إضحك مع القذافي

[se_ Elsyed]

القذافي يعتبر أخر عنقود المُضحكين من الحُكام العرب

بجد دي مش دُعابة .. فبعد الرفيق الركن صدام والعلوج اللي حواليه وتصريحاتهم الإفتكاسية ..

ما بقاش إلا القذافي هو اللي بيضحكنا ويسلينا ويهون علينا الأيام - السودا -

وبجد بقيت أنكش الجرايد أو المحطات التليفزيونية على اي تصريح أو خطاب له عشان أضحك من قلبي .. لكن ما بنساش إنه ضحك كالبكاء ..

على فكرة كوكو مش رايح القمة العربية اللي هاتنعقد في الخرطوم بعد 3 أيام وإحنا عارفين هو عمل إيه في القمة اللي فاتت

يالله بقى خدوا دي وإدعوا لي

:‏ ليبيا الدولة الديمقراطية الوحيدة في العالم

نيويورك ـ وكالات الأنباء‏:

أعلن قائد الثورة الليبية الأخ معمر القذافي أن بلاده الدولة الوحيدة علي الكرة الأرضية التي تتوافر بها ديمقراطية حقيقية‏.‏ ووصف النظام السياسي الأمريكي بأنه فاشل‏,‏ وذلك خلال كلمة عبر الأقمار الصناعية ألقاها أمس الأول لمجموعة من الأكاديميين الأمريكيين والليبيين بجامعة كولومبيا في نيويورك‏.

[Mans]

طيب خد دي

الحوار ده انا شفته في الفضائية الليبية السنة اللي فاتت

و الكلام هنا على لسان الاخ العقيد شخصيا :

" امبارح بالليل نزلت اشم شوية هوا

و دخلت على محطة بنزين ، و حطيت بنزين

فوجئت و انا باحاسب ان البنزين غلي !!! ( تقريبا ما كانش معاه فلوس كفاية )

و لولا ان الاخ العامل في المحطة صديقي من زمان و عارفني ما كانش سابني امشي !!!

ازاي البنزين يغلى ؟؟؟؟ ده احنا بلد مليئة بالبترول !!!!

و لذلك انا اقترح على الشعب مقاطعة البنزين !!!!!!! "

تم تعديل 25 مارس 2006 بواسطة Mans

[SANAA]

أعلن قائد الثورة الليبية الأخ معمر القذافي أن بلاده الدولة الوحيدة علي الكرة الأرضية التي تتوافر بها ديمقراطية حقيقية‏.‏ .

ياسلام ياولاد فعلا ده العقل زينه في البترينه :P

[الرافعي]

القذافي يعتبر أخر عنقود المُضحكين من الحُكام العرب

بجد دي مش دُعابة .. فبعد الرفيق الركن صدام والعلوج اللي حواليه وتصريحاتهم الإفتكاسية ..

ما بقاش إلا القذافي هو اللي بيضحكنا ويسلينا ويهون علينا الأيام - السودا -

وبجد بقيت أنكش الجرايد أو المحطات التليفزيونية على اي تصريح أو خطاب له عشان أضحك من قلبي .. لكن ما بنساش إنه ضحك كالبكاء ..

على فكرة كوك مش رايح القمة العربية اللي هاتنعقد في الخرطوم بعد 3 أيام وإحنا عارفين هو عمل إيه في القمة اللي فاتت

يالله بقى خدوا دي وإدعوا لي

:‏ ليبيا الدولة الديمقراطية الوحيدة في العالم

نيويورك ـ وكالات الأنباء‏:

أعلن قائد الثورة الليبية الأخ معمر القذافي أن بلاده الدولة الوحيدة علي الكرة الأرضية التي تتوافر بها ديمقراطية حقيقية‏.‏ ووصف النظام السياسي الأمريكي بأنه فاشل‏,‏ وذلك خلال كلمة عبر الأقمار الصناعية ألقاها أمس الأول لمجموعة من الأكاديميين الأمريكيين والليبيين بجامعة كولومبيا في نيويورك‏.

في مرة سابقة ... قلت لك يا س.س إن أول ما تقول القذافي ... ...على طول

هاهاهاهاهاهاهاها هيهيهيهيهيهيهيه

الباقي معروف من غير ما تقول ..

الله يصبحه بالخير عمنا أحمد رجب ومصطفى حسين

[se_ Elsyed]

طيب خد دي

الحوار ده انا شفته في الفضائية الليبية السنة اللي فاتت

و الكلام هنا على لسان الاخ العقيد شخصيا :

" امبارح بالليل نزلت اشم شوية هوا

و دخلت على محطة بنزين ، و حطيت بنزين

فوجئت و انا باحاسب ان البنزين غلي !!! ( تقريبا ما كانش معاه فلوس كفاية )

و لولا ان الاخ العامل في المحطة صديقي من زمان و عارفني ما كانش سابني امشي !!!

ازاي البنزين يغلى ؟؟؟؟ ده احنا بلد مليئة بالبترول !!!!

و لذلك انا اقترح على الشعب مقاطعة البنزين !!!!!!! "

شديدة يا مان

بس لأمانة النقل لازم تكمل القصة زي ما حكاها الأخ العقيد كوكو :

القذافي : العام الماضي طقت في دماغي مرة واحده إني أخرج أفحط بالعربية في طريق طرابلس - بني غازي .. المهم خرجت أنا واصحابي في اللجان الشعبية الديمقراطية .. وفجاتون البنيزيم خلص مني والعربية شحطت وجابت جاز .. روحت حاود على أقرب بنزيمة وقلت للواد فول يابني 94 .

- الولا شاف العربية مرشيدس وإسود في إسود راح قايل لي :

ظاظا : تحب نمسحولك البرابريز القدماني يا باشا؟

كوكو : إمسح يابني إمسح ماحدش دافع منها حاجة

ظاظا : أي خدمة ياباشا ... حساب التفويله مع مسح البرابريز 97 سخسوخ ليبي ( السخسوخ هو العملة الرسمية للجماهيرة الليبية العربية الإشتراكية القذافية العُظمى )

كوكو : يا نهار إسود ... المحفظة ... المحفظة .. أنا أتنشلت في بلدي ياولاد الـــ ..... أنا الأخ العقيد قائد ثورة الفاتح أتقلب في عز الظهر ؟ أنا الحاكم يا غجر

ظاظا : آه هو أنت منهم ؟ ... طب إطلع لي بقى من ورا الدريسكيون عشان تاخد الباقي .. أنا عارفكو ياولا االنصابة .. كل يوم واحد يجيلي بعربية طويلة عريضة وفي الأخر يبلطج ويقولي أنا أمين شرطة .. واللي يقولي أنا وزير .... تعالى لي بقى أنا هاطلع القديم والجديد على جتتك ولما تكون حتى كوكي عنان بذات نفسه ..

كوكو : ونزلوا العيال اللي في البنزينة فيه عزق وكإنهم بيحرثوا أرض صحراوية ... لكن اللي فوقني بقى إيد الولا ظاظا اللى كانت بتنزل على قفايا ولا المرزبة ... وقلت المرزبة دي مش غريبة عليه .. دي أكيد إيد الولا ظاظا دفعتي في سلاح المدفعية ..وروحت مصرخ وقايل : ولا يا ظاظا يخرب بيت دماغك ... أنا كوكو يالا مش فاكرني ؟ أنا القذافي يابن الفقرية .

ظاظا : كوكو ... يخرب بيت دماغك ... وأنا أقول القفا الطري ده أنا شفتوا فين قبل كده ؟ يخرب عقلك إنت لابس كده ليه ؟ وعامل في نفسك ليه كده ؟

كوكو : أنا الحاكم يالا إنت ما بتشوفنيش في التليفزيون ؟

ظاظا : وهو أنت من ساعا ما فقرتنا بقى عندنا بوتجاز حتى ؟ التليفزيون رهنته علشان أدفع تبرعات اللجان الشعبية .

كوكو : فكر يا ظاظا .. فاكر شلة الأروانة في الجيش .... وتسعة أستعد .. وميدان ضرب النار ... وسن نملة الدبانة ؟

ظاظا : فاكر يا كوكو .. قصدي يا سيادة الأخ كوكو .. فاكر لما حولوك لكتيبة القذف العشوائي عشان كنت أخيب واحد في الدفعة ؟

كوكو : ماهو عشان كده بقيت حاكم يالا ... هأ هأ هأ هييييء .... المهم بكره تعدي عليه في القصر ..قصدي الخيمة الرئاسية وتاخد لك منحة إمتياز إستغلال بيرين قول 3 أبيار بترول هاحولهم على بنزينتك هنا مجاناً قصاد جدعنتك دي ... وكمان لو شديت حيلك وأتبسطت منك ممكن اعينك مسئول اللجان الشعبية البترولية ( وزير بترول بس بالليبي ) .

ظاظا : يعيش الأخ الشاويش كوكو ... بالروح والدم والبنزين الأربعة وتسعين نفديك يا كوكو ..