كيف نكون زوجات مثاليات

[nancy]

مرسى يا نسر على رايك دة بس فعلا لو عملت كل حاجة من قلبك حتبقى اسعد بس منكرش كمان ان الطرف الاخر لو مش محب وعطوف وتفهم وحاجات كتير اوى يكون كن جميلا ترى الوجود جميلا دى لوجه الله

[wael_107]

يااااااه ..........انا فاتني كتير اوي...ياريتني كنت اول من شارك في الحوار الجميل ده

عموما

بداية للي مايعرفنيش

انا مصري ومقيم بالكويت واعمل مديرا فنيا بمنظمة تابعة للأمم المتحدة

عمري تلاتين سنة ومازلت ابحث عن شريكة عمري

شخصيتي (تعرفوها من مداخلاتي السابقة واللي جاية)

أخيراً:

لا شك ان كلامك يامصرية الكويت عن الاربع شروط الاولانيين هم من احدى الصفات المهمة في المرأه المحبه لزوجها لكن الاحترام واللباقة والتفتح والاخلاص كلها تحت بند الثقافة الراقية

و تفصيل الست سهيلة لحياة الزوجة على هذا النحو هو مسيء لطرح فكرتك عن تلك الزوجة المثالية فردا على كلامك يا سيدتي سهيلة هاقول

عليكِ ان تكوني :

قبل الزواج ... ( فترة الخطوبة )ـ

- خطيبة

(شيء اساسي انك خطيبة هو اسم تاني غير كدة)

- صديقة (خطيبتي هي صديقتي عشان هي بس اللي بشاركها خصوصياتي)

- رفيقة (صفة ملازمة للصديق)

- حبيبة (امال نتجوز واحنا بنحبش بعض)

مخلصة (طب افسرها ازاي دي ...نكون خونة يعني مثلا :ph34r: )

- وفية (صفة ملازمة للمخلص)

- عفيفة (!!!اعتقد العكس وحش)

- شريفة (صفة ملازمة لعفيفة)

صادقة (وهنا دي اكبر المصائب ان الشركاء يكذبوا على بعض لانه امر من رب العالمين مش من الازواج)

خلوقة (ومن يريد ان يكون غير حسن الخلق)

- دلوعة (دي بقى صفة ثانوية وبتختلف من شخص لآخر...في اللي الست اللي بتكون ضحكتها خفيفة وهادية..وفي اللي بتضحك وبتتدلع بشكل مبالغ وفي وفي وفي ...اذن صفة دلوعة دي معممة جدا ولها اصناف ...وكل اتنين وليهم دلعهم اللي بيحبوه)

بعد الزواج ...

- زوجة (ماقلنا طبيعي هتبقى زوجة)

-حبيبة - (تم الرد مسبقاً)

- أم (يااااه ماأعظمها من نعمة...فالأم تزن ثلاثة من الرجال وحسنتها ودعوتها بثلاثة امثال من حسنات ودعوات الأب...وقرة عين الأم ابنائها...وكم لجأنا الى أمنا أكثر مما نلجأ لأبينا...حنانها وحبها وعظمتها ...لو جلست لآتكلم عن أم واحدة فقط وعن حنة جبها فانه لايكفيني اوراق وأقلام العالم باسره ....فما بالكم لو تكلمت عن الامهات جميعا.....ربنا يخليكي لنا ياأمي العظيمة ...ومهما قدمت لك من حب ودعاء فانه لايوفي بجزء بسيط مما فعلتيه معي لكي تربيني على ذلك النحو الرائع.. تحية خاصة لكل أم عظيمة...وماأعظمها الأمهات)

- أخت ((صفة ملازمة للصديق ايضا)

- عاملة (لم ولن يكون ذلك رجل او مسلم او انسان الذي يعتقد بان امرأته عاملة...أما لو كان المقصد بانها تعمل فتلك الصفة لاأحبذها لكن بعض العائلات تضطر إليها لمواجهة أعباء الحياة...وهنا يجب التنوية بان للزوجة ذمة منفصلة...أما المرأه التي تريد أن تعمل لإثبات وجودها وإثبات أنها لاتقل شيئا عن زوجها هذا وعلى الرغم من ان الزوج ميسور الحال...فانني انبذ تلك الطريقة..وهي بذلك تناقض نفسها....فتزيد هي من أعباء نفسها ومن ثم تشتكي...ولكن الزوج الذي يرضى بتلك الطريقة ليس له أدنى حق في الاعتراض بعد ذلك)

- مُدرسة (تعليم الاطفال ليس عبيء سواء كان على الأب أو الأم فهم أبنائهم ...وما أروعه من حلم أن يصبح ابنائي متفوقين مثقفين..فالشغل الشاغل للزوجين معا هو تربية الاولاد وتعليمهم افضل تعليم وغر ذلك يعتبر اهمال وشذوذ عن الواقع)

طباخة درجة اولى (أنا طباخ واعد جميع انواع الطعام وعندما خطبت في مرة كنت أعلم خطيبتي كل انواع الطبيخ...ولكن الطبخ هو نشوة المرأه في بيتها وهو سلاحها للتفاخر بين قريباتها وصديقاتها...أليس كذلك....)

- مربية (التربية صفة ملازمة لمدرسة والاثنين هم عبيء على الزوجين وليست الزوجة وحدها ...ولا هو احنا نخلف ونرمي بدون تربية)

- مدبرة منزل (المنزل مملكة المرأة...والتدبير يضع له شروط واتفقيات مشتركة مع الزوج ..وهذا مايحدث في الأغلبية العظمى..حيث يتفق الزوجان على مايمكن عمله)

- موجهة ( أمال يعني نربي ونعلم بدون مانوجه هي مش صفة ملازمة بردو...التفيط المفنط في تفانيط التفانيط دة مش حلو )

- حاضنة ( تحد بند تفيط التفانيط لان الحضانه هي الامومة)

- ممرضة ( هل افهم انه لو اصاب الابناء بمكروه لسمح الله ان يقف احد الآباء ساكناً...!!!؟؟؟)

- طبيبة عامة ( ياسلااااام...يعني افهم انه ممرضة بعيدة كل البعد تماما عن طبيبة وخصوصا عامة ( هذا شيء عجيب واللله غريب) طبعا مش مطلوب منها تكون طبيبة لان في اختراع اسمه مستشفى واعتقد الطبيب الحقيقي هو الفضل في تشخيص حالة

- مهندسة ديكور (ولما ذلك هل سيسكن الأب بيتا آخر ...المروض انهم سيسكنوا معا في بيت فرشوه وهنسدسوه معا من ذوقهم الخاص..ولم يتركها تفرض شخصها لوحدها (الا اذا ارد ذلك) ولا هي تركته يفرش ويهندس على كيفه)

- محترفة (...) (؟؟؟؟؟؟؟!!!!!!!!!)

- متخصصة طب اطفال (لا تعليق وسبق الرد في قسم طبيبة عامة)

- متخصصة في علم تفسير مزاج الأزواج ( هذا طلب مطاطي للغاية مامعنى مزاج أزواج هل أفهم أن الزوجه لا يوجد لها مزاجات...الأمر ليس كذلك...وانما لا أحب ان اعمل عملا بدون اهمية قد يضايق زوجتي...ولما سأقصد افعلها..هي بدورها ستفعل ايضاً ذلك)

- ذكية ( ذكية ازاي يعني ...هل مطلوب منها انها تعدي اختبارات QW_JH-007 للعباقرة العظام....لا أعتقد احدا يحب ان يكون غبيا ...وليس مطلوب من أحد أن يكون كامل الذكاء ونرجو تحديد الذكاء في ماذا)

- عطوفة (يعني هي الصفة وحشة للمرأة ...ولا لازم ابقى عكس ذلك عشان اثبت انك مابتتضايقش لما اكون عنيفة....دة اسمه كلام بردو ...ليه العطف دة عيب)

حنونة ( ( تحد بند تفيط التفانيط لان الحنية والعطف والرحمة صفات سامية لا يحب أحد عكسها)

- صبورة ( ومين فينا عايز يكون متهور وارعن وعصبي...حد يقولي مين بيتمنى انه يكون متهور أرعن...اشك ان يرد احد ...عارفة لية...عشان ماحدش بيحب كدة....شفت ازاي انا شاطر وبعرف اجاوب ياعمتو :blush:

- يعتمد عليها ( يعتمد عليها في اية...حاجات متفقين عليها المفروض....ولا معتمد عليها في كل صغيرة وكبيرة ...هنا لا مؤاخذة هوانسان مش محترم ولا يمت بالرجل شيء...الأم يعتمد عليها في نظام معين ما في البيت...لكن كليا ...دة يبقى انت زوجة خيخة بتبويخة

-مطيعة (الطاعة واجب هنا لرب البيت... وهي سنة الحياة الزوجية...ولكن نحن الآدميين شئنا جعلنا تلك الصفة بذيئة..أو جعلناها صفة حسنة..فالزوجة التي تعرف ان للمركب قائد واحد والطاعة هنا واستخدامها سيكون سلبيا اذا ماجعلناه قبيحا) فلنا الاختيار

- نظيفة ( ؟؟؟!!!!! هذا الشرط عجيب ان يكتب)

- جميلة (والله المفروض انه اتجوزها وهو شايفها جميلة....يبقى انتهى الامر وهو حابب شكلها ...اذن الجمال دة موجود فيها ..... وبعدين المفروض توضع الصفة دي ف الخطوبة اساسا)

- جذابة (تحد بند تفيط التفانيط من تاني...هو لما اكون حابب جمال مراتي...مش هكون شايفها جذابة...!!؟؟؟

- نشيطة ( من احد الصفات الانسانية المطلقة الصحة والتي لايحب احدا ان يكون غيرها)

- رياضية ( والله دي اساسا مابشفهاش عندنا نحن العرب...نحن نعز الكرش..إلا ان الجيل الجديد بقى كله مصلوع وبيحب يكون رفيع ورشيق))

- تثني على الرجولة دائماً ( ممممم مين ست مابتحبش تسمع كلام حلو من جوزها عن انوثتها وطعامتها....وهل لو سمعت الكلام الحلو يبقى تسكت ولا تسكته ولا تقولة مانا عارفة..؟؟!!! شيء عجيب كان الكلام عليه جمارك...وخصوصا لما يكون كلام جميل..ولا هو في واحدة بتحب ان جوزها يكون مش راجل لا مؤاخذة)

- أمينة ( لا فشر اية دة حد يقول ان الست او الراجل يكون أمين .....المفروض حرامي......!!!؟؟؟ مش كدة بردو......الا اذا كنت تقصدي أمينة في اشارة الا امينة رزق أو أمينة زوجة سي السيد)

- غير متطلبة ( غير متطلبة لاية باظبط ...هل غير متطلبة لطلبات البيت والعيال وخلافة ... اعتقد محال ان يوجد رجل لايلبي تلك الطلبات...إلا اذا كان هو ليس بابوهم )

- مقتصدة ( ماهو انا قلت التعميم دة مش من مصلحتك...مقتصدة في اية...في الاساسيات لا ..في الاشياء الثانوية اكيد نقتصد فيها اذاكانت ستؤثر على الاساسيات)

- لبقة ( ليقة صفة غير اساسية وليست مطلوبة من كل البني آدمين.... ليه هو احنا واقفين في محل بنبيع ؟؟!!!)

- منصتة ( هذا من أدب الحديث بين اي اتنين بشر مش بين الراجل ومراته بس...ولا هي حاجة حلوه ان احنا نقعد نتخانق ونقاطع الكلام...ده ادب الحديث العام....المدرس والطالب..المدير والموظف...الام وابنها...البن وابوه ...الجد والخال والعم والامير والملك ووووولسة)

- قليلة الحديث ( لو في اي اتنين بني آدمين بيحبوا بعض لله في الله مش هيزهقوا من بعض كلام ...هذا والقول الكريم يقول ....خير الكلام ماقل ودل)

- محدودة الصديقات ( ليس مطلوب منها ذلك وهذا حق من حقوقها...ولك يجب انتقائهم ممن لا يؤثرون على حياتك الزوجية بالسلب...لا الخبيثات منهن او الحاقدات او المدمرات بافكارهن )

- كاتمة أسرار (تلك هي اولى وافضل الطرق في تدمير البيوت فوق صاحبيها....ان افشي الاسرار ....وليكن في العلم اول شرط شرطه على خطيبتي ايامها اياك وفشي الاسرار بيننا ولماذا سميناها اسرار اذن) حاجة عكس المنطق تماما

- تحبين ما يحب ( واحب ماتحب ونحب كل حاجة بنحبها احنا التنين...دي صفة الشركاء في الحياة)

- تكرهين ما يكره ( ليس ان تكرهي مايكره او تحبي مايحب معناه ان تنتقي الجانب السيء من ذلك....المهم فيما لايغضب الله...ثم اذا كنت تكرهين شيئا أقوم به...فلماذا أفعله اذا ان غير مهم والعكس صحيح)

- قليلة السؤال .. وقارأة أفكار في نفس الوقت (هل قليلة السؤال تختلف عن قليلة الحديث؟؟؟!!!) اما جكاية قارئة افكار كأنه اصبحنا نريد الزواج من منجمين ومنجمات...او يمكن لان استعمال الفم والسان للتخاطب صار امراً صعبا)؟؟؟!!!

بدون أن تنسي أن :

- أن يكون هندامك مرتب في كل لحظه حتى في لحظات النوم (يمكن شرط الهندام دة مش مهم بالنسبة لبعض الناس المبهدلين في كل حاجة واي حاجة...لكل الغالبية والي ان اتربيت عندهم واللي كلهم اعرفهم بيحبوا الترتيب واللبس الشيك.. ولا هي السياكة ياعيني حراام)

- أن تثني على رجولتة بين لحظه وأخرى ( سبق ذكر تلك المداخلة والرد عليها ...!!)

- أن تثني على كرمه وتقولين ( الله يخليك ذخر لنا ) ( لالالالا ازاي يعني ربنا يخليك ...المفروض مانقلهوش حاجة ..المفروض ربنا يحرقك ..ربنا يخفيك بقدرة قادر...اصلهه عالة عالبيت)

- أن تكوني في أستقبالة عند الدخول وعند الخروج من المنزل (ما معنى استقباله ؟؟!! هل رؤية الزوج شيء كريه!!!...أم هل اذ ود ان يرى إمرأته على الدوام فهم امر مكروه لا سمح الله)

- أن تعدي وجبات الطعام في أوقاتها ( في اوقاتها ؟؟!! ...اي انه ليس من المهم ان ان نأكل بنظام....معنى ذلك ان العلم أخطأ عندما صرح لنا بالنظام في الأكل والشرب!!!!

- أن تستأذني عند الخروج وعند الدخول ( اعتقد ان اوامر الله سبحانه واضحة في ذلك....ومثلها مثل استإذان الضيف بالدخول تلات مرات ومن ثم الذهاب...واستإذان الطالب للمدرس ووووو..وللأسف كلها انحدرت في زمننا هذا...إلا اذا كنا نعتبر احاديث الرسول عليه الصلاة ولاسلام غير مهمه في زمننا العجيب هذا ..؟!! وحاشاه رسول الله)

- قليلة التطلعات ( تطلعات أم طلعات الرجاء التوضيح في غير مفهومة)

وبنفس الوقت يجب عليك ايضاً أن :

- تكوني على أهبة الأستعداد لأعداد مائدة لعشرين شخص في اي لحظه (عشرون شخصا ...يااااه ...دي زوجة مكانيكية بقى....ثم ماذا تعني في اي وقت....اي ان يفاجئك بالقول ( انا النهاردة عزمت عشرين شخص عالغدا جهزي الاكل كمان ساعة....لية ...هو الناس فاضية بقى عشان يقولها كدة....اعتقد ان الواحد بالعافية يقدر يتجمع مع قرايبة كل اسبوع معناه ان في فرصة اسبوع كامل عشان الواحد يحضر وليمة...وأما اذا كان دة واحد بالشكل دة كل يوم يومين عزومة ..معناه ان راجل ميسور الحال اوي...يعني عايزله مطعم بقى يعزم في او يجيب منه الأكل...مش كدة ولا اية...الصراحة مداخلة غير منطقية بالمرة)

- أن تجعلي المنزل مكان هدوء خلال عشر دقائق ولو أضطررتي لرش الأطفال بمبيد حشري (هاهاها هنا تتكلمي عن شخص يكره ابناءه...فايا منا يكره ابناءه...اذا حدث فهو لا يستحق العيش في هذه الدنيا)

- أن تكوني أنتي وأطفالك السبعة على أهبة الأسعداد خلال دقيقتان في حال خطر على بالة بشكل مفاجأ خروجة لشمة هوا مع العائلة (السبعة...ودقيقتين...وفجأه...يعني اختار أسوأ مثال خيالي غير واقعي واعممه على الكل..أمر عجيب والله)

- إذا تحبين يومك يعدي على خير.. لا تسألي رايح فين وجاى منين؟؟ (انا افهم انك تشيري على بعض الأزواج الشاذيين الدكتاتوريين ويعتبرون اطمئنان زوجاتهم عليهم بالسؤال هو شيء ليس من حقهم وهؤلاء ليسوا بعاقلين أما السؤال بطريقة فيها اهانة بان يعلو صوتك مثلا وتنادي بلهجة فيها تهديد ووعيد وتخويف وعلى شكل غير مرغوب فيه...فاعتقد ستنقلب الدنيا رسا على عقب وسيحدث )مالايحمد عقباه....فلما تفكرين بالمثال

انا حاسس انك عامل دكتوراه فى الحياه الزوجيه ياعم نسر على العموم يارب نبارك لك قريب

ولكن الموضوع ده نصيب والله

انا رايى ان الجواز زى البطيخ يابيض يابيض

وانتى وحظك

صدقونى ياجماعه والله الموضوع توفيق من ربنا لا اكثر ولا اقل

[Advisor]

موضوع مشوق جدا و قد تكتب فيه كتب.

أدعوكم لقراءة موضوع على القهوة الجزئية الخاصة بأكسير السعادة

رابط موضوع على القهوة

[مصريه بالكويت]

حاسب ياعم

وسع ياعم

انتوا اخدين الموضوع ورايحين بيه على فين

هي سايبه ولا ايه

حد يروح ينده لى اى حد من على القهوه

يا مصرية الهويه

والنبى يا ختى تعالى معايا

اياك حد ينقل اى حاجه من العفش (قصدى الكلام)

ايه البلد فيها قانون

لو عايز تكتب كتب تعالى اكتبها هنا والطباعه على حسابى

اهلا بك يا اخ advisor

وهو فعلا موضوع توفيق من عند ربنا

بس دا ميمنعش نتحاور ونكتسب خبرات

والاخ المقيم ف الكويت يا هلاااااااااااااااااا

طلعنا ولاد ديره واحده يا الف مرحب اقعد بقا نجيبلك شوية قهوه عربى

ولا اقولك خليها محشى مصرى انا متاكده انه وحشك

[مصرية الهوى]

والاخت مصريه متزعليش مفيش ضرر لو جمعنا بين الرومانسيه والكنغ فو :lol:

ما أنا عارفه يامصرية يا اختي .. يعني أضربه على أضواء الشموع ونغمات الموسيقى الهادئة ..

وبعدين أنا هأضربه ليه ؟؟

مش عشان أنا بأحبه mfb: ...

وضرب الحبيب زي أكل الزبيب mfb:

أنا معاكي يا حبيبتي ..

أنا فاكره واحنا في اعدادي اخدنا درس في المطالعة العربية وصية اعرابية لابنتها ليلة زفافها ..الوصية حكيمة جدا

اقرأوها معايا ..

اوصت اعرابية ابنتها في ليلة زفافها فقالت : أي بنية إن الوصية لو تُركت لفضل أدب ، تركتها لذلك منك ، ولكنها تذكرة الغافل ، ومعونة العاقل .

أي بنية إنك فارقت بيتك الذي منه خرجت ، وعشك الذي فيه درجت ، إلى وكرٍ لم تعرفيه ، وقرين لم تألفيه ، فكوني له أمه ، يكن لك عبداً ، واحفظي له خصالاً عشراً :

اما الأولى والثانية : فاصحبيه بالقناعة ، وعاشريه بحسن السمع والطاعة .

واما الثالثه والرابعة: فالتفقد لموضع عينيه وانفه ، فلا تقع عينيه منك على قبيح ، ولا يشم منك إلا اطيب ريح .

واما الخامسة والسادسة : فالتفقد لوقت طعامه ومنامه ، فإن تواتر الجوع ملهبه ، وتنغيص النوم مغضبه .

واما السابعة والثامنة : فالأحتراس بماله ، والإدعاء على حشمه وعياله ، فملاك الأمر في المال : حسن التقدير ، وفي العيال : حسن التدبير .

واما التاسعة والعاشرة : فلا تعصين له امراً ، ولا تفشين له سراً ، فإنك ان خالفتيه اوغرت صدره ، وان افشيت سره لم تأمني غدره .

ثم إياك والفرح بين يديه إذا كان مهتماً ، والكآبة بين يديه إذا كان فرحاً ، فإن الخصلة الأولى من التقصير ، والثانية من التكدير ، وكوني اشد الناس له إعظاماً ، يكن اشدهم لك إكراماً ، واعلمي أنك لا تصلين إلى ماتحبين حتى تؤثري رضاه على رضاك ، وهواه على هواك فيما احببت وكرهت ، والله يخير لك .

[Sherief AbdelWahab]

سيداتي آنساتي..

الكلام في أصول الحاجة "حلو"..

لكن فيه سؤال غبي وخبيث في جمجمتي بخصوص المسألة دي..

معظم الأساسيات دي معروفة للعيان.. طب ليه فيه لامبالاة بخصوصها؟

أنا أبقى ست مثالية ليه؟

آل يعني لما أبقى كويسة ، سبع البرمبة دة مش حيلعب بديله؟..

زي العبارة اللي اقتبستها العائدة مدام شعنونة :

" انا اعامل زوجي ك المريض يذهب الى الحياة ويعود الى ب كثييييييير من الأمراض النفسية و البدنية ف لابد ان اكون انا الممرضة التى تداوية"

يعني :

هوة كدة : هوة عيان ولازم أكون ممرضته، عيل ولازم أكون الناني بتاعته ، ولازم أستحمل رزالته وغلاسته..أبقى كويسة ليه معاه؟

وبنفس المنطق الراجل بيفكر..

المسألة بقت علاقة إقامة لرجل وست متجوزين في أوتيل واحد مش في بيت ، وولا واحد من الطرفين عنده "نِفس" يبقى كويس لا علشانه ولا علشان الطرف الآخر..طالما إنت أو إنتِ واكل(ة) شارب(ة) نايم(ة) حتعوز(ي) إيه أكتر؟

دة يمكن سبب دفع إحدى عاملات السايبر الذي أكتب منه عادة لتقول - قبل بضع سنوات - أن "الجواز مشروع فاشل"..لإن اللي "بيشمأنط" عن إنه يبقى كويس كزوج وكأب أو كزوجة وأم ، ليه بيصدع المجتمع بكلام كتير عن الرغبة في الجواز والاستقرار؟..

اللي يقدر يبقى زوج كويس .. أو اللي تقدر تبقى زوجة كويسة ، وعنده أو عندها الرغبة الداخلية في كدة ، هما بقى اللي قد الجواز ، واللي مش قد الجواز يمشي كدة زي الشاطر وما يتمناهوش في خياله وما يصدعش المحيطين بيه بسيرة الجواز والاستقرار..

دة رأي عتريسي موضوعي محايد جداً.. :wub:

خلص الكلام

[عادل أبوزيد]

موضوع مشوق جدا و قد تكتب فيه كتب.

أدعوكم لقراءة موضوع على القهوة الجزئية الخاصة بأكسير السعادة

رابط موضوع على القهوة

فاتنى أن أضع رابطة مشاركة عن السعادة الزوجية المشاركة فى صورة حوار بين الإسكنرنى و حلاوة العنتبلى

الفاضلة مصرية بالكويت أعتقد كان أكثر ملائمة أن تتصفحى الموضوع الذى ذكرت رابطته فى مداخلتى السابقة.

أطيب تحياتى

[بنت شعنونة]

عشان كدا يا شريف الدين قال كــــــــــــوني له امة يــــــــكن لك عبدا..

يعني واحدا ب واحدا

النفس البشرية طبعها كدا

اديني

تاخد عيني

انما ها نستني بعض يبقى ها نقف في الطابور كل واحد بيقف ورا اللي قبله مع انه مافيش في الطابور غير نفرين بس

واضحك من هنا ل ميت سنة بقى

انما

لو اعتبرنا اني بشتري راحتي انا الشخصية لما هوا يرتاح

زي مثلا

لما يبقى عنك طفل ف تديله حلويات او تشغلة سبايس تون عشان تخلص من قرفة

يبقى ب تشتري راحتك ب انك تريحه

اعتقد ان الحياة بقت اقسى مما نتصور مما خلى عقولنا اتفه مما نتخيل

يعني لو كل الرجالة تخيلوا انه لو حرك لسانه وقال مع كل اكلة تسلم ايدك يا حبيبتي وبعد كل غدوة اساعدك يا حياتي " كلالالالالالالالالالالام بس" ومع كل ليلة ها توحشيني

شوية كلام تافه ها يفرق كتيييييييييير في حياته هوا شخصيا

كان هرا مراته كلام

ولو كل ست فهمت انه الرجالة افعااااااااااال مش بالكلالالالام بس

يعني اكله حلوة

توفير مصروف

قلة كلالالالالالالام عشان الصداع

ها تفرق كتير

لكن الموجب والسالب لما يلتقوا بيعملوا اكشن لذيذ للحياة

مهما كان سخيف في اوقات كتير

فيه كتاب اسمه النساء من الزهرة و الرجال من المريخ ها اكتبلكم حبة منه المرة الجاية

:closedeyes:

[Farida]

شعنونه الكتاب ده جميل فعلا و باين الجواز فرق معاكى كتيير معاكى حق بعد ما الرجل يقعد يتكلم فى فتره الخطوبه و هى تسمع بيحلف انه ما يتكلمش كلام حلو تانى بعد الجواز .....باستغرب كل الكلام ده راح فين .....ماعلينا سيبكم من حكايه النظافه و توضيب البيت و الكلام ده كله اكم من ستات قادت صوابعها العشرة شمع و جوزها سابها و اتجوز مثلا مثلا سكرتيرته او الخادمه او او ....

اهم حاجه فى رأييى ان الزوجه المثاليه دايما تغذى فى زوجها انه احسن رجل فى الدنيا و ان مافيش مخ زى مخه و لاتفكير زى تفكيره و تحاول تقول على لسانه اللى هى بتفكر فيه ....هم بيحبوا يضحك عليهم قوى و بمزاجهم ...

ثانيا و الأهم انك على طول محتاجه له ماديا و معنويا و نفسيا و بلاش تتحملى المسئوليه اكتر من اللازم ....لأنه بيحس انك طالما قايمه بدور الراجل و الست مع بعض يبقى هو ما لوش لازمه و يروح يدور على حد تانى محتاج له و محتاج وجوده ....يعنى بلاش تقومى بكل حاجه تجيبى الولاد من المدرسه و تودى للدكتور و تودى النادى و لو بتشتغلى تصرفى على لبسك و على الولاد ....لأ يا واش يا واش

حأفكر فى حاجات تانيه ....انتظرونى بعد الفاصل

[مصريه بالكويت]

انا ممكن اكمل الموضوع بالمقارنات التاليه يارب تعجبكم

س: لماذا خلقت المرأة بكل هذا الجمال ؟ :P

ج: لكي يحبها الرجال.

س: ولماذا خلقت بكل هذه البساطة ؟ :angry2:

ج: لكي تحبه.

س: كيف يعتبر الرجل نفسه متعاونا في الاعمال المنزلية؟ :P

ج: بان يرفع رجليه من على الارض لتكنس الزوجة تحتهما.

س: كيف يفهم الزوج تقسيم المهام مناصفة في اعمال المنزل؟ :ph34r:

ج: الزوجة تطبخ وهو يأكل , الزوجة تكوي الملابس وهو يكرمشها ... الزوجة ترتب البيت و هو يكركبه .

س: ما و جه الشبه بين الرجال و اعلانات التلفزيون ؟

ج: لا يوجد و احدة عاقلة تصدق الأثنين . :ph34r:

س: ما هي الحالة الوحيدة التي يطلب الرجل فيها من زوجته تناول العشاء على ضوء الشموع ؟

ج: لما الكهرباء تنقطع.

س: كيف يمكنك التمييز بين هدايا الزوج الودية و هداياه لما يكون عامل شي غلط ؟ :o

ج: الهدايا تبقى أحلى و أغلى في الحالة الثانية ؟

س: ما و جه الشبه بين الرجل والطقس ؟ :)

ج: لا يمكن تغيير أي منهما للأفضل .

س: ما الفرق بين رجل في الأربعين من عمره و امرأة من نفس العمر ؟ :D

ج: المرأة تتمنى ان تنجب طفلا صغير لتثبت انها لا تزال شابة ...بينما الرجل يحاول الزواج من طفلة صغيرة لنفس السبب.

س: ما و جه الشبه بين الرجل و الشهادة الكبيرة؟

ج: بتضيعي سنين من عمرك على شان تحصلي عليها ، و بعدين لا تعرفين ماذا تفعلين بها .

س: متى يتذكر الرجال ان المرأة تفتقر للتفكير المنطقي ؟ :ph34r:

ج: عندما تختلف معه في الرأي .

س: ما الفرق بين الآرهابي و المرأة الثائرة ؟

ج: يمكنك التفاوض مع الأرهابي ...!

س: اين تجد المرأة رجل لا ينظر لواحدة غير زوجته ؟ :ph34r:

ج: في المقبرة !!!!

[/size]

[زيزو]

انا ممكن اكمل الموضوع بالمقارنات التاليه يارب تعجبكم

س: ولماذا خلقت بكل هذه البساطة ؟ :ph34r:

[/size]

لا لا ده تحرييييييف!!!!

السؤال الأصلي يستخدم كلمة آخرى... وهي بالمناسبة تبدأ بحرف الـ((غين)) :unsure:

ماليش دعوة وما حدش يضرب :o

[ocha]

عززتى مصريه بالكويت موضوعك جميل وانا من خلال قرائتى لكل ردود اللاخوه اللافاضل سواء نساء او رجال تاكدت اننا متفقين على ان فعلا الست بتتعب وان الراجل بيقدر طيب سؤالى الان للرجال امتا اخر مره قلت فيها لزوجتك يا انتى تعبتى انهارده اوى ادخلى ارتاحى وانا هاخد بالى من اللاولاد !!!!!!!!!!!!!!!!!!!!!!!!!!!!!!!!!!!!ا امتى اخر مره اشترتلها هديه او حتى ورده تعبر ليها عن حبك وتقديرك لكل مجهوداتها لو على اللاسئله فىالنقطه ديه مش هنخلص بالله عليكم يا رجاله لو كان الورد بفلوس فالكلام ببلاشششششششششششششششششششششششششششششش