعد مع حد محشش وسمع كلامه وحكاويه

بتلاقيهم دايما مهيسيين

انا بصراحة كان لي واحد اعرفه في الجامعه ديما دماغه ضاربه

ولكن الشهادة انا كنت بسخسخ على روحي من الضحك وهو بيحكي لنا حكاوي غريبة ملهاش اساس من الواقع

دة حتى نكت الناس دي دايما بتكون قمة في الكوميديا

حد عنده بعض من القصص دي

انا هبدأ

[Guest النسر المصري]

جالي صاحبنا يوم في الكلية واحنا كنا شغاليين رسم وفي قمة التركيز

وقعد جنبي وقعد يحكي عن بطولاته الوهمية

مش هتصدقوا ان لو قلتلكم اني طلعت الاول على دفعتي بسبب دماغ الراجل دة

آآآ والله

المهم عمنا قعد جنبي بيقول

امبارح ياعمرو ابويا صحاني الساعة تلاتة الفجر بيقولي انا عايز آكل سمك

قلتله اجيبلك سمك منين يابا دلوقتي الناس كلها نايمة

قالي ماليش دعوة يابني انا عايز سمك ..\

يرضيك اني اموت وانا نفسي في حاجة

يرضيك اني اقعد زعلان كدة

وانا اللي ربيتك وعلمتك واكلتك وشربتك ورضعتك وكبرتك ووو...

بس يابا خلاص خلاااااااص

انت بتعايرني

مانا ابنك ..هو هو انا كمبروتشي ماشي في القطاطة (جملة اعتراضية مني: معلش بس هي اية الكمبروتشي والقطاطة)

يعني هو انا سباك واقف على باب الجراچ mfb:

معلش انا مش فاهمك بس كمل يمكن افهمك

طيب بس ماتقعدش تقول دي اية ومعناها اية مش هطول عليك انا في الكلام

لا طول ياخويا براحتك ...كلامك كله حكم :angry2:

طيب المهم

رحت نازل واخد الجزمه الباتا ولبست الشبشب ونزلت من على سلم الاسانسير للمحل اللي في المنطقة الخلوية الي فوقينا

واحدة واحدة ...واحدة واحدة علي يامنلاواني من شبشب لسلم الاسانسير وعديناها اية بقى خلوية دي

وبعدين معاك ياعم اقوم .. امشي ..انا جاي استشريك في القضية ...وانت ماسك في ام الصينية

مين :wub: ...كام.. :wub: .انت بتقول اية ياعم :blink:

ركزززززززززز...وخليك مكزكزززز :o

طب ياخويا هاركز هاركز...وحيااااااة امي مانا فاتح بقي تاني :P

المهم ماطولش عليك سألت المحلات

عندكو سمك

لا

طب سمك صير سمك تعابيين اي سمك

لا لا

رحت على محلات الموبيليا

عنكدو سمك

لا

سمك زينة سمك بلاستيك اي سمك

لا لا لا

رحت نازل على الاسكندرية

عنكو سمك لا لا

اي حاجة قشر سمك عظم سمك ...رسمة سمك اي قراطيش

لا لا لا لا ....بس في قراطيش مصلبخة

لا مش هينفع

رحت نازل على كللللللللل محلات ومحافظات ليبيا

وان الاقي سمك ياخويا ياعمرو ..وابدا ....لاينكن....مفييش كانه شبنخة وشفت في الجلاجة (( مشهد جانبي وانا برفص في الأرض من الضحك ))

المهم رجعت الساعة تلاتة وربع الفجر لابويا ...وانا ساحب البرقع من ديلو

لا لا لا استنى بقى انا بقالي كتير ساكتلك وعديتكل كل حاجة...بس فهمني رجعت تلاتة وربع الفجر ازاي يعني...كل ده في ربع ساعة

(راح مايل على ودني ووشوشني) دي اسرار حربية كوبية ممنوعه الفشر والانكسار) :huh

(مشهد لي وانا ضايع في عالم الا شيء) -_-

المهم ياعمرو ياخويا ماطولش عليك في الكلام

لقيت ابويا بيعيط وبيرفص ووزعلان بطريقة تقطع قلب عشرة من امينه كشك

قصدك امينة رزق

لا لا امينه رزق دي ممثلة

همال انت قصدك مين

امينة كشك ياراجل ماتعرفهاش؟؟!!

لا ماتآخدنيش ..اساسا كلامك كله جديد علي في عالم اللغة...

امينة كشك ياراااجل..الله

مين امينة كشك ياراجل

أمي...انا معرفتكش عليها قبل كدة؟؟؟!!!! :huh: :sad:

بقولك اية ...شوف...انت كمل القصة وبعدين نعرف نتفاهم اوكي..؟!

اوكية ماي فرينك...أفتر آي كامون تو ماي بابــ.....

بس ياعم انت بقى ..كمل القصة عدل

طيب طيب ماتنكش كدة

المهمبعد ماشفت المنظر الهلامي دة قلت مابدهاش ياعم وحياة طنط ام كشكش لا كون جيبلك السمك وابوه وامه وبنت خاله كمان

فتقت في دماغي فكرة (معدنيه)...وقلت اصطاد السمك بقى...رحت واخد المعزة والسنارة والموتوسيكل وطالع جري على اقرب بحر في الكاهرة الكبرى

( استراحة قصيرة ونعود بعد الفاصل الحمامي..ولحين سماع تعليقاتكم)