أنا مين فينا؟

[Cleo]

أفتكر إن بداية دخولى للمنتديات كانت فى المحاورات من حوالى 4 سنين (شوف العمر بيجرى ازاى -_- )

وأول ما جيت أسجل قعدت أفكر كتيييييييييييييييييييييير أسجل باسم ايه... لحد ما استقريت على "كليو"..

بعد فترة دخلت منتدى شئون.. ولما جيت أختار اسم التسجيل... حسيت انى مش هقدر أدخل باسم تانى... يعنى حسيت كأنى هبقى متنكرة أو لابسة هدوم حد تانى... فرحت اخترت اسمى اللى دخلت بيه المحاورات... "كليو"

لما جيت أسجل فى الهايدبارك.. أوتوماتيك من غير ما أفكر حطيت نفس الاسم من غير ما أفكر..

حد فيكم له أسماء تانية فى المنتديات الأخرى؟ (مش لازم تذكر الاسم التانى)... طب ليه ما كررتش نفس الاسم فى المنتديات المختلفة؟؟

[وليد صفوت]

Violinking... -_-

I always say that I hate it

When my memory seem to flee

But truth be told I am intrigued

When my mind plays tricks on me

Does it mean I’m crazy

Or maybe going insane

When I awake from a dream

And don’t know if it’s night or day

I look around drowsily

Not knowing where I am

Trying not to panic

So I can formulate a plan

A plan to remember my own first name

And the details of my reality

So I can get up and go on

And not worry about my mentality

The fuzziness is beginning to clear

Into my mind the truth is creeping

Then suddenly I lay back down

And go right back to sleeping

مع تحيات فايولن ( شاعر و طباخ بعد الظهر ) -_-

انا أول لما سجلت فى المنتديات كان فى صيف 2003 فى منتدى مصراوى ....

و تصدقونى لو قولتلكوا انى لم أفكر أبداً فى اى اسم اسجل بيه .. كنت اعتقد ان التسجيل لا يتطلب ان اشارك بإسم رمزى انا اختاره ( لم اكن اعرف اننى بإستطاعتى كتابة إسمى الحقيقى ) فنظرت للصفحة لمدة عشر ثوانى ثم سجلت بإسمى الذى ظل معى حتى الأن .....Violinking :o

[SANAA]

حد فيكم له أسماء تانية فى المنتديات الأخرى؟ (مش لازم تذكر الاسم التانى)... طب ليه ما كررتش نفس الاسم فى المنتديات المختلفة؟؟

معظم المنتديات بإسم SANAA ماعدا شئون مصريه بإسم بنتي

عارفاها ولا اقولك عليها ؟؟؟؟؟؟؟؟؟؟؟

[se_ Elsyed]

أنا هاتقمص دور ممثل من الممثلين لما ييجي يتفهيق ويقولك في الواكع وفي الحكيكة ..

معظم المنتديات بأسجل بنفس الإسم

لكن لما يكون موقع مثلاً خاص ببرامج كمبيوتر أو ما إلى ذلك .. بأروح دابب أي إسم وبأستخسر سي السيد فيهم مش عارف ليه مع إن الكوكيز لما بتتمسح من على جهازي بأتبهدل وما بأعرفش أدخل المواقع دي تاني لإني بأنسى أنا مين ..

لكن عارفه يا كليو

إني أول ما بأخرج بره المنتدى بأتضايق قوي لما حد بيندهني ويقولي تعالى يا سي السيد .. روح يا سي السيد ... وماحدش بيعمل كده غير إتنين :

- محمد أبو زيد

- محابيطو الشهير بوليد

وكل ما يكلموني في التليفون بيتكوا قوي على سي السيد مع إنهم عارفين إسمي الحكيكي

تفتكري ليه ؟

أنا شخصياً ا أتخيل نفسي مثلاً رايح التجمع الخامس وأعدي على أي بقالة وأقوله : لو سمحت يا عم إبراهيم ما تعرفش بيت كليو فين ؟

طبعاً هايروح مناولني بسكينة الجبنة الإسطنبولي أو يمسك تلابيب جلابيتي ويقول إني بأتريق عليه أو جاي أسرق زتون كلاماتا من المحل

[shahd]

غالبا بيبقى شهد الا لو لقيت ان في حد واخد نفس الأسم في الحالة دي بغير :P

وعموما هما كلهم على بعض 5 منتديات تقريبا

تم تعديل 25 مارس 2006 بواسطة شهد

[Hammer]

قريت مرة مقال لأحد أساتذة علم النفس , إن الأسماء المستعارة التي نختارها في غرف الدردشة و المنتديات هي إنعكاس لقيعان مضامين النفساوية البشريه في العقل الباطن ... :P .و كلام تاني صعب و كومبليكيتيد عامل زي بتاع اللمبي كدا

علي العموم .. أنا بأختار نفس الإسم دايماً علشان أنا ذاكرتي وحشه جداًاًاًاً ... و ما أضمنيش لو إخترت أكثر من إسم .

[الرافعي]

في العادة ... إحم

في الواكع على رأي س.س

العبد لله غير مشترك إلا في هازوها المكان ، وهايدبارك ...

وهناك أشارك باسم ((فارس)) ...

طبعاً مشاركاتي هناك قليلة جداً .. بل نادرة، على الرغم من حبي واعتزازي -وانبهاري- أيضاً بالمكان وأهله، لكن المشكلة في الحقيقة عندي أنا ..

فقد اكتشفت أني مريض بمرض جديد اسمه وحدة التوجه ...

يعني مود الكتابة والتجلي (أسف على هذه الكلمة) ما بيطلعش إلا هنا ... يمكن لأني سجلت هنا في الأول ...

يعني هناك أسماء كثيرة مثل الأخت كليو، وفيروز، وفريدة، ومودست، وحبيبي طفشان ومحبط وغيرهم من الأفاضل العزيزين جداً .. يمكن لا يعرفوني لعقم إنتاجي هناك، لكن طبعاً هم معروفين جيداً بالنسبة لأمثالي من المبتدئين .

المهم ...

المعلم حلاوة له أسباب، وفارس له أسباب أخرى .. وخلاصتها ... الحالة النفساوية وقت التسجيل ..

وهناك سبب آخر ..

بس مش ها قوله :P

تم تعديل 25 مارس 2006 بواسطة حلاوة العنتبلي

[ATHENA]

أفتكر إن بداية دخولى للمنتديات كانت فى المحاورات من حوالى 4 سنين (شوف العمر بيجرى ازاى :P )

وأول ما جيت أسجل قعدت أفكر كتيييييييييييييييييييييير أسجل باسم ايه... لحد ما استقريت على "كليو"..

بعد فترة دخلت منتدى شئون.. ولما جيت أختار اسم التسجيل... حسيت انى مش هقدر أدخل باسم تانى... يعنى حسيت كأنى هبقى متنكرة أو لابسة هدوم حد تانى... فرحت اخترت اسمى اللى دخلت بيه المحاورات... "كليو"

لما جيت أسجل فى الهايدبارك.. أوتوماتيك من غير ما أفكر حطيت نفس الاسم من غير ما أفكر..

حد فيكم له أسماء تانية فى المنتديات الأخرى؟ (مش لازم تذكر الاسم التانى)... طب ليه ما كررتش نفس الاسم فى المنتديات المختلفة؟؟

مش عارفة ليه حاسه إن البتشي دي عاملة الموضوع ده من ورا موضوعي أثينا و إيزيس :D

يا ساتشر على الحكد الطبقي و الناس اللي مش بتسي حدشي في حالها يا ساااااااااتشيييير :wub:

بصي يا كوكو...

عن نفسي فأنا عندي تلت أسماء لو أطول أسجل بيهم مش هقصر :D

أثينا و أنا بجد بحب الإسم ده جدا من زمان و بحسه أصيل و جميل وكده..و إيزيس اللي إخترته من زمان من اول ما سجلت في شؤون و دلوقتي بقيت معروفة بيه لدرجة إن بعض اللي يعرفوني بينادوني بيه لو أكلمهم و بيدلعوني بإيزو و علامة الجودة و الكلام ده لحد ما بقى مني و فيا و مقدرش أخلص منه..

و الإسم الأخير هو إسمي الحقيقي اللي بحبه برضه لدرجة كبيرة و بحسه جميل لدرجة إني فكرت من مدة في هايد إني أغير لإسمي الحقيقي...بس انتشي عارفة تقاليد المجتشمع وكده :P

[Cleo]

حد فيكم له أسماء تانية فى المنتديات الأخرى؟ (مش لازم تذكر الاسم التانى)... طب ليه ما كررتش نفس الاسم فى المنتديات المختلفة؟؟

معظم المنتديات بإسم SANAA ماعدا شئون مصريه بإسم بنتي

عارفاها ولا اقولك عليها ؟؟؟؟؟؟؟؟؟؟؟

ست الكل يا سكرة... هل يخفى القمر؟؟؟ :wub: :P

أنا شخصياً ا أتخيل نفسي مثلاً رايح التجمع الخامس وأعدي على أي بقالة وأقوله : لو سمحت يا عم إبراهيم ما تعرفش بيت كليو فين ؟

طبعاً هايروح مناولني بسكينة الجبنة الإسطنبولي أو يمسك تلابيب جلابيتي ويقول إني بأتريق عليه أو جاي أسرق زتون كلاماتا من المحل

لعلمك رجالة التجمع الخامس ولاد بلد بصحيح وجدعان عترة ويخافوا على بناتهم من الهوا الطاير :P

يعنى سكينة الاسطنبولى هتكون بعد استخدام الرأفة :D

[Cleo]

قريت مرة مقال لأحد أساتذة علم النفس , إن الأسماء المستعارة التي نختارها في غرف الدردشة و المنتديات هي إنعكاس لقيعان مضامين النفساوية البشريه في العقل الباطن ... :P .و كلام تاني صعب و كومبليكيتيد عامل زي بتاع اللمبي كدا

علي العموم .. أنا بأختار نفس الإسم دايماً علشان أنا ذاكرتي وحشه جداًاًاًاً ... و ما أضمنيش لو إخترت أكثر من إسم .

بالمناسبة بأة... تعرف عضو قديم هنا اسمه "شاكوش" ؟؟ :wub:

في العادة ... إحم

في الواكع على رأي س.س

العبد لله غير مشترك إلا في هازوها المكان ، وهايدبارك ...

وهناك أشارك باسم ((فارس)) ...

طبعاً مشاركاتي هناك قليلة جداً .. بل نادرة، على الرغم من حبي واعتزازي -وانبهاري- أيضاً بالمكان وأهله، لكن المشكلة في الحقيقة عندي أنا ..

فقد اكتشفت أني مريض بمرض جديد اسمه وحدة التوجه ...

يعني مود الكتابة والتجلي (أسف على هذه الكلمة) ما بيطلعش إلا هنا ... يمكن لأني سجلت هنا في الأول ...

يعني هناك أسماء كثيرة مثل الأخت كليو، وفيروز، وفريدة، ومودست، وحبيبي طفشان ومحبط وغيرهم من الأفاضل العزيزين جداً .. يمكن لا يعرفوني لعقم إنتاجي هناك، لكن طبعاً هم معروفين جيداً بالنسبة لأمثالي من المبتدئين .

المهم ...

المعلم حلاوة له أسباب، وفارس له أسباب أخرى .. وخلاصتها ... الحالة النفساوية وقت التسجيل ..

وهناك سبب آخر ..

بس مش ها قوله :D

الحاج حلاوة العنتبلى بحاله كان زميل فى البارك :P

انا ماكنتش أعرف نوهااااااااااااااااااااائى :D

[بنت شعنونة]

انا اسمي تريد مارك

مع انه اسم فضييييييييييحة وعيالي موت :P

بس بحبه

فيما عدا المنتديات الجديدة اوي بدخل باسم د.شانا عشان اتاخد جد والا ها يعاملوني على اني هبله :huh: :closedeyes:

[nancy]

انا بادخل باسمى دة على طول او اسامى الدلع بتاعتى بس جوزى بقالة فترة بيقولى بلاش اسمك دة وشوفى حل فى تغيرة فبقيت ادخل فى اى جديد ب ycnan

يعنى باعكس اسمى

ونبى يا كليوا متعرفيش ازاى اغير اسمى فى المنتدة بانى اعكسة علشان اريح جوزى بدل ما كل ما اجى اكملة عن المنتدى يقولى غيرتى اسمك ولا لسة ونتناقش ان الاسم اصلا بقى عند ناس كتير كانة مش الحقيقى

فيقولى غيرية فابطل احكيلة عن الى بقراة علشان مسمعش نفس الرد

فعندك حل يا كليوا .. اصل انا عيبى انى محبش اسمع الكلام ابدا بس فى نفس الوقت مش عوزة ازعلة

معلش خرجتك عن الموضوع انما الشىء بالشىء يذكر

[se_ Elsyed]

انا بادخل باسمى دة على طول او اسامى الدلع بتاعتى بس جوزى بقالة فترة بيقولى بلاش اسمك دة وشوفى حل فى تغيرة فبقيت ادخل فى اى جديد ب ycnan

يعنى باعكس اسمى

ونبى يا كليوا متعرفيش ازاى اغير اسمى فى المنتدة بانى اعكسة علشان اريح جوزى بدل ما كل ما اجى اكملة عن المنتدى يقولى غيرتى اسمك ولا لسة ونتناقش ان الاسم اصلا بقى عند ناس كتير كانة مش الحقيقى

فيقولى غيرية فابطل احكيلة عن الى بقراة علشان مسمعش نفس الرد

فعندك حل يا كليوا .. اصل انا عيبى انى محبش اسمع الكلام ابدا بس فى نفس الوقت مش عوزة ازعلة

معلش خرجتك عن الموضوع انما الشىء بالشىء يذكر

بسيطة جداً يا نانسي - ييه قصدي ياختشي طالما مش عايزه نانسي -

حضرتك توجهي رسالة الى أ/ عادل أبو زيد تطلبي فيها تغيير إسمك وإختاري لنا إسم تاني على ذوقك .

[Scorpion]

و تحطي عليه طابع دمغة ب 32 جنية و 14 ساغ

و توقيع اتنين مشرفين زرق يضمنوكي

و شهادة ميلاد جدة حماة نسيبك ...

و احضار ما يثبت ان انتي نانسي الي عايزة تغير اسمها

و شهادة تثبت انك علي قيد الحياة ...

و الشاي بتاعنا

و بعدين ورقك حيوصل ان شاء الله ....

شفتي النظام في محاورات المصريين ... بيضربوا بيه المثل ....