انطباعاتك الاولي هل تصدق؟

[احمد هادي]

كنت زمان من اشد المؤيدين لفكره ان الانطباع الاول في الغالب يكون صادق

لكن كل ما الايام تمر

اكتشف انه مش صحيح :huh:

ساعات ترتاح لشخص من أول مره تشوفه

ترتاح له اوي .......

وتتعشم انه يكون انسان مختلف

لكن بعد لحظات

او يمكن ساعات .........

....أو شهور

تكتشف ان البوصله ابرتها خرفت :P

وان المجال المغناطيسي بتاع صاحبنا أثر عليها

وانك شربت مقلب تمام :wub:

وانه ....زيه زي غيره .....ويمكن غيره احسن كان

ايه تجاربك مع الانطباعات الاولي ؟

هل تصدق ؟ -_-

هل تثق فيها ؟

هل تدوم ........وتدوم ..........وتدوم -_-

( إعلان عن عطر بروفيسي - 1982)

[selsamman]

بصراحة انا ماشية بمبداءالمتهم بريء حتى تثبت ادانته

يعنى دايما باخد بحسن النيه

لكن احيانا بيظهر ليا العكس

بس ساعتها مش باندم

لكن اندم لو اخدت موقف من انسان وطلع في الاخر مظلوم

[nancy]

انا باة يااحمد عندى الحاسة السادسة قوية لدرجة وحشة يعنى ممكن اشوف حد احس انى حاعرفة وحيكون السبب فى مشاكل ليا ومردتش اسمع كلام حستى دى وشربت الموضوع وطلع زى انطباعى الاول فعلا والظريف انى كنت بسيب نفسى للتيار يعنى عرفة انى حمر بمشاكل ومستنياها لانى عوزة اجرب الحاسة دى كويسة اد اية وحصلت كمان مع واحدة كرهتها من اول ما شفتها وحسيت انها حتكون السبب فى مشاكل فى وقت لاحق وبرضة استنيت اتفرج على نوع المشاكل وحجمها يعنى كنت بختر افكارى وطلعت الحاسة دى حقيقية فبطلت اعاندها اول ما شوف حد وزى ما يكون انطباعى امشى علشان مخصرش خلاص خبرتك فى الدنيا وحاستك بيدلوك فمضيعش الوقت فى التجارب الفاشلة

[se_ Elsyed]

بصراحة انا ماشية

رايحه فين إنت لسه جيتي ؟

دي دُعابة

بس عايز أقولك إني عن نفسي قرأت إسمك كـــ Sales Man وقلت يمكن الكيبورد عند الراجل ده مش مظبوط ونعذره

بس طلعتي أُنثى .. يعني Sales Woman لذلك بقى نصيحتي إنك تغيري إسمك لإنك هاتعملي كونفيوجن لناس كثير والتريقة هاتبقى للصبح ..

مرحباً بك معنا يا سيلزايه ..

وتسمحي لي أعزمك على حفلة الكوكتيل اللي عاملينها للمستجدين ( الدخول بالملابس الرسمية .. ولمن هم أكبر من 21 سنة وأقل من 45 ) واللي يحبنا يصلي عالنبي

أُنفخ البلاليين يا نجاتي عشان حفلة الناس الجداد

وده كمان موضوع تعرفي فيه عن نفسك .. وكلمة سر الليل .. وموبيلك خط ولا كرت وأم نبيل ولا فودا فول

-------

أدخل برجلي اليمين بقى أشترك في الموضوع

الحمد لله البوصلة شغالة معايا عشرة على عشرة so far يمكن عشان مؤمن بالحديث اللي بيقول " القلوب بين إصبعين من أصابع الرحمن .. فما تعارف منها أئتلف .. وما تنافر منها أختلف "

وكثير جداً أعصُر على نفسي لمونه وأحاول أغير شعور الأول تجاه شخص مش مرتاح له .. لكن بتثبت الأيام إن اللمون ما بيعملش حاجة في المواضيع دي بالذات وإن الإنطباعات الأولى تدووووووووووووم

[eastsoul]

اهلا selsamman نورتي محاورات و حفلة كوكتيل المستجدين :blink:

أحمد مواضيعك ديما هادفة و عصرية بتتكلم عن مشاكل فعلا الواحد مننا بيواجهها في حياته... :blink:

في الزمن دا صعب الواحد مننا يحكم على الانسان اللي بيقابله من أول مرة ...العشرة هيا اللي بتخلي الواحد يفهم اللي بيكلمه أو بيعاشره.

قد يكون الانطباع الاول جميل و بعد كده تيجي الصدمه ... سواء في التصرفات أو أسلوب التفكير ...ألخ

و الحياة عبارة عن مسلسل بيدور قدام كل واحد مننا عشان يتعلم :ph34r:

[احمد هادي]

أحمد مواضيعك ديما هادفة و عصرية بتتكلم عن مشاكل فعلا الواحد مننا بيواجهها في حياته... :blink:

:ph34r:

أشكرك بشده علي الاطراء علي موضوعاتي

ولو انك حسستيني اني بكتب مسلسلات وأفلام وحاجات كده :excl:

ربنا يسترها معانا ومعاكي يا روح الشرق :blink:

تحياتي

[sendrella119]

الا تدوم ....دي مش تدوم.... دي بتلزق

وساعات بتحس ان انسان ارتحت له وانطبع عندك انطباعات معينه بخصوصة تلف الايام وتدور ....وتمر شهور وسنين وفجأة تحس انك اخدت مقلب محترم

صدقني ده مش مقلب ...دي ظروف معرفش هي ظروف عابرة ..طارئة ...قوية....شمالية ..شرقية المهم انها ظروف وخلاص ..لكن اللي جواه ..هو هو

ده رأيي....

[eastsoul]

:ph34r: :blink: :blink: :excl:

آمين يا رب

أشكرك بشده علي الاطراء علي موضوعاتي

ولو انك حسستيني اني بكتب مسلسلات وأفلام وحاجات كده :wub:

ربنا يسترها معانا ومعاكي يا روح الشرق :sad:

تحياتي