طلعت عيني فعلا يعني

[بنت شعنونة]

:o :)

مش عارفا ادخل المنتدى نهائي

اللهم لما غيرت النمرة وكتبت عنوان الموقع ارقام؟؟؟؟؟؟؟؟؟

هوا ايه اللي حصل

كدا مش ها اعرف ادخل من ولا سايبر برا

طب ايه الحل لما ادخل من سايبر عشان بجد ها انفجر من النرفززززززززززززززززة :)

[Scorpion]

شاناااااااااااااااااااااااا

يا الف مليون نهار ابيض .... ليكي وحشة كبيرة قوي يا ست الكل ...

اولآ ... الف الف سلامة لبابا ربنا يكون جنبه دايمآ .. هو و كل ابهاتنا ... و انا حاسس بالدعوة دي بطريقة ما تتخيلهاش ...

ده اولآ ... و بالمرة ثانيآ و ثالثآ ...

نيجي لرابعآ .. انا قريت مداخلتك دي في الشغل ... و من العنوان كنت متأكد انك انتي اللي كتبتيه .. يعني ما فيش غير شعنونة اللي ممكن تقول "طلعت عيني فعلآ يعني " و اللي حيهوب جنبي حشوطه ... والله زمان يا ملكة التلقائية ... بس قولت استني عليكي شوية لما تهدي يا تنفجري في اول واحد يرد عليكي ..

اخبار عريسك ايه .. اوعي تكوني طلعتي عينه يا شعنونة .. احنا ما صدقنا انك اتلميتي -_-

لأ بجد اخبارك ايه ..

علي فكرة سكوربيون من جواه عنده عتااااب كبير قوي .. مش علشان انك بعدتي .. عيلتك هنا عارفة ان بابا و الجواز طبعآ ليهم اثر كبير علي حياتك و ابتعادك اللي اتمني من كل قلبي انه يكون مؤقت .. لكن يا شانا يا ست الكل .. مش معقول تغيبي تغيبي كل مرة و ترجعي تقولي حاسة ان فيه حاجة غلط .. زي ما عملتي المرة اللي فاتت و تقومي تختفي .. بجد الكلمة دي جرحتني انا شخصيآ .. الحاجة الغلط اللي اتخيلتيها احتمال علشان معظم المجموعة القديمة ما بقاش منهم اعضاء كتير .. لكن فيه مجموعات كاملة دخلت بأفكار جديدة .. و دم جديد . و لازم شكل الحاورات يتغير معاهم ... دوام الحال من المحال يا دكتورة ... انتي بس اقعدي معانا فترة اطول و حتشوفي ان الوضع زي ما كان رائع زمان .. دلوقتي بقي اروع ...

احكيلنا بفي اخبار الجواز ايييييه ؟؟؟ هه ... هه ...

علي فكرة موضوع انك مش عارفة تدخلي ممكن تلاقيله الحل في رأس كل الأبواب فيه موضوع مثبت للتغلب علي تلك الصعوبات .. بس انتي انوي بس و حتعرفي تخشي بأي طريقة .. و لا حتقوليلي شعنونة ام السبع صنايع مش حتلاقي حل .. طب عيني في عينك كده ....

من كل قلبي .. حمدلله علي السلامة ...

آه .. بالمرة ... فيه موضوع في باب المغتربين كتبته مريوم .. و اعتقد انك احسن واحدة ممكن يرد عليها .. لو عندك 5 دقايق ابقي اخطفي رجلك هناك ...

[سهيلة]

شعنونةةةةةةةةةةةةةة

بجد وحشتينا مووووووووووووووووت

حمد اللة على سلامة بابا وربنا يشفية ويعافية

واخبار المذيعة الهمامة اية؟؟؟؟؟؟؟؟

يا ريت نشوف مداخلاتك قريب :P

[بنت شعنونة]

سكووووووووووووووووب

انت واحشني جدا جدا والله :sad:

بس اعمل اييييه عيني كانت طلعت فعلالالالالالالالالالا

بس ماشي الحال الى الان

عتبك مش في محله يا سكوب وها اشرحلك ليه بعد كدا

انما موضوع اني ما بدخلش ف لو حكيتلك اللي بيحصلي ها تقول دا فيلم من وراء الواقع ومش ها تصدقني من اصله

صدقني لو قلتلك اني كل ما اطلع من مصيبة اققع في اختها

استلم حبة على ما قسم

اولا جلطة في المخ لتاني مرة مع بابا و ديون بالعبيط والحمدلله على كل حال

قبلها قالولي جوزي عنده مرض وحش والحمدلله ربنا نجانا

خناقات لا حصر لها في العيلة

واخيرا وليس اخرا

طلع انا اللي عندي مرض وحش؟؟؟؟؟؟؟؟!!!!!!!!

واديني في دوامة الأطباء

ناس تقول ناخد كيماوي وناس تقول دا اجهاض؟؟؟؟

شفت العجب؟

مش بقولك ادعيلي؟!!

سهيييييييييييلة

انتي فين يا امي :wub:

واحشاني جدا والله وربنا يسلمك من كل شر

يالهوي؟

حد يمسح ال اللللللللللف مداخلة اللي فوق دول ويسيب اخر واحدة مش عارفا ايه اللي حصل؟؟؟؟؟؟

[Guest النسر المصري]

سيدتي شعنونة ارحب يعودتك للمنتدى

يمكن تكون تلك هي المرة الأولى التي اتحدث معك فيها في مداخلة مباشرة معك رغم تواجدي هنا من ثلاث سنوات في النتدى

وقد سجلت نفسي مرتين بنفس الاسم بسبب انقطاعي لفترة عن المنتدى

سيدتي ادعو اليك بالشفاء العاجل لك ولاسرتك وانزال الطمأنينة والصبر عليك وعلى عائلتك الكريمة

وان الله يايسدتي لا يصيب مؤمن بمكروه إلا ليختبره فاصبري عسى الله ان يرحمنا جميعا

وقلبي معك باذن الله

[بنت شعنونة]

النسر المصري

تحياتي لك واشكرك على جميل الدعاء اللي انا محتاجاله فعلا :closedeyes:

وسعيدة بمعرفة حضرتك ونورت المنتدى

من الفرعون الصغير الى النسر المصري

حول :huh:

[shahd]

منورة ياست الكل ويارب يكرمك ويحفظك وينور طريقك دنيا واخرة

[بنت شعنونة]

بقالي 3 اياااااااااااااااااااااااااام مش عارفا ادخل

وكل ما ادخل يكتبلي المنتدى يعمل غير متصل ويدخلني على منتدى اسمه الشباب :P

لولاش وصلت هنا بالصدددددددددددددددددددددفة عن طريق جوووووووووجل

هوا فيه اييييييييييييه

و الواحد يعرف منين المنتدى شغال والا لالالالالالالالالالالالالالالالالالالالالالالالالالا :) :blink: :blink:

[shahd]

بقالي 3 اياااااااااااااااااااااااااام مش عارفا ادخل

وكل ما ادخل يكتبلي المنتدى يعمل غير متصل ويدخلني على منتدى اسمه الشباب :P

لولاش وصلت هنا بالصدددددددددددددددددددددفة عن طريق جوووووووووجل

هوا فيه اييييييييييييه

و الواحد يعرف منين المنتدى شغال والا لالالالالالالالالالالالالالالالالالالالالالالالالالا :) :blink: :blink:

الحال من بعضه يا شانا انا برضه عندي نفس المشكل

اي نعم بدخل بس لازم ادخل على الياهو بتاعي وافتح رساله خاصة عشان اعرف ادخل

انما اني اكتب اسم الموقع وادخل نوووووو وييييييييييييي :blink: بيطلع لي برضه نفس الكلام الي عندك

[مصرية الهوى]

انتو بتخشوا على السايت ازاي من مصر..

وحده صاحبتي مش عارفه تخش خااااااااااالص

اقولها تعمل ايه ..وتخش ازاي ..؟؟؟؟ :angry: ;)

[وليد صفوت]

الطريقة هنا

[عادل أبوزيد]

الطريقة هنا

حدثت معى أمس ظهور منتدى الشباب رغم أن ال IP خاص بمحاورات المصريين فقط و كان الحل إضافة /invb\index.php فى الآخر كما فى الروابط التالية

رابط محاورات المصريين "http://64.62.191.116/invb/index.php"

[زيزو]

وانا كل ده فاكر الموقع بيتصلح، أصله كان كاتب: جاري تطوير الموقع، الإدارة... والحقيقة انا كنت مصدق :P