إنجازات على الأرض فعلا ... دون تهليل أو تطبيل

[عادل أبوزيد]

منقول و لكن و جدت انه محتاج أكبر عدد يعرفه

قررت اني اعمل بحث عن المشروعات والانجازات المصرية وهل فعلا مصر في طريقها لبناء دولة جديد ام انه مجرد كلام  وهذا ما وجد وقمت بتلخيصه لكم .. و كل ما تم ذكره هي اشياء علي ارض الحقيقة وممكن تبحثوا عنها وتتأكدوا بأنفسكم .

 ⁦

أشهر قليلة تفصل مصر عن اضخم مشروع فى تاريخها بتكلفة نصف تريليون جنيه 

"محطة الضبعة النووية" تصل الى مراحل الاتفاق الاخيرة للاستعداد ببدء التنفيذ اوائل 2020 

بـ4 مفاعلات نووية قدرة كل مفاعل 1200 ميجا وات باجمالى قدرات 4800 ميجا وات بـكُلفة 29 مليار دولار تستعد مصر احتضان اول تكنولوجيا نوويه سلمية حقيقيه على ارضها وتنضم الى 30 دوله تملك مفاعلات نوويه

جارى التجهيز لأكبر وأهم فعالية ثقافية وفنية فى التاريخ  .. حفل افتتاح الهرم الرابع على هضبة الجيزة "المتحف المصرى الكبير" سيتفوق على اي افتتاحيه اخرى سبقته    

تم ارسال دعوه حضور لملوك ورؤساء العالم لحضور اهم فعالية لأكبر تحفة هندسيه ثقافيه فى القرن الواحد والعشرين 

احتفالات تدوم ل١٢ يوم متصله تبدأ باليوم الأول الذى سيحضره قادة العالم

⁦

مزرعه رياح جبل الزيت الاكبر فى الشرق الاوسط بتكلفة ١٢ مليار جنيه 

تولد ٥٨٠ ميجا وات ما يكفى لإمداد الطاقه لنصف مليون منزل 

ضمن خطه مصر تسخير الرياح لتوليد ١١ الف ميجا وات عام ٢٠٣٠ لتنضم لأكبر ٨ دول فى العالم فى هذا المجال.

⁦⁩ ⁦⁩ ⁦⁩ ⁦⁩ ⁦⁩ ⁦⁩

اعلنت شركة ATIP Entertainment توقيع عقود انشاء مدينه ترفيهيه فى العاصمة المصرية الجديدة بتكلفة 20 مليار دولار (330 مليار ج) على مساحه 4200 فدان

سيتم بناء المدينة على ٣ مراحل على مدار ٧ - ١٠ سنوات وتوفر ٧٠٠ الف فرصة عمل تضم منتجعات سياحية ضخمه وفنادق ٤ و ٦ نجوم ومراكز صحه spa واحياء سكنية فاخرة ومراكز تسوق عالمية  ، ملاهى عالميه المستوى ، مدن جولف ، مراكز مؤتمرات ، متحف ، حلبه سباق فورميلا وان، مركز للفنون والثقافه ،ملاعب رياضيه ، مسارح حفلات موسيقيه للنجوم العالميين ، حدائق (بلانتريوم) عملاقه للطيور والفراشات والنباتات النادره ، اول كلية ترفيه فى مصر والشرق الاوسط لتدريب الشباب ليصبحو قاده المستقبل لتطوير السياحه والترفيه فى العالم بأفكار مبدعه 

ستضم المدينه العديد من المعالم البارزه مثل اطول مسلة فى العالم واكبر عجلة استكشافيه على غرار london eye "

⁦⁩ ⁦⁩ ⁦⁩ ⁦⁩ ⁦⁩ ⁦⁩

وصول الحفار العملاق "ديسكفر انديا" التابع لشركة شل العالمية الى ميناء ابو قير بالاسكندرية لبدء عمليات حفر حقل "مونتو" المصرى بأحتياطى يُقدر ب 4.7 تريليون قدم مكعب .

⁦⁩ ⁦⁩ ⁦⁩ ⁦⁩ ⁦⁩ ⁦⁩

فى حدث تاريخى | مصر 2020 تنتج تقاوي البطاطس لاول مره فى تاريخها مع شركة ميريديان الاسبانية .. خطوه توفر 1.6 مليار جنيه من استيراد التقاوي

يذكر ان مصر تنتج 2% فقط من تقاوي وبذور الخضر (بطاطس-باذنجان-خيار-فلفل-كوسه الخ) وتستورد 98% بقيمه مليار دولار سنويا لذلك يسعى سياده الرئيس لانهاء تلك المهزلة

⁦⁩ ⁦⁩ ⁦⁩ ⁦⁩ ⁦⁩ ⁦⁩

 تسلمت مصر عدد من طائره الايرباص A220-300 من كندا ضمن صفقه تضم 16 طائرة من نفس الطراز من اصل عده صفقات لشراء اكثر من 70 طائرة حديثه بتكلفة 140 مليار جنيه حتى عام 2025 .

⁦⁩ ⁦⁩ ⁦⁩ ⁦⁩ ⁦⁩ ⁦⁩

الصينيون ينطلقون الى موقع عمل جديد 
محطه كهرباء الاقصر بطاقة 2250 ميجا وات بتكلفة 38 مليار جنيه(2.3 مليار دولار) توفر 3000 فرصه عمل والافتتاح نهايه ٢٠٢٢

كان قد اصدر رئيس الجمهوريه قراراً بتاريخ ٣٠ مايو ٢٠١٩ بتخصيص ١٠٧ فدان بمدينة اسنا من الاراضى المملوكة للدوله لتنفيذ محطه توليد كهرباء حرارية.

⁦⁩ ⁦⁩ ⁦⁩ ⁦⁩ ⁦⁩ ⁦⁩

قطار العلمين السخنه يدخل مرحله ما قبل التنفيذ 

المشروع هو اول قطار سريع واول قطار عرضى فى مصر بتكلفة 7-8 مليار دولار بخلاف تكلفة 30 قطار ستعمل على المسار الجديد  

سرعه القطار 250 كم |س مما يعنى قطع المسافه من السخنه مرورا بالعاصمه الجديده ثم القاهره والجيزه واكتوبر واسكندريه والعلمين فى ساعتين ونصف فقط 

المشروع هو اول مرحله من مشروع قطار مصر السريع والذي يهدف لانشاء خط سكه حديد جديد بالكامل بمحطات سياحيه فاخره جديده وقطارات سريعه بطول 2000 كم على ثلاث مراحل الاول هو المشروع السالف ذكره (العلمين السخنه) والمرحله الثانيه (اسكندرية اسوان) والثالثه (السخنه الغردقه الاقصر )

⁦⁩ ⁦⁩ ⁦⁩ ⁦⁩ ⁦⁩ ⁦⁩

 افتتاح مدينة الرخام الجديدة بالعين السخنه العام المقبل لانتاج 30 مليون متر سنوياً 

ويعلق : "هذه المشروعات والمجمعات محاولة للاستفادة من الخامات المصرية وتحوليها لقيمة مضافة وتشغيل الشباب والتوقف عن استيراد هذه المنتجات وتصدير الفائض"

⁦⁩ ⁦⁩ ⁦⁩ ⁦⁩ ⁦⁩ ⁦⁩

افتتاح مصنع "كونكو" الصينيه لانتاج شاشات التلفزيون بمحافظة بنى سويف بتكلفة مليار جنيه ويوفر 1500 فرصه عمل 

اعلنت مجموعه كونكو الصينيه عن افتتاح اول مصنع لها في مصر بمحافظه بنى سويف باستثمارات 70 مليون دولار لانتاج 600 الف شاشة تلفزيون مُزدانة بشعار صنع فى مصر

⁦⁩ ⁦⁩ ⁦⁩ ⁦⁩ ⁦⁩ ⁦⁩

بدء معمل مسطرد لتكرير البترول بتكلفة 3.7 مليار دولار أنتاج : 
•سولار
•وقود طائرات
•غاز البوتجاز
•كيروسين
•بنزينات
•نافتا
•مازوت

•يوفر ٢ مليار دولار قيمه منتجات بتروليه يتم استيرادها سنويا وسيعمل على الاكتفاء الذاتى لأقليم القاهرة الكبرى من تلك المنتجات واول خطوة فى خطه اكتفاء مصر بالكامل من الوقود عام ٢٠٢٢-٢٠٢٣.

⁦⁩ ⁦⁩ ⁦⁩ ⁦⁩ ⁦⁩ ⁦⁩

فندق الماسة - العلمين الجديدة 

اكبر فندق بالساحل الشمالى يضم 1650 غرفة 

ضمن عشرات الفنادق بالعلمين الجديده بأجمالى 20 - 30 الف غرفة فندقية

⁦⁩ ⁦⁩ ⁦⁩ ⁦⁩

البدء في انشاء "عقل" للدوله المصرية بتكلفة 25 مليار جنيه بالعاصمه الاداريه الجديدة فى مكان مؤمن تماماً وعلى عمق 14 متر تحت الارض 

توضيح :
عقل رقمى للدولة المصرية 
قاعده بيانات عملاقه موجوده فى مكان سري مؤمن تحت سطح الارض بالعاصمه الجديدة 

قاعده بيانات فيها كل بيانات المصريين كل البيانات الحكومية ، عقل ذكى قادر على التحليل واخراج النتائج و اعطاء المقترحات 

وهيكون فيه عقل اخر بمكان اخر على سبيل الاحتياط وهيكون لكل محافظه عقل مماثل على شكل اصغر

العقل هيتم اطلاقه منتصف ٢٠٢٠ مع بدايه اطلاق عمل الحكومة المصريه من العاصمه الجديده متوصل بالعقل ٥٠ الف جهاز كمبيوتر ل٥٠ الف موظف حكومى هيديرو الدوله من العاصمه المصرية

⁦⁩ ⁦⁩ ⁦⁩ ⁦⁩ ⁦⁩ ⁦⁩

تم البدء في تنفيذ ميناء جرجوب 

المشروع يقع بمدينة النجيله - مرسى مطروح "ميناء جرجوب" بتكلفة 10 مليار دولار  

-تنفيذ شركه الغرابلى  
-تم امضاء عقود المشروع من مؤتمر مطروح الاقتصادى
-يقع غرب مدينة مطروح ب 70 كم
-المشروع سينقل محافظة مطروح الي العالمية 
-يوفر العمل ل 30 الف شخص 
-المنطقة هى الأقرب لسواحل أوروبا 
-يضم المشروع ميناء تجاري وسياحي عالمى ومجتمعات عمرانية حوله عبارة عن مناطق سكنية و مدينة سياحية عالمية و مركز اقتصادي علي مساحة حوالي ٥٤ كيلو متر، وفنادق ومدارس وملاعب واماكن سياحية فاخرة وغيرها.

*المشروع هو الخطوه الثانيه للمشروع الاكبر وهو تطوير شمال غرب مصر بعد البدء في تنفيذ عاصمه مصر التجارية "مدينه العلمين الجديدة" 

*مخطط الدوله المصريه هو تسكين ٤٠ مليون مصرى فى شمال غرب مصر فى خلال ال ٤ عقود القادمه .

*مشروع ميناء ومدينه جرجوب ينتهى في غضون ١٠ سنوات المرحله الاولى منه خلال العامين القادمين.

⁦⁩ ⁦⁩ ⁦⁩ ⁦⁩ ⁦⁩ ⁦⁩

"شق الثعبان" تنين مصرى يغزو العالم خلال ٣ سنوات 

انشاء منطقة لوجيستى وطريق جديد يربطها بالعين السخنه والعاصمه الادارية .. ميناء جاف يقضى على الزحام والتلوث .. مدارس صناعية لتعليم الحرف ومصنع لتدوير المخلفات وبارك للشاحنات العملاقة

منطقة شق الثعبان بالقاهرة هى عاشر اكبر منطقه فى العالم لصناعه الرخام والجرانيت تضم 1900 مصنع باستثمارات 18 مليار جنيه 

بالإضافة إلى انشاء ميناء جاف الذى سيقضى على ظاهرة انتظار السيارات المحملة بالحجارة او الرخام لمنع الزحام والتلوث البيئى .

⁦⁩ ⁦⁩ ⁦⁩ ⁦⁩ ⁦⁩ ⁦⁩

مصنع سكر "النوران" بمدينة الصالحية - الشرقية
المصنع بتكلفة 350 مليون دولار يغطى 25% من عجز مصر من السكر والبالغ مليون طن سنوياً 
علاوة علي انه بعد تشغيل مصنع الغرير بالمنيا ستقضى مصر على العجز تماماً ويتحول الى فائض*

⁦⁩ ⁦⁩ ⁦⁩ ⁦⁩ ⁦⁩ ⁦⁩

الشركات الايطاليه انتهت من دراسات العاصمه الصناعيه الجديدة "المثلث الذهبي و بدء التنفيذ 
العاصمه الصناعيه فى ارقام موجزة :
•صدر قرار جمهوري في 17 يوليو 2017 بانشاء عاصمه صناعيه على مساحه 2228754 فدان
•2.3 مليار دولار تكلفة البنية التحتية
•19 مليار دولار قيمة الاستثمارات التى سيجذبها منهم 2 مليار دولار استثمارات حكومية 
•6 مليار دولار عائدات سنوية (توازي دخل قناه السويس السنوي)
•ستوفر نصف مليون فرصه عمل دائمة 
•توفر معيشة لـ 3 مليون مواطن   
•مده تنفيذ المشروع بالكامل علي 10 مراحل لمدة 30 عاماً من بدء التنفيذ .. وستعمل المرحلة الاولي بعد ثلاثة سنوات .

⁦⁩ ⁦⁩ ⁦⁩ ⁦⁩ ⁦⁩ ⁦⁩

افتتاح مدينه الجلاله يونيو ٢٠٢٠ تضم فندق جبلى فندق ساحلى مول عملاق دور سينما مبنى تزحلق على الجليد مجمع مطاعم عالمى مدينه سكنيه جامعه الجلاله تليفريك طائر اكبر مدينه ملاهي مائية ميناء يخوت دولى مجمع مصانع رخام وجرانيت

⁦⁩ ⁦⁩ ⁦⁩ ⁦⁩ ⁦⁩ ⁦⁩

العمل على قدم وساق فى مدينة المنسوجات بالسادات بتكلفة 35 مليار جنيه وتضم 568 مصنع بأحدث تكنولوجيا توصلت لها الصين فى مجال الغزل والنسيج

⁦⁩ ⁦⁩ ⁦⁩ ⁦⁩ ⁦⁩ ⁦⁩

مصر والصين تبدءان مشروع بناء القمر الصناعي مصرسات-2 ،، ووكالة الفضاء المصرية ينتهي بناؤها العام الجاري بدعم من الصين.

بدء مرحلة التنفيذ لمشروع القمر الصناعي المصري " مصرسات-2 MisrSat-II " المُموّل من الحكومة الصينية.
 بعد الانتهاء من المشروع الحالي، ستكون مصر أول دولة أفريقية تمتلك قدرات كاملة لتجميع، دمج، واختبار الأقمار الصناعية.

⁦⁩ ⁦⁩ ⁦⁩ ⁦⁩ ⁦⁩ ⁦⁩

بدء منذ عدة اشهر انشاء أطول برج فى أفريقيا بارتفاع 385 متر  بالعاصمة الادارية الجديدة.

يتكون البرج الأيقونى من عدد من الأدوار الادارية و السكنية و الفندقية و تم تخصيص الدور الأعلى ليكون مزار سياحى.

يحيط بالبرج منطقة الاعمال المركزية التى تتكون من 20 برج بارتفاعات مختلفة، والحديقة المركزية الأكبر فى العالم
 "النهر الأخضر".

⁦⁩ ⁦⁩ ⁦⁩ ⁦⁩ ⁦⁩ ⁦⁩

افتتاح نهاية العام الجاري عدد 4500 مصنع في 13 محافظة على مستوى الجمهورية للصناعات المتوسطة والصغيرة والمرحلة الأولى من مدينة مان كاى الصينية لصناعة النسيج في مدينة السادات بالإضافة إلى افتتاح مدينة دمياط للأثاث ومدينة الروبيكى للجلود، ضمن مخطط الدولة للنهوض بالصناعة.

⁦⁩ ⁦⁩ ⁦⁩ ⁦⁩ ⁦⁩ ⁦⁩

تعلن وزارة التربية والتعليم والتعليم الفني، اليوم الثلاثاء، عن تفاصيل افتتاح أول مدرسة بمصر لصناعة الحلي والمجوهرات من خلال توقيع بروتوكول تعاون مع شركة "إيجيبت جولد" لافتتاح أول مدرسة للحلي والمجوهرات، بحضور وزير التربية والتعليم.

وتهتم وزارة التربية والتعليم في مصر مؤخرا بمدارس التكنولوجيا التطبيقية، التي تعمل على ربط المنظومة التعليمية مع الصناعة، بهدف توفير فرص تعليمية متخصصة في مجال التكنولوجيا لتأهيل الطلاب، وتمنحهم المهارات والخبرات اللازمة للوظائف المتعلقة بمجال التكنولوجيا.

⁦⁩ ⁦⁩ ⁦⁩ ⁦⁩ ⁦⁩ ⁦⁩

مصر تصمم قمر صناعى يجمع الدول الأفريقية بالتعاون مع وكالة الفضاء اليابانية و وكالة الفضاء الأفريقية ومقرها القاهرة، ستقوم مصر بتصميم القمر بنظام الحاسب والبرمجيات، في حين تقوم باقى الدول الأفريقية بتصميم باقي الأنظمة بإشراف ياباني.

⁦⁩ ⁦⁩ ⁦⁩ ⁦⁩ ⁦⁩ ⁦⁩

البنك المركزي المصرى:
مصر سددت 25 مليار دولار ديون مستحقة خلال عامين. 

وسُددت نحو 36.7 مليار دولار ديونًا منذ ثورة 30 يونيو 2013.

 مصر ملتزمة بسداد كافة الالتزامات والديون في مواعيدها،  مصر لم تتخلف عن سداد أية أقساط ديون أو مستحقات عليها.

نسبة الديون المصرية الى الناتج الاجمالى 35% تقريبا وهى من افضل النسب فى الاسواق الناشئه. 

بحلول 2022 متوقع هبوط الدين الخارجى المصرى إلى 88 مليار دولار ، بدعم من جني ثمار برنامج الإصلاح الاقتصادي.

⁦⁩ ⁦⁩ ⁦⁩ ⁦⁩ ⁦⁩ ⁦⁩

مصر تقترب من توقيع أول عقد تصديري للمدرعة المصرية ST-100..

مصر أرسلت فعليا نماذج من المركبة المدرعة ST-100 لتجربتها في البيئة الصحراوية بأبوظبي في الإمارات العربية المتحدة وذلك استعدادا لتوقيع أول عقد تصديري لها قريبا.

⁦⁩ ⁦⁩ ⁦⁩ ⁦⁩ ⁦⁩ ⁦⁩

بعد تطبيقه تجريبيا فى "بورسعيد"، تستعد محافظات "الاسماعيليه - السويس - الاقصر - أسوان - جنوب سيناء" أحتضان منظومة التأمين الصحى الشامل الجديدة يوليو 2020.

حيث يجرى الأن عمليه تطوير 45 مستشفى و 434 وحده صحيه بالمحافظات الخمس استعداداً لبدء الانطلاق، وذلك بالتعاون مع دولة بريطانيا فى تدريب طاقم التمريض على التعامل مع نظام التأمين الصحى الجديد.

⁦⁩ ⁦⁩ ⁦⁩ ⁦⁩ ⁦⁩ ⁦⁩

مصر تدخل عصر القطار الآلي لأول مرة، قطارات الخط الثالث للمترو تعتمد على أحدث تكنولوجيا في عالم الإتصالات، والقطار يعمل بالكامل بدون سائق، من خلال غرفة القيادة.

⁦⁩ ⁦⁩ ⁦⁩ ⁦⁩ ⁦⁩ ⁦⁩

الانتهاء بنسبة 100% من أول مصنع اطارات فى الشرق الاوسط بتكلفة 3 مليار جنيه فى محافظة بورسعيد.
افتتاحة فى سبتمبر المُقبل ويعد المصنع الأكبر من نوعه في مصر لإنتاج أحدى الماركات العالمية الشهيرة، ويهدف إلى توفير العملة الصعبة من خلال الحد من استيراد هذا المنتج الإستراتيجي الهام، كذلك سيتم تصدير الفائض للخارج.

المصنع يقام على مساحة 75 ألف متر مربع يعد الأول من نوعه في مصر لإنتاج إطارات النقل، ويوفر أكثر من 5000 فرصة عمل. 

تم الانتهاء من الأعمال الإنشائية للمصنع بنسبة ١٠٠% ويجري حاليا تركيب الماكينات ومنظومة الحريق.

العمال جاري تدريبهم على ايدي خبراء من المانيا وتبدأ خطوط الإنتاج الأولى بإنتاج إطارات الدراجات النارية والجرار الزراعي والشوكة واللوادر والقاطرات الزراعية.

⁦⁩ ⁦⁩ ⁦⁩ ⁦⁩ ⁦⁩ ⁦⁩

افتتاح اول مرحلة من مشروع استخلاص معادن الرمال السوداء بمدينه رشيد.

مشروع طموح يتكون من 3 مصانع لاستغلال ثروات مصر المُهدره .. اول مصنع سيتم افتتاحه يونيو ٢٠٢٠ بحجم عائد 159 مليون دولار سنويا وفى حال وضع القيمه المضافه "باستخدام المعادن فى صناعه اجساد الصواريخ والطائرات" تصل القيمة الي 5 مليار دولار سنويا ما يعادل ارباح قناه السويس.

⁦⁩ ⁦⁩ ⁦⁩ ⁦⁩ ⁦⁩ ⁦⁩

وفد من شركة دونج فينج الصينيه يقوم بالاتفاق علي انتاج سيارات كهربائيه فى مصر لأغراض النقل في الجهات الحكومية وسيارات التاكسي.

الشركة تخطط إلى تصدير هذه السيارات فيما بعد لأسواق الدول الأوروبية بعد زيادة نسبة المكون المحلي وزيادة القيمة المضافة بها.

يتم حاليا عرض المشاركه مع خط انتاج محلى ويتم التواصل حاليا مع شركة النصر للسيارات لانتاج السيارة.

⁦⁩ ⁦⁩ ⁦⁩ ⁦⁩ ⁦⁩ ⁦⁩

تم توقيع عقد شراكة بين شركة زيجلر الالمانية و بافاريا المصرية لانشاء مصنع عربات اطفاء الحرائق فى مصر.

⁦⁩ ⁦⁩ ⁦⁩ ⁦⁩ ⁦⁩ ⁦⁩

هذه الاخبار كلها تقع تحت طائلة اخبار تم تنفيذها بالفعل علي ارض الواقع .. يعني ولا تطبيل ولا تعريض دي حقائق موجودة .. لكي يأخذ الجميع حقه .

[Grandma]

لازم نعترف انها انجازات عظيمة ورائعة تمت في فترة وجيزة .. لكن الى أي مدى تقترب من متطلبات الشعب و تحقيق أحلامه البسيطة اللي اوجزها في شعارات ٢٥ يناير !!

( عيش / حرية / عدالة اجتماعية ) 

 

[عادل أبوزيد]

في ٢٤‏/٩‏/٢٠١٩ at 11:15, Grandma said:

لازم نعترف انها انجازات عظيمة ورائعة تمت في فترة وجيزة .. لكن الى أي مدى تقترب من متطلبات الشعب و تحقيق أحلامه البسيطة اللي اوجزها في شعارات ٢٥ يناير !!

( عيش / حرية / عدالة اجتماعية ) 

 

حضرتك شايفة إيه ؟ … سيبك من كل المكتوب ده  سمعتي حضرتك  عن حاجة إسمها العشوائيات موجودة في مصر منذ عقود كثيرة  -  أرسلت ل حضرتك على بريدك الخاص تقرير عما تم و يتم بصدد العشوائيات  - أعرف أن حضرتك مثقفة و متعلمة  و تقومين بين الحين و الآخر بعرض موضوعات علمية منشورة في الخارج باللغة الإنجليزية …  هل استبدال العشوائيات  بمدن راقية  عمارات تسعة ادوار و شقق مفروشة بالكامل " أدراج المطبخ بها الملاعق و الشوك و السكاكين "  هل هذا لا يصب في أحلام الناس البسيطة 

بعد إذنك أضع هنا رابط التقرير الذي أرسلته لحضرتك : http://gate.ahram.org.eg/News/1781326.aspx

[عبير يونس]

سعر الجنيه بيرتفع أمام الدولار الأمريكي
النهاردة سعره كان 16.40
ومتوقع الاسبوع الجاي يبقى 15
ده كلام موظفين البنك النهاردة
 

[عادل أبوزيد]

22 ساعات مضت, عبير يونس said:

سعر الجنيه بيرتفع أمام الدولار الأمريكي
النهاردة سعره كان 16.40
ومتوقع الاسبوع الجاي يبقى 15
ده كلام موظفين البنك النهاردة
 

سعره الآن على جوجل 16.31

[Grandma]

في ٢٦‏/٩‏/٢٠١٩ at 22:41, عادل أبوزيد said:

حضرتك شايفة إيه ؟ … سيبك من كل المكتوب ده  سمعتي حضرتك  عن حاجة إسمها العشوائيات موجودة في مصر منذ عقود كثيرة  -  أرسلت ل حضرتك على بريدك الخاص تقرير عما تم و يتم بصدد العشوائيات  - أعرف أن حضرتك مثقفة و متعلمة  و تقومين بين الحين و الآخر بعرض موضوعات علمية منشورة في الخارج باللغة الإنجليزية …  هل استبدال العشوائيات  بمدن راقية  عمارات تسعة ادوار و شقق مفروشة بالكامل " أدراج المطبخ بها الملاعق و الشوك و السكاكين "  هل هذا لا يصب في أحلام الناس البسيطة 

بعد إذنك أضع هنا رابط التقرير الذي أرسلته لحضرتك : http://gate.ahram.org.eg/News/1781326.aspx

مساء الخير 

مدينة سكنية أو اتنين ولا حتى ثلاثة في بلد معظم احياءه عشوائيات ولا حاجة يا أستاذ عادل  .. ما تم إنجازه بالنسبة للعشوائيات بالذات  قطرة في محيط 

النهاردة سألت الغفير بتاعي قولتله هو صحيح لسه فيه فقر لدرجة الناس بتاكل من الزبالة ولا دي مجرد فيديوهات بينشرها الاخوان ؟ قالي و الله ياحاجة كمية الناس اللي بتاكل من الزبالة لن تتخيليها .. و اعداد العمال اللي من مدة بدون عمل مهولة .. لدرجة ان كان فيه بياع فول بيقف يبيع للعمال كان بيطبخ شوال فول كل يومين دلوقتي بيعمل ٢ كيلو فول كل يومين وماحدش بيشتري .

البنوتة اللي بتساعدني في البيت في ثالثة اعدادي طبعا دي طفلة ولو كان اهلها متيسري الحال ما كانتش اشتغلت .. ماعلينا البنت راحت المدرسة من اسبوع وفي اول يوم دراسي لم تجد الطالبات مقاعد ولا طاولات فقعدوا عالأرض بتقولي كانت بهدلة .. تاني يوم احضروا لهم كراسي وطاولات متهالكة ومشي حالك . طب دا اسمه كلام ؟!! هو العام الدراسي بدأ فجأة؟!! هو دا تطوير التعليم اللي اتنبح صوتنا واحنا بنتكلم عنه ؟!!  ألف باء العملية التعليمية مش متوفرة .

اما عن الحريات فالموضوع وصل لحد تفتيش موبايلات الشباب  بشكل عشوائي ... ورقم للواتس اب علشان نبلغ على بعضنا..  اي حد عاوز تخلص منه قول انه ارهابي .

 بقول ايه ... خليني  في نقل  المواضيع العلمية اللي ماحدش بيحبها احسن .. انا عندي احباط . 

[Grandma]

في ٢٧‏/٩‏/٢٠١٩ at 02:48, عبير يونس said:

سعر الجنيه بيرتفع أمام الدولار الأمريكي
النهاردة سعره كان 16.40
ومتوقع الاسبوع الجاي يبقى 15
ده كلام موظفين البنك النهاردة
 

ولسه سعر الدولار هيقل أكثر بسبب إنتعاش السياحة .. و استثمارات الأجانب و  اشقاءنا في الخليج في مصر وشراءهم عقارات  في المدينة الادارية و مدينة  العالمين خاصة لو حصل مشاكل في بلادهم لا قدر الله . 

لكن ياترى لما قل سعر الدولار انخفضت الأسعار ولا الدنيا لسه ناااار !!

[عبير يونس]

14 ساعات مضت, Grandma said:

ولسه سعر الدولار هيقل أكثر بسبب إنتعاش السياحة .. و استثمارات الأجانب و  اشقاءنا في الخليج في مصر وشراءهم عقارات  في المدينة الادارية و مدينة  العالمين خاصة لو حصل مشاكل في بلادهم لا قدر الله . 

لكن ياترى لما قل سعر الدولار انخفضت الأسعار ولا الدنيا لسه ناااار !!

تمام حضرتك
هو انتعاش السياحة ده مش انجاز؟
 

[عبير يونس]

واكمالا لردي على سؤال حضرتك عن الأسعار
الاسعار لها علاقة عكسية بالانتاج
وقوانين العرض والطلب
كل مازاد العرض كل ما قل السعر
والعرض  حايزيد ازاي ومفيش انتاج ؟
ومعدلات الاستهلاك فووووووق اوي
و معدلات الاستيراد عالية اوي
والاستيراد هو اللي بيخلينا نطلب عملات اجنبية اكتر عشان نستورد بيها
فالدولار بتتسحب من البلد عشان نشتري بيها من برة
يبقى الحل ننتج اكتر ما نستهلك
 وعشان ننتج لازم نشتغل
وعشان نشتغل لازم نبطل هري وشكوى
والهري والشكوى دول بقوا افيونة الشعب للاسف ومزاجه اللي اعلى من الحشيش
الشعب لما يتحرك ناحية الانتاج الاوضاع تتعدل
دي حقيقة موجعة مبنحبش نعترف بيها
بس مين يسمع؟

[Grandma]

8 ساعات مضت, عبير يونس said:

تمام حضرتك
هو انتعاش السياحة ده مش انجاز؟
 

يا ست عبير ما انا من الأول مقرة ان فيه انجازات ... لكن لم يشعر بها المواطن المصري البسيط .. صحيح  عادت السياحة تدريجيا بعد عودة الأمن و الاستقرار الى مصر في الفترة الأخيرة ... فالسياحة مصدر رزق لفئة ليست قليلة من الشعب ومع ذلك فدخل السياحة قل ولم يعد كالسابق تزامنا مع غلاء المعيشة فلم يشعر المواطن  بتحسن ملموس .

 

 

تم تعديل 29 سبتمبر 2019 بواسطة Grandma

[Grandma]

7 ساعات مضت, عبير يونس said:

واكمالا لردي على سؤال حضرتك عن الأسعار
الاسعار لها علاقة عكسية بالانتاج
وقوانين العرض والطلب
كل مازاد العرض كل ما قل السعر
والعرض  حايزيد ازاي ومفيش انتاج ؟
ومعدلات الاستهلاك فووووووق اوي
و معدلات الاستيراد عالية اوي
والاستيراد هو اللي بيخلينا نطلب عملات اجنبية اكتر عشان نستورد بيها
فالدولار بتتسحب من البلد عشان نشتري بيها من برة
يبقى الحل ننتج اكتر ما نستهلك
 وعشان ننتج لازم نشتغل
وعشان نشتغل لازم نبطل هري وشكوى
والهري والشكوى دول بقوا افيونة الشعب للاسف ومزاجه اللي اعلى من الحشيش
الشعب لما يتحرك ناحية الانتاج الاوضاع تتعدل
دي حقيقة موجعة مبنحبش نعترف بيها
بس مين يسمع ؟ 

قلة الانتاج مش بسبب  كسل المواطن المصري او عدم رغبته في العمل بالعكس المصري مستعد يشتغل ٢٤ ساعة بس وفريله العمل و المقابل المادي اللي يعيشه حياة كريمة .. قلة الانتاج ترجع الى احجام المستثمرين عن افتتاح مصانع جديدة ربما خوفا من تغيير القوانين أو بسبب ارتفاع المواد الخام و اسعار الاراضي و الضرائب وفواتير الماء والكهرباء ومنافسة البضائع المستوردة للانتاج المحلي الاسباب كثيرة ومتنوعة  و حل  كل  هذه المشاكل  مسئولية الدولة مش المواطن . 

وبعدين مش لازم نستخسر أفيونة  الهري و الشكوى في المصريين أحسن يطقوا  يموتوا .