بتفكر في ايه

[نورية]

بافكر فى الايميل المستفز اللى يحرق الدم اللى اتعتلى النهاردة

و فيه صور لعارضات ازياء و منهم كلوديا شيفر و همة لابسين باديهات و فساتين سهرة مكتوب عليها ايات قرانية

و حاجات تانية كمان لا داعى لذكرها عشان ماحرقش دم حد اكتر من كدة

مش عارفة لامتى راح يفضا ديننا ينهان و احنا بنتأسف و نزعلوا شويتين و خلاص

لامتى ؟؟؟؟ مش عارفة حقيقى لامتى

[shahd]

ليه كل الي حوالينا بقى اسود وليه ما بقاش في خير في الدنيا

[ATHENA]

عايزة أسافر تركيا :P

[وليد صفوت]

عايزة أسافر تركيا :)

هو الإعلان عجبك اوى كده ؟ :P

[ATHENA]

عايزة أسافر تركيا ;)

هو الإعلان عجبك اوى كده ؟ :lol:

نخليها مصر ;)

[وليد صفوت]

عايزة أسافر تركيا mfb:

هو الإعلان عجبك اوى كده ؟ :angry2:

نخليها مصر :blink:

ياريت يا اثينا و الله انا ابقى فى غاية السعادة و الإنشكاح -_- .... تخيلى انىبقالى بتاع سنة و نص ماشوفتش حد من المحاورات ! :blink:

( وش واحد مدمن بيفرك فى ذراعه الشمال :blink: )

[مصرية الهوى]

عايزة أسافر تركيا :blink:

هو الإعلان عجبك اوى كده ؟ :angry2:

نخليها مصر :blink:

بصي يا أثينا وأنتي رايحة مصر بالطيارة بتعدي من فوق السعودية .. مش كده ؟؟!!

خودي معاكي حبل .. خلاص ..

وأنتي معدية من فوق السعودية كلميني عشان أطلع فوق السطوح ... وانتي تدلدي الحبل من باب الطيارة ..

أتشعلق انا في الحبل واروح معاكي mfb: ..

ايه رأيك ؟!!

و الحمد لله طالما وليد منشكح للفكرة ..

يبقى متقلقيش الشهر اللي هنقضيه في القاهرة في ضيافته هنقضيه في هيلتون النيل والا الماريوت ..

ويا سلام بقى على الاسبوع اللي هيفسحنا فيه في شرم والا الغردقة ..

أنا عارفه ذوق وليد كويس :blink: -_-

[السويفي]

السلام عليكم

انا بفكر في الجنه ......تخيلو معايا كده انكم في الجنه كل ما تتطلبوه مجاب مفيش زعل مفيش ملل مفيش اي حاجه وحشه

اسند ظهرك علي الكرسي.......وغمض عنيك .........وخد نفس عميق....وفكر في الجنه

ياااااااااااااااااااالله

روعه مفيش مشاكل ..مفيش ظلم ...مفيش قمع ...مفيش خوف ولا مرض ولافقر ولا لا

فيه كل حاجه حب سعاده فرح راحه هدوء كل امنياتك مجابه واهم حاجه ان الحاجات ده كلها مش هتخلص يعني خلود في النعيم بلا موت

....افتح عنيك بقه وفكر تاني

النار جهنم عذاب كل يوم وللابد كفايه احسساسك انك انت الي ظلمت نفسك مش حد الي ظلمك كفايه احسساسك انك لو كنت بعدت عن الحرام 50 او 60 او بالكتير 70 سنه كنت استريحت ملاين ملاين ملايين السنين

ب بفكر هل هكون سعيد سعاده مؤقته في الدنيا وبعدين.....

يااااااااااااااااااارب سلم

[ATHENA]

بصي يا أثينا وأنتي رايحة مصر بالطيارة بتعدي من فوق السعودية .. مش كده ؟؟!!

خودي معاكي حبل .. خلاص ..

وأنتي معدية من فوق السعودية كلميني عشان أطلع فوق السطوح ... وانتي تدلدي الحبل من باب الطيارة ..

أتشعلق انا في الحبل واروح معاكي :ninja: ..

ايه رأيك ؟!!

و الحمد لله طالما وليد منشكح للفكرة ..

يبقى متقلقيش الشهر اللي هنقضيه في القاهرة في ضيافته هنقضيه في هيلتون النيل والا الماريوت ..

ويا سلام بقى على الاسبوع اللي هيفسحنا فيه في شرم والا الغردقة ..

أنا عارفه ذوق وليد كويس :blink: :D

جبتي المفيد يا جيجي :P

بس الله يخليكي اقفي على السطح وقت ما اديكي المسد و انزل الحبل عشان الطيارة بتمشي بسرعة :rolleyes:

و طالما وليد منشكح أوي كده فعلا لازم نقضي الأسبوع ضيافة في هيلتون النيل بلاش ماريوت....و طبعا هو كريم و احنا نستاهل :huh:

[ATHENA]

بفكر إن نسبة القلق و العصبية دي قبل الإمتحان عمري ما مريت بيها أبدا لدرجة إني خايفة تأثر على إجاباتي في الإمتحانات..

و بعصر دماغي و بدور عن السبب مع إن المواد السمستر ده أخف ... يمكن عشان دي السنة قبل النهائية و علمي إن السنة الجاية بعدها هتتغير حاجات كتير غير انها هتكون سنة صعبة جدا مسببلي قلق فظيع من بدري خصوصا إن الفرق بين السنتين قليل جدا و أجازتي قصيرة متزيدش عن شهرين ... و يمكن عشان الإمتحان العملي بشكله الجديد اللي اتقدم موعده قرب... و يمكن عشان هنزل اجازة مش عارفة شكلها هيبقى ازاي و هشوف ناس جديدة...

يمكن,،،

تم تعديل 8 يونيو 2006 بواسطة ATHENA

[جــوود الأردن]

مش عايزه افـــــــــــكر بأي حاجة .......... لاني لو فكـــــرت كتير اكيد حتجنن من اللي بيحصل حولنا ...الافضل مفكرش خالص !!!!!!!! وااااااااااااااااااااه يـــــــــــــا زمــــــــن العجـــــــايــــــــب....................

[محمود الشاعر]

بفكر ازاي هاخد القرار بترك العمل والمغامرة ببدأ مشروعي الخاص اللي درسته كويس بس مش عارف اسيب الشغل الاول ولا استنى

[بنت شعنونة]

كلمة على الهامش للأستاذ محمود

مع الأعتذار على التطفل و الخروج عن الموضوع

لو انت في مصر ما تسيبش الشغل ابدا المشروع وانت في شغلك وبعدين انسحب ببطء شدييييد وتدريجيا والله اعلم

ربنا معاك :)

[محمود الشاعر]

شكرا يا شعنونة

انا فعلا فى مصر دلوقتى وهدرس الموضوع ده بجدية اكتر وطبعا ارائكم هتفدني جدا

شكرا مرة تانية

[eastsoul]

بفكر امتى حالة التوتر دي هتمر !!!! و ليه الحياة مليانة توترات و ضغوطات :wub:

[سيزيف]

اممممممممممممممم

بصراحه

بفكر ف الجواز

موضوع الجواز بقى موضوع صعب للغايه

الاختيار صعب و حساس جدا

معظم نماذج الزيجات التى اراها غير ناجحه

و ف نفس الوقت العمر بيجرى و الناس المحيطه بتزن بشكل غير طبيعى

[عصام]

يستمر الإنسان فى اكتساب خبرات وخبرات طوال رحلة حياته ...

حتى إذا أصبح لديه رصيد وافر يشعره بأنه أصبح قادرا على استثماره .... يموت

سبحان الله

[ATHENA]

بفكر أضرب نفسي ميت مرة لأني حجزت رحلتي لمصر على مصر للطيران....هو يعني الواحد مش بيتعلم من اول مرة؟ اففففففففففففففففففففف

يعني عشان أتصل أأكد الحجز أعد اكتر من ساعة و محدش بيرد على التلفون كأنه بيت مهجور..أتصل بالمطار عشان أوصل للبشوات في مكتبهم هناك أتاريهم معروفين بكده و موظف المطار بيقولي إدعي بس إنهم يردوا عليكي :wub:

أدعيىىىىىىىىىىىىىىىىى؟ <_<

ليييييييييييييييييييه يعني...بشوات و هواااااانم و عامليين ليه جميلة؟ مضطرة أحجز معاهم و ادفع لهم فلوسي عشان يذلوني و ميردوش و يكرهوني في عيشتي من قبل ما أنزل مصر؟

طبعا لازم بكره أروح في عز إنشغالي لمكتب البشوات عشان السايت بتاعهم بلا ادنى فايدة و الهانم الموظفة بتعد تكلم صحبتها من تلفون الشغل....و كل ده عشان تأكيد الحجز اللي مش هياخد دقيقة بالتلفون....ايه يضمنلي بعد المعاملة السوبر دي إني هروح و ألاقي رحلتي في موعدها؟

آخر و آخر مرة اعملها و احجز معاهم....

[eastsoul]

ربنا يكون في عونك يا ATHENA

[hopsan]

اثينا .

انا مش شايف داعى للعصبيه دى ..صحتك يا بنتى ......

هى مصر للطيران بس؟؟؟ دى حاجات كتيره ياما.. لو ناوى ..ايه ده...؟؟ شكلى حغنى

هو ده حالنا فى مصر و الحل بسيط و ان كان غريب فى بلاد الله الأخرى

بمعنى ان المواطن اليابانى و الألمانى على السواء ابان الحرب العالميه التانيه لا يرضى عن المنتج الوطنى بديلا و ان كان اغلى سعرا و اقل جوده و انما يدرك تمام الإدراك ان كل قرش يدفع على المنتج الوطنى يذهب لجوده هذا المنتج و سنه بعد سنه يحصد الجوده بسعر معقول ..تلك هى ثقافه البلدين و ربنا سبحانه و تعالى قد جعل تلك الصفتين فى بلدين لا علاقه لهما ببعض واحده فى الشمال الغربى و الأخرى فى الجنوب الشرقى علشان نشوف احنا المصرين ان الموضوع ده لا يقتصر على بلد معينه او جنس عالى النقاء ازرق الدم مثل الألمان او شعب احول خرم الشعره للسوفيت مثل اليابانين..الحل عندنا بالعكس و ما هو الحل ؟؟؟ ان نعاملهم مثل ما عاملنا الدنمارك ...المقاطعه ولا غير المقاطعه ...عندها سيقال رئيس مجلس الإداره و الجديد يلعن سنسفيل جدود القديم و يغبر و يعمل و يسوى وتلاقى ساعتها مصر للطيران تحقق إنجاز بعد إنجاز و الطيران بها يعد مفخره لكل مسافر و بعد تلات اربع سنين تعود الست ريما تانى بعد ما كانت نايمه عنداختها إيمه...المشكله ليست فى مدير قديم او مدير جديد ..السياسه واحده و انما المشكله فى ثقافه التعاطى واحترام آدميه الأخر و حب البلد ..ما اكثر اغانينا فى حب مصر ولا نعمل بجمله واحده منها ...الغرض كله هو الهبش ...اشك فى اننا نحب بلدنا مثل ما يحب اليابانيون بلدهم ...هنا اتكلم على كل المستويات ولا اعفى نفسى من هذا الكلام ...الكل يقول يلا نفسى و من بعدى الطوفان ......يمكن علشان مش بلدنا ...طيب بلدنا فين؟ علشان اروح احب فيها