تيمور المراغي … حفظ الله مصر من دعاة الفوضى و التخريب

[Advisor]

محاورات المصريين لم تكن ابدا مكانا للدعوة للفوضى و الاحتشاد

ما شأن حضرتك بمصر و أنت تكتب من خارج مصر و تدعو المصريين للفوضى في كل مصر … إتقي الله في مصر و شعب مصر

تم تعديل 26 سبتمبر 2019 بواسطة Advisor

[م تيمور المراغي]

فعلا المغتربين المصريين ليس لهم شأن بمصر مادامو بالخارج..

ده تأصيل مستغرب جدا انه يصدر من كيان كان في الماضي واحه لكل الاراء سواء  المعارضه منها للنظام او المؤيدة

والأعجب انه كان مرحب بالنزول والاحتشاد امام النظام اللي سبقه في ٣٠ يونيو و محدش قال انكم دعاة للفوضى و بتكرهو البلد ..

الكيل بمكيالين هو ابعد ما يكون عن المهنية و المصداقية و حرية الراي و التعبير ..

رجعو التوبيك تاني لو سمحتم ميصحش كده

[م تيمور المراغي]

[MZohairy]

الحقيقة و رغم اني مش من هواة السيسي ..بل من مفضليه فقط عن اي حكم اسلامي....الا انه رقع المعارضة حتة قلم غير مسبوق

تخيل انت المعارض الثورجي قاعد بيحلم انها جمعة الخلاص

وبيحلم ان السيسي خلاص مشي.....لا وكمان ابتدوا يتناقشوا فيما بعد السيسي و مين اللي ممكن يحطوه مكانه!!!!   

وبيحلم ان مظاهرات الجمعة هتكون مليونية و هتكون جمعة الخلاص

واذ فجأة هوووووب.....يلاقي جمعة الخلاص......خلاص خلصت قبل ما تبتدي 

معارضة بهذا الأفق شديد الضيق الحقيقة تستاهل السخرية

 

ربنا ينور بصايرهم

[م تيمور المراغي]

عايش في كندا و بتسقف للقمع و الدكتاتورية وخطف كل المعارضين من بيوتهم بمختلف ايدلوجياتهم  لمجرد كرهك للاسلاميين ..

المكان ده كان بيتقال فيه قد اختلف معك في الراي لكني مستعد ان ادفع حياتي ثمنا لكي تعبر عن رايك 

يا خسارة الكيان اللي كان رائع و محايد و جميل ..

[MZohairy]

لا

عايش في كندا و فاهم ان البديل الوحيد للوضع الحالي في مصر هو التيار الديني البشع بتطرفه و انحطاطه

و على رأي سيدك عمرو ابن العاص.....مصر يحكمها من غلب

والحاكم الحالي هو من غلب!!

اعترض بقى على سيدك عمرو!!!

 

بلاش تفكر زي المراهقين يا تيمو

[Grandma]

قال الرسول عليه الصلاة و السلام : (  إنما بُعثت لأتمم مكارم الأخلاق )

هو اختلفنا في الآراء السياسة ولاحتى في المعتقدات الدينية يخلي مستوى الحوار متدني الى هذا الحد ؟!! ويخلينا نلطش  بالكلام في خلق الله ؟!!

على فكرة لا الصلاة و الصيام و لا كل العبادات بتدخل الانسان الجنة ما يدخله الجنة أخلاقه ومعاملته للناس 

وعن أبي هريرة رضي الله عنه، قال: قال رجل: يا رسول الله! إن فلانة يُذكر من كثرة صلاتها وصيامها وصدقتها، غير أنها تؤذي جيرانها بلسانها. قال: ( هي في النار )

الزائر صاحب المداخلة البذيئة ياريت حضرتك تراجع أسلوبك .. بلاش تنفر الناس من الاسلام 

( حرم على النار كل هيِّن ليِّن سهل قريب من الناس ) .

استغفر ربنا واتأسف لكل انسان أسأت اليه وأذيته بكلامك وأسلوبك لعل الله يغفرلك . 

 

[Guest أيها الإسلامي الإرهابي]

إحذف يا أستاذ عادل كلام الإرهابيين XXXX  دول عاوزين يرجعوا البلد 100 سنة ورا ، ومبيهمهمش غير الجنس

[MZohairy]

5 ساعات مضت, Grandma said:

الزائر صاحب المداخلة البذيئة ياريت حضرتك تراجع أسلوبك .. بلاش تنفر الناس من الاسلام 

هو لسه هينفر؟؟؟؟؟؟   

التنفير والنفور تم خلاص يا هانم

دي اخلاق كتير جدا منهم......و منهم شيوخ بجبه وقفطان وعمه كمان زي عبد الله بدر و وجدي غنيم مثلا

و دول الصرحاء اللي بيظهروا ما يبطنوا......لكن تأكدي انها اخلاق اغلبهم لو اتيح لهم التمكين

بس بشنبهم  ده لو كانوا رجاله يعني و عندهم شنب

ونقولها تاني....اكبر عدو أثر سلبا في الاسلام هم المتأسلمين نفسهم

لذلك الف حاكم عسكري ظالم افضل من حاكم اسلامي عديم الربايه...لأنه هيظلم كل من اختلف معه بكل عنف

بونجور يا ولاد

[عبير يونس]

الزائر المهذب اللي كان داخل يشتم وكان مسمي نفسه أيها العلماني القذر
وأظهرنا مداخلاته الغاية في التهذيب
وبعد الاظهار دخل شتم تاني

ويبدو ان  بعد ما نشرنا ارقام الأمن الوطني لمكافحة جرائم الانترنت
الزائر خاف على نفسه

وده شيء كويس اكيد

بس هو نسي مداخلة تانية كتبها كزائر باسم "أيها العلماني الوضيع"
وللي اخدنا منها الاي بي اللي كتب منه
وصورناها طبعا
واتضح انه في الرياض بالمملكة العربية السعودية

 
وطبعا عارفين حضراتكم ان السعودية مبتهزرش في الحاجات دي
ومش حاتحمي ارهاب على اراضيها
 

ولا مصر كمان بتهزر يا مهذب

 

تم تعديل 1 أكتوبر 2019 بواسطة عبير يونس
حذف صورة الاي بي لتمام تأدية الغرض من نشرها

[MZohairy]

الولد الإسلامي المراهق اللي مسمي نفسه ايها العلماني الوضيع ....كل شويه يدخل يشتمني و الإدارة مشكورة تمسح مداخلاته  

اولا...نشكر الإدارة المحترمة على مجهوداتها (تطبيل آه) 

ثانيا...بعد كل ما تم حذفه من سفالات للأخوة الإسلاميين....عايز تيمور حفيد الشيخ المراغي شيخ الازهر (صاحب الموضوع الأصلي)...يقولنا رأيه في أخلاق الإسلاميين بصراحة...بدون ولاء وبراء...برجولة و شجاعة....و بعد كده يقولنا اذا كان عندنا حق نحتقرهم ونسخر منهم ولا لأ

ثالثا....و رجوعا للموضوع الأصلي....هذه اخلاق التيار الاسلامي السياسي....متهيألي بعد مظاهرات الجمعة العظيمة المسماة بجمعة الخلاص.....و جحافل البشر اللي شاركوا في مظاهرات الثلاثاء الساعه 3   .....خلاص واضح ان الشعب احتقرهم و مجهوداتهم 0 كبير 

واخيرا....نصيحة للمعارضين المحترمين.....فكرة التظاهر لقلب النظام......مابقتش فكرة مجدية....زي بالضبط التليفون ابو قرص دوار.....لو اتصلت منه و قالولك اضغط الرقم 1 او الرقم 0 مش هتقدر ....ديموديه خلاص

 

بونجور ياولاد

[tarek hassan]

انتظار تكرار ما لا يتكرر الا بعد عشرات السنين عبث وجمود 

وتكرار تجربة فاشلة سياسيا واقتصاديا واجتماعيا عبط

كفاية ما أخرجته التجربة من أشكال وأخلاقيات وتعرية للتيار اياه

منور يا استاذ زهيري والحمد لله انك بخير

[MZohairy]

حبيبي يا شيخ طارق ربنا يخليك.....انا واخد اجازه بس ما تقلقش