الغواص التجارى

[الاسكندرنى]

السلام عليكم

اولا مجموعه صور لى كغواص ترويحى المكان ( البلو هول *** دهب ***)

ثانيا صوره لى قبل الغوص بثوانى و القفص(الاسانسير ) اللى انا فيه ده اداة للنزول للعمق المطلوب و بسرعه معقوله حيث وزنى بكامل معداتى يصل اكثر من ثلاثين كيلو جرام ( يعنى من غير القفص ده هبقى زى الطوبه المحدوفه فى الماء ) وده خطر على الغواص الغوص بسرعه كبيره وكمان مساعد فى اوقات الازمات بمعنى زى ما انتوا شيفين فى انابيب هواءعلى الجانبين فى حاله انقطاع الهواء من السطح بنستخدم الاسطونات ديه

ثالثا الصوره ديه بقه بعد طلوعى من القفص وهنا عملى كان انشاء خط انابيب بترول

رابعا اترككم مع باقى الصور

والصوره اللى جايه ديه اصعب اصعب انواع الغوص و يسمى الغوص التشبعى عملتها مرتين لحد دلوقتى فى حياتى

تم تعديل 25 مارس 2006 بواسطة الاسكندرنى

[Hammer]

شغلانه صعبه و دقيقه و الغشوميه فيها بعطل مستديم

و هناك شركات محدوده في مصر تقدم هذه الخدمه , نظراً لحجم الخبرة الطويلة و ال Approvals و ال certificates الكثيرة المطلوبين ...

بس بتاخدوا فلوسسسسس ..

يا نهار أبيض علي كم الفلوس اللي بتكسبوه يا جدع ....

كل دي فلوس ..

يا ساتر علي الفلوس اللي بتكسبوها ....

ماشيه معاك يابا ... أيوة يا عم <_< :sad:

خد بالك بقي كويس المرة الجايه و إنت بتغطس :sad:

تم تعديل 25 مارس 2006 بواسطة Hammer

[الاسكندرنى]

بسم الله الرحمن الرحيم

قل اعوذ رب الفلق من شر ما خلق و من شر النفثت فى العقد ومن شر حاسدا اذا حسد

صدق الله العظيم

وا ما بنعمه ربك فحدث

ايه يا عم هامر انت علشان اسمك كده نزلت دق على نفوخى كده علطول :sad:

عموما الحمد لله ياسيدى واشكر ربى واحمده الف مرة :sad:

ولو عاوز ياعم الفلوس ديه تعال و انا تحت امرك اعلمك و تشتغل برده و تعبى من الفلوس ديه برده <_<

[White heart]

عزيزى الاسكندرانى بجد صور جميلة جدا .... الله ينور عليك و يحفظك،

شوف يا سيدى انا بطبيعتى ميال للتعلم و الإستفادة باى معلومة و فى أى مجال تقريبا و فى أى وقت ..... فمعلش استحمل أسئلة تلميذ لقى كنز معلومات جديدة <_<

نبتدى بأول سؤال:

صور البلو هول جميلة جدا، لكن طول عمري أشوف الغواصين بيحطوا اسطوانة الأوكسوجين على ضهرهم:

1- يا ترى الإسطوانات دى ليها سعات مختلفة و الا هى سعة واحدة؟ ما وزنها تقريبا مملؤة و فارغة؟ كم من الوقت يستطيع البالغ البقاء بمساعدتها تحت الماء - هلى يلعب العمق الذى نغطس اليه أى عامل فى سرعة أو بطء نفاذ تلك الإسطوانة؟

2- فى الصور المرفقة ( الخاصة بالبلو هول ) أراك ممسكا بإسطوانه - هل هى إسطوانة أزكسوجين ام ماذا؟ و ماذا اذا يوجد على ظهرك؟

أشكرك مقدما....

[الرافعي]

السلام عليكم

اولا مجموعه صور لى كغواص ترويحى المكان ( البلو هول *** دهب ***)

ثانيا صوره لى قبل الغوص بثوانى و القفص(الاسانسير ) اللى انا فيه ده اداة للنزول للعمق المطلوب و بسرعه معقوله حيث وزنى بكامل معداتى يصل اكثر من ثلاثين كيلو جرام ( يعنى من غير القفص ده هبقى زى الطوبه المحدوفه فى الماء ) وده خطر على الغواص الغوص بسرعه كبيره وكمان مساعد فى اوقات الازمات بمعنى زى ما انتوا شيفين فى انابيب هواءعلى الجانبين فى حاله انقطاع الهواء من السطح بنستخدم الاسطونات ديه

ثالثا الصوره ديه بقه بعد طلوعى من القفص وهنا عملى كان انشاء خط انابيب بترول

رابعا اترككم مع باقى الصور

والصوره اللى جايه ديه اصعب اصعب انواع الغوص و يسمى الغوص التشبعى عملتها مرتين لحد دلوقتى فى حياتى

بجد ومش باهزر ...

ربنا يستر عليك، ويحفظك، لأني أتصور أن هذا العمل محفوف بمخاطر كثيرة..

الله يحفظك، يا أبا خطيبة ابني

[Hammer]

بسم الله الرحمن الرحيم

قل اعوذ رب الفلق من شر ما خلق و من شر النفثت فى العقد ومن شر حاسدا اذا حسد

صدق الله العظيم

وا ما بنعمه ربك فحدث

ايه يا عم هامر انت علشان اسمك كده نزلت دق على نفوخى كده علطول :wub:

عموما الحمد لله ياسيدى واشكر ربى واحمده الف مرة :sad:

ولو عاوز ياعم الفلوس ديه تعال و انا تحت امرك اعلمك و تشتغل برده و تعبى من الفلوس ديه برده :sad:

أوبااااا ... إنت من اللي بيخافوا من الحسد ؟؟!! <_<

والله يا إسكندرني مش بأنق ولا حاجه و ربنا يبارك لك و يعينك و يسلمك طريقك تحت الميه .

أصل أنا ليا سابقه مع شركه إيطالي متخصصه أكيد إنت عارفها , إتزنقنلها في under water repair , و يا لهول العرض اللي قدمته للعمليه .

جات لي صدمه وقتها عصبيه من الرقم , بس ما كانش باليد حيله .

[الاسكندرنى]

السلام عليكم اخوانى

اشكركم على دعائكم ولكم مثلها واكثر و يحفظكم يارب

ويت هارد

انا تحت امر سياتك

اولا الاسطونات

الاسطونات لها سعات مختلفه اولا السعه عباره عن السعه اللتريه للسطوانه اذا ملئت بالماء

و منها 6 ليتر ***** 10 ليتر ******* 12 ليتر ( وهى اشهر الاحجام ) **** 15 ليتر ***18 ليتر ( وهذا النوع مشهور ايضا ولكن فى مجال الغوص التجارى )

اوزان الاسطوانات

الاسطوانات تصنع من عدة خامات منها اسطوانات الالمونيوم و منها اسطونات الحديد و منها الاستلستين و منها و احدثهم و تسمى الكربونيه

فى كل الاحوال يختلف وزن الاسطوانه نظرا لختلف كثافه المعدن ولكن من المككن ان نقول لا يتعدى وزن الاسطوانه مملؤة عن 8 كيلو او 10 كيلو على الاكثر

الوقت الازم لستهلاك الاسطوانه اثناء الغوص

يختلف الوقت من شخص لاخر و يوجد عوامل كثير تواثر على الوقت منها

العمق و درجه حرارة الماء و الحاله النفسيه للغواص و البناء الجسمنى للغواص و الاحتراف

وهنا اتعرض لشرح اهم اجزاء الغوص النظريه

العمق يتواجد عنه ضغط و الضغط يوثر على حجم الهواء الموجود داخل الاسطوانه فعلاقه طرديا بين العمق و الضغط اى كلما زاد العمق زاد الضغط اما عن العلاقه بين الضغط و الحجم فهى عكسيه بمعنى كلما زاد الضغط قل الحجم ( و توجد قوانين تحكم هذا الكلام و منها قانوت شارلى و نيوتن وباول و القانون العام للغازات )

درجه حراره الماء كلما كان الماء بردا كلما شعرت ببروده تجعل الغواص يستنشق الهواء اكثر و اكتر

الحاله النفسيه واقصد منها الحوف و الغضب فهى نفس الحاله على السطح اذا شعر الانسان بالخوف او الغضب كلما زاد استهلاكه للهواء

البناء الجسمنى بمعنى الغواص القوى جسمانيا يستهلك هواء اكثر من الغواص الضعيف وذلك لبذله مجهود اكبر للحركه

الاحتراف كلما كان الغواص محترف كلما عرف يقلل من استهلاكه

ثانيا

من الخطاء الشائع ان نقول اسطوانه اوكسوحين بل انها اسطوانه مملوء بهواء جوى عادى جدا كالذى تتنفسه انت الان وليست مملوء باوكسجين كما فى المستشفيات

و ردا على سوالك الثانى اقولك يا سيدى ده نوع من الغوص يسمى النيتروكس يعنى

انا مثلا لبس جهاز مغلق للغوص و هو اللى على ظهرى وبه غازات اخرى ليست كا الهواء انما هو مخلوط غازى بين الهيدروجين و الاكسجين و الغازات الخامله

و تتحدد نسب الغازات المكونه للمخلوط حسب العمق المطلوب الغوص له

والاسطوانه الاخرى التى احملها فهى اسطوانه لتكميل الغوص حيث و جودى على عمق 85 متر فى البلوهول يطالبنى بعمل مايسمى محطات لتقليل الضغط فاستخدم تلك الاسطوانه للتنفس اثناء صعودى للسطح

و سوف اتابع هذا الموضوع بشرح اخر وفى لكل معلومات الغوص او بمعنى اخر سوف اشرح نظريا ما هو الغوص

[nancy]

الصور حلوة وواضحة جدا والمعلومات جديدة عليا رغم انى اسكندرنية بس معرفهاش

وبالنسبة للبس هو مش فية بدل اخف من كدة ولا عشان نوعية الاعماق الى بتنزلها

بس عموما دى من الاعمال المميزة والى بيعمل فيها قلة من الناس

فربنا يحفظك وتبقى متميزا

[sendrella119]

ربنا يحفظك ...ويحميك وخلي بالك من "الحفاليت" :wub:

بسم الله الرحمن الرحيم