بلد سكرتيرات صحيح!

[Sherief AbdelWahab]

حتى حضرت ما يشبه ندوة عن السكرتارية كعلم في الجامعة الأمريكية قبل خمس سنوات ، كانت معلوماتي شديدة الضحالة عن هذا المجال الذي اتضح لي أنه أكثر جدية من الفهلوة والعك الذي نشاهده في "سوء العمل" حالياً..

دلوقت بقت فيه إعلانات مطلوب فيها سكرتيرات حسنة المظهر.. المظهر والباقي مش مهم!..

بنات كتير بمؤهلات كتيرة ما بين المتوسط والعالي عايزين يشتغلوا سكرتيرات ، وهم مش عارفين ولا حاجة عن شغلة السكرتارية ، وعلى عن المتطلبات المهنية والثقافية لشغلانة السكرتيرة..

حتى الطريقة اللي بتتدرس بيها السكرتارية في المعاهد الفنية والتجارية من خلال النظام التعليمي الموكوس ، حاجة تحزن وتغم..

لحد امتى حيبقى مطلوب في سوق العمل إن السكرتيرة تبقى مجرد أباجورة في مكتب البيه ، من غير ما يكون عندها أي شيء بتفهم فيه؟

خلص الكلام

[Hammer]

هناك فرق يا عزيزي بين السكرتيرة و بين مديرة المكتب Office manager .

فالاولي , مهامها بسيطه جداً يعني رد علي التليفونات و كتابه العروض علي الكمبيوتر و إرسال الفاكسات , و هو عمل بسيط ذو أجر بسيط أيضاً .

المشكله في مديرة المكتب , و التي يحب أن تتمتع بكثير من المهارات الشخصيه و الإحترافيه , حيث إنها تعتبر المايسترو للشركه و عاده ما تترفع عن الأعمال الدنيا للسكرتيرات و إن كنا في مصر نطلق عليها سكرتيرة أيضاً .

و إداره المكتب علم يدرس في الجامعات العريقه و يكلف ( الكورس ) في الجامعه الأمريكيه شئ و شويات و طبعاً مستوي الأجور بيكون 2000 جنيه و إنت طالع .

فكرتني بأول إحباط عملي في حياتي , لما كان مرتبي أول ما إتخرجت و أنا مهندس قد الدنيا 35 % من دخل مديره مكتبنا