رسالة حب إلى إخوتي في الهايد بارك اللي مشرفِنا

[Mohammad Abouzied]

اللي يسمع إسمه هنا يجيب المِخلة بتاعته ويقول أفندم ويدي تمام لحضرة الظابط النوباتشي ( الشاويش عطيه ) :

وعشان إحنا ناس بنفهموا في الأصول ... هانبدأ بكريم شانتيه الحياة ( الجنس الناعم يعني ) : - ولو نسيت إسم حد يبقى زهايمر بعيد عنكم

- فيروز عبد المتجلي فيروز

- لايت هاوس أبلة العربي

- فريدة ( حقوق مرأة ومجلس قومي وخلافه )

- ست أمينة ( ومش عايز أسمع كلمة سيدنا الحُسين نداني وإتكعبلت من على السلم يا سي السيد )

- إيزيس أو أثينا أو أي إسم أغريقي فرعوني ما تفرقش معانا .

- البجعة الفضية Silver Swan

- توتا فروته

- كليو ( قبضت ومرتبها بيوصلها أول كل شهر )

نخش على الخناشير :

- محبط جاد الحق محبط

- موديست ( بس )

- سي فوود ( امير الجماعة )

- محمد حافظ ( نقير أمير الجماعة )

- كفايه ( حرام )

- ياسو كاليميرا

- أمير الشهير بملك الطُحال والفشة

- أحمد مُحسن اللي رضاعته ليوسف طولت أزيد من اللازم

- عقل حر ( هو حر )

- عقل أزرق ( وجميع العقول على كل الألوان )

- نهرو وييجي من غير الهنود ( مش ناقصة هنود كفاية اللي في السعودية )

- مولانا أبو طاقية - الكابتن ماجد -

- زعلان ( من إيه )

- ماشي ( مانت قاعد )

- بدون تعليق الشهير بـ نو كومينت

- حشيش ( السيخ المحمي جاهز لو مارجعش )

- حبيبي الشهير بـ لينوكس رمش العين لينوكس

- شاعر المنتديين أبو حميد المصري

- العمدة محمد أبو زيد .. ومرات حضرت العُمدة مدام سيدة بتاعت الأتيكيت والشوك اللي على اليمين والمعالق اللي في النص ومقعدانا على لحم بطننا .

- مسامح( كريم .. مع إنه زملكاوي )

- المهندس الباشمهندس

ولما أفتكر أسامي بقيت المُجندين هاكتبها

ويالله بقى

مخالي شل منك له

ليه نسيت سيفود يا اسي السيد هو انا اقدر اكتب في اي منتدى من غيره دا يبقى حرام يا راجل

ولا الدكتور رجب حبيب الكل من غيره المنتدى ملهوش اي طعم

عموما انا منقطعتشي عن المحاورات ابدا

بدليل اني اكثركم مشاركة حتى الان بعد الاستاذ رجب

عموما احنا اصحاب البيت ولما كنا بنكتب في الهايد بارك لانه كان بيتنا برضه ودا شئ عادي ان الواحد يكون له خمس بيوت مش بيت واحد وممكن تختار منهم بيت تقعد فيه الصيف وبيت اخر تقعد فيه في الشتاء وبيت في الخريف وبيت في الربيع وبيت تصيف فيه

ايه رأيك تقعد معايا الاجازة الي جاية في بيت المزرعة

[se_ Elsyed]

يا عم سي فوود موجود ثالث إسم ومتخفي في صورة أمير الجماعة

والدكتور رجب حبيبنا ده صاحب بيت ...

وكمان الدندي مُدند طفشان الهربان

وهومر أبو دم خفيف

وكل الحبايب اللي لو نسيت إسم حد يبقى بأقدم أسفي وإعتذاري ,

فريده كتبت

بس كل اللى فاكراه كويس ضربة الجزاء اللى اتعادت تانى كانت الصراحه تأليفه جديده

ليكي حق مانتي زملكاوية ... وليس على الزملكاوية حرج ... يعني الراجل اللي دخل أثناء تنفيذ ضربة الجزاء وكان قرب يضرب الحكم .. ده كان لابس طاقية الأخفا وحضرتك ولا محبط اللي أتصل بي ساعتها ما شفهوش ..

أما حالة الطرد .. فالرجل بركات اللي هايرقد فيها شهرين للعلاج نقول عليه بوبي وراح .. وإن اللي ضربه وأنطرد لازم نديله نيشان أو نوط الواجب من الطبقة الأولى ...

[Mohammad Abouzied]

يا عم سي فوود موجود ثالث إسم ومتخفي في صورة أمير الجماعة

والدكتور رجب حبيبنا ده صاحب بيت ...

وكمان الدندي مُدند طفشان الهربان

وهومر أبو دم خفيف

وكل الحبايب اللي لو نسيت إسم حد يبقى بأقدم أسفي وإعتذاري ,

ايه رأيك تقعد معايا الاجازة الي جاية في بيت المزرعة

تم التعديل .... لتعديل المداخله الاصليه من س س .

داروين

...

دا صحيح سيفود موجود اسمه

[kotoz9]

الزملكاوى يفضل زملكاوى

انا بهزر مع د وليد علشان شايفه زعلان كدة

طيب انا حافتح موضوع بكرة فى منتدى الرياضة والزملكاوى الجدع يدخل عليه علشان أطلع عليه القديم والجديد

بصراحة الحق مش عليكم الحق على فريق الأهلى اللى ساب الزمالك يتعادل معاه وما خلناش نعمل الصوان بتاع كل مرة.

بس ملحوقة الماتش الجاى الصوان حيبقى عجب وحتشوفوا

---------

الأستاذ محمد أبو زيد منور المحاورات

فين سى فود ما جبتوش معاك ليه؟؟

[DARWEEN]

تم أغلاق الموضوع بناءا على رغبى بعض مشرفي الهايد بارك

نظرا لظروف خاصه

رجاء من كافة الأخوة عدم فتح موضوعات تتعلق بالهايد بارك

أرجو منكم جميعا التكرم باتباع ذلك للصالح العام وارجو ان يكون ذلك في كافة المنتديات

ولكم جميعا كافة التحية والشكر والتقدير

داروين