جواز المسيار ... تاني ؟؟؟؟؟؟؟؟؟؟

[الرافعي]

فاكرين برنامج إلى ربات البيوت الذي كان يذاع حوالي الساعة التاسعة صباحاً .. فاكرين يوميات عيلة مرزوق ؟؟؟ فاكرين ملك الجمل لما كانت تقول في الآخر ((يا عيني علييييييييييييه)

أصبحت أقولها وأرددها كثيراً .. منه لله اللي قرأ مداخلاتي في موضوع جواز المسيار ، وراح متكرم وحاطط إسمي وإيميلي في أي مصيبة ... زواج المسيار

المهم يا حضرات المحترمين والمحترمات ... أجد اليوم دعوات تأتيني من أشخاص من السعودية بالإيميل ... من العينة التالية :

صباح الخير ... أنا فلان 33 سنة من جدة ... إنا أرغب في الزواج بالمسيار .. إن كنتي ترغبين في زواج المسيار، الرجاء مراسلتي على الإيميل التالي ... كذا كذا ؟؟؟

أنا فلان ... مش عارف إيه ... إن كنتي ترغبين في ..... إلى آخر الاسطوانة ....

طيب وبعدين في البهدلة دي بقى ؟؟؟

الكارثة بقى إن جاءت رسالة من واحدة، برضه من السعودية ...طبعاً أنا لست متأكداً إن كانت واحدة أم واحد بيهزر (بيشتغلني يعني) ... وفيها دعوة للصداقة ؟؟؟

طيب أنا عمري ما كتبت في أي مواقع أخرى، ولا حتى دافعت عن الموضوع المهبب ده ؟؟؟ <_<

طيب يرضيكم اللخبطة الحاصلة من الشباب المقبل على الحياة الراغب في الزواج مني بالمسيار ؟؟؟

طيب يرضيكم البهدلة اللي هانشوفها من الحاجة أم يوسف على آخر العمر، لما تشوف دعوة الصداقة (البريئة) التي أرسلتها الفتاة المزعومة ؟؟؟

طيب من ابن الحلال اللي عمل في المقلب ده ؟؟؟

صحيح إن إميلي سرق من مدة، والظاهر إن حد سجل به في أماكن غريبة شوية ... لكن نغيره إزاي وندخل في دوامة ، وروح مجمع التحرير وروح يا نوفمبر وتعالى يا نوفمبر، وهات شهادة من اتنين موظفيه لا يقل مرتب كل واحد منهما عن 50 جنيه مصري وديل جدي يتيم وقرن معزة عزباء إلى آخر تلك الطلبات...مع ختم النسر باللون الأحمر (الأزرق ما ينفعش)

واحتمال طلب شهادة ميلاد الوالدة ،،، وندخل في دوامة مراسلة كل أعضاء المحاورات، وإعلانات على يد محضر بقى ، دوامة ؟؟؟

نفسي أعرف من صاحب المقلب الهايل ده :sad:

الله يهده زي ما هد السلم .. لملم ... لملم

نداء إلى الأستاذ الكبير الأفوكاتو

بصفة حضرتك تعيش في بريطانيا، وحيث إني لا أقدر على تكاليف استئجار مخبر سري في براعة شرلوك هولمز ... فيعني ممكن تساعدني وتأجر لي مستر واطسون، المساعد بتاعه ؟؟؟

تم تعديل 26 مارس 2006 بواسطة حلاوة العنتبلي

[لخبطه]

وعزة جلالة الله موش انا

عمال تلمح ياعم حلاوة وتقول وترمي كلام وانا بقولها صريحه أهوه مش انا ولو انا هقول مش هخاف غير كدا تقريبا الموضوع دا اضيف وانا لسه مش هنا

بس ظريفه والله موتني من الضحك على العيال اللى واقعه في حبك <_< :sad: :sad: :wub: B)

[الرافعي]

وعزة جلالة الله موش انا

عمال تلمح ياعم حلاوة وتقول وترمي كلام وانا بقولها صريحه أهوه مش انا ولو انا هقول مش هخاف غير كدا تقريبا الموضوع دا اضيف وانا لسه مش هنا

بس ظريفه والله موتني من الضحك على العيال اللى واقعه في حبك :sad: :wub: B) :P :D

يعني علشان قلنا (( يرضيكم اللخبطة)) يبقى بالمح عليك يا عم لخبطة ... طب ما أنا قلت في السطر اللي بعدها ... يرضيكم البهدلة ((معناها إني بالمح على الزميل "بهدلة")) :o طيب ما هو مفيش عضو إسمه بهدلة ...

بعدين حكاية معجبين ومعجبات ..... طبيعي ... كل الكتاب الألمعيين لازم لهم معجبين :o

فيه عندنا مثل .. بيقول اللي ما يعرفش يقول عدس .. صح ... أمال لو شافوا الحقيقة ..... :sad:

الضبـــــــــــــــــــــــــــــاب <_<

إرجع لموضوع حفلة الأعضاء الجدد، وانت تعرف وصف المعلم حلاوة العنتبلي ... مع زيادة بعض السنتيمترات المكعبة في كل اتجاه، والكرافتة الخضرا مع البدلة المخططة أبيض في أسود بالطول ... :D يا حفيظ

تم تعديل 26 مارس 2006 بواسطة حلاوة العنتبلي

[الأفوكاتو]

عزيزى الأخ حلاوة,

الموضوع لا يحتاج شرلوك هولمز أو مساعده دكتور واتسون.

إذا دخلت جوجل, و وضعت كلمة" حلاوة العنتيبلى, " ستجد عشرات المداخلات الخاصة بك و المنشورة فى المحاورات.

و الباقى لن يكون صعبا على من يمكنهم الحصول على بريدك الإلكترونى من مصدر الخدمة التى تتبعها.

هذه النصيحة تكلفك مبلع 200 جنيه إسترلينى , و قابلة للدفع فى حساب حملة مساعدة ضحايا الإنترنت.

تقبل تحياتى, و تعيش و تاخد غيرها

[الرافعي]

عزيزى الأخ حلاوة,

الموضوع لا يحتاج شرلوك هولمز أو مساعده دكتور واتسون.

إذا دخلت جوجل, و وضعت كلمة" حلاوة العنتيبلى, " ستجد عشرات المداخلات الخاصة بك و المنشورة فى المحاورات.

و الباقى لن يكون صعبا على من يمكنهم الحصول على بريدك الإلكترونى من مصدر الخدمة التى تتبعها.

هذه النصيحة تكلفك مبلع 200 جنيه إسترلينى , و قابلة للدفع فى حساب حملة مساعدة ضحايا الإنترنت.

تقبل تحياتى, و تعيش و تاخد غيرها

كلام جميل يا دكتور ... بس الراجل اللي طالب إيدي ده أقول له إيييييييييييييه ؟؟ :angry2:

[عصفور طاير]

أولا يا معلم حلاوة الراجل اللي طالب إيدك ده تقدر تقول له إن انت مرتبط واإديك مش فاضية وتخلع منه بصنعة لطافة بس من غير ما تجرحة الله يخليك، عشان جرح القلوب غالي كما قالت السيدة الفاضلة شيرين. :D

تاني حاجة يا عم حلاوة أنا بصفتي عصفور هالف وادور وأعرف لك مين اللي نشل الإيميل بتاعك، والخدمة دي من غير 200 استرليني ولا أي أي حاجة.. (200 استرليني يعني ييجي 2000 مصري.. وقال لضحايا الانترنت قال.. طب دول ضحايا العبارة ما خدهومش) -_-

المهم أنا مش هاخد في العملية دي غير 1500 جنيه مصري، وبرضه إنت أولى بالفرق.. وعموما العملية دي لا ممكن تخرج أبدا عن تلتميت واحد في المنتدى ممكن أقولهم لك بالإسم.. وعلى فكرة بقى لخبطة مش منهم فعلا.. بس أنا عارف هم مين.. وهمه عارفين نفسهم. :D

بس عايز أقول لك حاجة يا معلم حلاوة، لو فيه رسايل بتجيلك من بنات ودا ممكن يزعل أم يوسف، فممكن تديهم إيميلي وأمري لله، فأنا ممكن أضحي من أجلك واستقبل الاإيميلات دي أنا وخلاص.. واهو الواحد بيحاول يعمل اللي يقدر عليه لأخ وصديق زيك.. ماشي يا عم حلاوة :angry2: .

[MZohairy]

كلام جميل يا دكتور ... بس الراجل اللي طالب إيدي ده أقول له إيييييييييييييه ؟؟ :angry2:

:D

والله انا رايي يا حلاوه ان خير البر عاجله

واهو ضل راجل ولا ضل حيطه

وولاد الشيب يتامى

اذا طلع متدين و عنده شقه و مش بخيل يبقى اتكل على الله

بالتوفيق و السعاده انشاء الله :D

[الرافعي]

أولا يا معلم حلاوة الراجل اللي طالب إيدك ده تقدر تقول له إن انت مرتبط واإديك مش فاضية وتخلع منه بصنعة لطافة بس من غير ما تجرحة الله يخليك، عشان جرح القلوب غالي كما قالت السيدة الفاضلة شيرين. :D

تاني حاجة يا عم حلاوة أنا بصفتي عصفور هالف وادور وأعرف لك مين اللي نشل الإيميل بتاعك، والخدمة دي من غير 200 استرليني ولا أي أي حاجة.. (200 استرليني يعني ييجي 2000 مصري.. وقال لضحايا الانترنت قال.. طب دول ضحايا العبارة ما خدهومش) -_-

المهم أنا مش هاخد في العملية دي غير 1500 جنيه مصري، وبرضه إنت أولى بالفرق.. وعموما العملية دي لا ممكن تخرج أبدا عن تلتميت واحد في المنتدى ممكن أقولهم لك بالإسم.. وعلى فكرة بقى لخبطة مش منهم فعلا.. بس أنا عارف هم مين.. وهمه عارفين نفسهم. :D

بس عايز أقول لك حاجة يا معلم حلاوة، لو فيه رسايل بتجيلك من بنات ودا ممكن يزعل أم يوسف، فممكن تديهم إيميلي وأمري لله، فأنا ممكن أضحي من أجلك واستقبل الاإيميلات دي أنا وخلاص.. واهو الواحد بيحاول يعمل اللي يقدر عليه لأخ وصديق زيك.. ماشي يا عم حلاوة :angry2: .

أخي الحبيب عصفور

والله إنت أوحيت لي بفكرة رهيبة ... لازم أبتدي أراجع وافتكر ضدياتي هنا في المحاورات ... مين مين ؟؟ س.س .. طب ليه ؟؟ طارق .. لالا .. زهيري ...ممكن أوي ليه لآ ، ما هو زعلان من ساعة فرح الأعضاء الجدد ... مش عارف مش عايز أظلم حد ...

يكونش حد من حبايبنا السعوديين في المنتدى ؟؟؟ يكونش مقلب من ..................

ربنا يستر

[عصفور طاير]

والله إنت أوحيت لي بفكرة رهيبة ... لازم أبتدي أراجع وافتكر ضدياتي هنا في المحاورات ... مين مين ؟؟ س.س .. طب ليه ؟؟ طارق .. لالا .. زهيري ...ممكن أوي ليه لآ

آآآآيوه.. أديك قربت توصل.. أعصر مخك يا معلم.. :angry2:

القهوة مليانة بوليس يا معلم :D

قصدي المنتدى :D

[shahd]

كلام جميل يا دكتور ... بس الراجل اللي طالب إيدي ده أقول له إيييييييييييييه ؟؟

يا الف نهار ابيض يا الف نهار مبروك لولولوولولولولولولولوي

:angry2: :D :D -_-

تم تعديل 26 مارس 2006 بواسطة شهد

[عصفور طاير]

يا شهد ما فيش داعي للشوشرة من فضلك.. المسألة حساسة جدا والموضوعات دي لازم تتعالج بتروي وهدوء..

المعلم حلاوة لسه بيفكر.. وما أخدش قرار نهائي.. إن شاء الله لو كان فيه أي خطوة هانبلغ الناس كلها.. وعموما يا ستي نجاملك في الأفراح. :angry2:

[مصرية الهوى]

أحسسسسسسسسسسسسن

تستااااااااااااااااااااااااهل

ادي اخرة اللي يلعب النار

:angry2:

انت لسا زعلان ..

عشان اوقف الايميلات يعني :D

[الرافعي]

أحسسسسسسسسسسسسن

تستااااااااااااااااااااااااهل

ادي اخرة اللي يلعب النار

:P

انت لسا زعلان ..

عشان اوقف الايميلات يعني ;)

أنا كنت عايز أقولها بس خايف ننطخ عيار من القصمان ....

والله مش عارف هانلاقيها منهم، والا من الوزارة اللي في البيت ... أي أي ..

مش كده بلاش بالمقشة طيب :P

كلام جميل يا دكتور ... بس الراجل اللي طالب إيدي ده أقول له إيييييييييييييه ؟؟ :wub:

:wub:

والله انا رايي يا حلاوه ان خير البر عاجله

واهو ضل راجل ولا ضل حيطه

وولاد الشيب يتامى

اذا طلع متدين و عنده شقه و مش بخيل يبقى اتكل على الله

بالتوفيق و السعاده انشاء الله -_-

ماشي يا بو الروس ... تترد لك في الحلقة القادمة من حفلة الأعضاء الجدد ...لك فصل كامل فيها ... وقابل بقى يا عم :D

الجــــــواب البتــــار في حــــــــــــق من ورط المعلــــــــم حـــــــلاوة في زواج المســـــيار

أخيراً، بعد عناء، ومرمطة، وإيميلات عمالة تزيد من المعجب الولهان المدعو أحمد .....، قمت بالرد عليه كالتالي:

الأستاذ الفاضل أحمد ...

لقد وردت لي رسالة غريبة منكم، بخصوص الدعوة لزواج المسيار، وأرجو إفادتكم أنني رجل ، ولست امرأة ... ولا أدري في الحقيقة إن كنت ترغب في الاستمرار في دعوتك أم لا ؟؟ (وش واحد مستفز)

رد الأخ أحمد، بغيظ شديد ...

أولاً : حضرتك اللي سجلت في الموقع (ولم يحدد الموقع) بأنك سيدة مطلقة وعمرها 33 سنة وجميلة ومقيمة في جدة وتبرغبين في زواج المسيار ؟؟؟؟

هذه المرة أنا الذي تم استفزازي فرددت عليه بكل هدوء وأدب قائلاً:

السلام عليكم يا أخ أحمد ... كمل قلت لك سابقاً أنا رجل، ولا ولم ولن أدعي أبداً أني سيدة ... إلى آخر الأوصاف التي أوردتها، وليس لدي أي معلومات عن إعلانك ولا عن الموقع (الذي لم تحدده)، إلا أن إيميلي سرق منذ مدة، وأخبرني بعض الأصدقاء بذلك، فلعل من سرقه سجل في أحد المواقع التي تهتم بهذه الموضوعات ..

فالرجاء عدم مراسلتي مرةً أخرى، فقط أرجو معرفة اسم الموقع الذي أورد هذا الكلام مع ذكر إيميلي ؟؟؟

طبعاً مش هايرد ... :wub:

المشكلة إني لن آخذ حق ولا باطل مع الموقع، ولا مع غيره ..

بس الكام مقشة اللي كلناهم لغاية دلوقتي، والتلقيح من زهيري وشلته نعمل فيهم إيه ؟؟؟؟

عليه العوض :P

أما الناس بتوع المقالب اللي من القصيم دول، حسابهم بعدين :P

فاضل لغز طالبة الصداقة ...

يا رب فك عقدهم بعيد عني .. أنا مش ناقص

[kokowawa1979]

أستاذنا المعلم حلاوة : اعرف صديق اسمه حودة وآخر اسمه جودة وثالث اسمه حمودة لإن السعوديين ماعندهمش تمييز بالنسبة للأسماء الم\كرة والمؤنثة !!

حظك كدة يازعيم المهم إن احنا عارفينك كويس :sad:

[مصرية الهوى]

مطلقة وعمرها 33 سنة وجميلة ومقيمة في جدة وتبرغبين في زواج المسيار ؟؟؟؟

يا جميل انت .. امووووت على المقيمين في جدة والراغبين في زواج المسيار :P

فاضل لغز طالبة الصداقة ...

يا رب فك عقدهم بعيد عني .. أنا مش ناقص

بتقولك صداقة برئية :closedeyes: ..

بلاش تبقوا معقدين ومكلكعين ..

الله !!!

:huh:

[الرافعي]

مطلقة وعمرها 33 سنة وجميلة ومقيمة في جدة وتبرغبين في زواج المسيار ؟؟؟؟

يا جميل انت .. امووووت على المقيمين في جدة والراغبين في زواج المسيار :wub:

فاضل لغز طالبة الصداقة ...

يا رب فك عقدهم بعيد عني .. أنا مش ناقص

بتقولك صداقة برئية :huh: ..

بلاش تبقوا معقدين ومكلكعين ..

الله !!!

:P

ردي عليكي يا ست هانم هايكون عملي ...

إيملك الخاص هابعته للأخ أحمد المعجب الولهان .. أصلي شديت عليه ، وكنت سورااج خالص ... فالصلح بإيميلك يا هانم .. واشربي بقى عشان تبقي تتريقي على المعلم حلاوة .... ده نابي أزرق يا هانم .. آآآآآه

أخي العزيز أحمد ... ما محبة إلا بعد عداوة .. أينعم العنوان جه غلط، كان ودي أخدمك، لكن هاصالحك برضه ...

بيقول المثل السعودي زوج ابنك قصيمية وبنتك سديري ... يعني إن لم تخني الذاكرة .. وبما إنك من أهل الحجاز أحبابنا ... ويمكن يكون أصلك مصري، فعندك تحفة هدية .. قصيمية، مصرية الهوى، وأديبة، وكوميدية، وبتدرس كهربا عند كومار الكهربائي الصبح وبتضحك على والدها وبتقول له بادرس كومبيوتر ... يعني آخرها مدرسة ... إبسط يا عم ... مش لازم تشتغل، وآخر الشهر تلايمك على الراتب، ومش بعيد، تركب جمس المعلمات اللي رايح القويعية ولا المجمعة، وتنقلب السيارة، وتورث المعاش وابسط يا عم ... mfb:

الجزء الثاني من انتقام المعلم حلاوة الرهيب من المدعوة مصرية الهوى .. في النص التاني من حفلة الأعضاء الجدد ... صبرك علي .. ده أنا مش هاركبك كابريس 2007 اللي ما عجبتكيش علشان بيئة ... هاوديكي الحفلة في جمس المعلمات موديل 77 ... :)

أستاذنا المعلم حلاوة : اعرف صديق اسمه حودة وآخر اسمه جودة وثالث اسمه حمودة لإن السعوديين ماعندهمش تمييز بالنسبة للأسماء الم\كرة والمؤنثة !!

حظك كدة يازعيم المهم إن احنا عارفينك كويس :closedeyes:

يا حبيبي يا أخويا يا كوكو ..

والله ما اعرف حاجة عن الموضوع .. واسم حلاوة العنتبلي يخرم عين الفيل ... لا يا خويا والواد عينه بجحة بجاحة ؟؟؟

الله يسامحه اللي سرق الإيميل ، وعرض أخوك لطلبات إحاطة واستجوابات، وتحقيق ، وتعليق وخلافه من أختك الحاجة أم يوسف .. مرمطة على آخر العمر يا خويا ...

مرة تانية ... ربنا يهده زي ما هد السلم .. لملم .. لملم B)

[مصرية الهوى]

ردي عليكي يا ست هانم هايكون عملي ...

إيملك الخاص هابعته للأخ أحمد المعجب الولهان .. أصلي شديت عليه ، وكنت سورااج خالص ... فالصلح بإيميلك يا هانم .. واشربي بقى عشان تبقي تتريقي على المعلم حلاوة .... ده نابي أزرق يا هانم .. آآآآآه

أخي العزيز أحمد ... ما محبة إلا بعد عداوة .. أينعم العنوان جه غلط، كان ودي أخدمك، لكن هاصالحك برضه ...

بيقول المثل السعودي زوج ابنك قصيمية وبنتك سديري ... يعني إن لم تخني الذاكرة .. وبما إنك من أهل الحجاز أحبابنا ... ويمكن يكون أصلك مصري، فعندك تحفة هدية .. قصيمية، مصرية الهوى، وأديبة، وكوميدية، وبتدرس كهربا عند كومار الكهربائي الصبح وبتضحك على والدها وبتقول له بادرس كومبيوتر ... يعني آخرها مدرسة ... إبسط يا عم ... مش لازم تشتغل، وآخر الشهر تلايمك على الراتب، ومش بعيد، تركب جمس المعلمات اللي رايح القويعية ولا المجمعة، وتنقلب السيارة، وتورث المعاش وابسط يا عم ... :P

الجزء الثاني من انتقام المعلم حلاوة الرهيب من المدعوة مصرية الهوى .. في النص التاني من حفلة الأعضاء الجدد ... صبرك علي .. ده أنا مش هاركبك كابريس 2007 اللي ما عجبتكيش علشان بيئة ... هاوديكي الحفلة في جمس المعلمات موديل 77 ... :D

ههههههههههههههههههههه

بيقولك القصيمية تتجوز سديراوي مش حجازي :P

بعدين حرام عليك أنا اللي بمووووت من الرعب لما بسافر بعربية عشان حاسه اني هأموت ومش هارجع تاني

تقوم تتفاول عليا الفال الوحش ده ..

وتموتني الميتة البشعة دي ..

:lol: mfb: mfb:

عالعموم ..

الشتيمة بتلف تلف بعدين ترجع لصاحبها :P