كيف تختار ما تقرأ في المحاورات

[الرافعي]

أعزائي وعزيزاتي ...

اليوم يتقمص المعلم حلاوة العنتبلي شخصية الكاتب الصحفي المحاوراتي شريف عبد الوهاب ... (فليسامحنا سيادته) :P

من الطبيعي أن يقوم كل فرد في المحاورات باستعراض الموضوعات التي تظهر على الصفحة الأولى، ثم يبدأ في اختيار ما يريد قراءته ، فهل سألنا أنفسنا .. على أساس نختار الموضوعات ... هل نختارها بحسب طبيعتها على أساس ميولنا الشخصية؟؟؟ أم نختارها على أساس الموضوعات الساخنة على الساحة؟؟ أم نختار بحسب الكاتب .. فهناك من نضغط على زر الماوس لمجرد قراءة اسمه ؟؟؟؟

يالا ورونا همتكم ..

خلص الكلام :P

(مش عارف ليه دايماً لما أقرأ هذه الكلمة أتخيله مكشر مثل مضيفين مصر للطيران إذا تجرأت وطلبت منهم شيء :wub: )

[Hammer]

أعتقد إن إختيار المواضيع له أكثر من عامل ..

العنوان أولاً , و أعتقد أن إختيار العنوان الجذاب هو فن مستقل بذاته , بل أن هناك ما أسميه بصحافة العنوانين , و التي تعتمد علي جذب إنتباه القارئ بالعنواين الرنانه و إن كانت المواضيع نفسها لا تحوي نفس قدر جذب عنواينها .

ثانيا , أعتقد الكاتب , ليس فقط لإسلوبه الجذاب , بل في كثير من الأحيان إما لتوافق أرائه مع أرائنا أو من الممكن في بعض الأحيان علي النقيض تماماً لتطرفها و شذوذها .

و بمناسبه مضيفيين مصر للطيران , لسه واخد طريحه من واحد منهم الإسبوع الماضي , لما حاولت أساعده إني ألم محتويات صينيتي و صينيه جاري في صينيه واحده , فنطر لي بقرف شديد و قال لي : يعني إزاي أدخلهم (التراي ) بالشكل دا ؟ :P :wub: إفصلهم تاني ( بنفس الإمتعاض و من غير من فضلك و لا لو سمحت )

الحقيقه أنا جالي ذهول :D

و قلت ألم نفسي بدل ما ينزلوني في نص السكه ... و سمعت الكلام :P

[Scorpion]

بصراحة بصراحة يا معلم

نختار بحسب الكاتب .. فهناك من نضغط على زر الماوس لمجرد قراءة اسمه

و مش شرط يكون واحد بحبه او متأكد انه كتب كلام في الجون .... لكن ساعات تانية يكون العكس تمامآ .. يعني اخش و انا بقول في نفسي يا تري حيسم بدني ازاي النهارده ؟؟؟ :wub:

تاني هام :

مواضيع الساعة الساخنة ....

تالت هام :

موضوع اكون انا فاتحه او مشارك فيه .. و عايز اشوف ردود الأفعال .. او تصحيح له ... :P

اما اسم الموضوع نفسه .. فساعات كتيرة بيكون فعلآ سبب اني اخش ... لأنه المفروض انه تلخيص الموضوع كله بصورة ركزة ..... لكن للأسف مش كلهم بيستخدموه الأستخدام الصحيح .. يعني بعد ما يجررو رجلي اخش الاقي بالونة مليانة هوا ...

تحياتي

[Cleo]

عادة أبدأ بالضغط على اختيار "مشاركات جديدة" و أشوف لو فيه موضوع كنت كاتبة فيه مداخلة أشو لو فيه تعقيب.. بعدين أشوف لو فيه موضوع أنا كنت متابعاه وعاوزة أشوف الجديد فيها.. بعد كدة أدور على العناوين الجذابة... وفيه ساعات بعض أسماء لما أشوف اسمها فى موضوع أبدأ بيه على طول

[shahd]

اول حاجة ببص عليها ادب وفنون لو في حاجة جديدة

وكنت ببص على مواضيعي في الأول لو في رد بس بطلت ابص ولله الحمد

بعدكده بدور على اي حاجة تلفت نظري خناقة مثلا اخش اقرا واجري

دعوه للأبتسام اكتر مكان بحب ابص على الي فيه

[بنت شعنونة]

انا بختار الموضوع بطريقة غريبة جداااااااااااااااااااا :huh:

العنواااااااااااااان

العنوان يشدني ادخل اشوف الموضوع

شدني الموضوع كمان كتبت فيه

واوقات الاقي الموضوع مش على هواايا لكن العنوان عاجبني قووووي اروح معلقه على العنوان بس :P

بس المهم تكون فيه حاجا تشدني وخلاص

سواء بالسلب او الأيجاب

يعني سواء نرفزتني او بسطتني

وعجبييييييييييييييي :closedeyes:

[الرافعي]

انا بختار الموضوع بطريقة غريبة جداااااااااااااااااااا :huh:

العنواااااااااااااان

العنوان يشدني ادخل اشوف الموضوع

شدني الموضوع كمان كتبت فيه

واوقات الاقي الموضوع مش على هواايا لكن العنوان عاجبني قووووي اروح معلقه على العنوان بس :wub:

بس المهم تكون فيه حاجا تشدني وخلاص

سواء بالسلب او الأيجاب

يعني سواء نرفزتني او بسطتني

وعجبييييييييييييييي :closedeyes:

حمد لله على السلامة ، وأدعو الله لك بالشفاء العاجل، وربنا يسلم لك الوالد وزوجك الفاضل ...

نورتي الموضوع، لأول مرة نلتقي في موضوع، وأوافقك الرأي في أن العنوان عامل مؤثر جداً، وإن كان أحياناً يكون العنوان خادعاً ، وعندها نصاب بإحباط ..

على كل حال .. شيء جميل أن نتعرف على كيفية انتقائنا للموضوعات ...

تحياتي :P

[sendrella119]

هههههههههههههههه ده مش انا لوحدي اللي باشتكي من مضيفات مصر للطيران

ده انا مرة باخبط علي كتف واحدة منهم علشان اسألها ......

بصت لي حتة دين بصة. :ph34r: ......مش عارفه ايه واتوصي. :blink: .!!!!

لولا ان احنا كنا في طيارة .....كنت حاسة انها حتشيلني كده زي افلام الكارتون ......وتخرم بيه زجاج الطيارة...يلا

لا بجد فعلا فعلا الخدمة في مصر للطيران وحشة جدا ....مع اني اعرف انها دايما مفضلة ..لركاب كتير بسبب كفاءة طيارينها

بالنسبة لاختيار المواضيع ......انا لسة جديدة .......الباب اللي بالاقية مفتوح بادخل ...وأقرأ :blink: ..علي طول