عوده الى المحاورات بعد اجازه جميله فى شرم الشيخ

[سيزيف]

اصدقائى الاعزاء فى المنتدى

وحشتونى وحشتونى وحشتونى

بجد وحشنى المنتدى

اكثر من عشره ايام ضاع نصفها فى رحلات عمل

و النصف الاخر

فى اجمل مكان فى مصر

شرم الشيخ

خمسه ايام قضيتها هناك من اجمل الاوقات التى قضيتها فى اى مكان

انها المره الاولى التى ازور فيها سيناء

و باذن الله لن تكون الاخيره

اجمل ما فى تلك الاجازه بالذات انها لم تكن تقليديه

فقد جربت زياره العديد من الاماكن المصريه الجميله مثل الغردقه و الاقصر و اسوان

و كنت انزل فى فنادق رائعه و فاخره

الجديد ان هذه المره لم انزل فى فندق

و انما كنت على ظهر مركب سياحى صغير

الحياه على ظهر مركب - بالنسبه لى - كانت جديده و مثيره

شرم تستحق عن جداره لقب مدينه السلام

كل جنسيات العالم تجدها فى خليج نعمه فى هارمونى رائع قلما تجده فى اى مكان

و رغم ذلك فقد اخبرنى اصدقائى الذين سبق لهم زياره شرم ان حجم السياحه الحالى لا يقارن اطلاقا بما كان عليه سابقا نتيجه الضربات الارهابيه

و ان دخول خليج نعمه كان عمليه شاقه للغايه من فرط الزحام

زرت راس محمد و خليج تيران

كم الجمال بهما غير معقول

مارست السباحه بالنظاره و خرطوم التنفس " snorking "

كل ما استطيع ان اقوله هو اننى رغم انى شاهدت الشعاب المرجانيه و الاسماك البديعه الملونه عشرات المرات فى التليفزيون الا ان رؤيتها على الطبيعه شىء مختلف تماما

تخيل ان ترى و تلمس تلك اللوحه الالهيه الخارقه الجمال و التى استغرق رسمها مئات السنين و انك تسبح وسط الاف الاسماك المختلفه الاحجام و الالوان

اثناء ابحار المركب الذى كنت به فوجئت بقائده يطلق صفارات متتابعه فخرجت الى السطح بسرعه لاشاهد سربا من الدولفين يسبح بجوار المركب و يقفز فى الهواء عاليا و يقترب منا حتى نكاد نلمسه و عندما شاه البحاره الدولفين سارعوا الى القاء خيط طويل فى البحر و ما هى الا دقائق حتى اصطادوا بذلك الخيط - الذى تبين انه نوع من الصيد - سمكه تونه يبلغ طولها حوالى ثمانين سنتيمتر و قالوا انها تزن حوالى عشرين كيلوجرام

و افصحوا لى عن السر و هو ان اسماك التونه دائما ما تسبح بجوار الدولفين لتحتمى به من اسماك القرش

وكم كانت دهشتى عندما اخبرونى ان اسماك القرش " المفترسه " لا تخشى فى البحر شيئا قدر ما تخشى حيوانات الدولفين " الوديعه "

الشواطىء فى غايه الجمال

تكوينات الجبال و الصخور تجبرك على التامل فى عظمه الخالق

السماء فى شرم اصفى من اى سماء رايتها فى حياتى

و سوف امنع نفسى من الاسترسال فى وصف شرم حتى لا اصيبكم بالملل

عموما

قدر ما حزننى فراق شرم

قدر ما اسعدتنى العوده اليكم

على فكره

انا لاحظت انكم غيرتم شكل المنتدى ف غيابى

و بصراحه الشكل القديم كان احلى بكتير

و اسهل كمان

[tarek_almeghallawy]

أهلا بعودتك يا شاين

أنت كمان وحشتنا

أنا كنت عايز أقول زيك عن الشكل القديم

لكن تقديرا للجهد المبذول آثرت الانتظار حتى تكتمل الصورة

[الأفوكاتو]

مرحبا بعودك يا أستاذ شاين

غيابك كان ملحوظا.

[shahd]

حمدلله على السلامه اخي الفاضل

[سيزيف]

الاخوه الاعزاء

طارق و شهد و استاذنا الكبير الافوكاتو

شكرا لدفء استقبالكم

[se_ Elsyed]

شارم ؟!!!

دولفين ؟!!!!

سفينة ؟!!!!

:huh:

نزل لي يابني رُبع كبسة لحم هنا ( جتنا نيلة في حظنا الهباب )

[سيزيف]

شارم ؟!!!

دولفين ؟!!!!

سفينة ؟!!!!

:o

نزل لي يابني رُبع كبسة لحم هنا ( جتنا نيلة في حظنا الهباب )

----------------

عزيزى س س

بدل القر ده قوللى حمدالله ع السلامه

:)

باذن الله ترجع مصر بالسلامه و تنور شرم و غيرها

على فكره هدفى الجاى ان شاء الله

مرسى علم

بيقولوا تحفه

[سهيلة]

حمد اللة بالسلامة يا شاين

وبعدين شارم ومرسى علم كمان

ولا بنقر ولا بنحقد ولا حاجة ابدااااااااااااااااااااااااااا

وش واحد متغاظ ما راحش شرم قبل كدة

[مصرية الهوى]

حمد لله بالسلامة يا شاينر ..

الك وحشة والله ..

بس فين الهدايا اللي المفروض انك تجيبهالنا ..

دلافين .. بتاع دي اسمها ايه ..

نجمة البحر اعتقد .. البرتقانية :sad:

ياريت تفرجنا على صور الرحلة ..

<_<

[المغترب]

[الف حمدالله علي السلامة 00 كده خليت الأشواق تعود وآدي كوب الشاي الثالث وانا بفكر في مصر 00 وماذكرته حقا كان جميلا واليوم عرفت ليه الراجل الكبير متبــــــت في شرم والجماعة الكبار كل اعمالهم في شرم 00 انت فتحت عنينا علي سر وجود الراجل الدائم في شـــــــــــــــــــرم 000 يأخد له يومين (( عقبالنا يارب )00 المهم رحلة سعيدة وعودة حميدة

[الاسكندرنى]

الله ينور عليك فكرتنى بالذى مضى اصل شغلى كله هناك فى المثلث اللى انت بتحكى فيه ده

شرم و الغردقه وسفاجا و القصير و مرسى علم و برنيس

حمدالله على السلامه

و بما ان الخطه القادمه ليك مرسى علم انزل فى النبع الصغير او المملكه احسن فندقين فيكى يا مرسى علم

لو ناويها مركب و سفارى فل طحن <_< خد المناطق ديه و قول للريس بتاع المركب يروحها علطول

اولا جزيره الاخوان فى الجنوب شويه

ثانيا الفين ستون شعب مرجانيه و يصل العمق فى تلك المنطقه الى 700 متر وهى منطقه قروش من اللى قلبك يحبها ( همر هد شرك ) و( تيجر شرك ) و( وايت شرك) :sad:

ثالثا قل للريس يبيت فى عرق ابو رماد حتشوف مناظر يابنى عمرك ما حلمت تشفها فى البحر و فى السماء :sad:

رابعا روح جرى على الدولقين هوس ديه بقه منطقه للدرافيل احنا كنا بنقول بيت درافيل الجنوب من كتر الدرفيل

كانت بتذاكر اخر مره قبل ما اسافر كانت تقريبا المصرى 12 ج و الاجنبى 30 دولار

[الرافعي]

عزيزي شاين

حمد لله على السلامة ....

أرجوك، لا تعتبر ما سيأتي نوعاً من أنواع القرّ الدكر ... وأنا غير مسئول عن أي قضية تخسرها أو جلسة تفوتك لو صحيت متأخر بكرة، وكان الرول صغير .... :sad:

يعني أنا شايف ما شاء الله شرم الشيخ، ومرسى علم، ونبع الحياة وإكسير الشباب . ومش عارف إيه ....

الحاجات دي ولا مؤاخذة ما باسمعش عنها إلا في مكانين ...

الأول موضوع أستاذنا الأفوكاتو .... الله يمتعه بالصحة والعافية ،،، والثانية نشرة الأخبار، لما بيعرضوا استقبالات الضيوف الأجانب ... :wub:

كلمة كدة على جنب من غير ضرب .... إنت متأكد إنك محامي ؟؟؟؟ :sad:

لو كنت محامي ... يبقى أنت محامي أبو العينين أكييد <_<