حوار حول مؤتمر الأزهر لتجديد الخطاب الديني .......

[tarek hassan]

منذ ساعة, MZohairy said:

على فكرة يا شيخ طارق.........

اغلب شيوخ الازهر اللي طلعوا يهاجموا عبد الله رشدي علشان نوه ان مجدي يعقوب في النار.....مؤمنين تمام الايمان ان مجدي يعقوب في النار  بس الظروف اقوى من انهم يعلنوا ده

و الحقيقة ان قساوسة ورجال دين مسيحي كتير قالوا نفس الكلام...وهو  ان غير المؤمن بعقيدة المسيحيين مصيره سيئ في السماء سواء في بحيرة كبريت او عدم الحصول على مكافآت الرب

الفرق بيننا وبينهم ان شيوخنا بيقولوها علنا و جهرا بحكم كونهم اغلبية...

و المسيحيين فيه منهم اللي بيقولها في الكنيسة وفيه منهم اللي مؤمن بيها في قلبه فقط

والحقيقة درجات الرقي الفكري منقسمة الى  4 درجات

اولهم واسوأهم واحطهم وادناهم....... هو انك تعلن قناعاتك المكفرة والمبشرة لابن بلدك بنار السماء.....

يليه..... ان تعلن قناعاتك  في المجالس الدينية و دور العبادة

ثالثهم....ان تجعل قناعاتك خاصة بك فقط

ورابعهم وارقاهم واسماهم ......ان تعتقد ان ربك رب الجميع ويحاسب الجميع حسب اعمالهم وقناعاتهم....وتتمنى للكل الخير

الخطاب الديني لم يتم تجديده......بل تم اخفاء بعض سطوره في مكان امين بعيدا عن الالسن والتصريحات

أعلم عقيدة الازهرية ولم أر الا الظاهر المسيحي فقط ...  العلاقة لابد وأن يكون لها قرار والا ستنهار عند اول هزة .. لا أخفيك يا استاذ زهيري ان الأزهر اطلق مبادرات جيدة ومنها بيت العيلة واخ ثان رابط انساني ...  معظم هذه الأمور جيدة ولكن هل تعطي الشريكين عقيدة يثبتان بها امام الفتن ... اتمنى

ممكن يجبر الانسان على تكلف أمر ومع مضي الأيام يصبح طبعا فيه .....لو احنا واقفين نمثل الحب والود والقسط والرحمة ... ممكن يبقى واقع لنا فيما بعد ..... و التلاميذ الصغار هيتعلموا من الظاهر  بتاعنا كل هذه الأمور 

كان الأمر صعب جدا وفيه معارضة شديدة لكني وصلت لنتيجة كويسة جدا في التقارب الإنساني في تجربتي في التعليم الابتدائي وسيرت رحلات مشتركة للعاصمة الجديدة والمسجد والكاتدرائية وكذلك زيارات هنا وهناك ولقاءات ... 

اذا لم نصل لعدم التكفير فلنصل لترك الحساب على الله أو لنصل لحرية العقيدة أو حتى لما قيل لمشتركي مكة عبدة الأصنام لكم دينكم ولي دين 

مفيش يأس .. لا الوم الجانب المسيحي ....  المفروض الجانب الإسلامي هو اللي يقدم مبادرات لأسباب كتيرة جدا .... ولأن الأمور  واضحة عنده .... ولأنه غالبية ..... لا تطلب منهم شيئ ....

تعرف يا استاذ زهيري ... انا بسأل واحد ليه بتكفر المسيحي وما دليلك ؟ قال ... لن ترضى عنك اليهود ولا النصارى حتى تتبع ملتهم .... قلت له : لأنه بيحب دينه حبا عظيما .... وانت كمان بتحب دينك حبا عظيما ولن ترضى عنه حتى يكون معك فيه .... انا انظر لنفسي اولا 

المهمة الوقتي اسهل من قبل  .... والله أمور كتير اتغيرت ... ومفيش مجهود بيضيع ... والتجديد جاي جاي.... والسطور  المخفية إنجاز 

تحياتي