منتدى هايد بارك

[SANAA]

ونسيتي إسم واحده مهمة

..

سنــــــاء

إنتي فين من مُده يا ستو هانم ؟

شكرا ياأبو عمر علي الكلام الحلو ده

موجوده تحت النظر

[se_ Elsyed]

.

لا تجزعوا, ستعود رياضنا ****** و ستلوح تباشير الصباح

و الليل ظـُلمتهُ إلى زوالٍ ****** و النور آت فوق الجناح

و الدجـى ساعٍ رويــداً ****** ستزفـّه هـبـّات الريـاح

و نسـيـم الحديقة عـائـدٌ ***** يسرى بعطره فى البطاح

:P

إمرؤ القيس ياخواتي ؟

[إبن مصر]

الله....

الله......

الله........

الحمد لله الحمد لله .... انا كنت فاكر هاموت من غير ما اشوفهم تانى

الحمد لله ...

الحقنى يا سى السيد بالقله اشرب.....

يا واد يا سكوب خش ادبح 20 جوز فراخ....

والا اقولك بلاش لحسن تتفسر على انها محاوله اغتيال ..

خش ادبح عجل...

وعلقوا الزينه ... السهره صباحى......

وانت ياواد يا عصام ابعت هات عمك الشاعر هانعمل حلقه ذكر..

الغايب رجع

الغايب رجع....

بس خلاص.

مش ممكن انكر سعادتى وفرحتى بالنور الى هل على المكان مع الحبايب الغايبين..

لكن مقدرش انكر خوفى على بيتهم الجميل لانه اثبت وجوده وبقوه واستحق مكانته.

بس اعمل ايه..

لسانى بيدعى على ولدى وقلبى عمره ما يقول أمين.

مكانكم فى القلب قبل المحاورات محفوظ..

ابن مصر

دكتواره الترحيب المقارن بجامعه السوربون بمنيا القمح

[se_ Elsyed]

الحقنى يا سى السيد بالقله اشرب.....

يا واد يا سكوب خش ادبح 20 جوز فراخ....

والا اقولك بلاش لحسن تتفسر على انها محاوله اغتيال ..

خش ادبح عجل...

وعلقوا الزينه ... السهره صباحى......

وانت ياواد يا عصام ابعت هات عمك الشاعر هانعمل حلقه ذكر..

آه

وماله

آمممممم

يعني واحد هاينولك القُلة

والتاني هايقوم يدبح العِجل ويعمل الفتة

والثالث يعلق الزينة ..

طب وإن شاء الله حضرتك موقفك إيه من التجنيد ؟

يعني أقصد إنت معانا ولا مع الناس التانيين .. ولا أنت قسم إشراف وتظبيط ... وعمال تؤمر وتتأمر وتشغلنا فلبينيين عندك ؟

[tarek_almeghallawy]

السادة أعضاء البارك كلهم منورين

طبعاً هم أصحاب بيت قبلنا ونحن الزائرون لهم

الحقيقة والواقع يا س س إن أنا باعرف آكل بس

وبعدين المأكولات البحرية بتسخن الدماغ وأعضاء البارك محتاجين للهدوء

كفاية المشروبا ت المهدئة زي النعناع والكركديه

احنا بنستمتع بكلامهم وذكرياتهم

ورب ضارة نافعة

[إبن مصر]

يا واد بلاش النفسيات السوده دى...

يا بنى السن له حكمه......

يا حبيبى انا لوبصحتى ما كنتش احتجت لولا .......... منكم

صحيح..

على رأى المثل..

لبس البوصه تبقى عروسه واصوم اصوم وافطر على بصله.. و.. و.. اردب ما هولك ما تحضر كيله تتعفر دقنك وتتعب فى شيله..

اختار الى يعجبك منهم..

وبعدين تعالى هنا....انت داير تعاير وتقول وتعيد .........

جبت القله والا لأ

[Farida]

الأستاذ محمد حافظ فاكر كمان عمدة الكاجوج ........اما عنى انا .......تفتكر واحده اسمها سمسمه ...................بخ عو

[الرافعي]

الأستاذ الدكتور (الأفوكاتو)

بالأصالة عن نفسي، وبالنيابة عن كثير من الأعضاء الذين أظنهم -يريدون توجيه هذه الرسالة- أوجه لك رسالة شكر وتقدير واعتزاز على مبادرتك الكريمة التي قدمتها في منتدى هايدبارك، والتي ثنى عليها غالبية الأعضاء، وكانت بحق دعوة فارس نبيل في زمن عز فيه الفرسان.. للتوقف ومراجعة النفس .. وتدارك الأمور ..

لقد كنت متوقعاً أن تصدر عنكم -بالذات- هذه المبادرة ، وهو شيء طبيعي، فأخلاق الفرسان تعرف وترى من اسم الفارس قبل أن تراه ...

على كل حال ... أدام الله لنا أياماً فيها روحك وخلقك يجمّعان، ولا يفرّقان

وشكراً لك يا أيها الفارس النبيل

تم تعديل 25 مارس 2006 بواسطة حلاوة العنتبلي

[الاسكندرنى]

يا جماعه انا عندى اعتراف خطير

انا سبب وقوع منتدى هايد بارك اصل سجلت فيه بنفس اسمى هنا و دخلت عليهم برجلى الشمال

يعنى فقعتهم عين :P

و على فكره انا برده سجلت مرتين فى الهايد بارك مره قبل موضوعى انتماء باسم وحش اوى و مره لما المحاورات كانت بتغير السيلفر

وهى فرصه اقول فيها يا جماعه انتوا شيفين اهل المحاورات هنا قدام و جدد بيحبوكوا و بتوحشهم كتير فا ياريت توزعوا وقتكم على الهايد و المحاورات

[baas]

استاذ ابى زيد قال سيتم فتح البارك فى صباح اليوم ولم يحدث ارجو ان يكون العطل بسيط وليس من اعطال الهاكر

[Hammer]

الصبح فات ... و العصر فات

و الهايد لسه في سبات <_<

[kotoz9]

يعنى أنا عايز أعرف ايه أخرة الإتصالات الهاتفية والمباحثات الثنائية واللقاءات اللى على مستوى القمة اللى عملها سى السيد؟؟؟

الهايد بارك حيفتح أمتى؟؟

من خبرتى الكبيرة فى مجال الكومبيوتر والنت شايف ان طلما المشكلة طولت كدة يبقى العيب ممكن يكون فى الماسورة الأم....والله أعلم

بس المهم أفحصوها برضه

[se_ Elsyed]

يعنى أنا عايز أعرف ايه أخرة الإتصالات الهاتفية والمباحثات الثنائية واللقاءات اللى على مستوى القمة اللى عملها سى السيد؟؟؟

الهايد بارك حيفتح أمتى؟؟

والله يا عم لسه الإتصالات مازالت مُستمرة والمباحثات جارية على قدم وساق .

وبإذن الله فرجُه قريب

كدة يبقى العيب ممكن يكون فى الماسورة الأم

لو جت على كده أنا عندي إستعداد أخلع ما علي وانزل أسلك الماسورة بنفسي بس الهايد بارك تنور تاني .

[الرافعي]

لو جت على كده أنا عندي إستعداد أخلع ما علي وانزل أسلك الماسورة بنفسي بس الهايد بارك تنور تاني .

سي السيد .. طبعاً إنت عارف أد إيه أنا باحبك ... ولو فيها ندالة يعني .. بس عرفني إمتى وفين بالضبط هاتعمل كده ... علشان بس أتصل بالهيئة .. <_<

[الأفوكاتو]

الأستاذ الدكتور (الأفوكاتو)

بالأصالة عن نفسي، وبالنيابة عن كثير من الأعضاء الذين أظنهم -يريدون توجيه هذه الرسالة- أوجه لك رسالة شكر وتقدير واعتزاز على مبادرتك الكريمة التي قدمتها في منتدى هايدبارك، والتي ثنى عليها غالبية الأعضاء، وكانت بحق دعوة فارس نبيل في زمن عز فيه الفرسان.. للتوقف ومراجعة النفس .. وتدارك الأمور ..

لقد كنت متوقعاً أن تصدر عنكم -بالذات- هذه المبادرة ، وهو شيء طبيعي، فأخلاق الفرسان تعرف وترى من اسم الفارس قبل أن تراه ...

على كل حال ... أدام الله لنا أياماً فيها روحك وخلقك يجمّعان، ولا يفرّقان

وشكراً لك يا أيها الفارس النبيل

أخى حلاوة العنتيبلى,

أنا لست فارس, و إنما أنا إنسان مصرى حتى العظام,

و لا اقدم على شيئ, إلا إذا كن فيه مصلحة مصر و المصريين.

أشكرك على مدحك الذى ربما أستحقه, و لكن أيضا يستحقه كل مصرى صميم.

تحياتى لكل مصرى صميم.

[Mohammad Abouzied]

الصبح فات ... و العصر فات

و الهايد لسه في سبات :angry2:

المشكلة فنية فعلا ويمكن تحتاج وقت خاصة ان احتمال تعرض البارك لهاكرز

[ATHENA]

الصبح فات ... و العصر فات

و الهايد لسه في سبات :angry2:

المشكلة فنية فعلا ويمكن تحتاج وقت خاصة ان احتمال تعرض البارك لهاكرز

ربنا يسهل و يكون عطل بسيط و يقدر ليونكس و مودست يعالجوه

تم تعديل 26 مارس 2006 بواسطة ATHENA

[se_ Elsyed]

موديست قبلأن يتحمل المسئولية والعبء الثقيل في صمت وإناكر للذات - الولد ده عجيب وشخصية غريبة !!!!! - .. وأنا واثق إنه قدها وقدود

وبإذن الله محلوله

[Modest]

الأخوة و الأخوات الأعزاء

السلام عليكم و رحمة الله و بركاته

إسمحوا لى أولاً أن أتقدّم بخالص الشكر و التقدير و العرفان لأسرة محاورات المصريين على هذه المشاعر الدافئة ، و هو ليس بالشيئ الغريب إذ أن البيت واحد كما يقولون.

لا يخفى عليكم حرصى الكبير على هايد بارك و رغبتى الشديدة فى إستمرارها بعد المجهود الكبير الذى تم بذله فى تأسيسها و رعايتها حتى أصبحت وضعيتها مميزة بفضل الله ثم بفضلكم جميعاً ، و لكننى – و للأسف الشديد - أجدنى مضطراً لإعلامكم بأن هايد بارك قد واجهت مؤخراً بعض الظروف المعاكِسة – و التى لا أرى من الحِكمة أو من المُجدي الخوض فى تفاصيلها لما فى ذلك من تعقيد لوضعية معقدة من الأساس - ، و لكن كل ما يمكننى قوله هو أن تلك الظروف ستجعل هايد بارك غير قادرة على الإستمرار أو العودة إلى نشاطها مجدداً.

و لهذا ، فإننى أتقدّم بعميق أسفى و اعتذاري لكم جميعاً ، راجياً من جميع الأخوة و الأخوات تفهُّم دوافع عدم قيامى بإدراج مداخلات أخرى بخصوص هذا الموضوع ، و تقبلوا منى خالص الحب و التقدير و الاحترام.

[الرافعي]

الأخوة و الأخوات الأعزاء

السلام عليكم و رحمة الله و بركاته

إسمحوا لى أولاً أن أتقدّم بخالص الشكر و التقدير و العرفان لأسرة محاورات المصريين على هذه المشاعر الدافئة ، و هو ليس بالشيئ الغريب إذ أن البيت واحد كما يقولون.

لا يخفى عليكم حرصى الكبير على هايد بارك و رغبتى الشديدة فى إستمرارها بعد المجهود الكبير الذى تم بذله فى تأسيسها و رعايتها حتى أصبحت وضعيتها مميزة بفضل الله ثم بفضلكم جميعاً ، و لكننى – و للأسف الشديد - أجدنى مضطراً لإعلامكم بأن هايد بارك قد واجهت مؤخراً بعض الظروف المعاكِسة – و التى لا أرى من الحِكمة أو من المُجدي الخوض فى تفاصيلها لما فى ذلك من تعقيد لوضعية معقدة من الأساس - ، و لكن كل ما يمكننى قوله هو أن تلك الظروف ستجعل هايد بارك غير قادرة على الإستمرار أو العودة إلى نشاطها مجدداً.

و لهذا ، فإننى أتقدّم بعميق أسفى و اعتذاري لكم جميعاً ، راجياً من جميع الأخوة و الأخوات تفهُّم دوافع عدم قيامى بإدراج مداخلات أخرى بخصوص هذا الموضوع ، و تقبلوا منى خالص الحب و التقدير و الاحترام.

لا حول ولا قوة إلا بالله العظيم

لن أزيد حرصاً على رغبتك، لكن أرجو ألا أخسركم ... فالأشخاص هم الذين صنعوا المكان، وليس المكان ..