الشيخ طارق ...المشرف الأزهري المستنير

[MZohairy]

اشترك الشيخ طارق في محاورات المصريين منذ قرابة 12 عاما (تقريبا)

و كان يختلف تماما عن الشيخ طارق الحالي تماما.....رغم صفاء نيته وتدينه في الحالتين

لذلك اسمحولي اسميه طارق الأول وطارق الثاني (زي الخليفة يزيد الأول و يزيد الثاني كده)   

الشيخ طارق الاول دخل لقى ناس ومنهم انا طبعا .....بتقول كلام جديد غريب عليه و مخالف لما درسه و ورثه

فأصبحت خصمه اللدود....ربما لم يكفرني مثل بعضهم....لكننا اصبحنا خصوم بلا شك

 

تمر الاعوام  و يصبح من متابعيني على الفيسبوك......فقرأ ما اكتب بشكل اكبر و اعمق.....واستبعد الافكار الاولى المنتفخة بسوء الظن.... و استبعد فكرة ان اكون راغب في هدم الدين و ما شابه....و فكر....فقط فكر

و اصبح بكل صدق من اعز الناس الى قلبي

نموذج لإنسان متدين و دارس و مستخدم لعقله في نفس الوقت

لم يعتبر ما درسه من نصوص بشرية نصا الهيا غير قابلا للنقد......استخدم عقله فقط ...فأصبح الشيخ طارق الثاني

 

لم يتغير بأن شرب الخمر او اكل الخنزير او حلل حراما او حرم حلالا....فقط ثار على نصوص بشرية اعتبرها عوام المسلمون من صميم الدين.............فناله ما نالنا من هجوم ومقاطعة وربما تكفير (الله اعلم) من اصحاب النقل بلا عقل والحفظ بلا فهم

 

تحية عطرة من صميم القلب لشيخ ازهري جليل مفكر مستنير

[tarek hassan]

4 ساعات مضت, MZohairy said:

اشترك الشيخ طارق في محاورات المصريين منذ قرابة 12 عاما (تقريبا)

و كان يختلف تماما عن الشيخ طارق الحالي تماما.....رغم صفاء نيته وتدينه في الحالتين

لذلك اسمحولي اسميه طارق الأول وطارق الثاني (زي الخليفة يزيد الأول و يزيد الثاني كده)   

الشيخ طارق الاول دخل لقى ناس ومنهم انا طبعا .....بتقول كلام جديد غريب عليه و مخالف لما درسه و ورثه

فأصبحت خصمه اللدود....ربما لم يكفرني مثل بعضهم....لكننا اصبحنا خصوم بلا شك

تمر الاعوام  و يصبح من متابعيني على الفيسبوك......فقرأ ما اكتب بشكل اكبر و اعمق.....واستبعد الافكار الاولى المنتفخة بسوء الظن.... و استبعد فكرة ان اكون راغب في هدم الدين و ما شابه....و فكر....فقط فكر

و اصبح بكل صدق من اعز الناس الى قلبي

نموذج لإنسان متدين و دارس و مستخدم لعقله في نفس الوقت

لم يعتبر ما درسه من نصوص بشرية نصا الهيا غير قابلا للنقد......استخدم عقله فقط ...فأصبح الشيخ طارق الثاني

لم يتغير بأن شرب الخمر او اكل الخنزير او حلل حراما او حرم حلالا....فقط ثار على نصوص بشرية اعتبرها عوام المسلمون من صميم الدين.............فناله ما نالنا من هجوم ومقاطعة وربما تكفير (الله اعلم) من اصحاب النقل بلا عقل والحفظ بلا فهم

تحية عطرة من صميم القلب لشيخ ازهري جليل مفكر مستنير

شرف كبير لي يا استاذ ... محمد زهيري 

ان خصصتني بموضوعك الجميل وكلماتك الطيبة الصادقة التي لا استحقها ولكنها من كرم اخلاقك وشخصك الرائع

اللي انا فهمته صح بعد سنوات من النقاش والجدال الذي أتذكر اننا تحاورنا شهر رمضان بالكامل في موضوع واحد  ... الأستاذ محمد زهيري انسان فيه كل الصفات الطيبة ....  الدين والأخلاق وخفة الدم والثقافة والفن والأصل الطيب والعائلة وحب الناس .....

نعم أتذكر الكثير الذي تعلمته منك ومن أفاضل كرام 

ان لا مسلمات الا الثوابت وكل شيئ خاصع للمناقشة والحوار وأعمال العقل

واللي كنا نقبله كرها على اساس انه دين ممكن عادي نرفضه من غير حرج ولا تعب ولا حرام

كان غريبا علي اني اطرح سنين كتيرة ومجهود في قراءة وحفظ اشياء ليس لها أي فائدة ... وتجميع ارفف من الكتب 

ما يجعلني استمر هنا أنني أشعر بأنني على دين لهذا المكان وأردت المساهمة بالقليل في رد الجميل 

اعذر الكثيرين من زملائي الذين لم تتيسر لهم البيئة التي يسرها اللي لي من مناقشات وحجج وبراهين وأدلة... فلم يتغيروا واستمروا في تقديس الغير مقدس وأخذ الدين من كتب ليست منه ولكنها مصادر أخرى غيره 

وانت ايضا استاذ زهيري من اعز الناس واتمنى ان اراك دائما على خير واشكرك على كرمك....

[فولان بن علان]

رغم اني اختلف معكما تقريبا في معظم ما تطرحونه

ولكن لا يمنع هذا من تحية الشيخ طارق المحترم

في انحناءة سريعة من الاستراحة

سؤال خبيث شوية مش محتاج جواب

 مين اللي نور مين؟

يارب ينور طريقنا على صراطه المستقيم الى جناته جنات النعيم

قال تعالى

فمن كان يرجو لقاء ربه فليعمل عملا صالحا ولا يشرك بعبادة ربه أحدا

ربنا يجمعنا على حوض النبي محمد صلى الله عليه وسلم

ويسقنا بيده الشريفة شربة هنيئة لانظمأ بعدها ابدا

[tarek hassan]

55 دقائق مضت, فولان بن علان said:

رغم اني اختلف معكما تقريبا في معظم ما تطرحونه

ولكن لا يمنع هذا من تحية الشيخ طارق المحترم

في انحناءة سريعة من الاستراحة

سؤال خبيث شوية مش محتاج جواب

 مين اللي نور مين؟

يارب ينور طريقنا على صراطه المستقيم الى جناته جنات النعيم

قال تعالى

فمن كان يرجو لقاء ربه فليعمل عملا صالحا ولا يشرك بعبادة ربه أحدا

ربنا يجمعنا على حوض النبي محمد صلى الله عليه وسلم

ويسقنا بيده الشريفة شربة هنيئة لانظمأ بعدها ابدا

اهلا استاذ ... فلان بن علان 

حمدا لله على العودة والإطلالة المباركة ونشكرك ونحييك على كلامك الطيب ونأمن على دعائك 

الفرق بين هنا والمواقع الاخرى ان هنا مفيش ... أؤيدك تماما ... اتفق معك كليا ... بوركت ... جوزيت خيرا .... وما شابه ..

هذا لا يضيف شيئ

وإنما اختلف معك ... ولي رأي آخر واضافة أخرى ... فكله فوائد 

اولا ... تضيف لي رأيا آخر في نفس المسألة وعقلا مضافا 

ثانيا ... تنبهني الى ما يمكن أن يكون موطنا للطعن في صحة كلامي فاستدرك

ثالثا ... دعوى لي للتفكير 

رابعا ... دعوة لي للبحث للرد

إذن كلمة انك تختلف معنا فمرحبا بذلك الاختلاف ... ولا يزالون مختلفين ... لكن نشكر لك احترامك ونقدرك بالتأكيد لأدب الاختلاف 

[MZohairy]

2 ساعات مضت, فولان بن علان said:

رغم اني اختلف معكما تقريبا في معظم ما تطرحونه

لا يفسد للود قضية

2 ساعات مضت, فولان بن علان said:

سؤال خبيث شوية مش محتاج جواب

 مين اللي نور مين؟

اكيد هو اللي نورني طبعا

2 ساعات مضت, فولان بن علان said:

يارب ينور طريقنا على صراطه المستقيم الى جناته جنات النعيم

قال تعالى

فمن كان يرجو لقاء ربه فليعمل عملا صالحا ولا يشرك بعبادة ربه أحدا

آمين يا رب

2 ساعات مضت, فولان بن علان said:

ربنا يجمعنا على حوض النبي محمد صلى الله عليه وسلم

ويسقنا بيده الشريفة شربة هنيئة لانظمأ بعدها ابدا

معلش سؤال رزل شويه   

ايه حوض النبي ده؟  و ايه مصدر قصته؟ 

و هل معقول النبي هيسقي ترليون ترليار مسلم دخل الجنة بإيده؟  قصة غير مقنعة الحقيقة

ربنا يجمعنا في جنته وخلاص 

[فولان بن علان]

54 دقائق مضت, MZohairy said:

 

معلش سؤال رزل شويه   

ايه حوض النبي ده؟  و ايه مصدر قصته؟ 

و هل معقول النبي هيسقي ترليون ترليار مسلم دخل الجنة بإيده؟  قصة غير مقنعة الحقيقة

ربنا يجمعنا في جنته وخلاص 

السؤال ده 

اسأله للشيخ طارق وهو هناك بيتأمل في صورة الكهف عن العلم الباطن 

اللي مش بيقاس بالعقل  زي العلم الظاهر

والآخرة مقاييسها ما تركبش على الدنيا دا عالم ودا عالم

مش ها اجاوبك طبعا بالاحاديث وندخل في نقاش علم الحديث والدين البشري والحدوتة دي

ممكن مرة تانية نعيد الكلام

لكن عودة الى الاستراحة لاني متعب بجد

سلام

 

[MZohairy]

5 دقائق مضت, فولان بن علان said:

السؤال ده 

اسأله للشيخ طارق وهو هناك بيتأمل في صورة الكهف عن العلم الباطن 

اللي مش بيقاس بالعقل  زي العلم الظاهر

لا انا للأسف مابصدقش كلام البشر عن الغيبيات ....بسمع كلامهم و اضحك بس 

5 دقائق مضت, فولان بن علان said:

لكن عودة الى الاستراحة لاني متعب بجد

سلام

ربنا مايتعبك ابدا و يخف عنك دوما

سلام

[أبو محمد]

19 ساعات مضت, فولان بن علان said:

لكن عودة الى الاستراحة لاني متعب بجد

ألف سلامة يا دكتور
متعبين أوى زوهيرى وطارق دول 

[MZohairy]

انا اغلب خلق الله والمصحف   

[أبو محمد]

34 دقائق مضت, MZohairy said:

انا اغلب خلق الله والمصحف   

[فولان بن علان]

2 ساعات مضت, أبو محمد said:

ألف سلامة يا دكتور
متعبين أوى زوهيرى وطارق دول 

الله يسلمك يافندم

لا يا فندم دول نسمة والله

انا تعبان من حاجة تانية خالص

اصل انا في سنة اولى في مصر بعد عشرين سنة غربة

وبا أبدأ كل حاجة من جديد

ان شاء الله احكي التجربة دي بعد الدنيا ما تستقر معايا

22 ساعات مضت, MZohairy said:

لا انا للأسف مابصدقش كلام البشر عن الغيبيات ....بسمع كلامهم و اضحك بس 

ربنا مايتعبك ابدا و يخف عنك دوما

سلام

الله يسلمك يا باشا

يعني انت بتضحك على كلام الشيخ طارق بتاع التفسير الباطني المستنير ده

انا بس باهدي النفوس مش اكتر يعني كده

ولو مش عايز يا باشا تشرب من حوض النبي براحتك

انا عايز وادعو الله ان انال هذا الشرف

قال تعالى

انا اعطيناك الكوثر

 

 

[MZohairy]

8 دقائق مضت, فولان بن علان said:

ولو مش عايز يا باشا تشرب من حوض النبي براحتك

انا بشرب بيرييه بس  

8 دقائق مضت, فولان بن علان said:

قال تعالى

انا اعطيناك الكوثر

وطبعا الكوثر ده اللي هو نهر في الجنة....وطبعا حضرتك متأكد من انه نهر في الجنة......رغم ان ربنا ماقالش كده!!

المهم انك انسان مهذب ومحترم....ده اللي يهمني

تحياتي

[فولان بن علان]

في ٢٧‏/٢‏/٢٠٢٠ at 21:59, tarek hassan said:

اهلا استاذ ... فلان بن علان 

حمدا لله على العودة والإطلالة المباركة ونشكرك ونحييك على كلامك الطيب ونأمن على دعائك 

الفرق بين هنا والمواقع الاخرى ان هنا مفيش ... أؤيدك تماما ... اتفق معك كليا ... بوركت ... جوزيت خيرا .... وما شابه ..

هذا لا يضيف شيئ

وإنما اختلف معك ... ولي رأي آخر واضافة أخرى ... فكله فوائد 

اولا ... تضيف لي رأيا آخر في نفس المسألة وعقلا مضافا 

ثانيا ... تنبهني الى ما يمكن أن يكون موطنا للطعن في صحة كلامي فاستدرك

ثالثا ... دعوى لي للتفكير 

رابعا ... دعوة لي للبحث للرد

إذن كلمة انك تختلف معنا فمرحبا بذلك الاختلاف ... ولا يزالون مختلفين ... لكن نشكر لك احترامك ونقدرك بالتأكيد لأدب الاختلاف 

الله يكرمك يا شيخ على الترحيب

هنا الليكات برضه شغالة مكان الكلام اللي بتقوله عن المواقع الاخرى

وبتأدي نفس الغرض

انت والفاضل زهيري والفاضل ابو محمد وساعات الاستاذ عادل كمان

وانا الغلبان يا ولداه في وسطكم وحيد اعاني من الغربة بعد الغربة

منديل يا فندم  امسح دموعي

[أبو محمد]

59 دقائق مضت, فولان بن علان said:

اصل انا في سنة اولى في مصر بعد عشرين سنة غربة

أهلا وسهلا .. نورت مصر 
على فكرة .. تجربتك اللى بتمر بيها متطابقة - تقريبا - مع تجربتى
20 سنة غربة .. قضيت بعدها أصعب سنتين - تقريبا - فى مصر للتأقلم 
مش عايز اقولك إنى فى الآخر زرت طبيب نفسانى .. أدينى ما قولتلكشى اهو 

[فولان بن علان]

17 دقائق مضت, أبو محمد said:

أهلا وسهلا .. نورت مصر 
على فكرة .. تجربتك اللى بتمر بيها متطابقة - تقريبا - مع تجربتى
20 سنة غربة .. قضيت بعدها أصعب سنتين - تقريبا - فى مصر للتأقلم 
مش عايز اقولك إنى فى الآخر زرت طبيب نفسانى .. أدينى ما قولتلكشى اهو 

التجربة في منتهى الصعوبة فعلا

ولولا انني كسرت التاشيرة ولم يعد بالامكان العودة للسعودية لكنت حملت حقيبتي ورجعت والحمد لله ان ذلك لم يحدث

كنت ادعو الله واسأل كل من حولي ان يدعو لي بالخروج من الحالة التي كنت فيها

بدأت الحمد لله حاليا في التجاوز

احمد الله انني رجعت واقفا على قدمي ولم ارجع محمولا في تابوت

وبدأت استأنف حياتي بعد فترة من التجمد في كل شئ

الحمدلله

شكرا يافندم

[tarek hassan]

6 ساعات مضت, فولان بن علان said:

يعني انت بتضحك على كلام الشيخ طارق بتاع التفسير الباطني المستنير ده

انا بس باهدي النفوس مش اكتر يعني كده

ولو مش عايز يا باشا تشرب من حوض النبي براحتك

انا عايز وادعو الله ان انال هذا الشرف

قال تعالى

انا اعطيناك الكوثر

تفسير باطني مرة واحدة ... على كده انا وصلت ..... لا الحكاية .... ان انا بقول فيه علم الظاهر .... وعلم الباطن ( اللدني ) الذي لا يتيسر لكل الناس والذي تم إعطاءه العبد الصالح ... 

اما الكوثر ... من المادة ( كثر ) والمعنى اللغوي (الخير الكثير) الذي تم اعطاؤه للرسول صلى الله عليه وسلم والمختار عندي انه وصف للقرآن الكريم .... وقال تعالى فصل لربك وانحر ... ولم يقل ..... فاشرب 

والله أعلم

تحياتي

[فولان بن علان]

2 ساعات مضت, tarek hassan said:

تفسير باطني مرة واحدة ... على كده انا وصلت ..... لا الحكاية .... ان انا بقول فيه علم الظاهر .... وعلم الباطن ( اللدني ) الذي لا يتيسر لكل الناس والذي تم إعطاءه العبد الصالح ... 

اما الكوثر ... من المادة ( كثر ) والمعنى اللغوي (الخير الكثير) الذي تم اعطاؤه للرسول صلى الله عليه وسلم والمختار عندي انه وصف للقرآن الكريم .... وقال تعالى فصل لربك وانحر ... ولم يقل ..... فاشرب 

والله أعلم

تحياتي

مش هو العلم الباطني اللدني الذي لا يتيسر لكل الناس لا يمكن قياسه ولا التعرف عليه بالعقل

مش هو ده يا مولانا 

هو حلال عليك الغاء العقل وحرام على غيرك

اما الكوثر الخير الكثير مش ضد الحوض لانه من الخير الكثير

واذا كان المقصود به القرآن الكريم  فما مناسبة فانحر هنا هل المقصود نحر القرآن

الخير الكثير الذي منه كذا وكذا ومنه الانعام......فصلي العيد  وانحر الاضحية

 

 

 

8 ساعات مضت, أبو محمد said:

على فكرة .. تجربتك اللى بتمر بيها متطابقة - تقريبا - مع تجربتى
20 سنة غربة .. قضيت بعدها أصعب سنتين - تقريبا - فى مصر للتأقلم 

بما ان تجربة حضرتك اسبق والحمد لله مرت عليك واصبحت ماضي ولم تستوقفك

يبقى حضرتك تفتح لنا موضوع تحكي فيه عن التجربة كلها وكيفية الخروج منها

من طقطق لسلامو عليكم بالتفصيل

عايزين نستفيد من حكمة حضرتك في تجاوزها

[tarek hassan]

6 ساعات مضت, فولان بن علان said:

مش هو العلم الباطني اللدني الذي لا يتيسر لكل الناس لا يمكن قياسه ولا التعرف عليه بالعقل

مش هو ده يا مولانا 

هو حلال عليك الغاء العقل وحرام على غيرك

اما الكوثر الخير الكثير مش ضد الحوض لانه من الخير الكثير

واذا كان المقصود به القرآن الكريم  فما مناسبة فانحر هنا هل المقصود نحر القرآن

الخير الكثيرالذي منه كذا وكذا ومنه الانعام......فصلي العيد  وانحر الاضحية

لا تقدر بالعقل توصل لرؤية ما يحدث في الزمان المستقبل .... ومعرفة ما يكون من أمر الغلام 

احنا لنا عقل يدرك العلم الظاهر المتوقف على الأسباب الظاهرة وفيه زمان ماضي وحاضر ومستقبل  

لكن العلم الباطن اللدني غير متوقف على الأسباب ولا يدركه العقل لأنه علم كن فيكون وليس مرتبطا بزمان لان الوجود فيه صفحة واحدة وما يحدث في الزمن المستقبل هو موجود في علم الله

ثم فصل لربك وانحر .... ليس معناها كما ذكرت حضرتك الصلاة بمعناها الدارج ولا علاقة للفعل فصل هنا في هذا الموضع بصلاة العيد .... فهناك مواضع يفسر فيها الفعل صلى بالصلة وليس بالصلاة ... اسمع الدكتور محمد شحرور رحمه الله

لان الصلاة لم تكن فرضت بعد .... والتفسير بصلاة العيد وهي سنة بالفعل فصل يجعل صلاة العيد واجبة 

[أبو محمد]

8 ساعات مضت, فولان بن علان said:

بما ان تجربة حضرتك اسبق والحمد لله مرت عليك واصبحت ماضي ولم تستوقفك

يبقى حضرتك تفتح لنا موضوع تحكي فيه عن التجربة كلها وكيفية الخروج منها

من طقطق لسلامو عليكم بالتفصيل

عايزين نستفيد من حكمة حضرتك في تجاوزها

أعتقد إنى كتبت موضوعا عن هذه التجربة 
سأبحث عنه وارفعه بإذن الله 
المهم ، وما أتذكره من هذه التجربة هو أننى وجدت نفسى فى بلد غير التى تركتها منذ 20 سنة
ورأيت ممارسات فى الأماكن العامة (وحتى فى الخاصة) لم تكن موجودة .. ضاق صدرى بها 
وبدأت تظهر على علامات العصبية أو النرفزة لأشياء كان يعتبرها من حولى أنها (عادى) 
و (عادى) دى كانت من أكثر الكلمات التى تستفزنى
ووصل بى الأمر أننى بدأت فى التقوقع واختلاق الأعذار حتى أظل أطول وقت ممكن "مع نفسى" 
باختصار دخلت فى دور اكتئاب 
وعندما قابلت الطبيب النفسى أخبرنى بأن أغلب زواره من العائدين من الخارج مروا بهذه المرحلة
وقال لى أنه لا يلزمنى دواء .. ولكنه أعطانى دواء قال عنه إنه "خفيف جدا" لتحسين المزاج (عند اللزوم)
وأخبرنى باننى يجب أن أبحث عن ما يشغلنى ويستحسن أن يكون عملا (حتى وأنا فى سن المعاش)
وهذا هو ما حدث فعلا .. بحثت عن عمل .. و .. إشتغلت .. وانشغلت 
وبعدين واحدة واحدة تأقلمت .. بعد أن أقنعت نفسى بأننى فى مجتمع جديد غير الذى تركته
وأننى ما كنت سأشعر بهذا التغيير لولا أنى ابتعدت لمدة 20 سنة
(يعنى فوجئت بالتغيير بدلا من المرور به بالتدريج) 
أسأل الله لك سرعة التأقلم مع مجتمعك الجديد الذى ستكتشف أنه غير ما تركته من 20 سنة
وغير الذى كنت تراه فى الأجازات 
دعواتى إلى الله أن يعينك على أن تخرج (بسرعة)  من هذه الحالة المؤقتة (المعتادة) 

[فولان بن علان]

في ٢٩‏/٢‏/٢٠٢٠ at 17:53, أبو محمد said:

أعتقد إنى كتبت موضوعا عن هذه التجربة 
سأبحث عنه وارفعه بإذن الله 
المهم ، وما أتذكره من هذه التجربة هو أننى وجدت نفسى فى بلد غير التى تركتها منذ 20 سنة
ورأيت ممارسات فى الأماكن العامة (وحتى فى الخاصة) لم تكن موجودة .. ضاق صدرى بها 
وبدأت تظهر على علامات العصبية أو النرفزة لأشياء كان يعتبرها من حولى أنها (عادى) 
و (عادى) دى كانت من أكثر الكلمات التى تستفزنى
ووصل بى الأمر أننى بدأت فى التقوقع واختلاق الأعذار حتى أظل أطول وقت ممكن "مع نفسى" 
باختصار دخلت فى دور اكتئاب 
وعندما قابلت الطبيب النفسى أخبرنى بأن أغلب زواره من العائدين من الخارج مروا بهذه المرحلة
وقال لى أنه لا يلزمنى دواء .. ولكنه أعطانى دواء قال عنه إنه "خفيف جدا" لتحسين المزاج (عند اللزوم)
وأخبرنى باننى يجب أن أبحث عن ما يشغلنى ويستحسن أن يكون عملا (حتى وأنا فى سن المعاش)
وهذا هو ما حدث فعلا .. بحثت عن عمل .. و .. إشتغلت .. وانشغلت 
وبعدين واحدة واحدة تأقلمت .. بعد أن أقنعت نفسى بأننى فى مجتمع جديد غير الذى تركته
وأننى ما كنت سأشعر بهذا التغيير لولا أنى ابتعدت لمدة 20 سنة
(يعنى فوجئت بالتغيير بدلا من المرور به بالتدريج) 
أسأل الله لك سرعة التأقلم مع مجتمعك الجديد الذى ستكتشف أنه غير ما تركته من 20 سنة
وغير الذى كنت تراه فى الأجازات 
دعواتى إلى الله أن يعينك على أن تخرج (بسرعة)  من هذه الحالة المؤقتة (المعتادة) 

شكرا يا فندم على الكلام المشجع الجميل

مما زاد في الاحساس بالمشكلة هو بيئة العمل نفسها

استلمت عملي الحكومي

معاملة الزملاء القدامى الذين اصبحوا مديرين ورؤساء اقسام

النظرة للعائد من الخارج .....هو لسه عايز ايه ؟...

والسؤال الازمة...انت ايه اللي رجعك؟....هو فيه حد يرجع في الظروف دي؟

وحكاية ان فيه اجيال جديدة كثيرة لا تعرف جنابك حتى العمال وموظفين الامن

والسؤال الرزل انت رايح فين يا استاذ

تبدأ ترد وانت متأزم انا هنا باشتغل هنا

وفنيات العمل وروتينه وكيفية التسلسل في انجازه

بالنسبة لك كواحد قديم وجديد في نفس الوقت ومطلوب منك تنجز

والأسئلة منك كتيرة ومش دايما الردود وافية على أساس مفروض انك عارف

وانت مش عارف اي حاجة في اي حاجة

الدفتر والتوقيع اهم حاجة 

والجهات الرقابية الكتيرة ومفروض تكون متواجد باستمرار وليس لك مكان في نفس الوقت

بعد شهرين كتبت طلب المعاش المبكر وذهبت للموظفة المسئولة

واتصلت بزوجتي اسألها اقدمه ولا لأ ؟نصحتني بالتريث.

وبعدها قدمت في القومسيون الطبي للحصول على تقرير يعفيني من شغل الطوارئ وحصلت عليه

في حالة من عدم الرضى من كل شئ حولك..لا الراحة مرضية ولا الشغل الغير آدمي مرضي

في العيادة الحكومية مستحيل بالمنطق تكشف على 100 مريض في ساعتين لكن لازم تعمل كده

ومش عاجبهم العلاج ومش عاجبهم الخدمة وانت بالنسبة لهم وجه الحكومة المقصر والحلقة الأضعف ومالكش دية كما يقال معرض لكل شئ

الملاحظ نسبة الادمان اصبحت عالية جدا والادب والاخلاق ده كان ماضي جميل لم يتبقى منه الا القليل

وكل ده على دماغك 

والوزارة بتفرمك ودايما بتهددك بالجزاءات والخصم والنقل لبعيييييد

مفيش دوا وممنوع تكتب للمريض من بره والمريض لا يتحسن والغلب راكب بعضه وانت في النص

حل يا عم المشكلة الي مش بتتحل دي

حتى مستلزمات العمليات احيانا كتيرة تكون ناقصة

الان رجعت لشغل الطوارئ برغبتي رغم التقرير الطبي وبدأت اتعود على الروتين والورقيات والتقارير والذي منه

وبدأت امسك طرف حبل التواصل مع عموم الناس والاقارب

وبدأت في التفكير والتجهيز للعيادة الخاصة

والحمدلله بدأت البلادة تجيب مغعولها معاية

مع الحرص على قدر الامكان على مصلحة المريض

يا إما كده يا إما تموت من الكمد

ورغم كل القصور في الامداد الطبي فيه خدمة عالية جدا تقدم في المستشفيات الحكومية وخاصة ما يسمى العلاج على نفقة الدولة

فيه مرضى بيعملوا عمليات مفاصل صناعية كاملة مجانا تماما تكلف في الخاص اكثر من 50 الف

بس المريض يصبر على دوره ويصبر على الروتين

 

تم تعديل 2 مارس 2020 بواسطة فولان بن علان